Чингисийн өргөн чөлөөний автозамын ачаалал ихсэж, түгжрэл үүссэнээр Энхтайвны өргөн чөлөөний нэвтрэх чадвар, замын ачааллыг ихээр нэмэгдүүлж байгаа нь 7, 8, 9 дүгээр сард хийсэн судалгааны үр дүнгээр гарчээ. Тиймээс нийслэлийн “Замын хөдөлгөөний аюулгүй байдлыг хангах ажлын хэсэг”-ийн хурлаас Чингисийн өргөн чөлөөний авто замын ачааллыг бууруулах, нэвтрэх чадварыг сайжруулах зорилгоор 120 мянгатын автобусны зогсоолыг дайран өнгөрч баруун гар тийш эргэх хөдөлгөөн хийдэг нийт 12 чиглэлд өөрчлөлт оруулж хуучин зогсоолоос 300 метрийн зайд шинэ автобусны зогсоол байгуулах шийдвэр гаргалаа.

Энэ чиглэлд үйлчилгээ үзүүлдэг 135 тээврийн хэрэгсэл өнөөдрөөс эхлэн Хан-Уул дүүргийн 120 мянгатын шинэ автобусны зогсоолд зогсон иргэдэд үйлчилнэ. Харин Зайсан чиглэлдээ буюу Ч:8, Ч:42, Ч:52, Ч:55 чиглэлүүд хуучин 120 мянгатын зогсоолоор хэвээр үйлчлүүлэх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Улаанбаатар хотын хэмжээнд тог цахилгаангүй болон хүчдэлийн уналттай 10 мянга гаруй айл өрх байна. Иймд эхний ээлжинд 1562 өрх айлыг тог цахилгаантай болгожээ. Тухайлбал, Сонгинохайрхан дүүргийн 22, 24, 26, 28, 30, 31, Баянзүрх дүүргийн 21, 27, Хан Уул дүүргийн 12, 14, Сүхбаатар дүүргийн 14,16, 17, 20, Чингэлтэй дүүргийн 17, 19-р хороо буюу нийтдээ 22 байршлыг хамруулан, айл өрхийг цахилгаанаар хангасан байна.
Шугамын барилга угсралтын ажлыг энэ оны есдүгээр сарын 5-наас 10 дугаар сарын 3-ны дотор хийж гүйцэтгэсэн аж. Эрчим хүчний яамнаас үлдсэн айл өрхүүдийг ирэх онд тог цахилгаанд холбох зорилготой байгаа бөгөөд үүнд шаардагдах 12.7 тэрбум төгрөгийн санхүүжилтийг 2017 оны улсын төсөвт тусгуулахаар төлөвлөжээ.
Б.Цэцэг

Бямбажавын Явууцагаан. Загвар зохион бүтээгч энэ бүсгүйн нэр элэг нэгт монголчуудад нь шинэ содон сонсогдож магадгүй. Харин тэрээр Японд өөрийн гэсэн нэр хүнд, байр суурийг олж чаджээ. Түүний “Picasso & Japonismo” цуглуулга нь япончуудын анхаарлыг та­таж, богино хугацаанд олон арван худалдан авагчтай болсон байна. Пабло Пикассог шүтэн биширдэг учраас тэрээр энэхүү агуу зураачийн олон талт бүтээлүүдээс санаа сэдэл авч өөрийн заг­варуудаа гаргасан гэдэг. Одоо Токио хотын Шинжикү, Шибуяа дүүргүүдийн тансаг зэрэглэлийн үнэтэй хувцас худалдаалдаг хэд хэдэн дэл­гүүрт монгол дизайнер Б.Явуу­цагааны улирлын болон кимоно цуглуулга худалдаалагдаж байгаа. Ийнхүү монгол бүсгүй япон үндэсний хувцас кимонод эрс зоригтой шинэчлэл хийн, орчин үеийн өнгө аясыг уламжлалт хэв маяг, тансаг чамин хийцтэй хослуулсан “ Yavuu” брэндийг гаргажээ. Тэрээр энэ сарын 21-нд “YAVUU SS17” буюу “ Yavuu” брэндийн 2017 оны хавар, зуны загварын фэшн шоугаа зохион байгуулахаар эх орондоо ирээд байгаа юм. Монголдоо анх удаа зохион байгуулах гэж байгаа энэхүү фэшн шоуных нь талаар болон “ Yavuu” брэндийнх нь тухай дизайнер Б.Явууцагаантай ярилцсанаа хүргэж байна.

-Японы загварын зах зээлд монгол бүсгүй хэрхэн хөл тавив. Уламжлал, ёс жаяг, дэг журмаа хатуу барим­талдаг тэр ертөнцөд хүлээн зөвшөөрөгдөнө гэдэг мэдээж амаргүй байсан байж таарна?
-Би Баянхонгор аймагт төрж өссөн. Бүр багаасаа л дунд сургуульд сурч байхдаа хувцас дизайны чиглэлээр явсан. “Үнсгэлжин” наадамд хоёр жил дараалан оролцож байлаа. Ингээд сонирхлоо дагаад “Урлах эрдэм” дээд сургуульд элсэн суралцсан. Ес, аравдугаар ангид байх үед маань Японы телевизийн олон ангит “Ошин” кино гардаг байлаа. Тэр киног их үздэг байсан маань Япон явах хүсэл эрмэлзэлтэй болгосон. Оюутан байх үед миний үеийнхэн гадагшаа их явж байсан. Тиймээс сонирхлоо дагаад хичээлийнхээ хажуугаар япон хэл бие дааж сурсан. Тэгж байгаад л Япон явах боломж олдсон доо. Японд амьдраад 12 жил болох гэж байна. Японы Вантан дизайны институтэд суралцаж, тэндээ мастер хамгаалсан. Японд дээд сургууль төгссөн хүмүүс өөрийн брэндээ байгуулаад мастер хамгаалдаг. Би ч гэсэн тэр дагуу л өөрийн брэндээрээ дипломоо хамгаалсан. Ингээд 2013 онд “Mercedes-Benz Fashion Week Tokyo” загварын шоунд анх оролцож байлаа.
-Кимоног зоригтой өөр­чилсөн загварууд тань олны анхаарлыг их татсан гэж сонссон?
-Тийм. Кимоног нэлээд судалсны үндсэн дээр өөрчлөх гэж оролдож эхэлсэн. Японд анх очоод кимоно өмсөж үзээд л, дугуйлан сэкцэд нь яваад л. Кимоногийн урлагийг нь судалж, үйлдвэрлэлийг нь ч сонирхсон. Материалыг нь мөн судалсан. Судлах тусам улам сонирхолтой болоод байсан л даа. Ингээд кимоногоороо дипломоо хамгаалсан. Кимо­ногийн материалыг европ хувцас руу оруулах нь гэдэг сэдвээр дипломоо хамгаалсан. Тэрнээс хойш одоо болтол кимоногоо хаяагүй. Кимоно бол хэдэн зуун жилийн түүхтэй. Судлаад барагдахгүй.
-Хараад байхад Японд минималист загварууд ши­нэч­лэл авчраад байх шиг санагддаг. Өөрийн чинь заг­варууд бас тийм. Жижигхэн чамин деталиудтай?
-Манай брэнд асишн коллекц гээд энгийн, өдөр тутмын хувцас юм. Масст зориулагдсан хувцас гэж болно. Харин кимоно бол цорын ганц хувь зарагддаг. Зөвхөн захиалгаар хийдэг. Би ийм хоёр чиглэлээр ажилладаг. Япон кимоног өмсөх маш хэцүү. Ганцаараа өмсч болдоггүй тийм хувцас. Би кимоногийн энэ байдлыг өөрчилж орчин үедээ зохицсон загвар оруулсан. Гэхдээ хэтэрхий задгай биш, тэгээд бас албаны стилийг гаргаж ирсэн. Япон хүмүүс маш даруухан. Нэг их чамин, хэт задгай хувцас өмсдөггүй. Үүнд нь зохицуулсан. Нөгөө талаар кимононы маш ихэмсэг, чамин загварыг нь хадгалсан. Тиймээс япончууд миний загваруудыг их сайн хүлээж авсан. Тэгээд л захиалагчдын маань тоо огцом өссөн дөө. Асишн коллекциос илүү кимоногийн захиалагчид маань нэмэгдээд байгаа.
-Япончуудад өөрийн загвар, брэндээ хүлээн зөв­шөө­­­рүүлэхэд мэдээж бэрх­шээл тулгарч байсан байх. Шантарч байв уу?
-Одоо ч гэсэн бэрхшээл байна. Яахав одоо бол тодор­хой хэмжээнд танигдлаа. Анх эхэлж байхад зөндөө бэрхшээл байсан. Японд ганцаараа очсон жаахан оюутан л байсан. Ганцаараа давхисаар байгаад л энэ хүрлээ. Тэндэхийн том үйлд­вэрүүд мөнгө төгрөггүй хүнтэй харилцахгүй. Хэн нь мэдэгдэхгүй нэг оюутан гүй­гээд байхаар харьцдаггүй юм билээ. Тэр их хэцүү байсан.
-Тэдэнд яаж тоогдсон бэ?
-Загвараа бариад л уйгагүй гүйгээд байсан. Би ийм загварын шоунд оролцсон юм гээд л танилцуулна. Гэхдээ япон хүмүүс нэг удаа уулзаад хүлээж авдаггүй. Угаасаа хаана ч тийм байдаг байх. Тэд орлого, ашгаа л бодно. Манайх энэ хүнтэй хамтарвал ямар ашиг байна л гэж харна. Тийм учраас эхний нэг жил бол хүн хүлээж аваагүй ээ. Хоёр дахь жилээсээ би ийм үзэсгэлэн хийсэн, одоо тэд дэх үзэсгэлэнгээ хийж байна аа гээд гүйгээд явсан чинь “Аан, энэ чинь бас уйгагүй яваад байна. Энэ хүнд итгэж болох юм байна” гээд арай өөрөөр хандах болсон. Япончуудын итгэлийг нь олно гэдэг хэцүү. Тэгээд бага багаар л мацсан даа. Кимоногийн нийгэмлэг ч гэсэн эхэндээ “За, дандаа л ийм хүмүүс ирж байдаг юм” гэсэн байдлаар хүлээж авсан Тэгээд би 2013 онд болсон шоундаа тэднийг урьсан. Шоуг минь ирж үзээд маш том үнэлгээ өгсөн. Ямар өөр юм бэ. Энгийн юм шиг мөртлөө чамин, яг япон хүний стилийг хадгалсан, хаана ч өмсөхөөр глобал загвар гаргаад ирлээ гэсэн. Тэрнээс хойш Кимоно нийгэмлэгийнхэн намайг дэмжиж ажилласан. Одоо дөрөв дэх жилдээ хамтарч ажиллаж байна. Сая бас би Кимоногийн нийгэмлэгийн захиралд Монголд шоугаа хийх гэж байна, та дэмжээч ээ гэсэн. “Аравдугаар сард Монголд шоугаа хийнэ. Та очоорой” гэхэд “Аан, тийм үү” гээд л өнгөрсөн. Тэгээд дараа нь би Монголд ирээд бүх юмаа бэлдээд, төлөвлөгөөгөө гаргачихаад бариад очсон. Тэгсэн чинь их сайхан хүлээж авсан. Чи чинь харин ямар хөдөлгөөнтэй нөхөр вэ гэсэн шүү.
-Монголдоо анхны фэшн шоугаа зохион байгуулах гэж байна. Шоуны онцлог юу байх бол оо?
-Энэ удаа би монголчууддаа кимоног танилцуулахыг зорьж байна. Японы Кимоногийн нийгэмлэгтэй хамтраад үзэсгэлэн гаргана. Уг нийгэмлэгийн захирал нь ирнэ. Манай монголчууд кимоног жинхэнэ утгаар мэдэрч, таниасай гэж хүсч байгаа. Япондоо бол кимоно 20-30 сая, бүр 50 саяын үнэтэй байдаг. Тийм кимоног фэшн шоуныхаа үеэр нээгдэх үзэсгэлэндээ тавина. Мөн энэ үзэсгэлэнгийн үеэр кимоног хэрхэн хийдэг талаар маш ховор сонин бичлэгийг үзүүлнэ. Манайхан кимоно гэхээр их үнэтэй л гэж яриад байдаг. Ийм нарийн чимхлүүр ажилтай юм байна гэдгийг нь хараг. Дээрээс нь миний фэшн шоуг үзээд ийм хувцасыг ийм болгоод өмсч болох юм байна гэдгийг мэдэрнэ. Кимоног сайн мэдэхгүй хүн миний европ загварын хувцаснуудыг хараад “Зүгээр байдаг л хувцас, байдаг л загвар байна” гэж харж магадгүй. Жинхэнэ кимоногоо үзэсгэлэнгээс харчихаад, дараа нь шоуг үзэх юм бол тухайн хүний ойлголт, мэдлэг нь өөр болчихсон болохоор хүлээлт нь ондоо байх болов уу гэж бодож байна. Фэшн шоунд маань эхлээд миний асишн коллекциуд явна. Дараа нь кимоно коллекциуд маань явна. Ийм хоёр хэсэгтэй.
-Кимоног европ загварт оруулсан шигээ монгол үндэсний хувцсаа шинэчлэх бодол бий юү?
-Энэ удаагийн фэшн шоугаараа монголчууддаа зориулаад сонирхуулах маягаар кимоног монгол дээлний загвартай хослуулсан загвараа толилуулна. Манай монголчууд Цагаан сар, наадмаар дээлээ их өмсдөг. Дээлний хэрэглээ их өргөжиж, үндэсний хувцсаа өмсөх дуртай болсон байна. Цаашид үндэснийхээ хувцсыг судална. Үзэсгэлэн болгон дээрээ Монголынхоо ястнуудын дээл хувцасны үзэсгэлэнг гаргах санаа бий. Тэгэхдээ зүгээр нэг үзэсгэлэн биш үүх түүхтэй нь холбож хийе гэж бодож байгаа.
-Таны европ загварууд хэр эрэлттэй байгаа вэ. Барууны ертөнц кимоног хэр сонирхдог юм бол?
-Парист нэг япон залуу байдаг. Тэр кимоногоор загвар хийдэг. Тэр залуу маш мундаг яваа. Европыг давамгайлж байсан. Сүүлийн үед эрч нь жаахан буурч байгаа. Харин миний загвар бол шинэлэг. Гэхдээ тийм айхтар авангард биш зүгээр энгийн загварууд байгаа. Жаахан чамин хийц, оруулгануудтай. Энэ бол япон стиль л дээ.
-Цаашид баруунд өөрийн брэндээ гаргах уу?
-Европ руу гарах санаа байгаа. Дараагийн коллекшн шоугаа хаана хийх вэ гээд судлаад л байгаа. Одоо бол Европт нэг фэшн шоу хийхэд хангалттай гэж бодож байна. Би өмнө нь өөрийгөө голоод байсан юм. Гэнэт гарч болохгүй. Маркетингаа судлах ёстой. Барууныхан бол өөрсдийнхөө загварт сэтгэл ханачихсан. Европ хүмүүсийн сэтгэлд баргийн загвар таалагддаггүй. Тэд зүгээр л үзээд өнгөрчихдөг. Тийм баймааргүй байгаа юм. Нэгэнт л зардал мөнгө гаргаж байгаа юм чинь Европын бүх хүн сонирхохоор загвар хиймээр санагддаг. Тийм учраас миний туршлага бага байна. Эхлээд Монголдоо танигдъя. Японд тодорхой хэмжээнд танигдлаа. Алхам алхмаар, шат шатаар л өгсөнө дөө.
-Үндэснийх нь хувцсыг эвдээд европтой холбоод л, бүр монгол дээлтэй холиод загвар гаргаад ирэхээр япончууд хэр хүлээж авч байна?
-Япончууд дунд дургүй хүн байна. Тэд кимоног хамаагүй эвдлээ гээд намайг шүүмжилнэ. Тэр тусмаа гадаад хүн үндэснийх нь хувцасаар оролдохоор аргагүй л дээ. Гэхдээ манай брэнд захиалга ихтэй. Би өөрийнхөө зорьсноороо л, загваруудаа хамгаалаад л явсан. Эхлээд даавуу талаасаа, өөрөөр хэлбэл материал нь европ хувцастай тохирохгүй ээ гэдэг байсан. Кимоногийн материал бол уналттай материал. Угаасаа дээр үеэс кимоног гараар оёдог байсан. Одоо ч гараар оёдог. Тиймээс наад оролдлого чинь бүтэхгүй ээ гээд багш нартаа зэмлүүлсэн. Гэхдээ би шантраагүй. Кимоног нь эвдээд жакет, өмд болгоод гаргаад ирсэн. Яахав материал нь жаахан сунах гээд байдаг талтай. Гэхдээ цаашид сайж­руулна. Илүү сайн болгож хийнэ. Кимононы материалын өргөн ердөө 35 см байдаг. Дээр үеэс л ийм стандарттай. Тэр хэмжээг эвдэх санаатай байна. Би өөрийн оригнал даавууг хийлгэнэ гэж бодож байгаа.

ШШГЕГ-ын шинэ даргаар даргаар Ц.Амгаланбаяр томилогдоод байна. Урьд нь Цагдаагийн академийн захирал, ЗЦГ-ын дарга, ОБЕГ-ын даргаар ажиллаж байсан түүнийг энэ салбарыг мэргэжлийн удирдлагаар хангаж ажиллах болов уу гэсэн горьдлого тавиад буй юм. Шинэ дарга Ц.Амгаланбаярыг ажлаа хүлээн авч байх энэ өдрүүдэд Булган аймгийн онцгой дэглэмтэй хорих ангид нэг, Багануур дүүрэг дэх чанга дэглэмтэй хорих ангид мөн нэг ялтан амиа хорлож тус тус нас барсан, Дархан-Уул аймаг дахь жирийн дэгдэмтэй хорих ангиас хэд хэдэн давтан хэрэг үйлдсэн ялтан оргон зайлсан хэргүүд гарчээ.

Баянзүрх хайрханы хишиг барилдаан Монгол бөхийн өргөөнд боллоо. Энэ намрын анхны хишиг барилдаан гэдгээрээ онцлог тус барилдаанд улс, аймгийн алдар цолтой 256 бөх зодоглов.

Завхан аймгийн Их-Уул сумын харьяат улсын гарьд Б.Гончигдамба найм даван түрүүлж, Ховд аймгийн Чандмань сумын харьяат улсын заан Б.Пүрэвсайхан үзүүрлэв.

Их шөвөгт улсын харцага Т.Баасанхүү, Б.Одгэрэл нар үлдсэн юм.

Сонирхуулахад, тус барилдаанд өнгөрсөн жил аймгийн арслан О.Хангай түрүүлж, улсын арслан Э.Оюунболд үзүүрлэсэн билээ.

Зам тээвэр хөгжлийн дэд сайд Б.Цогтгэрэл цахим хуудсандаа мартагдах шахсан МИАТ ХК-ийн Бойнг онгоцны тухай мэдээлэв. Тэрбээр “Ховдын нисэх буудал дээр 5 сард болсон явдал одоогоор 8 тэрбум орчим төгрөгийн хохирол яригдахаар байна” хэмээн жиргэжээ. Хэргийг сөхвөл Ховдоос Улаанбаатарыг зорих гэж байсан МИАТ ХК-ийн Боинг онгоц өнгөрсөн тавдугаар сард хөөрч чадалгүй саатаж байсан юм. Тухайн үед ОМ7056 нислэгт техникийн доголдол гарч хөөрөхөөр хурдаа авах явцдаа нислэгийн зурвасаас гарсан мэдээллийг өгч байв. Юунаас болж саатав гэдгийг ажлын хэсгийнхэн тогтооно гэснээр онгоцыг хэрхэн хэдэн төгрөгөөр засварлах талаар мэдээлэлгүй орхигдсон юм.
Б.Цэцэг

<iframe width=”560” height=”315” src=”https://www.youtube.com/embed/gzbY5uQ7XHc” frameborder=”0” allowfullscreen></iframe>

Caviar компанийн мэргэжилтнүүд ОХУ-ын ерөнхийлөгч Владимир Путины төрсөн өдрийг тохиолдуулан тусгай iPhone 7 утас үйлдвэрлэсэн байна.

Монгол Улсын Ерөнхий сайд Ж.Эрдэнэбат энэ сарын 12-15-ны өдрүүдэд Японд албан ёсны айлчлал хийхээр болов. Энэхүү айлчлалынхаа үеэр Монгол Улсын Ерөнхий сайд Японы Ерөнхий сайд Ш.Абэ-тай албан ёсны хэлэлцээ хийхийн зэрэгцээ Монгол, Японы Стратегийн түншлэлийн агуулга, чиглэлүүдийг тохиролцох юм байна. Тэрбээр Японы Парламентын Зөвлөхүүдийн танхимын дарга Ч.Датэ, Төлөөлөгчдийн танхимын дарга Т.Оошима нарт бараалхах ажээ. Түүнчлэн “Монгол, Японы Худалдаа, хөрөнгө оруулалтын форум”-д оролцож, Монголын эдийн засгийн байдал, хөрөнгө оруулалтын орчин, хамтын ажиллагааны боломжуудын талаар Японы хувийн хэвшил, хөрөнгө оруулагчдад танилцуулж, санал солилцох аж.
Б.Цэцэг

Хуульзүй, дотоод хэргийн сайд С.Бямбацогт хэвлэлийнхэнд ярьснаар 1990-2015 онд Монгол Улсад 15 тэрбум орчимын ам.долларын хөрөнгө оруулалт орж ирсэний 10 гаруй нь оффшор бүсийнх гэдгийг мэдээлсэн. Иймд оффшор данстай байхыг хориглох тухай хуулийн төрслийн өнгөрсөн баасан гаригт УИХ-ын дарга М.Энхболдод өргөн барьсан. Энэ хуулийг улс төрийн албан тушаалууд оффшор бүсэд данс нээж хувьцаа эзэмших, хээл хахуульийн асуудлыг цэгцлэх боломжтой гэж хууль санаачлагчид үзжээ. Мөн өнгөрсөн 25 жилийн хугацаанд гадаадын хөрөнгө орууллатаар байгуулагдсан 100 орчим аж ахуйн нэгж оффшор бүсэд бүртгэлтэй байна.
Б.Цэцэг

2016 оны аравдугаар сарын 13-наас аравдугаар сарын 14-ны өдрүүдэд УИХ-ын чуулганы нэгдсэн хуралдаанаар хэлэлцэх асуудлууд...

10 дугаар сарын 13, 14-ний Пүрэв, Баасан гарагт 10.00 цагаас:

Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;

Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслүүдтэй хамт өргөн мэдүүлсэн хууль, тогтоолын төслүүд /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;

Төрөөс мөнгөний бодлогын талаар 2017 онд баримтлах Үндсэн чиглэл батлах тухай Улсын Их Хурлын тогтоолын төсөл /Монголбанк 2016.09.30-ны өдөр өргөн мэдүүлсэн, хэлэлцэх эсэх/.

УИХ-ын ээлжит бус чуулган завсарласны дараа гишүүд тойрогтоо ажиллах хуваарьтай. Байгаль орчин, хүнс, хөдөө аж ахуйн байнгын хорооны дарга Ц.Гарамжав тойрогтоо ажиллаж иргэдтэйгээ уулзаж нийгэм эдийн засгийн болон ээлжит бус чуулганаар хэлэлсэн асуудлуудын талаар мэдээлэл өглөө. Мөн тойрогтоо хийхээр төлөвлөж ажлуудаа иргэдийн санал санаачлагад илүүтэй тулгуурласан, эхлүүлсэн ажлууд нь ямар шатандаа яваа талаар мэдээлэл өгч, санал солилцсон байна. УИХ-ын гишүүний бүрэн эрхээ хэрэгжүүлээд удаагүй ч нэлээд олон ажлыг эхлүүлэж заримыг нь бүр дуусгаад байна. Тухайлбал 30, 31 дүгээр хорооны зам засварын ажил, цахилгаан хангамжийг сайжруулах, усан хангамжийн цэгийг нэмэгдүүлэх, 113, 118 дугаар цэцэрлэгийн өргөтгөл, засвар гээд олон ажлыг санаачлан хэрэгжүүлж байна. Мөн ахмадын баярын өдрөөр ахмадын төлөөлөлтэй уулзаж баярын мэнд хүргэн “Ахмадын чийрэгжүүлэх төв”-ийг тохижуулахад хандив өргөж байнгын асаргаанд байдаг хэвтрийн 280 өндөр настанд гарын билгээ хүргүүлсэн байна.

30, 31 дүгээр хорооныхны магнай тэнийлээ



Сонгинохайрхан дүүргийн хувьд хүн амын нягтаршил ихтэй, цахилгааны хүчдэл муу, гудамжны дундах замууд олон жил засаагүй, ус түгээх цэг цөөхөн, сургууль цэцэрлэг хүрэлцээгүй гээд нийгмийн тугамдсан асуудал ихтэй. Тодруулбал, 30, 31 дүгээр хорооны иргэд үе үеийн УИХ-ын гишүүн, орон нутгийн удирдлагаас зам талбайтай, худаг ус, цахилгааны хүрэлцээтэй болгож өгөхийг хүсдэг ч өнөөдрийг хүртэл биелэгдээгүй аж.

2016 оны УИХ-ын сонгуулийн үеэр иргэд уул өгсөж, зам гэхэд хэцүү замаар гэртээ хүрдэг. Явган, машинтай аль нь ч явахад хүндхэн газрыг замтай болгож өгөөч. Эмнэлэг, гал гээд шуурхай дуудлага айлдаа очиж чаддаггүй, усны машин худагтаа хүрч чадалгүй буцдаг гээд хамгийн тулгамдсан асуудлаа ярьж байсан юм. УИХ-ын гишүүн болсных нь дараа ч 30, 31 дүгээр хорооны иргэд хүсэлтээ тавьж байв.


Иргэдийн идэвх санаачлага, хүсэлтийг эдийн засгийн хямрал мохоож болохгүй гэж Ц.Гарамжав гишүүн үзээд 30 дугаар хорооны Хамбын 2 дугаар гудамжны шүдний өвчин болсон 80 метр замыг газрынх нь онцлогт тохируулах хусч засварлаад бетон хучилттай болгож ашиглалтанд өгсөн байна. Мөн 31 дүгээр хорооны төв замаас салбарлаж гудамжин дундуур орсон 6,8 км замыг хусч тэгшлэн, хайрган хучилт хийн бороо, уулын ус урсдаг жалгыг засварлаж бетон гүүр тавьсан байна. Иргэдийн хэлж буйгаар энэ замын хувьд уулын усанд автахаас гадна хэрэг зөрчил, осол аваар их гардаг, олон гудамжны уулзвар гээд онцлог ихтэй их хөлийн газар юм байна.

Өвлийн хүйтнээс өмнө иргэдийн гэртээ харих замыг засварлаж өгснөөр эдийн засгийн болон эрүүл мэндэд нь тус болно гэж Ц.Гарамжав гишүүн хэлж байсан юм.

30 дугаар хорооны Чулуутын 6 гудамжны оршин суугч Ц.Нарантуяа:

-Манай гудамжинд зам тавьж байгаад маш их баярлаж байна. Өмнө зам тавиад өгөөч шороон замаар машин холхиод тоосжилт хэтэрлээ гэж хүсэлт байнга тавьж байсан ч өнөөдрийг хүртэл хэн ч хүлээн ач ажил хэрэг болгосонгүй. Зам байхгүйгээс өвөл энд гулгаа үүсдэг. Хурдтай яваа машинууд айлын хашаа мөргөдөг, хүүхэд багачууд, хөгшид гэмтдэг, явган хүн явахад их хүндрэлтэй байсан. Сэтгэл байвал хэчнээн өндөрлөг газар ч тэгшлээд хусч засаад зам тавьж болдгийг харж байна.

30 дугаар хорооны гуравдугаар хэсгийн ахлагч: Б.Чулуунбаатар:

-Манай хорооны хамгийн хүндрэлтэй замыг засч өгч байгаад Ц. Гарамжав гишүүндээ баярлалаа. 2008 оноос хойш замыг засч иргэдийн амьдрах орчныг сайжруулж өгөх саналыг үе шаттай тавьсан ч орон нутаг, төр засгийн бодлогын гадна үлдчихээд байдаг байлаа. Налуу, усанд автдаг, зам тавихад хүндрэлтэй гээд орхигддог энэ хэсгийг бид өөрсдийнхөө хэмжээнд бага сага засдаг ч санхүү, хүн хүчийн боломжгүйгээс ү дүнгүй болдог. Энэ замаар хүн, машин зорчиход маш хүнд зам байсан. Өнөөдөр орчин нөхцөлд нь тохируулаад бетон хучилттай сайхан замтай болгож өгсөнд баяртай байна.


30 дугаар хорооны иргэн Ж.Раднаажав:

-Манай хорооны иргэдийн шүдний өвчин болсон энэ зам 2012 оноос хойш хэн ч гар хүрээгүй хүндхэн байсан. Машин байтугай явган хүн явж чадахгүй болсон. Усны машин худагтаа хүрч чадахгүй буцдаг. Манай гэр замын хажууд болохоор тоосондоо дарагдаж, дуу чимээнд хүндхэн байлаа. Замтай болгож өгөөч гэхээр уруу газар зам тавьж болохгүй байна гэдэг. УИХ-ын гишүүн Ц.Гарамжав манай хорооны иргэдийн гомдол, санал хүсэлтийг сонсоод судалж үзэж байгаад газрынх нь онцлогт тохирсон зам тавьж өгч байгаад баяртай байна. Энд оршин сууж байгаа олон мянган иргэний нийгэм, эрүүл мэндийн асуудлыг энэ замаар шийдчих боломжтой юм.

Гарц шийдэл хайсан уулзалт


УИХ-ын гишүүн Ц.Гарамжав тойргийнхоо хороодод ажиллаж иргэд сонгогчидтой уулзалт хийлээ. Сонгуулийн дараа МАН дангаар Засгийн газраа байгуулсан, иргэдийнхээ амьжиргааг сайжруулах, эдийн засгийн хямралыг даван туулах зорилго бүхий мөрийн хөтөлбөрөө хэрэгжүүлэх болсон. Өнгөрсөн хугацаанд татвар нэмэх тухай асуудал хөндөгдөхөд Ц.Гарамжав гишүүн хүчтэй эсэргүүцэж иргэдийнхээ талд дуугарч байсанд талархаж буйгаа иргэд илэрхийлж байлаа.


УИХ-ын гишүүний хувьд эдийн засгийн нөхцөл байдал, төсвийн тодотгол, татварын бодлогын талаар мэдээлэл өгсөн юм. Мөн УИХ-ын гишүүн болсноос хойш тойрогтоо хийж эхлүүлсэн ажил нь ямар шатандаа яваа, хийхээр төлөвлөж байгаа ажлуудынхаа талаар тайлангаа тавьж мэдээлэл өгч иргэдийн санал хүсэлтийг сонссон юм. Гишүүн Ц.Гарамжав “УИХ-ын гишүүн хууль тогтоох үүрэгтэй ч сонгогдсон тойргийнхоо иргэдийн хүсэл сонирхлыг байнга сонсож, зарим асуудлыг хамтран шийдэх, дэмжлэг үзүүлэх хэрэгтэй. Зайлшгүй шаардлагатай тохиолдолд зарим нэг ажлыг санаачлан хийх ч болно” гэсэн юм.

Харин иргэдийн хувьд УИХ-ын сонгуулийн дараа гишүүд сонгогчдоо мартдаг. Зарим нь тойрогтоо нэг ч үзэгдэхгүй байсаар тойргоо солиод алга болдог. Сүүлийн жилүүдэд бид ийм л улстөрчдийн царай харж байсан бол одоо тойрог эзэнтэй, иргэд төрд чихтэй, нүдтэй боллоо гэж байв.

Орон гэргүй ирргэдийг өвлөөс өмнө гэртэй болголоо

СХД-ын 31-р хорооны иргэн Ц.Мижид, П.Пагма нар гал түймрийн аюулын улмаас гэр оронгүй болж хамаатан садан, найз нөхдийнхөөрөө толгой хорогдож хэдэн сарын нүүр үзэж байсан юм. Өвлийн хүйтнээс өмнө орон гэртэй болоход тусална уу гэсэн хүсэлтээ УИХ-ын гишүүн Ц.Гарамжавт тавьжээ. Өвлийн хүйтэн хаалга тогшиж буй энэ үед тухайн иргэдийн амьдралын боломж нөхцөл, зайлшгүй хэрэгцээ шаардлагыг нь судалж үзсэний үндсэн дээр дээрх хоёр иргэний хүсэлтийг “Мөнх тогтвортой хөгжил” сангаар дамжуулан шийдвэрлэлээ.

Ингэхдээ тухайн хороонд монгол гэр урлалаар бизнес эрхэлдэг иргэн Д.Пүрэвийн “Дээдсийн Гэр” компанийн үйлдвэрлэсэн давхар бүрээстэй, шалтай, эрээн модтой, таван ханатай танан цагаан гэрийг энэ сарын билэгт сайн өдөр эзэдэд нь УИХ-ын гишүүн Ц.Гарамжавын ажлын албанаас хүлээлгэн өглөө.

31 дүгээр хороонд үйл ажиллагаа явуулдаг жижиг дунд үйлдвэрлэлийг дэмжиж хөрөнгө оруулсан, гэр орны гачигдал бүхий айл өрхийн нэн хэрэгцээт асуудлыг хурдан шуурхай шийдвэрлэж хоёр өрхийг гал голомтоо бадраах өргөө цагаан гэртэй болгосонд орон нутгийн удирдлага төдийгүй иргэд ихэд билэгшээж талархаж байлаа.

09:00 цагт: БЗД-ийн шүүх дээр ”Сандэй плаза”-ийн хохирогчдын шүүх хуралтай.

09:00 цагт: Соёлын биет бус өвийг хадгалан хамгаалах Зүүн хойд Азийн бүсийн хурлыг “Соёлын биет бус өвийн тухай мэдлэг, ойлголтыг дээшлүүлэхэд хэвлэл мэдээллийн үүрэг оролцоо” сэдвийн хүрээнд энэ сарын 10-11-ний өдрүүдэд Улаанбаатар хотноо зохион байгуулна. Хурлын нээлтийн ажиллагаа өнөөдөр Пума Империал зочид буудлын (шинэ) 2 давхрын хурлын танхимд эхэлнэ.

10:00 цагт: “Хотуудыг гамшигт тэсвэртэй болгох” санаачлагад нэгдэх үйл ажиллагаа болно. Шадар сайд У.Хүрэлсүхийн санаалчилгаар “НҮБ”-ын “Хотуудыг гамшигт тэсвэртэй болгох” санаачлагад Улаанбаатар, Дархан, Эрдэнэт хотууд нэгдэх юм.

11:00 цагт: MN-Мэдээллийн төвд СЭМҮТ-өөс Сэтгэцийн эрүүл мэндийн дэлхийн өдөрт зориулж “Сэтгэцийн болон сэтгэл зүйн анхны тусламжийг хүн бүрт” сэдвээр хэвлэлийн бага хурал зарлалаа.

Нийслэлийнхний бухимдал болсон түгжрэлийг сааруулах зорилготойгоор “Түгжрэлгүй гудамж бухимдалгүй хот” гэсэн мөрийн хөтөлбөрийг өнөөдрөөс хэрэгжиж байна. Тодруулбал, Улаанбаатар хотын хэмжээнд гэрлэн дохионы зохицуулалттай 142 уулзвар байдгаас 48 нь баруун гар тийш тогтмол эгэх боломжтой байдаг. Иймд Нийслэлийн Засаг даргын санаачилсан уг мөрийн хөтөлбөрийн дагуу зарим уулзварыг баруун гар тийш тогтмол эргэдэг болгож буй. Өнөөдөр буюу аравдугаар сарын 10-ны өдрөөс мөрдөгдөж эхлэх зарим уулзварыг дурдвал
Нэг талаас баруун эргэх боломжтой 12
Хоёр талаас баруун эргэх боломжтой 24
Гурван талаас баруун эргэх боломжтой 8
Дөрвөн талаас баруун эргэх боломжтой 4 уулзвар байна.
Энэхүү өөрчлөлтийг хийснээр уулзваруудын нэвтрэх чадвар сайжирч, дуу чимээ, агаарын бохирдол буурхаас гадна нийтийн тээвэр, тусгай албаны автомашины нэвтрэх чадвар нэмэгдэнэ гэж үзжээ.
Б.Цэцэг

Р.Чойном : Үүрээр бичсэн шүлэг

Нийслэлийн нутаг дэвсгэр, гудамж талбай, олон нийтийн газарт гэмт хэрэг, нийгмийн хэв журмын зөрчлөөс урьдчилан сэргийлэх зорилгоор тухайн орчинд оршин суух идэвхтэй 2500 иргэнийг сонгон сар бүр тодорхой мөнгөн урамшил олгож, хөдөлмөр аюулгүй байдлын таних тэмдэгээр ханган ажиллуулахаар болсон юм.

...Ийнхүү “аваргууд” ирэх Ерөнхийлөгчийн сонгуульд хөлд нь тээглэн саад болж мэдэх “чулуунуудыг” сэм сэмхэн зайлуулахаар шийдсэн аргуудаа хэрэглэж эхлэв бололтой. Эхний ээлжинд Э.Бат-Үүл оногдож, дараагийн ээлжинд Н.Алтанхуяг онилуулжээ. Хоёулаа л “МАНАН”-д халтай, харшилтай нөхөр...

...Арабууд шонхор шувуу, зээр, угалз зэрэг улаан номонд орсон ховор ан амьтныг олноор нь хядаж, буруу номтны жишгээр хоолойг нь хэрчин тохуурхсан нь энэ. Эзэнгүй төрийн эмгэнэл гэж энэ. Эх орондоо, эх нутгийнхаа тэнгэрт эрх дураараа нисэж чадахгүйн зовлон шонхор шувуунд, түүнд урхи тавьдаг шувуудад нүүрлэж....

Амжилттай яваа хvмvvст амжилт өөрөө ирдэг гэж бодож байна уу. Yгvй шvv. Тэд амжилтыг тэртээ өндөр дээр байхад нь зvтгэсээр байгаад хvрчихдэг юм. Харин нэгэнт амжилтанд хvрсэн хойноо тvvнийгээ алдахгvйн тулд мөн л эрчтэй хөдөлмөрлөж, тvvнийгээ бусадтай хуваалцаж, дараагийн амжилтад хvрэх сууриа болгодог. Амжилттай яваа хvмvvст нийтлэг шинжvvд байдаг. Тэдэнд яагаад амжилт ирдэгийг сонирхьё.
Амжилттай яваа хvмvvс өөрийгөө маш сайн мэддэг
Тэд өөрийнхөө юунд дуртай, юуг хийвэл амжилт олох, юуг хамгийн сайн хийж чаддаг, ямар авьяастай, тvvнийгээ хэрхэн бусдад амжилттай санал болгохоо мэддэг. Тийм ч учраас тэдний хийсэн зvйлvvд vнэхээр чанартай болдог. Тухайлбал аав нь морь маллаж, малын хашаанд амьдарч, морины өвсөн дээр унтдаг байсан нэгэн хvv одоо америкийн хамгийн баян, нэр нөлөөтэй хvний нэг болжээ. Тэр морь маш сайн сургаж чаддагийнхаа ачаар морь сонирхдог, нэр нөлөөтэй, баячуудын дотны анд нь болжээ. Мөнгөтэй хvмvvс тvvгээр морио сургуулахын тулд сарын өмнөөс захиалга өгдөг, морь худалдаж авахдаа хамт яваач гэж гуйдаг, манай эдлэн газарт амьдарч морийг минь арчлаад өгөөч гэж хvсэлт тавьдаг. Нэг ёсондоо тэр морь сургах ажлаа vнэхээр сайн хийдэг, өөрийнхөө vнэ цэнийг мэддэг, өөртөө итгэдэг, авьяас чадвараа бусадтай хуваалцдагийнхаа ачаар морины хашаанаас орд харшид амьдардаг болж чаджээ.
Амжилттай яваа хvмvvс өөртөө болон бусдад шаардлага тавьж чаддаг
Танил маань саяхан нэгэн компанийн борлуулалтын менежертэй гэрээ хийхдээ “Би энэ гэрээн дээр чинь гарын vсгээ зурж чадахгvй юм байна. Маш их алдаатай, бас гэрээний стандартаар бичээгvй байна. Дахин янзалж ир” гэж хэлэхийг би сонссон юм. Тvvнд уг нь гэрээний vг vсгийн алдаа зэрэг нь нэг их хамаагvй л дээ. Тэр тогтмол хугацаанд чанартай бараа авч л байвал болно. Гэтэл тэр тэгж хандсангvй. Амжилттай яваа хvмvvс өөртөө ч, бусдад ч шаардлага тавьж чаддаг, байх ёстой хэм хэмжээг мөрдөж, бусдаар ч мөрдvvлж чаддагийнхаа ачаар амжилтад хvрдэг.
Амжилттай яваа хvмvvс бусдад туслахдаа vргэлж дуртай байдаг Хөгшин настай болсон нэгэн эмээгийн бие нь эрс муудаж, аажмаар vхэж эхлэжээ. Тэр маш олон жилийн турш чадлынхаа хэрээр ядуучуудад тусалдаг байсан юм. Тvvнээс бурхан “Чи vхэхээс айж байна уу” гэж асуув. Эмэгтэй “Yгvй ээ. Би айхгvй байна. Гэхдээ надад одоо vхэхэд ичгэвтэр байна. Би бусдын төлөө хангалттай их сайн зvйл хийж чадсангvй шvv дээ” гэж хариулжээ. Бурхан тvvнд “Тэгвэл чи хэзээ ичгэвтэр бус боллоо гэж санагдана, тэр vедээ ирээрэй. Би чамд туслана” гэж хэлээд буцаав. Амжилттай явахыг хvсдэг хvн бvр энэ домгийг vргэлж санаж байхтун. Бусдад туслахдаа хэзээд дуртай байгаарай. Таныг цаанаас чинь аз ивээх болно.
Амжилттай хvмvvс өчvvхэн зvйлийг ч мартдаггvй
Тэд өөррvv нь залгасан хvмvvсрvv эргээд залгадаг. Тэд мэндчилгээ аваад баярлалаа гэж хэлэхээ мартдаггvй. Тэд өөрийнх нь амжилттай яваад тусладаг vйлчлэгч, манаач, тvнш, найзууддаа баяраар талархлын мэндчилгээ бичихдээ дуртай байдаг. Тэд амжилт гэдэг бол өөрийг нь сайхан амьдрахад тусладаг өчvvхэн зvйлсээс бvрддэг гэдгийг мэддэг.
Амжилттай яваа хvмvvс өөрөө өөрийгөө зоригжуулж чаддаг
Миний нэг зохиолч найз байдаг юм. Тэр миний л мэдэхийн бараг 20 жилийн турш элдэв өгvvлэл, нийтлэл, ном бичиж сонин, сэтгvvл, хэвлэлийн компаниуд руу илгээсэн. Харамсалтай нь тэдгээрийг нь огт нийтлэдэггvй байв. Тэр энэ 20 жилийн хугацаанд сэтгэлээр унаж архинд орж vзсэн, эхнэртээ хаягдсан, дахиж хэзээ ч бичихгvй гэж шийдэж байсан.Гэхдээ тэр 20 жилийн дараа “Би заавал амжилт олно, энэ хэцvv давааг харин ч нэг даваад гарна шvv” гэж өөрөө өөрийгөө зоригжуулж чадсан юм. Хэдийгээр тэр маш орой ухаарсан ч өөрөө өөрийгөө зоригжуулж, итгvvлж чадсан нь хамгийн чухал. Өнөөдөр тэр манай хотын хамгийн шилдэг нийтлэлчдийн нэг. Харин та заавал миний найз шиг 20 жил азгvйтэх шаардлагагvй шvv дээ.
Амжилттай яваа хvмvvс өөртөө хайртай байдаг
Оскар Уайлд “Өөрөө өөрийгөө хайрлах нь урт хугацааны жаргалтай амьдралын эхлэл болдог” гэж хэлж байжээ. Бусдаар өөрийгөө хайрлуулах нь эхлээд өөрөө өөрийгөө хайрлахаас эхэлнэ, өөрөө өөрийнхөө vнэ цэнийг дээшлvvлэхээс эхэлнэ.
Амжилттай яваа хvмvvс амжилтанд хамаг чадлаараа тэмvvлдэг
Тэд хэзээд хамгийн том амжилтын төлөө л тэмvvлдэг. Найзуудтайгаа мөрийтэй тоглохдоо ч, хөл бөмбөгийн тэмцээнд оролцохдоо ч, сvлжээгээр контр-страйк тоглохдоо ч, бас компанийн дэд захирлын албан тушаалд өрсөлдөхдөө ч ялагч нь байхыг тэмvvлдэг. Тэд бvхий л зvйлд ялагч болохын төлөө тэмvvлдэгийнхээ ачаар талд нь ч болов амжилт олдог.
Амжилттай яваа хvмvvсийн мөрөөдөл нь том байдаг
Хvн бvр мөрөөдөж чаддаг. Гэхдээ маш цөөхөн нь мөрөөдлөө биелvvлдэг. Учир нь тэд маш их хөдөлмөрлөдөг. Майкл Делл “Амжилтанд хvрэхийн тулд лифтэнд суух хэрэгтэй. Хэрэв лифт эвдэрсэн байвал шатаар ч болов өгс. Ямар ч л байсан тvvнд хvрэх хэрэгтэй” гэж хэлжээ. Yнэхээр ямар нэгэн өндөрлөгт хvрэхийн тулд та мөрөөдөх хэрэгтэй. Гэхдээ нэлээд том мөрөөдөх ёстой. Yvндээ хvрэхийн тулд өдөр бvр бага багаар урагшил. Нэг ч өдрийг байгаа байдалдаа өнгөрөөж болохгvй. Тэгээд ч амжилт гэдэг vгийн өмнө ажиллах гэдэг vг байдаг шvv дээ.мод харуулддаг байсан мужаан аав нь. Энэ хvмvvс оройн хоолны ширээний ард хэзээ ч Аристотель, Сократын тухай ярьж байсангvй. Гэхдээ тэд, ажил хийж, цалин авч байгаа хvн vнэнч шударга ажиллах ёстой, хариуцсан ажлаа маш сайн хийх хэрэгтэй, тvvнийхээ төлөө хариуцлага хvлээх ёстой, хамт ажилладаг хvмvvсээ хvндлэх хэрэгтэй гэдэг энгийн ёс зvйг хvvхдvvддээ сургачихсан байсан юм. Тийм ч учраас өнөөдөр хvvхдvvдийнх нь нэг нь Харвардын их сургуулийн хvндэт доктор болчихсон, миний өмнө хичээл зааж байна.
Бэрхшээлийг давж чаддаг
Амжилттай хvмvvс амьдралын бэрхшээлvvдийг сөрөн зогсож, даван туулахад байнгын хөдөлмөр нь тусалдаг гэж ярих дуртай. Тэд өмнөө зорилго тавиад, тvvнийхээ биелэлтийг байнга хянадаг. Тэд хvрсэндээ сэтгэл ханаад зогсчихдоггvй. Тэд илvv өндөрт хvрэхийн тулд зогсолтгvй, улам эрч хvчтэй, хурдтай амжилладаг. Тэд унасан ч төд удалгvй хөл дээрээ босоод, шороогоо нэг гөвчихөөд дахиад л зvтгэж, мацаж эхэлдэг. Нэгэнт л зорьсон бол тэднийг юу ч зогсоодоггvй. Шавар шалбааг, бартаа саадын дундаас ч тэд гараад л ирдэг.

2016 оны аравдугаар сарын 10-наас аравдугаар сарын 12-ны өдрүүдэд УИХ-ын Байнгын хороодын хуралдаанаар хэлэлцэх асуудлууд...
10 дугаар сарын 11-ний Мягмар гарагт:

1.Төсвийн байнгын хорооны хуралдаан 10.00 цагаас “Жанжин Д.Сүхбаатар” танхимд:

Хэлэлцэх асуудал:

Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;

Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслүүдтэй хамт өргөн мэдүүлсэн хууль, тогтоолын төслүүд /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;

Ажлын хэсгүүд байгуулах тухай.

10 дугаар сарын 12-ны Лхагва гарагт:

1.Эдийн засгийн байнгын хорооны хуралдаан 10.00 цагаас “Их эзэн Чингис хаан” танхимд:

Хэлэлцэх асуудал:

Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.09.30-ны өдөр өргөн мэдүүлсэн, анхны хэлэлцүүлэг, санал дүгнэлтээ Төсвийн байнгын хороонд хүргүүлнэ/;

Төрөөс мөнгөний бодлогын талаар 2017 онд баримтлах Үндсэн чиглэл батлах тухай Улсын Их Хурлын тогтоолын төсөл /Монголбанк 2016.09.30-ны өдөр өргөн мэдүүлсэн, хэлэлцэх эсэх/.