Судалгаа, шинжилгээнд суурилсан хууль тогтоох ажиллагааг хөгжүүлэх, парламентат ёс, парламент судлал, Үндсэн хуулийн эрх зүй, үндэсний эрх зүйн тогтолцоог хөгжүүлэх чиглэлээр үнэ цэнэтэй, томоохон бүтээл туурвисан эрдэмтэн, судлаачдыг хөхиүлэн дэмжих зорилгоор УИХ-аас төр, нийгмийн зүтгэлтэн, Үндсэн хуулийн эхийг баригч, Хөдөлмөрийн баатар, Ардын багш, Гавьяат хуульч, доктор, профессор Бяраагийн Чимидийн нэрэмжит шагнал олгох арга хэмжээг 3 дахь жилдээ зохион байгуулах гэж байна. Энэхүү шагналыг дор дурдсан бүтээл туурвисан нэг хүн, эсвэл нэг судлаачдын багт жил бүр олгодог.

БНХАУ-д зохиогдсон Олон улсын “Гүүр” хятад хэлний тэмцээнд оролцсон монгол сурагчид багаараа Ази тивийн аварга, Сарангэрэлийн Эрдэнэ-Очир хувийн амжилтаараа Дэлхийн аваргын мөнгөн медаль хүртжээ.

Нийслэлийн Засаг дарга бөгөөд Улаанбаатар хотын захирагч С.Батболд 14 хоног тутамд иргэдтэй хийдэг уулзалтаа Нийслэлийн үйлчилгээний нэгдсэн төвийн “Драгон” салбарт хийлээ. Хотын даргатай уулзах хүсэлт, өргөдлөө ирүүлсэн иргэдийн төлөөлөл болон нийслэлийн Засаг даргын Тамгын газар, нийслэлийн харьяа агентлаг, газар, төрийн өмчит үйлдвэрийн удирдлагууд уулзалтад оролцсон юм.



Хотын даргатай уулзсан иргэд нийтийн эзэмшлийн зам талбай, ашиглалт, зөвшөөрөлгүй барилгын асуудал, нийслэлийн төрийн үйлчилгээний ажилд иргэд, аж ахуйн нэгжийн оролцоо, дулаан цахилгаан, өвөлжилтийн бэлтгэл, СӨХ-ны зэрэг асуудлыг хөндөж ярилцлаа. Тухайлбал, БГД-ийн 11-р хорооны иргэн Р.Бямбадулам “Би Баянгол дүүргийн 11-р хороонд амьдардаг. “Гэр хорооллыг орон сууцжуулах төсөл”-ийн анхны орон сууцны оршин суугч. Бид 2013 онд уг байранд орсон. Тухайн үедээ халуун хүйтэн ус, дэд бүтэц шийдэгдэнэ гэж байсан. Санаачлагч нь тухайн үеийн Засгийн газар. Гэтэл одоог хүртэл халуун усгүй, төвийн дулаанд холбогдоогүй, дэд бүтэцгүй, лифтгүй, зутруухан амьдарч байна. 2008 оноос хойш одоог хүртэл энэ асуудлыг шийдээгүй. Тиймээс хотын даргатай уулзаж, энэ асуудлаа тавьж байна” гэсэн юм.



Мөн “ТЭСО” корпорацийн дэд захирал Б.Алтангэрэл хотын даргатай уулзах үеэрээ “2 дугаар цахилгаан станцаас урагш 36 аж ахуйн нэгж байрладаг. Тухайн хэсгийн зам эвдрэл гэмтэл ихтэй. Зам засагдахыг хүлээвэл хугацаа их шаардахаар байгаа учраас компаниуд өөрсдөө нийлээд тавих хүсэлтэй байна. Харин үүнийг татварын хөнгөлөлтөөр, эсвэл ирэх оны төсөвт суулгаж, шийдвэрлэх боломж бий эсэхийг мэдэхээр хотын даргатай уулзаж байна” гэлээ.



Энэ мэтчилэн иргэд хотын даргад өөрсдийн тулгамдсан асуудлаа танилцуулж, шийдвэрлэж өгөхийг хүслээ. Нийслэлийн Засаг дарга бөгөөд Улаанбаатар хотын захирагч С.Батболд, Иргэдийн тулгамдсан асуудлуудад анхаарал хандуулж, шийдвэрлэж өгөхийг холбогдох газар, албадад үүрэг болголоо. Тухайлбал, телевиз орчмын орон сууцны айл өрхүүд дахин төлөвлөлтөөс үүдээд одоо хүртэл дулаанаа авч чадалгүй хохирч байгаа асуудалтай танилцаж, ажлын хэсэг байгуулж, шийдвэрлэхээр болов. Мөн СӨХ-ны асуудлыг шалгаж, шийдвэрлэхийн тулд ажиллах болно гэсэн юм.



Хотын дарга иргэдтэйгээ нүүр тулан уулзаж, тулгамдсан асуудлыг шийдэж, шийдэх гарц олохын төлөө ажиллаж байгаад иргэд талархаж байна. Нэг удаа уулзаад өнгөрөх биш асуудлыг хэрхэн шийдсэн мэдээллээ хотын даргад ирүүлэхийг холбогдох албаны дарга нарт үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төслийг хэлэлцэж байгаа юм.

АЖЛЫН БАЙРНЫ СУЛ ОРОН ТООНЫ СОНГОН ШАЛГАРУУЛАЛТ

Нийслэлийн Онцгой байдлын газарт ирсэн гал түймрийн дуудлагыг өмнөх оны мөн үетэй харьцуулахад 28 хувиар буурсан байна. Нийслэлийн хэмжээнд 2016 оны эхний 10 сард тохиолдсон аюулт үзэгдэл, техникийн холбогдолтой ослын талаарх статистик мэдээллийг хүргэж байна гэж Нийслэлийн Онцгой байдлын газраас мэдээллээ.

Засгийн газрын 100 хоногийн хүрээнд өнөөдөр Хөдөлмөр, нийгмийн хамгааллын яамнаас мэдээлэл хийж, өнгөрсөн хугацаанд хийсэн ажлаа тайлагналаа. Засгийн газрын үйл ажиллагааны хөтөлбөрт Хөдөлмөр, нийгмийн хамгааллын салбарын чиглэлээр 47 зорилт тусгагдсан аж. Харин Засгийн газрын 100 хоногийн хугацаанд 13 зорилтыг хэрэгжүүлэхээр санаачилга ажиллажээ.



Тэгвэл Хөдөлмөр, нийгмийн хамгааллын яамнаас цалин, тэтгэврийн зээлийн хүүг бууруулахаар банкуудтай харилцан тохиоролцож эхэлжээ. Улмаар санамж бичиг байгуулах ажлыг Төрийн банкнаас хэрэгжүүлэхээр болсон байна.



Монгол банкнаас гаргадаг “Иргэд, ЖДҮ эрлэгч ААН-д олгосон зээлийн улирлын тайлан”-гаар 2016 оны 2 дугаар улирлын байдлаар 263.3 мянган иргэн буюу нийт ажиллагчдын 23.3 хувь нь1.4 их наяд төгрөгийн цалингийн зээлийн үлдэгдэлтэй байгаа аж. Арилжааны банкуудаас олгосон цалингийн зээлийн жигнэсэн дундаж жилийн хүү 20.5 хувь /сараар тооцвол 1.7/, олгосон зээлийн жигнэсэн дундаж хугацаа 30.9 сар байна.



Банкуудаас цалингийн зээлийг сард 1.2-3.0 хувийн хүүтэйгээр олгохдоо зээлийн шимтгэлийг нэг удаа нийт зээлийн дүнгийн 0.5-1.5 хувьтай тэнцүү дүнгээр тооцож, зээлдэгчээс төлүүлж ирсэн. Энэ нь иргэдэд санхүүгийн ихээхэн дарамт болж байгааг шийдвэрлэж өгөхийг хүссэн хүсэлт ХНХЯ-нд маш их ирсэн ажээ. Тиймээс банкуудтай харилцан тохиролцох ажлыг эхлүүлж, Төрийн банкнаас эхлэн үр дүнд хүрээд байгаа юм байна.



Банкнаас олгох цалингийн зээлийн сарын хүүг 0.2-0.3 хувиар бууруулахад 33.5-50.2 тэрбум төгрөгөөр, зээлийн шимтгэлийг зогсооход 14.0 тэрбум төгрөгөөр зээлэгдэгчдийн зардал багасч, ажиллагчдын орлого нэмэгдэх тооцоотой байгаа ажээ.

Испанийн Барселон хотод Festival internacional de musica and dance ”TALENT INTERNATIONAL” олон улсын тэмцээн 2016.10.28-11.02-ны өдрүүдэд зохион байгуулагдлаа. Урлагийн 11 төрлөөр таван насны ангилалд явагддаг энэ уралдааны гол онцлог нь орон орны урлаг соёлыг сурталчлах түгээхэд оршдог байна.

Энэ уралдаанд Монгол улсыг төлөөлөн СТА, хөөмийч Н.Наранбадрах оролцож эх орныхоо нэрийг гаргажээ. Тодруулбал уралдааны I Байр - Алтан цом, зохион байгуулах комисс болон шүүгчдийн Нэрэмжит шагнал, Барселон хотын даргын нэрэмжит батламж тус тус авсан байна.

Хөөмийч СТА Н.Наранбадрахын хувьд эх орныхоо нэрийг олон улсад гаргаж байсан юм. Тухайлбал,

ОУ-ын хөөмийчдийн 1,2-р уралдаанд Гран-при /ОХУ-ын Буриад/
Монгол улсын хөөмийчдийн анхдугаар уралдаанд хошой алтан медаль
Монгол улсын төрийн шагнал Алтан гадас Улаанбаатар хот
ОУ-ын хөөмийчдийн 5-р наадамд Гран-при /ОХУ-ын Буриад/ болж эх орныхоо нэрийг өндөрт гаргаж байсан юм.

Яг одоо Баянзүрх дүүргийн Иргэний хэргийн анхан шатны шүүх дээр иргэн н.Мөнхжаргал цагдаагийн дөрвөн нэр бүхий хурандааг гүтгэсэн гэх хэргийн анхан шатны шүүх хуралдаан болж байна. Хурандаа нар ”Иргэн н.Мөнхжаргал нь хэвлэл мэдээллийн хэрэгслээр гүтгэн, нэр төрд халдсан” хэмээн шүүхэд ханджээ. Эх сурвалжийн мэдээллэж буйгаар, одоогийн байдлаар Баянзүрх дүүргийн шүүхийн гадаа 100 гаруй цагдаа хамгаалалтад гарсан байгаа аж.

Нийслэлийн нийгмийн хөгжлийн асуудал хариуцсан төслүүдийн удирдагч, нийслэлийн Засаг даргын орлогч Ш.Анхмаа БНСУ-ын Сөүл хотын боловсролын газрын дарга Ли Мүсү болон холбогдох албаны хүмүүсийг хүлээн авч уулзлаа. Улаанбаатар Сөүл хотуудын боловсролын газрууд хамтран ажиллах “Санамж бичиг”-т гарын үсэг зурсны 10 жилийн ой энэ онд тохиож байгаа юм

Монгол Улсын Ерөнхийлөгчийн нэрэмжит шилдэг оюутанд олгох тэтгэлгийг жил бүрийн 5, 12 дугаар сард олгодог уламжлалтай билээ.

Монгол Улсын Ерөнхийлөгчийн нэрэмжит шилдэг оюутанд олгох тэтгэлгийг жил бүрийн 5, 12 дугаар сард олгодог уламжлалтай билээ.

Шаардлагатай тохиолдолд Төвбанк дээрх хэмжээний алтыг цэвэршүүлэн гадаад валютын нөөцөө нэмэгдүүлэх боломжтой юм байна. Өөрөөр хэлбэл өнөөдрийн 1.1 тэрбум ам.доллартай тэнцэж байгаа албан нөөцийн хэмжээ 1.6 тэрбум хүртэл өсөх боломжтой юм.

“Тээврийн бодлогын асуудлууд болон тусгай замын автобус /BRT/-ыг нэвтрүүлэх нь” хэлэлцүүлэг Улаанбаатар хотод болж байна. 2 өдөр үргэлжлэх хэлэлцүүлгийн нээлтэд Нийслэлийн засаг дарга бөгөөд Улаанбаатар хотын захирагч С.Батболд оролцлоо.

Нийслэлийн Засаг дарга бөгөөд Улаанбаатар хотын захирагч С.Батболд 14 хоног тутамд иргэдтэй уулзаж, тулгамдсан асуудал, санал хүсэлтийг нь сонсдог. 14 хоногийн өмнө уулзсан хөгжлийн бэрхшээлтэй иргэд орон байрны асуудлыг нь шийдвэрлэж өгөхийг хотын даргаас хүссэн юм. Тухайн иргэдийн амьдралыг Нийслэлийн Засаг даргын Тамгын газраас судалж үзээд гэр бүлийнх нь 2-оос дээш иргэн хөгжлийн бэрхшээлтэй, амьдарлын нөхцөл нь туйлын хүнд байгаа З.Мандах, Л.Оюунтуул, Б.Мөнхбаясгалан нарт Ахмадын хотхонд байрлах түрээсийн орон сууцанд амьдрах эрхийн бичиг гардууллаа. Тэрээр түрээсийн орон сууцанд оруулж байгаа эдгээр иргэдийн хувьд орон байрны асуудлыг нь нэн тэргүүнд шийдвэрлэх шаардлагатай байсныг онцлон хэлсэн юм.

Украин бүсгүй Мокрина Юрзук (Мария), Итали залуу Луйжи Педутто хоёр 1943 онд Германы бөөнөөр хорих лагерьт анх таарчээ. Анх учирахдаа “Ямар хөөрхөн юм бэ, түүнийг хамгаалах хэрэгтэй. Ямар туранхай юм бэ, түүнийг хооллох хэрэгтэй” гэсэн бодол хоёуланд нь төрж. Нэг нь итали хэл мэдэхгүй, нөгөө нь орос хэл мэдэхгүй ч хос хоёр ойлголцоод нэг нь нөгөөдөө хайраа бэлэглэх болжээ.



1945 оны ялалт ирсэн ч ялалтыг залгуулаад төмөр хөшгөөр таслагдсан хоёр ертөнцөд дэлхий хуваагдав. Бүсгүй нь лагераас бараг чирэгдээд Орос руу явжээ. Луйджи нь гартаа хаяг бичсэн цаас, салахын өмнөх шөнө бүсгүйгээ унтаж байхад нууцаар хайчилж авсан туг үс барьжээ.

Он жилүүд урсан өнгөрөв. Луйджи Мокринаг эрэхээ зогсоосонгүй. Олон жил өнгөрсөн ч анхны хайр мөхсөнгүй.

Бүсгүй ч хайрт нь түүнийг эрсээр байгаа гэдэгт эргэлзэлгүй итгэсээр байж. Олон жилийн дараа Луйджи Оросын хэвлэл мэдээлэлд ханджээ. Марияг олж өгөөч гэж хүссэн нь уулзахын учиг болжээ.

Мокрина Андреевнагийн хаалгыг сэтгүүлчид тогшиход тэр огт гайхаагүй байна. “Таныг хэн эрж байгаа вэ?” гэсэн асуултад “Луйжи Педутто. Италиас” гэж огтхон ч эргэлзэлгүй хариулжээ. Өдий насны хүн хайрт нь түүнийг 60 жилийн турш эрсээр байгаа гэдэгт нэг секунд ч эргэлзээгүй байсанд, нэрийг нь мартаагүй байсанд нэвтрүүлгийн багийн залуус гайхсанаа нуугаагүй байна.

Тэр олон жилийн дараах хайртай хоёрын анхны уулзалтыг харсан хүн нулимс урсгахгүй байж чадаагүй байна.

Итали эр өвдөг сөхөрч суугаад энэ хүртэл амьдруулсан хувь заяа болон бурхандаа талархжээ.
Өтөл нас, үхэл, дайн – тэр хоёрын хувьд нэгнээ мартах шалтгаан болсонгүй. 2013 онд Киев хотноо хижээл насны хосод зориулсан хөшөөг босгожээ. Сайхан хайрын түүх хосууд болзож, хотынхон цэцэг тавьдаг сайхан хөшөө болон сүндэрлэжээ.

“Тогтвортой хөгжлийн үндэсний форум 2016” нь арван нэгдүгээр сарын 17-нд Шангри-Ла зочид буудалд болно. Уг форумыг Үндэсний хөгжлийн газар, Монголын Тогтвортой хөгжил, Нийгмийн хариуцлагын зөвлөл (ТНЗ), Германы Олон Улсын Хамтын Ажиллагааны Нийгэмлэгийн (GIZ) Эрдэс баялаг, Түүхий эдийн Иж бүрэн Санаачлага (ЭТИС) хөтөлбөр хамтран зохион байгуулах аж.

Тогтвортой хөгжлийн үндэсний форумын зорилго нь тогтвортой хөгжлийн зорилтууд, үзэл баримтлалын талаар өргөн хэмжээнд хэлэлцүүлэг өрнүүлж, гадаад, дотоодын судлаачид, мэргэжилтнүүд, төр засгийн төлөөлөл, бизнес эрхлэгчид, иргэний нийгмийн байгууллагын төлөөллүүдтэй харилцан мэдээлэл хуваалцах, туршлага солилцох боломжоор хангах юм.

НҮБ-ын Тогтвортой хөгжлийн зорилго, зорилтууд нь 2016 оны нэгдүгээр сарын 1-ний өдрөөс хүчин төгөлдөр болсон. “Тогтвортой хөгжлийн үндэсний форум 2016”-ын үеэр НҮБ-ын Тогтвортой хөгжлийн 17 зорилтууд дотроос доорх зорилтуудад тулгуурлан тодорхой сэдвүүдийн хүрээнд олон улсын судлаачид болон үндэсний экспертүүд санал бодлоо хуваалцаж, илтгэлүүд тавих аж.

VIII зорилт: Хүртээмжтэй, тогтвортой эдийн засгийн өсөлтийг дэмжих, нийт хүн амыг бүрэн, үр бүтээмжтэй хөдөлмөр эрхлэлт, зохистой ажлын байраар хангах.
XI зорилт: Хот, суурин газруудын тэгш, хүртээмжтэй, аюулгүй, тогтвортой хөгжлийг дэмжих
XVI зорилт: Амгалан тайван, бүх нийтийн оролцоог хангасан хууль ёст тогтвортой хөгжлийн нийгмийг бүрдүүлж, үр нөлөөтэй, хариуцлагатай, оролцоо бүхий чадварлаг институцийг бүх шатанд бий болгох.

Форумд оролцохыг хүсвэл 2016 оны арван нэгдүгээр сарын 9-ний 18:00 цагаас өмнө ЭНДдарж бүртгүүлэнэ үү.

Дэлгэрэнгүй мэдээллийг GIZ-ийн ЭТИС хөтөлбөрийн 70117704 утас болон css.mongolia@gmail.com хаягаар холбогдон авна уу.

Долларын ханш 2410 төгрөг болж өслөө. Өнөөдөр ”Найман шарга” валютын захад нэг ам.долларыг 2396 төгрөгөөр авч, 2410 төгрөгөөр зарж байна.

Харин арилжааны банкууд 2374-2380 төгрөгийн ханшаар авч, 2391-2394 төгрөгөөр худалдаж байна. Тэгвэл Монголбанкны нэрлэсэн ханш 2374.21 төгрөгтэй тэнцэж байна.

Баянгол дүүрэгт өнгөрсөн шөнө согтуурсан үедээ хүн хутгалж, танхайрсан хэрэг гарчээ. Тодруулбал, “Москва” рестораны урд хутгалуулсан хүн байна“ гэсэн мэдээллийн дагуу шалгахад, Хөвсгөл аймгийн харьяат Л нь ОХУ-ын Буриад улсын иргэн А-г согтуурсан үедээ хутгалсан байна.

Тэрбээр, үл ялих зүйлээр шалтаглан мэсний зүйлээр хөнгөн гэмтэл учруулж танхайрсан аж. Тус хэргийг Баянгол дүүргийн цагдаагийн нэгдүгээр хэлтсийн алба хаагчид илрүүлэн шалгаж байгаа юм байна.

НҮБ-ын Хүн амын сан Дэлхийн хүн амын байдал 2016 тайлангаа өнөөдөр танилцууллаа. Тус тайлангаар охидод хангалттай хөрөнгө оруулалгүйгээр дэлхийн хөгжлийн зорилтуудад хүрэх боломжгүйг анхааруулсан юм.

Бэлгийн бойжилт нь эхэлдэг учраас охидын хувьд 10 нас гэдэг маш чухал үе. Дэлхийн зарим оронд 10 настай охид хязгааргүй их боломжоор хангагдаж, боловсрол, ирээдүйн ажил, амьдралдаа нөлөөлөхүйц сонголтуудыг хийж эхэлдэг.

Харин зарим оронд бэлгийн бойжилт нь эхэлж буй охидыг худалдаж, борлуулдаг эд агуурс мэт үзэж, хүчээр гэрлүүлэн, сургууль завсардуулж, хүүхэд төрүүлж, насаараа зарцлагдах хувь тавилантай болгодгийг НҮБ-ын Хүн амын сангийн уг тайланд онцолсон байна.

Монгол улсад 10 настай 25,000 охин, 10-19 настай 225,787 охин байна. Сургуульд хамрагдалт охидын хувьд өндөр буюу бага сургуульд 95 хувь, дунд сургуульд 88 хувь байна. Монгол улс мөн өнгөрсөн жилүүдэд охидод онцгой анхаарч, хөгжлийн ололт, амжилтад хүрсэн билээ. Гэвч Монголд өнөөдөр 10 настай охид өсч бойжихдоо тодорхой бэрхшээлүүдтэй тулгарч байна. Өнөөгийн статистик мэдээнээс үзвэл
Монголд өсвөр үеийнхний жирэмслэлт өндөр, 15-19 насны 1,000 охид тутамд төрөлт 40.4 байна. Энэ тоог тус бүс нутаг дахь бусад орнууд болон ижил төстэй орлоготой орнуудтай харьцуулбал: Турк- 29.3, Малайз- 13.3, Сингапур- 4 байна.

Мөн охидын дунд хүсээгүй жирэмслэлт их байгаа бөгөөд 15-19 настай жирэмсэн охидын 14.1 хувь үр хөндүүлж байна.

Жирэмслэлтээс сэргийлэх арга хэрэгслийн хангагдаагүй хэрэгцээ 15-19 насны охидын дунд 36.4 хувь байж, тэд гэр бүл төлөвлөлтийн талаар мэдлэггүй байна. Охид, эмэгтэйчүүдийн эсрэг хүчирхийллийн тархалтын талаар улс орныг хамарсан цогц судалгаа хараахан хийгээгүй байгаа ч гэр бүлийн хүчирхийлэлд өртөгсдийн бараг 88.3 хувь нь эмэгтэйчүүд, тэдний 40 хувь нь 15-34 насны бүсгүйчүүд байна.

Охидын сурч боловсорсон жил нэмэгдэхийн хэрээр цалин нь 11.7 хувиар (эрчүүдийнх 9.6 хувиар) өсдөг. Бага болон дундаж орлоготой сонгосон орнуудад 10 настай охидод хөрөнгө оруулсанаар ирэх 15 жилд хувь хүний дундаж орлого хэрхэн өсөхийг уг тайланд танилцуулсан байна. Охидод хөрөнгө оруулбал Монголд нэг охин 2015-2030 онд 18,470 ам.долларын орлого олох боломжтой. Харин хөрөнгө оруулахгүй бол орлого нь ердөө л 8,784 ам.доллар байх болно.

“Охидыг эсэн мэнд, эрүүл саруул өсч торнин бүтээлч, бие даасан иргэн болоход саад учруулах нь тэдний эрхийг зөрчсөн үйлдэл юм” гэж НҮБ-ын Хүн амын сангийн гүйцэтгэх захирал Др. Бабатунде Осотимехин онцлоод “Энэ нь тухайн охидын нутаг нэгтэн, улс үндэстэнд хохиролтой төдийгүй охид нөөц бололцоогоо ашиглаж чадахгүй бол бид бүгд хохирно” гэв.

Дэлхийн улс орнуудын удирдагчид 2015 онд хөгжлийн шинэ зорилтуудыг баталж, цаашид 15 жилийн турш нийгэм, эдийн засгаа хөгжүүлж, уг зорилтуудад хүрэхээр төлөвлөж байна. Ингэхдээ тэд хэнийг ч ардаа орхилгүй, тэгш хөгжихийг зорьж байгаа юм. 10 настай охидыг хөгжлөөс орхигдуулж буй саад тотгорыг өнөөдөр арилгаснаар цаашид уг хөгжлийн зорилтуудад амжилттай хүрэх боломж нэмэгдэнэ гэж уг тайланд онцолжээ.

Дэлхийн хүн амын байдал тайланд дурдсанаар өнөөдөр дэлхий дахинаа 10 настай 125 сая охин амьдарч байгаа бөгөөд тэдний 60 сая нь өсвөр насандаа тодорхой бэрхшээлүүдийг туулж байна. Хөвгүүдтэй харьцуулахад дунд болон их дээд сургууль төгсдөг охидын тоо цөөн, мөн тэд бие махбодь, сэтгэцийн эрүүл мэндийн хувьд сул дорой тул цалинтай ажил олоход илүү их бэрхшээлтэй тулгардаг байна.

Өнгөрсөн 10 гаруй жилийн хугацаанд Засгийн газруудын хэрэгжүүлж буй бодлогын хувилбарууд нэмэгдлээ.

Тухайлбал, охин хүүхдийг гэрлүүлэх явдлыг хориглох, ядуу охидын эцэг эхэд нь мөнгө өгч, сургалтын зардлыг шийдвэрлэхэд тусалж, охидыг сургуульд сургах, бэлгийн бойжилт нь эхэлж буй охидыг амьдрах ухааны сургалтад хамруулж, тэдний насны онцлогт тохирсон бэлгийн цогц боловсрол олгох гэх мэт үйл ажиллагааг улам олон тооны охид ялангуяа хамгийн ядуу, эмзэг бүлгийн 10 настай охидод хүргэхэд бэрхшээлтэй байгааг НҮБ-ын Хүн амын сангаас гаргаж буй Дэлхийн хүн амын байдал тайланд онцолсон байна.

“2030 онд дэлхий ертөнц маань ямар дүр төрхтэй байх нь бид бүгд өнөөдөр 10 настай охидыг хэрхэн дэмжиж, хөрөнгө оруулахаас шалтгаална” гэж Др.Осотимехин хэлээд “Гэр бүл, олон нийт, улс үндэстнийхээ дэмжлэгийг авч, эрхээ бүрэн эдэлж буй 10 настай охид цаашид цэцэглэн, хөгжиж, бидний хүсч буй ирээдүйг цогцлооход хувь нэмрээ оруулна” гэдгийг онцлов.
Статистик мэдээ:

10 настай 10 охин тутмын 9 нь хөгжиж буй орнуудад, 5 охин тутмын 1 нь дорой буурай орнуудад амьдарч: 5 охин тутмын 1 нь Энэтхэгт, 8 охин тутмын 1 нь Хятадад амьдарч байна.
Хөгжиж буй орнуудад сургууль завсардсан, эсвэл сургуульд огт ороогүй 10 настай бүх охид дунд боловсрол эзэмшвэл тэд жилд $21 тэрбумын ашиг олох эхлэлийг тавина.
5-14 насны охидын 10 хувь нь 7 хоногт 28-аас дээш цагийг гэрийн ажил хийхэд зарцуулж байгаа нь хөвгүүдийнхээс хоёр дахин их байна. Ажил хийж буй 4 охин тутмын 3 нь цалингүй ажилладаг.
Өдөр бүр 47,700 охин 18 нас хүрэхээсээ өмнө гэрлэх эрсдэлтэй байна.

Монгол бөхийн өргөөнд энэ сард болох бөхийн барилдааны хуваарийг танилцуулж байна.



Энэ сарын 5-ны 14 цагаас Увс нуур дэвжээний намрын нээлтэд зориулсан Дархан аварга Х.Баянмөнхийн нэрэмжит, улс, аймгийн алдар цолтой 224 бөхийн барилдаан болно
Энэ сарын 12-ны 14 цагаас Хантайшир дэвжээ үүсэн байгуулагдсаны 15 жилийн ойд зориулсан улс, аймгийн алдар цолтой 224 бөхийн барилдаан болно.
Энэ сарын 20-ны 14 цагаас Дархан аварга Б.Түвдэндоржийн мэндэлсний 100 жилийн ойд зориулсан улс, аймгийн алдар цолтой 224 бөхийн барилдаан тус тус болох ажээ.