Дэлхий бол гайхамшигт амьтдаар дүүрэн асар том ертөнц. Гэвч хүний буруутай үйл ажиллагаанаас болж зарим амьтад бидний нүдний өмнө устах аюулд оржээ. Өнөөдөр дэлхий дээр хэдхэн тоогоор үлдсэн, хамгаалахгүй бол ирээдүйд зөвхөн ном, зурагнаас харах эрсдэлтэй гурван амьтны тухай сонирхуулъя.

1. Вакита — Далайн хамгийн нууцлаг, ховор амьтан

Далайд амьдардаг жижигхэн боловч маш онцгой нэгэн амьтан бол вакита юм. Түүнийг заримдаа “далайн бяцхан панда” гэж нэрлэдэг. Учир нь нүднийх нь эргэн тойрон дахь хар хүрээ нь пандаг санагдуулдаг.

Вакита зөвхөн Мексикийн Калифорнийн буланд амьдардаг бөгөөд дэлхийн хамгийн ховор далайн хөхтөн амьтдын нэг болсон байна. Тэдний тоо эрс цөөрсөн гол шалтгаан нь загас агнуурын торонд санамсаргүй орох явдал юм.

2. Жаван хирс — Өнгөрсөн үеэс үлдсэн амьд “аварга”

Хирсийг бид хүчирхэг, сүрлэг амьтан гэж төсөөлдөг. Харин Жаван хирс бол тэдний дундаас хамгийн ховор нь юм. Энэ амьтан сая сая жилийн өмнөх үеэс улбаатай мэт харагддаг бөгөөд өнөө үед маш цөөн тоотой үлджээ.

Жаван хирс Индонезийн Ява аралд амьдардаг. Түүний амьдрах орчин багасаж, хууль бус ан агнуур нэмэгдсэнээр тоо нь буурсан байна. Энэ амьтан байгальд маш чухал үүрэгтэй. Тэд ой, ургамлын тэнцвэрийг хадгалахад тусалдаг учраас хамгаалах нь дэлхийн байгальд хэрэгтэй юм.

3. Амурын ирвэс — Цасан дундах ховор анчин

Амурын ирвэс бол дэлхийн хамгийн ховор том муурын нэг. Түүний өтгөн, дулаан үс нь хүйтэн уур амьсгалд амьдрахад тусалдаг бөгөөд цасан дунд бараг үл үзэгддэг.

Энэ үзэсгэлэнт амьтан Оросын Алс Дорнод болон Хятадын ойд амьдардаг. Гэвч ой мод устах, хууль бус ан хийх зэрэг шалтгаанаар түүний тоо маш их буурчээ.Амурын ирвэс бол хурдан, ухаалаг, хүчирхэг амьтан бөгөөд байгалийн жинхэнэ гайхамшгуудын нэг юм.