АТГ-аас Нийслэлийн Мэргэжлийн хяналтын газарт төлөвлөгөөт хяналт шалгалт хийжээ. Шалгалтаар Ашиг сонирхлыг зөрчлийн тухай хуулийн хэд хэдэн заалт зөрчигдсөн байна.

Тухайлбал дээрх хууль хэрэгжээд хоёр жилийн нүүр үзэж байгаа ч одоог хүртэл нэг ч байцаагч мэдэгдэл тайлбар гаргаагүй гэнэ.  Байцаагч аливаа шалгуулагч аж ахуй нэгжүүдтэй ямар нэгэн байдлаар ах дүү, анд нөхрийн холбоотой бол  мэдэгдэл тайлбарыг хийдэг бөгөөд ингэснээр тухайн шалгалтад оролцуулдаггүй аж.

Түүнчлэн шалгалтын явцад байцаагч нар нэг салбарыг 10 гаруй жил хариуцан ажилласан болон хувьдаа цэцэрлэг, цайны газар, эмийн сан ажиллуулдаг зэрэг олон ашиг сонирхлын зөрчлүүд илэрсэн байна. Тиймээс АТГ-аас тэдгээр зөрчил дутагдалыг арилгах, хууль тогтоомжийг биелүүлэн ажиллах шаардлага бүхий албан бичгийг НМХГ-т хүргүүлжээ.