Ойрын өдрүүдэд орсон аадар борооны улмаас орон нутгийн зам, замын далан ихээр эвдэрчээ.

2014 оны “Дэлхийн мисс”-үүд Монголд хүрэлцэн ирж, Хөвсгөл далайн эрэг дээр “Кhuvsgul beach party”-д оролцох болжээ. Хөвсгөл далайн эрэг дээр “Ancient ocean resort” жуулчны баазад энэ сарын 30-наас 8 дугаар сарын 3-нд Монгол орны үзэсгэлэнт байгаль, өв соёл, ёс заншлыг дэлхий дахинд сурталчлах, аялал жуулчлалыг хөгжүүлэх, жуулчдыг татах зорилготой нэгэн онцгой арга хэмжээ болох гэж байна. ”Юнайтад Монголия”, ”Хаж гүрэм”, ”I Nomadic” компани хамтран зохион байгуулж байгаа уг шоунд “Дэлхийн мисс 2014”-ийн шилдэг 10-т багтсан Чили, Словени, Нидерланд, Лативын миссүүд хүрэлцэн ирж оролцох юм. Мөн таван өдөр 5 өөр өнгө аястай байх уг шоунд ”Алтан ураг”, ”Нисванис”, ”Rattabuzz”, ”Баярцэнгэл”, ”Lemons”, ”Colors”, ”Монголын жазз оркестр”, Циркийн үзүүлбэр, халуун галаар наадах үзүүлбэр, шилдэг DJ нар оролцох аж.


Үүнээс гадна мастер тогооч нарын олон төрлийн онцгой хоол, усан гулгуур, хөөсөн бассейн, наран шарлага, усан завь, нисдэг онгоц, paintball, хүн чавх, элсний волейбол, морин аялал, цаа бугын аялал, цаатан ахуйтай танилцах, дугуй, мото аяллуудыг ч байгаа юм.


24tsag.mn

Монгол Улсын Ерөнхий сайд Ж.Эрдэнэбатын захирамжаар /2016 оны 7 дугаар сарын 27-ны байдлаар/ 18 аймгийн Засаг даргыг томилоод байна. Говь-Алтай, Баян-Өлгий аймгийн Иргэдийн төлөөлөгчдийн хурал хуралдсан, Завхан аймгийн Иргэдийн төлөөлөгчдийн хурал хуралдаанаа хийгээгүй байна.

​Монгол Улсын Засгийн газрын хуралдаан хуулийн дагуу долоо хоногийн бүрийн лхагва гаригт хуралдахаар болсон. Тиймээс шинэ Засгийн газрын хуралдаан өнөөдөр 15 цагт товлогджээ. Одоогоор хэлэлцэх асуудлын жагсаалт задраагүй байна.



Өмнө нь Н.Алтанхуяг Ерөнхий сайдын Засгийн газар бямба гаригт, Ерөнхий сайд Ч.Сайханбилэгийн Засгийн газар даваа гаригт хуралддаг байсан юм.

Аlibaba.com сайтын үүсгэн байгуулагч Жэк Ма манай улсад ирээд байгаа билээ. Тэрбээр долдугаар сарын 28-ны өдөр хүртэл Монгол улсад амарч, ажиллах төлөвлөгөөтэй байгаа аж.


Тэрбээр маргааш буюу долдугаар сарын 27-ны өдрийн 13:00 цагаас “Скай резорт” амралтын баазад хязгаарлагдмал тооны хүмүүст зориулж лекц уншихаар болсон байна.


Энэхүү лекц англи хэл дээр явагдах бөгөөд зөвхөн урилгатай хүмүүс оролцох аж. Харин урилгагүй хүмүүс Жэк Магийн лекцийг Үндэсний Хөрөнгө Оруулалтын Банкны фэйсбүүк хуудсаар шууд үзэх боломжтой хэмээн зохион байгуулагчид мэдээллээ.

Улаанбаатар хотын Захирагчийн ажлын алба, түүний харьяа газрууд, нийслэлийн хэмжээнд хийгдсэн инженер хангамж, хот тохижилт, ногоон байгууламж, АСЕМ-ийн уулзалтын хүрээнд хийгдсэн тохижилтын ажилтай Хотын Ерөнхий менежер бөгөөд Захирагчийн ажлын албаны даргын үүргийг түр орлон гүйцэтгэгч Т.Гантөмөр танилцлаа.

Нийт 23 байгууллагын үйл ажиллагаатай гурван өдрийн турш хуваарийн дагуу танилцах юм. Эхний хоёр өдөр Улаанбаатар хотын Шуурхай удирдлага зохицуулалтын төв, Улаанбаатар хотын Замын Хөдөлгөөний Удирдлагын төв,Нийтийн үйлчилгээний Улаанбаатар нэгтгэл, Улаанбаатар нэгтгэлийн Зүүн салбар, Улаанбаатар лифт, Ус сувгийн удирдах газрын үйл ажиллагаатай танилцаж хамтран ярилцсан.

Энэ үеэр байгууллагууд 2012-2016 онд хийсэн ажлын товч тайлангаа тавьж, тулгарч буй бэрхшээл, цаашид анхаарах шаардлагатай асуудлууд, шийдвэрлэх шаардлагатай байгаа ажлуудын талаар саналаа хэлэв.

“Улаанбаатар лифт” НӨҮГ нийслэлийн хэмжээнд 352 лифт шинэчлэгдсэн, 2016 оны 3,4 улиралд 82 лифт шинэчлэхээр төлөвлөөд байгааг хэлсэн. Хотын Ерөнхий менежер “Жил ирэх тусам лифт хэрэглэгчдийн тоо нэмэгдэнэ. Өсөн нэмэгдэж байгаа хэрэгцээг тооцон ажиллах хэрэгтэй. Санхүүгийн боломж бололцоог судалж үзэх хэрэгтэйг” санууллаа.

Нийтийн үйлчилгээний Улаанбаатар нэгтгэлийн хувьд нийслэлийн төвийн гол гудамжуудын цэвэрлэгээ, зам засвар арчлалт, ногоон байгууламжийг хариуцан ажиллаж байгаа. Машин техникийн хүрэлцээг нэмэгдүүлэх шаардлагатай, өвлийн бэлтгэлийг хангах ажлын хүрээнд хийгддэг давс бодис нөөцлөх ажил эхэлсэн. Гэхдээ нөөцийг нэмэгдүүлэх шаардлагатай гэсэн санал тавьсан. Мөн зэрлэг ургамал устгалд химийн бодис ашиглахгүй үндсээр нь устгах аргыг хэрэглэж байгаа. Цаашид нэмэлт аргуудыг судалж үзэх хэрэгтэйг байгааг хэллээ.

Харин Ус сувгийн удирдах газар Улаанбаатар хотын ундны усны эх үүсвэрийн нөөц хүчин чадал, ус хангамжийн өнөөгийн байдлаар танилцуулга хийж, хэрэгжүүлж байгаа төсөл хөтөлбөрт хамтарч ажиллахыг хүссэн. Мөн шугам хоолойг доторлох, шинээр байгууламж барих, ажилчдын нийгмийн асуудлыг шийдэх хэрэгтэй байна гэсэн хүсэлт тавилаа.

Монгол Улсын Гадаад харилцааны сайд Ц.Мөнх-Оргил БНХАУ-аас Монгол Улсад суугаа Онц бөгөөд Бүрэн Эрхт Элчин сайд Син Хайминыг хүлээн авч уулзлаа.

Уулзалтын үеэр Гадаад харилцааны сайд Ц.Мөнх-Оргил хоёр улсын харилцаа, хамтын ажиллагааны өнөөгийн байдалд сэтгэл хангалуун буйгаа тэмдэглээд, цаашид эдийн засаг, худалдааны хамтын ажиллагааг шинэ агуулга, хэлбэрээр баяжуулан хөгжүүлэх зэрэг асуудлаар санал солилцож, идэвхтэй хамтран ажиллахаа илэрхийлэв.

Элчин сайд Син Хаймин Гадаад харилцааны сайдын хариуцлагатай албан тушаалд томилогдсонд нь баяр хүргэж, БНХАУ-аас Монгол Улсад суугаа Элчин сайдын яам хоёр улсын харилцааг хөгжүүлэхэд Монгол Улсын шинэ Засгийн газартай идэвхтэй хамтран ажиллахаа илэрхийлж, БНХАУ-ын Гадаад хэргийн сайд Ван Игийн зүгээс Гадаад харилцааны сайд Ц.Мөнх-Оргилд ирүүлсэн баяр хүргэсэн захидлыг гардууллаа.

Зүүн хойд Азийн хотуудын дарга нарын форум 3 дахь жилдээ “Хотуудын ногоон өсөлт, Эрчим хүчний” ногоон шийдлүүд” сэдвийн дор 2016 оны 08 дугаар сарын 3-5-ны өдрүүдэд Улаанбаатар хотод болно. Энэ удаагийн форумд БНХАУ, ОХУ, БНСУ, Япон Улс, Унгар, Турк зэрэг улсын томоохон хотуудаас төлөөлөгчид хүрэлцэн ирэхээс гадна Олон улсын байгууллагын төлөөлөгчид ирж хотын ногоон хөгжил, эрчим хүчний ногоон шийдлүүдийн талаар туршлага солилцох юм. Тодруулбал, Сөүлийн Даян дэлхийн ногоон өсөлтийн хүрээлэнгийн Монгол дахь суурин төлөөлөгч (GGGI) Жон Лайонс дэлхийн ногоон өсөлтийн хүрээлэнгийн судалгаанаас танилцуулах бол Манжуур хотын ногоон өсөлтийн бодлогын өнөөгийн нөхцөл байдлын талаар тус хотын орлогч Гоу Вэнхө илтгэл тавина. Мөн Монгол Улс дахь Нэгдсэн Үндэстний Байгууллагын Суурин Зохицуулагч, НҮБ-ын Хөгжлийн Хөтөлбөрийн Суурин Төлөөлөгч Биата Транкман “Тогтвортой хөгжлийн зорилтуудыг хангахад хотуудын үүрэг” сэдвээр, Бүгд Найрамдах Франц Улсаас Монгол улсад суугаа Онц бөгөөд бүрэн эрхт Элчин сайд Элизабет Барсак “Уур амьсгалын өөрчлөлтийн эсрэг COP21” конвенцийн тухай БНХАУ-ын Бээжин хотын Хөгжил, шинэчлэлийн комиссын Ерөнхий захирал Лү Янь “Уур амьсгалын өөрчлөлттэй тууштай тэмцэж, бүс нутгийн хамтын хүчээр олон улсын нэгдүгээр зэрэглэлийн, амьдрахад таатай хотын хөгжлийн төлөө” сэдвээр, БНСУ-ын Пусан хотын Уур амьсгал, Байгаль орчны газрын ерөнхий захирал И Гын Хый Пусан хотын ногоон эрчим хүчний бодлого зэрэг сэдвээр илтгэл тавих юм. Зүүн хойд Азийн хотуудын дарга нарын форум Туушин зочид буудлын “Соёмбо” танхимд болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Сод Монгол групп” ХХК-ийн ерөнхийлөгч, Монголын чадварлаг бизнесменүүдийн нэг Ц.Анандбазар улс төрд эргэлт буцалтгүй хөл тавьсан.

Бразил улсын Рио Де Жанеро хотод ирэх наймдугаар сарын 5-21-ний өдрүүдэд ”Рио-16” зуны олимп болно. Манай улсаас “Рио-2016” олимпийн наадамд нийт 50 тамирчин оролцохоор эрхээ авсан билээ. Тодруулбал, Олимпийн наадамд 42 тамирчин, Паралимпийн наадамд нийт найман тамирчин өрсөлдөх юм.

Наймдугаар сарын 6-нд буюу Олимпийн 31 дүгээр наадмын эхний өдөр уламжлал ёсоор жүдо бөхийн эрэгтэй 60, эмэгтэй 48 кг жингийн барилдаан болно. Тэгвэл монголын тамирчдын салхийг хагалж, МУГТ жүдо бөхийн 48 кг жингийн дэлхийн аварга М.Уранцэцэг барилдах юм байна.

“Найрсаг Улаанбаатар” хөтөлбөрийн хүрээнд Улаанбаатар хотын музейгээс хотын иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалыг хөшөө дурсгал, сүм хийд, дурсгалт барилга, дурсгалт газар гэсэн дөрвөн чиглэлээр, цувралаар танилцуулж байна. Улаанбаатар хотод зорьж үзэх хөшөө дурсгалуудад “Эмнэг сургагч” баримал багтдаг. Энэхүү баримлыг 1948 онд уран барималч Н.Жамбаа бүтээжээ. Бүтээгч нь энэ бүтээлээр монгол хүн, морь хоёроор төлөөлүүлэн Монгол ахуйн нэг онцлогийг харуулахыг зорьсон байна. Барималд морины тэнцвэрийн цэгийг урд хоёр хөл дээр нь олж, эмнэг морь, түүнийг сургаж байгаа залуу хоёрын хөдөлгөөн, харьцааг сонирхолтой байдлаар шийдэж харуулсан байна. Нийслэлийн Засаг даргын 2008 оны 357 дугаар захирамжаар энэ барималыг Сүхбаатар дүүргийн хамгаалалтад авчээ. Баримлын гипс эх загвар нь Москвагийн Дорно дахины ард түмнүүдийн урлагийн музейн алтан сан хөмрөгт хадгалагдаж байдаг бөгөөд баримлыг 1958 онд түүний шавь Л.Дашдэлэг зэс хөөмөл болгон цутгажээ. Суурь, баримлын нийт өндөр: 2.7 метр, баримлын өндөр: 1.7 метр, 1.9 метр, өргөн: 0.65 метр. Энэхүү баримал нь Сүхбаатар дүүргийн 8 дугаар хороо, Энхтайвны өргөн чөлөөний хойд талд Централ таурын урд, Зүүн цэцэрлэгт хүрээлэнд усан оргилуурын дунд байдаг гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Тулгар төрийн 2225, Их Монгол улс байгуулагдсаны 805, Ардын хувьсгалын 95 жилийн ой Үндэсний их баяр наадмын бөхийн барилдаанд тав давж, Улсын начин цол хүртсэн Дорнод аймгийн Онцгой байдлын газрын Хэрлэн сум дахь Гал унтраах аврах 53 дугаар ангийн албан хаагч, Онцгой байдлын дэслэгч Д.Анарыг өнөөдөр ахлах дэслэгч цолоор шагналаа. Цолыг Онцгой байдлын ерөнхий газрын дарга, бригадын генерал Т.Бадрал гардуулж өгсөн юм.

DSC_5957

Мөн энэ үеэр Рио-2016 олимпид эх орноо төлөөлөн оролцож буй Онцгой байдлын ерөнхий газрын харьяа “Аврагч” спорт хорооны тамирчин Ц.Цогтбаатар, Л.Отгонбаатар нарт Онцгой байдлын ерөнхий газрын дарга, бригадын генерал Т.Бадрал амжилт хүсч, албаны зүгээс өгч буй урамшууллыг дасгалжуулагч багш Ц.Шийрэвт гардуулсан юм. Тэгэхдээ “Олимп эхлэх өдрөөс л бид хэд чинь та нарыгаа хараад суучихна шүү дээ. Ямар ч байсан медальтай ирнэ гэдэгт итгэлтэй байна” гэлээ.

“Даншиг наадам-Хүрээ цам шашин соёлын наадам 2016 оны 8 дугаар сарын 6,7-ны өдрүүдэд Хүй долоон худагт болно. Наадмын үеэр сүсэгтэн олонд зориулан 500 лам ном айлдах, Монголчуудын их шүтээн Очирваань бурханы дүрийг залах, Хүрээ цам харайх зэрэг шашин соёлын зан үйл болохоос гадна, их нас, жороо морьдын уралдаан, үндэсний сурын харваа, хүчит бөхийн барилдаан болно. Даншиг наадмын бөхийн барилдаанд 256 бөх барилдаж, тавын даваанаас эхлэн Даншигийн Начин, Заан, Арслан зэрэг цол олгоно. Наадмын түрүү бөхийн бай, шагнал нь Үндэсний их баяр наадмын түрүү бөхийн байтай адил байх юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Аймгуудын Засаг дарга нарыг Ерөнхий сайд батламжиллаа. Тодруулбал одоогийн байдлаар Архангай аймгийн засаг даргаар Ц.Мөнхнасан, Баян-Өлгий А.Гылымхан, Баянхонгор Г.Батжаргал, Булган З. Батзориг, Говь-Алтай В.Рэнцэндорж, Говьсүмбэр Г.Батсуурь, Дархан-Уул С.Насанбат, Дорноговь Т.Энхтүвшин, Дорнод М.Бадамсүрэн, Орхон Д.Батлут, Өвөрхангай Г.Ганболд, Өмнөгвь Н.Наранбаатар, Сүхбаатар З.Энхтөр, Сэлэнгэ Ш.Оргил, Төв Ж.Батжаргал, Увс Д.Батсайхан, Хөвсгөл Л.Ганболд, Хэнтий Н.Ганбямба нарыг Ерөнхий сайд батламжилаад байгаа юм. Харин Ховд, Завхан, Дундговь аймгуудын Засаг дарга нарыг хараахан батламжлаагүй байгаа аж. Тэгвэл аймгуудын Засаг дарга нарын хэн нь хэн бэ гэдгийг 24 баримтаар хүргэж байна.

Хонь - (3/21-4/19)
Өнөөдөр ажлын дарамт таны мэдрэлийг шалгах бололтой. Тиймээс өөрийн авьяас чадвараа дайчлах хэрэгтэй. Зарим талаар туршлага дутаж байсан ч өөртөө итгэ. Бизнес гэрээ хэлэлцээрээс болж сэтгэлээр унаж магадгүй. Бизнесийн хамтрагнтай санал зөрөлдөөн гарч болзошгүй. Энэ бүхнийг даван туулахыг оролд. Ажил хайж байгаа хүмүүс гэр бүлийн найз, хамаатнуудаас зөвлөгөө асуусан нь дээр.
Дэлгэрэнгүй
Лхагва, 2016 оны 07 сарын 27
Үхэр - (4/20-5/20)
Энэ өдөрт тохирох төлөвлөгөө гарга. Үхрийн ордныхны сүсэг бишрэл хүчтэй байх нь. Танд тавих шаардлага нэмэгдсэнээр зарим Үхрийн ордныхон олонд хүндгүй болох бөгөөд ялангуяа хувийн хамтрагч тань сул зан чанарыг тань илэрхийлэх гол хүч болно.
Дэлгэрэнгүй
Лхагва, 2016 оны 07 сарын 27
Ихэр - (5/21-6/21)
Танд яг л нүхэнд унаж хаашаа ч гарах гарцгүй болсон мэт санагдах бөгөөд бусад хүмүүс огт хамаагүй энэ бүхнээс өөрөө гарахыг хичээ. Хэрэв тусламж авахыг үнэхээр хүсч байгаа бол өөртөө тусалж чадах хамгийн боломжтой хүнээс л асуу. Ажлын дараа хамт олон тань хөгжилтэй үдэшлэг зохион байгуулах бөгөөд тэнд ирсэн олон хүнтэй сонирхолтой яриа өрнүүлж чадна. Ганц бие Ихрүүд хүнтэй танилцана. Та өөрийгөө урлагт хэр их дуртай гэдгээ олж мэднэ.
Дэлгэрэнгүй
Лхагва, 2016 оны 07 сарын 27
Мэлхий - (6/22-7/22)
Өглөө юм уу орой ч байж болно, хэсэг хугацаанд эрүүл агаарт гарахыг хичээ. Өнөө орой гадагш гарахаар төлөвлөсөн өөр нэг хувилбар сонгох нь дээр. Үйл ажиллагаа хойшлуулагдах юм уу цуцлагдаж магад. Хэрэв оронд нь хийх ажил таны санаанд нийцэхгүй байвал өөрийн хүсч байгаа амрах хувилбар, үзвэрийг сонго.
Дэлгэрэнгүй
Лхагва, 2016 оны 07 сарын 27
Арслан - (7/23-8/22)
Гэр бүлийн гишүүдээ баярлуулах юм уу өөрийн хүсэл эрмэлзэлдээ хүрэхийг хүсч байгаа бол танд тэсвэр тэвчээр хэрэгтэй. Хашгирахын оронд гүнзгий амьсгаа ав. Зардалдаа сэтгэл зовнихоо болих хэрэгтэй. Хүүхдээ сонсож чадвал хоёр талаас харилцан буулт хийж чадна. Хүүхэдтэйгээ эвээр харьцвал танд л эерэгээр нөлөөлнө. Сэтгэлийн хөөрөл хэрэггүй үедээ хамгийн том саад болж хувирдаг.
Дэлгэрэнгүй
Лхагва, 2016 оны 07 сарын 27
Охин - (8/23-9/22)
Өнөөдөр урьдчилан тааварлаагүй олон үйл явдал тохиолдох магадлалтай. Тээврийн хэрэгсэлтэй холбоотой асуудал гарч магадгүй. Тиймээс ойр зуурын ажлаа хөөцөлдөх, хүүхдүүдээ хичээл сургуулиас нь авах зэрэг ажилдаа эртнээс унаа тэргээ зохицуул. Охины ордныхон ямар ч ажил хийсэн өөрөөсөө болон бусдаас төгс байдлыг шаардаж байдаг. Гэхдээ энэ нь заримдаа нэлээд төвөгтэй асуудал үүсгэдэг гэдгийг хүлээн зөвшөөрөх хэрэгтэй.
Дэлгэрэнгүй
Лхагва, 2016 оны 07 сарын 27
Жинлүүр - (9/23-10/22)
Ажилдаа анхаарал хандуулж, ажлын газрын хов живнээс хол бай. Гадаадаас ирэх мэдээ тун тааламжтай байх нь. Цайны цагаараа дасгал хийж биеийн чилээгээ гарга. Өнөө оройг мартагдахааргүй зугаацаж өнгөрөө. Та өөрийн гадна төрхөө өөрчилнө. Хуучны сайн найзуудтайгаа таарна. Зарим хүмүүс аялалд гарна. Бүх ажилаа эртхэн дуусга, учир нь таны сэтгэл романтик хийсвэр байдал руу яарч байна.
Дэлгэрэнгүй
Лхагва, 2016 оны 07 сарын 27
Хилэнц - (10/23-11/21)
Өчигдрийн Шинэ сарны нөлөө хоёр долоо хоног үргэлжлэх юм. Энэ үед таны зөн совин, мэдрэмж сэргэж, онгод хөглөгдөнө. Таны сэтгэл татам байдал, онцгой увидас оргилдоо хүрчээ. Харин хайр дурлал, амрагийн харилцаа таны төсөөлсөн шиг баяр хөөртэй байхгүй бололтой. Тиймээс та мөнгө ба хайртынхаа асуудлыг хооронд нь ялгаж салгаж зохицуулах хэрэгтэй байна.
Дэлгэрэнгүй
Лхагва, 2016 оны 07 сарын 27
Нум - (11/22-12/21)
Хамтран ажиллагсад эсвэл даргатайгаа харилцах, байгууллагад хандаж хүсэлт гаргах зэрэгт ээлтэй. Таны идэвхи чармайлт, шаргуу занг хамт олон, удирдлагын тань анхаарлыг өөрийн эрхгүй татна. Тиймээс өнөөдөр та өөрийн эхлүүлсэн ажлаа амжилттай гүйцэтгэж чадах болно. Түүнчлэн албан тушаал ахих боломж байна. Санхүүгийн байдал ч тодорхой хэмжээгээр дээшлэх магадлал өндөр байна.
Дэлгэрэнгүй
Лхагва, 2016 оны 07 сарын 27
Матар - (12/22-1/19)
Матрынхны алдар нэр өндөр байна. Найз нөхөд болон хайртай хүмүүстэйгээ хамтдаа амрах нь таалагдана. Хэрэв энэ нь дарамттай болоод хайр дурлалын харилцаанд нөлөөлөөд байвал өөрийн оролцоогоо багасгаж, бусдад үүрэг хариуцлага хүлээх боломж олго. Өөрийн зорилгодоо хүрэхийн тулд та юу хүсэж байгаагаа тодорхой боловсруулж ажилла. Өөрийн бие махбодын дохиог сонс. Бага зэргийн өвчин хуучийг үл хайхардаг ч эрүүл мэндийн байдалдаа санаа зовох хэрэггүй.
Дэлгэрэнгүй
Лхагва, 2016 оны 07 сарын 27
Бумба - (1/20-2/18)
Хэт олон цагаар ажилласан хүмүүс амралтаа авах хэрэгтэй. Амраптаа гэр бүлтэйгээ хамт өнгөрөөвөл зохино. Даргатайгаа цагийн хуваарийн талаар дахин ярилцахыг хичээ. Зарим Хумхыг албан томилолтоор өөр тийш явуулж магад. Хэрэв томоохон байгууллагад ажилладаг бол ажилдаа ойрхон шинэ байранд орох тухай бод. Ингэснээр цагаа жаахан хэмнэх болно.
Дэлгэрэнгүй
Лхагва, 2016 оны 07 сарын 27
Загас - (2/19-3/20)
Өнөөдөр гэр болон өмч хөрөнгөтэй холбоотой асуудлууд гарах болно. Гэрийн ажлаа өнөөдөр хойш тавьсанаар зорилгоо биелүүлж амжилтанд хүрэхэд багагүй нөлөөлнө. Бизнесийн сөргөлдөөн, хувийн амлалт таныг хэцүү байдалд хүргэх болно. Хувийн байдлаасаа илүү бизнесээ сонгосон тань хайртай хүнд чинь тийм таатай байхгүй бөгөөд та үүнийг сайтар тайлбарлан ойлгуулах хэрэгтэй. Тэгэж хэмээн та хоёрын цаашдын замд чухал үүрэг гүйцэтгэнэ.

Дөрөвхөн настай охиныг зодож хөнөөсөн хэрэгт буруутгагдаад буй талийгаач охины хойд эх Г.Маралмаа, хэргийг нуун дарагдуулсан хэмээн буруутгагдсан талийгаач охины төрсөн эцэг Т.Цогт нарыг шүүх хурал өнөөдөр Баянзүрх дүүргийн Эрүүгийн танхимд шүүх хурал болно.



Тэднийг шүүх хурал дөрвөн удаа тодорхой шалтгааны улмаас хойшлоод байгаа юм. Шүүгдэгч нар өмгөөлөгч нэмж авсан бөгөөд шинэ өмгөөлөгч нь хавтаст хэрэгтэй танилцах шаардлагатай гэж үзсэн учраас хойшлуулсан юм. Уг хэрэгт Нийслэлийн Эрүүгийн хэргийн давж заалдах шатны шүүхээс Эрүүгийн хуулийн 100 дугаар зүйлийн 100.1 дэх хэсэгт зааснаар 25 жилийн ял тус бүрт нь оноосон билээ. Гэхдээ 25 жилийн хорих ялаас хоёр жилийг өршөөж, тус бүр 22 жилийн хорих ял оноогоод байгаа.

Өнөөдөр буюу долдугаар сарын 27-ны лхагва гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ. Тодруулбал, Баянзүрх дүүрэг

10.30-17.00 цагт: 13-р хороо 13-р хорооллын 38, Эрэлийн 39В, 40, 41, Дамдинсүрэнгийн 45, 56, 58, 59, 63А, Б, 65, 66, 87, 92, 93, , 143,145, 147, 152А, 167,170Б, С, ХД 67, 91, 93, МД 60, Олзвойн 39А, Б, В, Г, 40, 78, Ургац өгөөжийн 145-р байр 111-р дунд сургууль, Эрэл эмнэлэг, Шинэ Монгол сургууль, Улаанбаатар дунд, их сургууль, Гангар инвест, Гангар орд, Намьянжүгийн соёлын төв, RHEMA төлөөлөгчийн газар, ESSO ХХК болон эдгээрийн ойр орчмоор

Хан-Уул дүүрэг

10.30-18.00 цагт: 11, 3-р хороо Эрдэнийн төгөл хотхон, Сонор рекордс, Мэрэг ван, Зайсан, Анома ХХК-ууд болон эдгээрийн ойр орчмоор

Төв аймаг

10.00-18.00 цагт: Баяндэлгэр сум Гарденсити, Шувуун саарал ХХК-ууд, Скайтел, Мобикомын станцууд, иргэн Бямбадорж, Пүрэвбазар, Цэцэрлэг болон ойр орчмоор

09.00-18.00 цагт: Атар, Нөхөрлөл, Лүн сум Даргиатын ам, Авдрант, Батсүх үнээний ферм, Ногоон хэрэм, Мөнх их мандал, Ногоон хэрэм-2 ХХК-ууд болон ойр орчмоор

Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал эрүүл мэндийн шалтгааны улмаас ажлаас чөлөөлөгдөх өргөдлөө гаргаж, түүний хүсэлтийн дагуу Б.Бадралыг нийслэлийн Засаг даргын 2016 оны 7-р сарын 22-ны өдрийн Б/136 дугаар захирамжаар үүрэгт ажлаас нь чөлөөллөө. Түүний оронд Тогмидын Гантөмөрийг Улаанбаатар хотын Ерөнхий менежер бөгөөд Захирагчийн ажлын албаны даргын албан үүргийг түр орлон гүйцэтгэгчээр томиллоо.

Т.Гантөмөр нь 1959 оны 09.18-нд төрсөн. Удирдахуйн ухааны доктор (Ph.D), Хүний их эмч, Улс төр судлаач, Төрийн удирдлагын менежер мэргэжилтэй. 1999-2004 онд Удирдлагын академи, 1997-1999 онд ТЗУХ институт, 1991-1993 онд Улс төрийн их сургууль, 1977-1982 онд Анагаах ухааны дээд сургууль, 2001 онд МУИС- ХЗСургуулийг тус тус төгссөн. 1982 онд Сүхбаатар аймгийн Хийлийн цэргийн 0146-р ангид Хүний их эмч, 1984-1985 онуудад Улсын клиникийн төв эмнэлэгт Хүний эх эмч, 1985-1987 онуудад Баянхонгор аймгийн Шаргалжуут рашаан сувилалын газарт Эмчилгээ эрхлэсэн орлогч, 1987-1989 онд Ээрмэлийн үйлдвэрт Цехийн эмч, 1989-1992 онуудад Ардын армийн 022-р ангийн Эмнэлгийн албаны дарга, 1992-1995 онуудад Анагаах Ухааны дээд сургуулийн Эрүүл мэндийн ажилтан, 1995-2000 онд Нийслэлийн Монгол Ардын намын хороонд улс төрийн ажилтан, намын хорооны дэд дарга, 2000-2004 онд Нийслэлийн Баянзүрх дүүргийн Засаг дарга, 2004-2008 онд Удирдлагын академын докторант, багш 2011-2012 онуудад Ерөнхий сайдын зөвлөх, 2008-2016 онд НИТХ-ын МАН-ын бүлгийн дэд дарга зэрэг албан тушаал хашиж байжээ. Тэрээр “Хөдөлмөрийн гавъяаны улаан туг”-ын одон, “Алтан гадас” одон, Нийслэлийн “Хангарьд” одон, Боловсрол, эрүүл мэнд, хууль зүй, байгаль орчин, эдийн засгийн тэргүүний ажилтан, Төрийн захиргааны шилдэг менежер зэрэг шагналуудаар шагнуулсан байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Найрсаг Улаанбаатар” хөтөлбөрийн хүрээнд зохион байгуулж байгаа “Даншиг наадам-Хүрээ цам“ шашин соёлын наадмын үеэр их нас болон жороо морьдын уралдаан болно. Наадамд оролцох морьдыг наймдугаар сарын 6-ны 09:00 цагаас эхлэн Хүй долоон худагт бүртгэх юм байна. Их насны морьдын уралдаан 8 дугаар сарын 07-ны өдрийн 09:00 цагт эхлэх бол жороо морьдын уралдаан 8 дугаар сарын 7-ны 10:00-13:00 цагт Хүй долоон худагт болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

11:00 цагт: БНӨСУ дахь НҮБ-ын энхийг сахиулах ажиллагаанд үүрэг гүйцэтгэх Монголын Зэвсэгт хүчний зургадугаар ээлжийн 850 хүний мотобуудлагын батальон явахад бэлэн боллоо. 850 цэргийн алба хаагчид Монгол цэргийн оройн дээд сүлд Жанжин тугандаа хүндэтгэл үзүүлнэ.

11:00 цагт: Дэлхийн хепатитын өдрийг угтан Оном сангаас зохион байгуулж буй ЭЛЭГ БҮТЭН МОНГОЛ нээлттэй өдөрлөгийн талаар МонголНьюс дээр хэвлэлийн хуралтай.

12:00 цагт: Зууны мэдээ сонины үндэсний мэдээллийн төвд Эрдэнэт үйлдвэр-Ард түмний өмч хөдөлгөөнөөс мэдээлэл хийнэ.