Өдрийн сайн цаг нь үхэр, луу, морь, хонь, нохой, гахай болой

2016 оны 08 дугаар сарын 08-ны 21 цагаас 08 дугаар сарын 09-ний 21 цаг
хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлэрхэг. Ихэнх нутгаар бороо орно. Дуу цахилгаантай. Салхи баруун хойноос секундэд 5-10 метр, өдөртөө нутгийн өмнөд хэсгээр секундэд 12-14 метр хүрч ширүүснэ. Сэрүүсч Алтай, Хангайн уулархаг нутгаар шөнөдөө 6-11 градус, өдөртөө 14-19 градус, Алтайн өвөр говиор шөнөдөө 19-24 градус, өдөртөө 26-31 градус, бусад нутгаар шөнөдөө 11-16 градус, өдөртөө 17-22 градус дулаан байна.

ТӨВИЙН АЙМГУУДЫН НУТГААР: Үүлэрхэг. Ихэнх нутгаар бороо орно. Дуу цахилгаантай. Салхи баруун өмнөөс хойш эргэж секундэд 6-11 метр, зарим газраар секундэд 14-16 метр хүрч ширүүснэ. Хангай, Хөвсгөл, Хэнтийн уулархаг нутгаар шөнөдөө 9-14 градус, өдөртөө 19-24 градус, бусад нутгаар шөнөдөө 15-20 градус, өдөртөө 24-29 градус дулаан байна.

ЗҮҮН АЙМГУУДЫН НУТГААР: Үүлшинэ. Нутгийн хойд хэсгээр түр зуурын бороо орно. Дуу цахилгаантай. Салхи баруун өмнөөс секундэд 5-10 метр, зарим газраар секундэд 14-16 метр хүрч ширүүснэ. Шөнөдөө бүх нутгаар 16-21 градус, өдөртөө нутгийн хойд хэсгээр сэрүүсч 23-28 градус, өмнөд хэсгээр 30-35 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө бороо орохгүй. Өдөртөө түр зуурын бороо орно. Салхи баруун хойноос секундэд 6-11 метр. Шөнөдөө 16-18 градус, өдөртөө 24-26 градус дулаан байна.

ГОВИЙН АЙМГУУДЫН НУТГААР: Үүлшинэ. Бороо орохгүй. Салхи баруун өмнөөс секундэд 6-11 метр, өдөртөө зарим газраар секундэд 14-16 метр хүрч ширүүснэ. Дундговийн нутгаар шөнөдөө 16-21 градус, өдөртөө 28-33 градус, бусад нутгаар шөнөдөө 20-25 градус, өдөртөө 33-38 градус дулаан байна.

УЛААНБААТАР ХОТ: Үүлэрхэг. Бороо орно. Дуу цахилгаантай. Салхи баруун өмнөөс секундэд 6-11 метр, өдөртөө зарим үед секундэд 14-16 метр хүрч ширүүснэ. Шөнөдөө 18-20 градус, өдөртөө 24-26 градус дулаан байна.

Монгол Улсын гурван шүүгч Бразилийн Рио-де-Жанейро хотноо болж буй Зуны XXXI наадамд шүүгчээр ажиллаж байна.

Нэгдүгээр ангид элсэгчдийг хэрхэн бүртгэх вэ

Монгол Улс, БНХАУ-ын БХЯ хоорондын зөвлөлдөх уулзалт маргааш буюу энэ сарын 09-нд Улаанбаатар хотноо эхэлнэ.

Нийслэлийн Баянгол дүүргийн 20 дугаар хороо, ТЭЦ-4 дулааны цахилгаан станцын хажууд “Хос ирвэс” ХХК-ийн байрлалд их хэмжээний химийн бодис байна гэсэн дуудлага өчигдөр 17:00 цагийн орчимд ОБЕГ-т иржээ.

Ерөнхий сайд Ж.Эрдэнэбат Бүгд Найрамдах Хятад Ард Улсаас Монгол Улсад суугаа Онц бөгөөд Бүрэн эрхт Элчин сайд Син Хайминийг хүсэлтийнх нь дагуу хүлээн авч уулзав. Уулзалтын үеэр Элчин сайд Син Хаймин Ерөнхий сайд Ж.Эрдэнэбатад БНХАУ-ын Төрийн зөвлөлийн Ерөнхий сайд Ли Көцяны мэндчилгээг уламжлаад, Ерөнхий сайд Ж.Эрдэнэбатыг БНХАУ-д айлчлахыг урьсныг тэмдэглэв.

Ерөнхий сайд Ж.Эрдэнэбат Элчин сайд Син Хайминийг Монгол, Хятадын иж бүрэн стратегийн түншлэлийн харилцааг бэхжүүлэн хөгжүүлэхэд үнэтэй хувь нэмэр оруулж байгааг тэмдэглээд, Монгол Улсын шинэ Засгийн газар хоёр талын өндөр, дээд түвшний айлчлалын давтамжийг нэмэгдүүлж, худалдаа, эдийн засаг, уул уурхай, дэд бүтэц болон нийгмийн салбарын харилцаа, хамтын ажиллагааг урагшлуулахад шаардлагатай зарим асуудлыг түргэн хугацаанд шийдвэрлэхийн төлөө байгаагаа илэрхийлэв. Тухайлбал, Хөрөнгө оруулалт, аж үйлдвэрийн хамтын ажиллагааг бэхжүүлэх тухай санамж бичиг байгуулах, Монгол, Хятадын Эрдэс баялаг, эрчим хүч, дэд бүтцийн хамтын ажиллагааны зөвлөлийн үйл ажиллагааг сэргээхийн нь чухал байгааг онцлон тэмдэглэв.

Уулзалтын төгсгөлд Ерөнхий сайд Ж.Эрдэнэбат БНХАУ-ын Төрийн зөвлөлийн Ерөнхий сайд Ли Көцянд өөрийн мэндийг уламжилж, түүний Монгол Улсад хийсэн айлчлал амжилттай болж, хоёр улсын харилцаа, хамтын ажиллагааны өргөн хүрээтэй асуудлаар санал солилцож, цаашдын хамтын ажиллагааны чиглэлээ тодорхойлсонд сэтгэл хангалуун байгаагаа илэрхийлэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Алтай-Улиастайн эрчим хүчний системд хүндрэл учирч болзошгүй

Баянхонгор аймагт болсон үерийн улмаас зам талбай ихээр эвдэрч сүйдсэн байна. Тодруулбал А0302 дугаартай Баянхонгор-Арвайхээр чиглэлийн автозамын 2км-т далан хөвөө эвдэрч замын хөдөлгөөнийг хэвийн үргэлжлүүлэх боломжгүй болжээ. Тиймээс авто замын хөдөлгөөнийг түр хаажээ.

Улаанбаатар хотын цагдаагийн газрын бие бүрэлдэхүүн энэ сарын 5-7-ны өдрүүдэд зохион байгуулагдсан “Даншиг наадам-Хүрээ цам” наадмаар олон нийтийн аюулгүй байдлыг хангах, нийтийн хэв журам хамгаалах, замын хөдөлгөөний зохицуулалт, хамгаалалтыг амжилттай хийлээ.

Өнөөдрийн байдлаар нийслэлд энгийн орон сууцны м2-ын дундаж ханш 1.600.000-1.700,000 төгрөгийн хооронд байгаа аж.

“ Нийслэлийн нийгэм, эдийн засгийн зорилт “ нээлттэй хэлэлцүүлэг болно

Хотын дарга Мягмар гараг бүрт иргэдтэй уулзана

Монголын Үйлдвэрчний эвлэлээс Засгийн газарт санал хүргүүлэх тухай мэдээлэл хийлээ. Тус хуралд Монголын үйлдвэрчний эвлэлийн ерөнхийлөгч Х.Амгаланбаатар нарын хүмүүс оролцсон юм.

ИО-ДЕ-ЖАНЕЙРО. /NHK/. Орон нутгийн цагаар өнгөрөгч долоо хоногийн баасан гарагийн орой болсон “Рио-2016” зуны Олимпын 31 дүгээр наадмын нээлтийн ёслолын үеэр Маракана цэнгэлдэх хүрээлэнгээс холгүй газарт нэг хүнийг цагдаагийн алба хаагч буудан хөнөөсөн гэж Рио-де-Жанейро хотын цагдаагийн газар мэдэгдлээ.

Энэ хэрэг тус цэнгэлдэх хүрээлэнгээс 200 орчим метр зайтай орших гудамжинд болсон байна.

Уг хэрэг гарах үед тус бүсэд аюулгүй байдлыг чангатгаад байжээ.

Цагдаа нар энэ хэргийг мөрдөн шалгаж байгаа аж.

Ардчилсан нам ”Намаа шинэчилье” гэх санаачлага гаргасан намынхаа гишүүдийн санаачлалыг дэмжиж, шинэчлэлтэй холбоотой санал боловсруулах ажлын хэсэг байгуулжээ.

Олон улсын монголч эрдэмтний XI их хурал болно

Монгол Улсын Ерөнхийлөгчийн зарлигийн дагуу Авлигатай тэмцэх газрын дарга Хүрэлсүхийн Энхжаргалд “Тэргүүн комиссар” зэрэг дэв олгов. Батламжийг Монгол Улсын Ерөнхийлөгчийн Тамгын газрын дарга П.Цагаан гардууллаа.

Өнгөрсөн баасан гаригт МАХН-ын дарга Н.Энхбаярыг албан өрөөнд нь саатуулж, байцаалт авсан талаар бид мэдээллэсэн. Энэ талаар АТГ-аас албан ёсны тайлбар хийв. Тус газраас “Авлигатай тэмцэх газрын Мөрдөн шалгах хэлтсээс 2016 оны 8 дугаар сарын 5-ны өдөр Эрүүгийн байцаан шийтгэх хуулийн 40 дүгээр зүйлийн 40.2 дахь хэсэгт заасны дагуу Монголын Хуульчдын холбооноос уламжилсан өмгөөлөгч Б.Соёл-Эрдэнийг байлцуулан эрүүгийн 201401000075 дугаартай хэргийн сэжигтэн Намбарын Энхбаярыг яллагдагчаар татан ял сонсгож, яллагдагчаар байцаах ажиллагааг хийж гүйцэтгэсэн.

Н.Энхбаярыг Эрүүгийн хуулийн ерөнхий ангийн 35 дугаар зүйлийн 35.5 дахь хэсгийг журамлан тусгай ангийн 133 дугаар зүйлийн 133.1 (Гүйцэтгэх ажлын тухай хууль тогтоомж зөрчих), мөн хуулийн ерөнхий ангийн 35 дугаар зүйлийн 35.5 дахь хэсгийг журамлан тусгай ангийн 148 дугаар зүйлийн 148.4 (Бусдын эд хөрөнгийг залилан мэхэлж авах), мөн хуулийн ерөнхий ангийн 35 дугаар зүйлийн 35.4 дэх хэсгийг журамлан тусгай ангийн 268 дугаар зүйлийн 268.2 (Хээл хахууль авах) дахь хэсэгт заасан гэмт хэргүүдийг тус тус үйлдсэн гэж яллагдагчаар татан ял сонсгож, яллагдагчаар байцаах ажиллагаа явуулсан” гэв.

Рио 2016: Олимпийн хоёр дахь өдрийн зургуудаас