Испанийн Барселон хотод энэ сарын 8-наас 13-ны өдрүүдэд болох “Каса Азийн кино фестиваль”-д анх удаа Монголын таван уран сайхны кино гарах гэж байна. Гурав дахь жилдээ зохион байгуудагдаж буй уг фестивальд Монгол Улс 10 гаруй уран сайхны кино илгээжээ. Үүнээс Монголдоо саяхан нээлтээ хийсэн, Академийн дээд шагнал гардуулах 90 дэх удаагийн Оскарт Монгол Улсыг төлөөлөн анх удаа өрсөлдөх эрх авсан “Чингисийн хүүхдүүд”, Франц улсад зохион байгуулагдсан “Нэг улсаас нэг кино” наадмаас “Олны таашаалд нийцсэн Гран при”, Оросын Бүгд Найрамдах Башкортостан Улсын нийслэл Уфа хотод зохион байгуулагдсан “Мөнгөн Акбузат” кино урлагийн наадмын “Шилдэг эмэгтэй дүр”-ийн шагналыг хүртсэн “Ээж” кино болон “Рэкет”, “ТҮЦ-ний охид”, “Өвлийн тууж” уран сайхны кино сонгогдсон байна.

Энэ талаар “Соёлын дистрибьютер” компанийн захирал, доктор Д.Цэнгэлээс тодруулахад “Уран бүтээлчдийн зүгээс анх удаа наадамд оролцож байгаа кино найруулагч болон продюсерүүдийг урих шаардлага тавьсан учраас энэ сарын 8-нд “Рэкет” киноны продюсер Б.Тайшир, “ТҮЦ-ний охид” киноны найруулагч Д.Галбаяр нар тус наадамд оролцоно. Испани оронд 100 гаруй монголчууд ажиллаж, амьдардаг гэсэн албан бус тоо бий. Тиймээс тэнд амьдарч буй монголчууд маань Монгол киногоо зорин очиж үзэх боломжтой. Өмнө нь Монголоос цөөн тооны кинонууд томоохон наадмуудад оролцдог байсан бол одоо олноороо зөвхөн онцлох орноор оролцож буй онцгой үйл явдал болж байна. Энэ бүхэн сүүлийн хоёроос гурван жилийн тасралтгүй хамтын ажиллагааны үр дүнд бий болж байгаа” гэдгийг хэлж байв. Мөн “Улаанбаатар” олон улсын кино наадмын үеэр Францын Висоул хот, Щвейцарын Присбург, Солонгосын Бусаны олон улсын хүүхэд, залуучуудын кино наадмын захирлуудыг урьж, хамтын ажиллагааны хүрээнд ирэх жил, тус хотуудад 5-10 Монгол кино сонгогдож, онцлох орноор оролцуулахаар болсон байна.

Ихэнх нутгаар цас ихээр орж, замын зорчих хэсэгт халтиргаа гулгаа үүссэн, цасан шуурга шуурч үзэгдэх орчин хязгаарлагдмал байна.

Өвөлжилтийн бэлтгэл ажил хангах болон халтиргаа гулгаанаас урьдчилан сэргийлж, замын хөдөлгөөний аваар ослоос урьдчилан сэргийлэх зорилгоор Дорнод аймгийн хэмжээнд мотоциклийн хөдөлгөөнийг хориглолоо.

Дорнод аймгийн цагдаагийн газраас мотоциклийн хөдөлгөөнийг хориглох тухай аймгийн Засаг даргад санал хүргүүлснээр энэ оны 11-р сарын 10-наас 2018 оны 4-р сарын 1-нийг хүртэл энэ төрлийн тээврийн хэрэгслийн хөдөлгөөнийг хязгаарлах гэж байна.

2017 оны эхний 10 сарын байдлаар согтуугаар тээврийн хэрэгсэл жолоодсон зөрчил нийт 502 удаа гарсан бол нийт зам тээврийн ослын 21.7 хувийг согтуугаар жолоодсон явдал эзэлжээ. Үүний улмаас 17 хүн нас барсны 4 нь мотоциклоос шалтгаалсан байна.

Халтиргаа гулгаа ихтэй өвлийн цагт мотоцикл эзэмшигчдийн амь нас, эрүүл мэнд, эд хөрөнгийг болзошгүй ослоос урьдчилан сэргийлэхийн тулд энэ арга хэмжээг авч байгаа гэдгийг албаны хүмүүс хэлж байна.

Гэмт хэрэг, зөрчил, зам тээврийн ослын шинжтэй 26302 дуудлага, мэдээлэл хүлээн авсан нь өмнөх 14 хоногтой харьцуулбал 1.1 хувиар, гэмт хэргийн шинжтэй 1021 үйлдэл бүртгэгдсэн нь 8.8 хувиар буурлаа хэмээн Нийслэлийн цагдаагийн газрын дарга, цагдаагийн хурандаа Д.Ядамдорж онцлов.

Нийслэлийн цагдаагийн газрын алба хаагчид бусдын амгалан тайван байдлыг алдагдуулсан 1841 иргэнийг саатуулж, биеэ авч явах чадваргүй 294 иргэнийг ар гэр асран хамгаалагчид нь хүлээлгэн өгч, 78 гэмт хэргийг халуун мөрөөр нь илрүүлж ажилласан байна.

Харин Замын цагдаагийн албаны мэдээллээс үзвэл согтуугаар тээврийн хэрэгсэл жолоодсон зөрчил өмнөх оны мөн үетэй харьцуулбал 9.4 хувиар буурсан үзүүлэлт гарчээ.

Нийслэлийн цагдаагийн газрын Мөрдөн шалгах газрын Хулгайлах гэмт хэрэгтэй тэмцэх хэлтсээс зохион байгуулж буй “Сонор-2” үйл ажиллагааны хүрээнд Хархорин худалдааны төвийн орчимд үүрэг гүйцэтгэж байсан алба хаагчид цагдаагийн байгууллагаас залилангийн гэмт хэргээр эрэн сурвалжлагдаж байсан иргэн Г-г олж тогтоожээ.

БНСУ-д Хөдөлмөрийн гэрээгээр ажиллаж байгаад “нутаг буцах зардал”-ын болон “13 дахь сарын цалингийн даатгал”-аас буцаан авах ёстой мөнгөө аваагүй дараах нэр бүхий иргэд яаралтай холбоо барихыг Хөдөлмөр, халамжийн үйлчилгээний ерөнхий газраас уриалж байна. Эдгээр хүмүүс дараах материалыг өөрийн биеэр авчирч өгөх юм байна. Үүнд:

-Гадаад паспорт, иргэний үнэмлэхний эх хувь
-Нэхэмжлэгчийн нэр дээрх хадгаламжийн дэвтрийн хуулбар эсвэл харилцах дансны сүүлчийн гүйлгээний хуулга орно.

Даатгал авах боломжтой хүмүүсийн нэрийн жагсаалтыг ЭНДЭЭС үзэх боломжтой.

Нийслэлийн Засаг даргын харьяа агентлагуудын удирдлагууд 14 хоногт нэг удаа тогтмол хуралдаж хоорондын уялдаа холбоо, ажлын явцаа хэлэлцэж, асуудлуудаа шийдвэрлэдэг билээ. Өнөөдөр Нийслэлийн Засаг даргын орлогч П.Баярхүүгээр ахлуулсан харьяа агентлагийн удирдлагууд хуралдаж, 2017 оны үндсэн чиглэлийн гүйцэтгэл, 2018 онд салбар бүртээ тусгасан ажлуудыг хэлэлцлээ.

2017 оны 11 дүгээр сарын 06-ны өдөр I, II, III ангиллын 21 хувьцаат компанийн 68,792 ширхэг хувьцаа арилжигдсанаас 8 хувьцаат компанийн хувьцааны ханш өсч, 12 хувьцаат компанийн хувьцааны ханш буурсан бол 1 хувьцаат компанийн хувьцааны ханш тогтвортой байлаа. Үүнээс ”Дөрвөн-уул” ХК-ийн /DRU/ хувьцааны ханш хамгийн өндөр буюу 15.00 хувиар өссөн бол ”Улсын их дэлгүүр” ХК-ийн /UID/ ханш хамгийн өндөр буюу 13.20 хувиар уналаа.

Энэ өдөр ”MSE ALL” индекс 1,152.63 нэгж болж 0.34 хувиар буурсан бол зах зээлийн үнэлгээ 2,251,355,625,122 боллоо.

Улсын Филармонийн Баянмонгол биг бэндийн “CITY SWING” классик жазз тоглолтын тасалбарыг GG-ээрээ хөнгөлүүлэн авах боломжтой. Юнителийн хэрэглэгчид тасалбар борлуулж буй аль цэгээс 100 GG оноогоор 5000₮ хөнгөлүүлэн худалдан авч болох юм. Тасалбарыг Филармонийн касс, https://www.ticket.mn/event/date/823/ , Shangri La Mall, Emart, Hi Fi Records-д байрлах TicketBOX-р худалдаалж байгаа бөгөөд 1900-1800 дугаарт залган үнэгүй хүргүүлэн аваарай.

Тоглолтод Улсын Филармонийн Баямонгол биг бэнд, удирдаач С.Саруул-Од /СТА/, дуучин Н.Наранбаатар /СТА/, Ц.Хулан /СТА/ урилгаар залуу дуучин Г.Тэнүүн, Ж.Ариунжаргал нар оролцоно. 2017 оны 11-р сарын 09-нд 19:00 цагт Улсын Филармонийн концертын танхимд таныг урьж байна.

Дэлгэрэнгүй мэдээллийг 70118012, 99925074-с лавлана уу.

Жазз хөгжмийн хөнгөн хэмнэлээс таашаан мэдэрч тансаг хөг аялгуунд нэгэн үдшийг хамтдаа өнгөрүүлцгээе.

City Swing jazz night

Нутгийн ихэнх хэсгээр их хэмжээгээр орж байгаа нойтон цас, цасан шуурганы улмаас зарим автозамуудын зорчих хэсэгт онцгой нөхцөл байдал үүсч байна.

“Хүрэл тогоот-2017” эрдэм шинжилгээний хурлын шилдэг судлаач тодорлоо

Хэдхэн хоногийн өмнө Засгийн газрын хуралдаанаар ТЕГ-ын дарга Б.Хурцыг албан тушаалаас нь чөлөөлж, Монгол Улсаас БНСУ-д суух Онц бөгөөд Бүрэн эрхэт Элчин сайдаар томилохоор Ерөнхийлөгчид санал хүргүүлсэн.

УИХ дахь МАН-ын бүлэг өнөөдрийн хуралдаанаараа энэ оны төсвийн тодотголд тавьсан Ерөнхийлөгчийн хоригийг хэлэлцэв. Тус намын бүлгээс Ерөнхийлөгчийн хоригийг хүлээн авах боломжгүй гэж үзсэн талаараа мэдээлэл хийв.

Нийслэлийн Засаг даргын хэрэгжүүлэгч агентлаг Нийслэлийн Залуучуудын хөгжлийн газар, Нийгмийн Шинжлэх Ухааны Залуу эрдэмтдийн холбоо төрийн бус байгууллагатай хамтран оны шилдэг бүтээл шалгаруулах “Хүрэлтогоот-2017” эрдэм шинжилгээний бага хурлыг 2017 оны 11 дүгээр сарын 04-ний өдөр Одон орон судлалын Хүрэлтогоот цогцолборт зохион байгууллаа.

Тус хурлыг нээж Нийслэлийн Залуучуудын хөгжлийн газрын дарга С.Сүх-Очир, Монголын Залуу Эрдэмтдийн Холбооны тэргүүн Д.Баттогтох, Ниигмийн Шинжлэх Ухааны Залуу Эрдэмтдийн Холбооны тэргүүн Б.Пүрэвсүрэн нар үг хэлэв.

Нийслэлийн Залуучуудын хөгжлийн газрын дарга С.Сүх-Очир “Залуучуудын хөгжил судлалын залуу эрдэмтэн, судлаачдын судалгааны ажил, тоог нэмэгдүүлэх, эрдэмтдийн залгамж халааг бэлтгэх, шинжлэх ухааны салбарт өндөр технологи, инновацийн бүтээлч тогтолцоог бий болгох, залуу эрдэмтдийн эрдэм шинжилгээний бүтээл, судалгааны ажлыг дэмжин олон нийтэд таниулах, төсөл хөтөлбөрт хамруулах боломжийг бий болгоход томоохон хувь нэмэр оруулж буй “Залуу эрдэмтдийн холбоо” ТББ-аас жил бүр уламжлал болгон зохион байгуулдаг “Хүрэлтогоот-2017” эрдэм шинжилгээний бага хурлыг хамтран зохион байгуулж байна.

Энэ оноос тус эрдэм шинжилгээний бага хурлын нийгмийн ухааны салбар хуралдаанд “Залуучууд судлал”-ыг тусгай чиглэл болгон оруулах болсныг Та бүхэнд уламжлахад таатай байна. Энэ жил нийгмийн ухааны салбар хуралдаанд илтгэлээ хэлэцүүлж буй 14 залуу судлаачдад Нийслэлийн Залуучуудын хөгжлийн газрын нэрэмжит мөнгөн шагнал, мэдээллийн технологийн чиглэлийн нарийн мэргэжлийн хоёр сургалтад үнэ төлбөргүй суух эрхийн бичгээр шагналаа” хэмээв.

Тус хуралд Залуучууд судлалын хөгжлийн чиг хандлага сэдэвт илтгэлийг МУИС-ийн Социологи Нийгмийн ажлын тэнхимийн багш доктор П.Цэрэнбазар танилцууллаа. , МУИС-ийн Монгол хэл, хэлшинжлэлийн тэнхимийн багш, доктарант Т.Эрдэнэ-Очир “Хэлний судлалын үүднээс метофорыг харьцуулан судлах арга зүй” сэдвээр илтгэл хэлэлцүүлж нэгдүгээр байрт, ХСИС-ийн докторант Б.Мөнхдорж “Хорих ялыг дүйцүүлэн тооцоход математик, статистикийн аргачлал ашигласан нь” сэдэвт илтгэл хэлэлцүүлж хоёрдугаар байрт, ШУТИС-ийн докторант М.Бурмаа “Ухаалаг хотын түвшний үнэлгээ” сэдэвт илтгэл хэлэлцүүлж гуравдугаар байрт тус тус шалгарав.

Нийт 14 илтгэл хэлэлцүүлснээс магистр Н.Батзоригийн “Моргейжийн зээлийн социал үр дагавар, зээлдэгчдэд үзүүлж буй нөлөө”, докторант Б.Дөлгөөний “Нийтийн тээврийн үйлчилгээний эдийн засагт гүйцэтгэх үүрэг, нөлөөлөх хүчин зүйл”, зэрэг илтгэлүүд сонирхол татахуйц, дэвшүүлсэн асуудлыг нарийвчлан судалж, хэрэгжүүлж болохоор давуу талтай байлаа. Дашрамд хэлэхэд эхний хоёр байрт шалгарсан илтгэгчид БСШУСЯ-ны сайдын нэрэмжилт мөнгөн шагнал болох дөрвөн сая төгрөгөөр шагнуулж, судалгаа шинжилгээний ажилдаа зарцуулахаар болсон юм.

Цаашид Нийслэлийн Засаг даргын хэрэгжүүлэгч агентлаг Нийслэлийн Залуучуудын хөгжлийн газар залуу эрдэмтдийг дэмжих, залуучууд судлалыг хөгжүүлэхэд онцгой анхаарч ажиллах болно гэж нийслэлийн Залуучуудын хөгжлийн газраас мэдээллээ.

Төр засгийн амлалтыг шаардаж жагсаал зохион байгуулах болсноо мэдэгдлээ

ДАРХЛАА ДЭМЖДЭГ ХҮНСНИЙ БҮТЭЭГДЭХҮҮН

Төв аймгийн Жаргалант сумын нутаг Агтын хөндий гэх газарт мансууруулах төрлийн “Каннабис” ургамлыг хэрэглэж, тээвэрлэж байсан таван иргэнийг энэ сарын 3-ны өдрийн 04.00 цагийн үед илрүүлжээ.
Хэрэгт холбогдсон иргэн эрэгтэй Т, Б, Э нар нь насанд хүрээгүй эмэгтэй А, Э нартай дээрх ургамлыг хэрэглэж мансуурсан бөгөөд ’верна аксент’ маркийн автомашинаар тээвэрлэж явсан байна.

Хэргийг Төв аймгийн цагдаагийн газрын алба “Илрүүлэлт-Оргодол”, “Бүс” нэгдсэн арга хэмжээний хүрээнд илрүүлсэн бөгөөд хэрэгт холбогдсон этгээдүүдийг шалгаж байгаа юм байна.

Монгол Улсын Ерөнхийлөгчийн зарлигаар Завхан аймгийн Отгон сумын нутаг, Отгонтэнгэр хайрханд гарсан ослын үеэр эрэн хайх ажиллагаанд үүргээ амжилттай гүйцэтгэн ажилласан болон Онцгой байдлын албанд олон жил үр бүтээлтэй ажиллаж байгаа алба хаагчдыг Төрийн дээд одон, медалиар шагналаа. Шагналыг өнөөдөр Монгол Улсын Шадар сайд Ө.Энхтүвшин гардуулсан юм.



“Цэргийн гавьяаны улаан тугийн одон”-оор Аврах тусгай ангийн Эрэн хайх, аврах салбарын аврах ажиллагааны зааварлагч, ахлах ахлагч Жамсрангийн Баяртогтох, Зэвсэгт хүчний 303 дугаар ангийн орлогч дарга, дэд хурандаа Лувсангийн Баясгалан, “Цэргийн гавьяаны одон”-оор Аврах тусгай ангийн Агаарын ажиллагааны салбарын бүлгийн дарга, шүхрийн зааварлагч, ахмад Ядамбатын Сэргэлэн, Зэвсэгт хүчний 303 дугаар ангийн нисдэг тэрэгний техникч Сосорбарамын Энх-Амгалан нар шагнагдав.




Түүнчлэн Цэргийн хүндэт медаль”-иар Аврах тусгай ангийн Агаарын ажиллагааны салбарын бүлгийн дарга, шүхрийн зааварлагч, дэслэгч Төмөрбаатарын Батсайхан, Шударга журам медаль”-иар Онцгой байдлын ерөнхий газрын Гамшгийн шуурхай удирдлагын газрын аврах ажиллагааны технологи, аюулгүй ажиллагаа, олон улсын аврах багийн ажиллагаа хариуцсан мэргэжилтэн, ахмад Базарсадын Ганболд, Аврах тусгай ангийн Холбооны бүлгийн дарга, ахмад Батхүүгийн Отгонжаргал, Аврах тусгай ангийн Агаарын ажиллагааны салбарын шүхэрчин-нисэх төхөөрөмжийн нисэгч, ахлах ахлагч Бат-Очирын Ганзориг, Аврах тусгай ангийн Агаарын ажиллагааны салбарын нисэх төхөөрөмжийн техникч, ахлах дэслэгч Дэмиддагвын Батсүмбэр нар шагнагдлаа гэж Онцгой байдлын ерөнхий газраас мэдээллээ.

Нийслэлийн Засаг даргын Тамгын газар, нийслэлийн Жижиг дунд үйлдвэрийг дэмжих төв НӨҮГ хамтран “Улаанбаатарт үйлдвэрлэв-2017” үзэсгэлэн худалдааг энэ сарын 10, 11, 12-ны өдрүүдэд Мишээл экспо төвд зохион байгуулах гэж байна. Энэ талаар холбогдох албаны хүмүүс мэдээлэл хийлээ.

2018 оны төсвийн төсөл, үүнийг дагалдан гарах бусад хуулийн төслийг УИХ-аар хэлэлцэхтэй холбогдуулан Монгол Улсын Ерөнхий сайд У.Хүрэлсүх чуулганы хуралдаанд үг хэлэхдээ тусгай зөвшөөрөл болон газрын наймаатай эрс шийдэмгий тэмцэхээ мэдэгдлээ. Шударга ёсыг алдагдуулж, олон нийтийн бухимдлыг байнга дагуулж ирсэн газрын наймаа, ашигт малтмалын тусгай зөвшөөрөл дагасан эмх замбараагүй байдлыг таслан зогсоох цаг болсон гэж Ерөнхий сайд үзэж байна.

Ашигт малтмалын тусгай зөвшөөрөл, газар эзэмших гэрчилгээг өргөдөл нэрээр шууд гарын үсгээр олгодог, цөөн хэдэн компани, хувь хүн хэдэн зуугаар нь эзэмшиж, түүнийгээ далд хэлбэрээр бэлэглэх, шилжүүлэх нэрийн дор худалдаж татвараас зайлсхийдэг буруу жишгийг Засгийн газар таслан зогсооно. Тусгай зөвшөөрөл, газар эзэмших гэрчилгээг ил тод нээлттэй, сонгон шалгаруулалт, дуудлага худалдааны зарчмаар олгодог байхыг тусгасан хуулийн төслийг батлуулснаар ирэх онд улсын төсөвт 36 тэрбум төгрөг төвлөрүүлнө гэж тооцоолжээ.

Тусгай зөвшөөрөл болон газар ашиглах, эзэмших эрхийн үндсэн ашиг хүртэгч, эцсийн эзэмшигч, шууд болон шууд бус шилжилт хөдөлгөөний мэдээллийг бүртгэн, хууль бус, далд болон шууд бус хэлбэрээр тусгай зөвшөөрөл, эрх шилжүүлэхэд татвар ногдуулахаар хуулийн төсөлд тусгасан. Татвараа тайлагнаагүй, холбогдох мэдээллийг нуун дарагдуулсан тохиолдолд тусгай зөвшөөрөл, газрын эрхийг нь цуцлах учир тусгай зөвшөөрөл болон газартай холбоотой далд, хууль бус үйлдэл буурна гэж Засгийн газар үзэж байна.

Тусгай зөвшөөрөлтэй холбоотой гомдол иргэдээс их ирж байгаатай холбогдуулан Уул уурхай, хүнд үйлдвэрийн сайд Д.Сумъяабазар тушаал гарган “Тусгай зөвшөөрөл олгох сонгон шалгаруулалтын журам”-ын хэрэгжилтийг түр хугацаагаар зогсоогоод байна.

2017 оны эхний хагас жилийн байдлаар ашиглалтын 1596, хайгуулын 1880, нийт 3476 тусгай зөвшөөрөл бүртгэгджээ.