“Эрдэнэс Тавантолгой” ХК-ийн хувьцааг түүний хоёр дахь зах зээл нээгдэх хүртэл бусдад худалдах, шилжүүлэхгүй

Өнөөдөр болох зарим үйл явдлуудыг танилцуулж байна.

11.00 цагт: Олимпийн эрх олгох Азийн АШТ-д оролцох тамирчид БТСХТ-ийн 4 давхарт хэвлэлийн хурал зарлалаа.


11.00 цагт: НЗДТГ, НАЖГ-аас зохион байгуулах Олон Улсын “SES” байгууллагын мэргэжилтэн, Герман улсын зөвлөх эксперт Хайди Диксон “Найрсаг Улаанбаатар” зочид буудлын үйлчилгээний мэргэшүүлэх сургалт “Шангри-Ла Улаанбаатар” зочид буудалд болно.


11.00 цагт: ЕБС-ийн сурах бичгийг хэвлэх тендер жилээс жилд будлиантай явагддаг. Энэ жил мөн л будлиан үүсч БСШУ-ыг шүүхэд өгсөн, төрийн өмчит үйлдвэрүүд хувийн хэвшлийхэнтэй шударга бус өрсөлддөг гэх мэт асуудлаар Хэвлэлийн Үйлдвэрүүдийн Холбоо болон Хэвлэх үйлдвэрүүдийн захирлууд Хэвлэлийн Хүрээлэнд мэдээлэл хийнэ.


11.00 цагт: ”Эрүүл мэндийн салбарт тавтай морил” сэдэвт хөдөлмөрийн яармаг МҮЭСТО-ны 2 давхарт болно.

12.30 цагт: Хөдөлмөрийн сайд, Үндэсний хорооны дарга Г.Баярсайхан Хөдөлмөр нийгмийн зөвшлийн гурван талт үндэсний хороо хөдөлмөрийн хөлсний доод хэмжээг 25 хувиар нэмэх тохиролцоонд хүрч чадсан талаар дэлгэрэнгүй мэдээлэл өгнө. Хэвлэлийн бага хурал Хөдөлмөрийн яамны байранд болно.


14.00 цагт: ”Мөрөөдлийн өрөө” төслийн хүрээнд Сүхбаатар дүүргийн нэгдсэн эмнэлэгийн Хүүхдийн тасгийн тарианы өрөөг шинээр тохижуулсныг хүлээлгэн өгөх үйл ажиллагаа болно. Төслийн нээлтэнд Нийслэлийн эрүүл мэндийн газар, Швейцарийн хөгжлийн агентлагийн төлөөлөгчид, хамтран ажилласан байгууллага, Ротари төлөөлөл хүрэлцэн ирэх юм.

АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны өдрүүдэд Улаанбаатар хотод болно. Уулзалтад 20 гаруй орны 100 гаруй парламентын гишүүд оролцох төлөвтэй байгааг албаныхан хэлж байгаа юм. Эдгээр төлөөлөгчдөөс 5 орны УИХ-ын дарга болон зургаан орны УИХ-ын дэд дарга хүрэлцэн ирэх юм байна. Эдгээр зочид төлөөлөгчид нь нэгдүгээр зэргийн хамгаалалттай зорчдог журамтай бөгөөд энэ өдрүүдэд замын хөдөлгөөний хэт ачааллаас урьдчилан сэргийлэх зорилгоор тээврийн хэрэгслийн улсын дугаарын тэгш сондгойгоор нь ялган замын хөдөлгөөнд оролцуулахаар нийслэлийн Засаг даргын захирамж гарсан.

Маргааш буюу 4 дүгээр сарын 21-ний Пүрэв гарагт тэгш тогоор төгссөн дугаартай тээврийн хэрэгсэл, баасан гарагт сондгой тоогоор төгссөн тээврийн хэрэгсэл замын хөдөлгөөнд оролцоно.

Энэ өдрүүдэд дугаарын хязгаарлалтын үндсэн бүсээс гадна Наадамчдын гудамж, Дүнжингаравын гудамжны Төв аймаг руу салдаг уулзвараас Их тэнгэрийн уулзвар хүртэлх замдуудад 08:00-20:00 цагийн хооронд хязгаарлалтад орсон дугаартай автомашин замын хөдөлгөөнд оролцохгүй.

Энэхүү хязгаарлалтад зочид төлөөлөгчдийн цуваа, дипломат байгууллагын, нийтийн үйлчилгээний том оврын автобус, троллейбус, стандартын шаардлага хангасан такси, тусгай дуут болон гэрэл дохиогоор тоноглогдсон, таних тэмдэг бүхий хэвлэл мэдээллийн байгууллагын тээврийн хэрэгсэл болон хойшлуулшгүй ажил үүрэг гүйцэтгэж яваа тээврийн хэрэгсэл хамаарахгүй. Түүнчлэн 2016 оны 04 дүгээр сарын 21, 22-ны өдрүүдэд хязгаарлалт тогтоосон гудамж, замуудад хүнд даацын ачааны авто машин /10 тонноос дээш/-ыг 06:00-22:00 цагийн хооронд замын хөдөлгөөнд оролцохыг түр хориглоно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

2016.4.21, Пүрэв гараг / Билгийн тооллын: 14
Хаврын адаг луу сар
Дөрвөн ногоон мэнгэтэй харагчин тахиа өдөр

Аргын тооллын: 2016.4.21, Пүрэв гараг
Наран ургах шингэх: 06.52-20.51
Үс засуулбал: Эд мал арвидна
Барилдлага:
Шүтэн барилдлага: Сэрэхүй

Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр санасан хэрэг түргэн бүтнэ. Бүтээл үйлдэх, тус чухалчлах, хэл ам дарах, башир, хатуу, түргэн үйл, амраг лугаа золгох, авшиг авах, ус гатлах, угаах зэрэгт сайн. Баруун нүд татвал садан ирэх, зүүн нүд татвал баярлах, баруун чих хангинавал гутамшиг болох, зүүн хангинавал завхарсныг сонсож цочиж айх, бие татвал өмнө зүгээс зочин ирэх, хөл татвал хэрүүл гомдол болно. амраг лугаа золгох, авшиг авах, ус гатлах, угаах зэрэгт сайн. Баруун нүд татвал садан ирэх, зүүн нүд татвал баярлах, баруун чих хангинавал гутамшиг болох, зүүн хангинавал завхарсныг сонсож цочиж айх, бие татвал өмнө зүгээс зочин ирэх, хөл татвал хэрүүл гомдол болно. Үс шинээр үргээлгэх буюу засуулбал эд, мал арвидна.

2016 оны 04 дүгээр сарын 20-ны 21 цагаас 04 дүгээр сарын 21-ний 21 цаг

хүртэлх цаг агаарын урьдчилсан мэдээ:



БАРУУН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун өмнөөс секундэд 7-12 метр, шороон шуурга шуурна. Алтай, Хангайн уулархаг шөнөдөө 1-6 градус хүйтэн, өдөртөө 6-11 градус, Алтайн өвөр говиор шөнөдөө 4-9 градус, өдөртөө 18-23 градус дулаан, бусад нутгаар шөнөдөө 3 градус хүйтнээс 2 градус дулаан, өдөртөө 12-17 градус дулаан байна.



ТӨВИЙН АЙМГУУДЫН НУТГААР: Үүлшинэ. Хур тунадас орохгүй. Салхи баруун хойноос секундэд 9-14 метр, шөнөдөө зарим газраар секундэд 18-20 метр хүрч шороон шуурга шуурна. Сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр шөнөдөө 5-10 градус хүйтэн, өдөртөө 0-5 градус дулаан, бусад нутгаар шөнөдөө 1-6 градус хүйтэн, өдөртөө 3-8 градус дулаан байна.



ЗҮҮН АЙМГУУДЫН НУТГААР: Үүлшинэ. Шөнөдөө хур тунадас орохгүй. Өдөртөө нутгийн хойд хэсгээр бага зэргийн хур тунадас орно. Салхи зүүн өмнөөс баруун хойш эргэж секундэд 7-12 метр, ихэнх нутгаар секундэд 18-20 метр хүрч шороон шуурга шуурна. Сэрүүсч шөнөдөө нутгийн хойд хэсгээр 3-8 градус, нутгийн өмнөд хэсгээр 0-5 градус хүйтэн, өдөртөө бүх нутгаар 3-8 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Хур тунадас орохгүй. Салхи баруун хойноос секундэд 7-12 метр, өдөртөө зарим үед түр зуур секундэд 16-18 метр хүрч шороон шуурга шуурна. Шөнөдөө 1-3 градус, өдөртөө 15-17 градус дулаан байна.



ГОВИЙН АЙМГУУДЫН НУТГААР: Үүлшинэ. Хур тунадас орохгүй. Салхи зүүн өмнөөс баруун хойш эргэж секундэд 7-12 метр, зарим газраар секундэд 18-20 метр хүрч шороон шуурга шуурна. Шөнөдөө Дундговийн нутгаар 0-5 градус хүйтэн, өдөртөө 2-7 градус, бусад нутгаар шөнөдөө 0-5 градус, өдөртөө 8-13 градус дулаан байна.



УЛААНБААТАР ХОТ: Үүлшинэ. Хур тунадас орохгүй. Салхи баруун хойноос секундэд 9-14 метр, шөнөдөө секундэд 18-20 метр хүрч шороон шуурга шуурна. Сэрүүсч шөнөдөө 4-6 градус хүйтэн, өдөртөө 2-4 градус дулаан байна.

Өнөө шөнө Сэлэнгийн өмнөд хэсэг, Төв, Хэнтий, Сүхбаатар, Дундговь, Дорноговийн нутгаар, маргааш өдөр Хэнтий, Дорнодын өмнөд, Дундговийн зүүн хэсэг, Дорноговь, Сүхбаатарын нутгаар салхи секундэд 18-20 метр, зарим үед секундэд 24 метр хүрч шороон шуурга шуурна.

Дэлхийн мансууруулах бодисын асуудлаарх НҮБ-ын тусгай чуулган явагдлаа

Нью-Йорк мужийн сунгаанд Х.Клинтон, Д.Трамп нар ялалт байгууллаа

хойшлуулав Улсын Их Хурлын Төрийн байгуулалтын байнгын хорооны өнөөдрийн /2016.04.20/ хуралдаан 14 цаг 45 минутад 52.6 хувийн ирцтэй эхэллээ.

Байнгын хорооны энэ өдрийн хуралдаанаар Монгол Улсын Ерөнхийлөгчөөс 2015 оны 07 дугаар сарын 01-ний өдөр, Улсын Их Хурлын гишүүн Су.Батболд нарын 8 гишүүнээс 2012 оны 10 дугаар сарын 19-ний өдөр өргөн мэдүүлсэн Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүдийн анхны хэлэлцүүлгийг хийхээр төлөвлөсөн байв. Харин Улсын Их Хурлын гишүүн, ажлын хэсгийн ахлагч Г.Батхүү хуулийн шинэчилсэн найруулгын төслийн анхны хэлэлцүүлгийг Хууль зүйн байнгын хорооны өнөөдрийн хуралдаанаар хийж, санал, дүгнэлтээ хараахан ирүүлж амжаагүй байгаа учраас хуулийн шинэчилсэн найруулгын төслийн анхны хэлэлцүүлгийг байнгын хорооны дараагийн хуралдаанаар хийхээр хойшлуулах санал гаргасныг хуралдаанд оролцсон гишүүд дэмжсэн юм.

Тус байнгын хорооны хуралдаанаар Засгийн газраас 2015 оны 10 дугаар сарын 14-ний өдөр Олон улсын гэрээний тухай хуулийн шинэчилсэн найруулгын төсөлтэй хамт өргөн мэдүүлсэн Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийж, энэ талаарх санал, дүгнэлтээ Аюулгүй байдал, гадаад бодлогын байнгын хороонд хүргүүлэх байсан юм. Уг хуулийн шинэчилсэн найруулгын төслийн хэлэлцэх эсэх асуудлыг Аюулгүй байдал, гадаад бодлогын байнгын хорооны 2015 оны 10 дугаар сарын 21-ний өдрийн хуралдаанаар хэлэлцэж дэмжсэнийг чуулганы нэгдсэн хуралдаанаар хэлэлцээд анхны хэлэлцүүлэгт бэлтгүүлэхээр шилжүүлсэн.

Ингээд Засгийн газрын гишүүн, Гадаад хэргийн сайд Л.Пүрэвсүрэн хуулийн төслийн талаар байнгын хорооны гишүүдэд танилцуулав. Одоогийн хүчин төгөлдөр мөрдөж буй Олон улсын гэрээний тухай хуулийг 1993 онд баталж, 1998, 2012 онуудад нэмэлт, өөрчлөлт оруулжээ. Гэлээ ч энэ хуулийн үйлчлэх хүрээ тодорхойгүйн улмаас олон улсын хувийн эрх зүйгээр зохицуулах арилжааны гэрээ, хэлцлийн орчуулгын хяналтыг Гадаад хэргийн яам хийдэг, олон улсын гэрээ үйлдэх хэл, гэрээний орчуулга хийх, орчуулгын хяналт хийх харилцааны зохицуулалт бүрхэг учраас мөн тус яам бүх гэрээний орчуулгыг хянан баталгаажуулдаг байна. Мөн Олон улсын гэрээний эрх зүйн тухай Венийн конвенциор зөвшөөрсөн олон улсын гэрээ байгуулах аргуудыг бүрэн тусгаагүй, үүний улмаас нэг гэрээнд нэгдэн орох, соёрхон батлах зэрэг хоёр аргаар нэгдэн ордог, хоёр болон олон талт олон улсын гэрээ байгуулах, хүчин төгөлдөр олон талт гэрээнд нэгдэн орох процедурын зааг ялгааг нарийвчлан гаргаагүйн улмаас хүчин төгөлдөр гэрээнд нэгдэн орох асуудлыг Засгийн газар, Улсын Их Хурлаар хоёр удаа хэлэлцдэг. Түүнчлэн гарын үсэг зурах шаардлагагүй, эсхүл боломжит хугацаа нь дууссан байхад гарын үсэг зурах үүргийг Улсын Их Хурлаас өгөх, гэрээг хэвлэн нийтлэх харилцааны зохицуулалт хангалтгүйгээс гэрээнүүд хэвлэн нийтлэгддэггүй зэрэг олон хүндрэл учирдаг байна.

Иймээс дээрх нөхцөл байдлыг арилгах, хуулийн зохицуулалтыг тодорхой болгох үүднээс Улсын Их Хурлын Аюулгүй байдал, гадаад бодлогын байнгын хорооны тогтоол, Үндэсний аюулгүй байдлын зөвлөлийн зөвлөмжөөр Олон улсын гэрээний тухай хуулийн шинэчилсэн найруулгын төсөл боловсруулж, батлуулах үүрэг, зөвлөмжийг Засгийн газарт өгсний дагуу уг хуулийн шинэчилсэн найруулгын төслийг боловсруулжээ. Хуулийн төсөл нь 8 бүлэг, 37 зүйлтэй юм.

Хэлэлцэж буй асуудалтай холбогдуулан Улсын Их Хурлын гишүүн Х.Тэмүүжин Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах асуудлыг Аюулгүй байдал, гадаад бодлогын байнгын хороо биш Төрийн байгуулалтын байнгын хорооны хуралдаанаар хэлэлцэн шийдвэрлэж, санал, дүгнэлтээ чуулганы нэгдсэн хуралдаанд оруулж хэлэлцүүлэх ёстой. Чуулганы хуралдааны дэгийн хуульд нэмэлт, өөрчлөлтт оруулах тухай хуулийн төслийг Засгийн газраас санаачилж оруулж ирж байгаа нь ч буруу. Энэ нь Төрийн байгуулалтын байнгын хорооны үндсэн асуудал учраас энэ хуулийн төслийг манай байнгын хороо хэлэлцэж шийдвэрлэх нь зүйтэй юм гэдгийг хэллээ. Мөн Улсын Их Хурлын гишүүн Г.Батхүү энэ саналыг дэмжиж буйгаа хэлсэн юм. Ингээд гишүүдийн гаргасан горимын саналыг байнгын хорооны хуралдаанд оролцсон гишүүдийн олонх нь дэмжсэн тул хуулийн төслийн анхны хэлэлцүүлгийн бэлтгэлийг хангах үүднээс уг асуудлыг байнгын хорооны дараагийн хуралдаанаар хэлэлцэхээр түр хойшлууллаа гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Буудлагынхан Дэлхийн цомд цэцээ сорьж байна

Олон улсын залуучуудын симфони найрал хөгжмийн “Симфони нөхөрлөл” тоглолт ОХУ-ын Эрхүү хотын филармонид энэ сарын 21-нд болох аж.

ОХУ, БНХАУ, БНСУ, Монгол, Польшийн хөгжимчид хамтарсан тоглолтыг Үндэсний дуу бүжгийн эрдмийн чуулгын ерөнхий удирдаач, Урлагийн гавьяат зүтгэлтэн Н.Буянбаатар удирдана. Тоглолтод И.Гайдн, А.Хачатурян зэрэг алдарт хөгжмийн зохиолчийн бүтээлээс гадна Монголын хөгжмийн зохиолч Ш.Өлзийбаярын морин хуурт зориулсан бүтээлийг толилуулна. Хөгжмийг “Домог” хамтлагийн морин хуурч Д.Шинэцог гоцlон тоглох юм байна.

Металлург, машин байгууламжийн салбарт үйл ажиллагаа явуулж байгаа компаниуд “ТОГТВОРТОЙ ЗАХИАЛГА, ТОГТВОРТОЙ ҮЙЛДВЭРЛЭЛ, ТОГТВОРТОЙ АЖЛЫН БАЙР” сэдэвт үзэсгэлэнг “Экологбус” ХХК-ийн байранд зохион байгуулж байна. Лхагва гариг бүрт болдог “Шийдлийн цаг” уулзалтаар Монгол Улсын Ерөнхий сайд Ч.Сайханбилэг тус үзэсгэлэнд оролцож, аж үйлдвэрлэлийн салбарт үйлдвэрлэл эрхэлж байгаа компанийнхантай уулзан санал хүсэлтийг нь сонсч, тэдний бүтээгдэхүүнтэй танилцлаа.

Аж үйлдвэрийн салбарт төрөөс баримтлах бодлого гарч, Үйлдвэрлэлийг дэмжих тухай хууль батлагдсаны болон үйлдвэрүүдийг хөрөнгө санхүүгээр дэмжсэний үр дүн энэ үзэсгэлэнгээс харагдаж байна.

Чингис бондын хөрөнгийн 28 хувийг зам барилга, 72 хувийг үйлдвэрлэлийг дэмжихэд зориулсан. Тухайлбал, бондын хөрөнгөөс 1200 үйлдвэр санхүүжилт авсан гэдгийг Ерөнхий сайд Ч.Сайханбилэг хэллээ.

ЕБС-ийн сурагчдын улсын шалгалтын тов гарлаа

Улсын Их Хурлын дарга З.Энхболд энэ сарын 21-23-ны өдрүүдэд Улаанбаатар хотноо зохиогдох Ази-Европын Парламентын Түншлэлийн 9 дүгээр уулзалтад оролцохоор манай улсад хүрэлцэн ирсэн Бүгд Найрамдах Франц Улс /БНФУ/-ын Үндэсний Ассамблейн гишүүн, Франц-Монголын найрамдлын бүлгийн дарга Жером Шартье тэргүүтэй төлөөлөгчдийг өнөөдөр /2016.04.20/ хүлээн авч уулзав.

Улсын Их Хурлын дарга З.Энхболд уулзалтын эхэнд Францын Үндэсний Ассамблейн төлөөлөгчдийг Монгол Улсад тавтай зочлохыг хүсээд Ази-Европын Парламентын Түншлэлийн 9 дүгээр уулзалтад оролцож буйд нь талархал илэрхийлэв. Ардчиллын нийтлэг үнэт зүйлст тулгуурласан Монгол, Францын найрсаг харилцаа, хамтын ажиллагаа сүүлийн жилүүдэд идэвхтэй хөгжиж байгаад сэтгэл ханамжтай байгаагаа Улсын Их Хурлын дарга энэ үеэр илэрхийлээд хоёр улсын хууль тогтоох байгууллага дахь парламентын найрамдлын бүлэг хооронд харилцан айлчлал тогтмолжиж, хамтын ажиллагаа идэвхтэй өргөжиж байгаад баяртай байгаагаа онцлов.

Үндэсний Ассамблейн гишүүн Жером Шартье Ази-Европын парламенчдын өргөн бүрэлдэхүүн оролцсон энэхүү нэр хүндтэй томоохон арга хэмжээг эх орондоо зохион байгуулах гэж байгаад Монгол Улсад баяр хүргээд Ази-Европын Парламентын Түншлэлийн энэ удаагийн уулзалт нь дэлхийн парламентууд хоорондын хамтын ажиллагааг өргөжүүлэхийн зэрэгцээ Монгол Улсыг дэлхий дахинд таниулж сурталчлахад чухал үр дүнтэй арга хэмжээ болно гэж үзэж буйгаа илэрхийллээ.

Монгол, Францын харилцааг өргөжүүлэн хөгжүүлэхэд Үндэсний Ассамблейн гишүүн Ж.Шартьег тусгайлан анхаарч ирсэнд Улсын Их Хурлын дарга талархал илэрхийлээд Монгол Улсын Засгийн газар эдийн засгаа төрөлжүүлэх, уул уурхайн салбараас хараат байдлыг арилгахыг зорьж байгааг тэмдэглээд Франц Улстай аялал жуулчлал, соёл урлаг, хөдөө аж ахуйн чиглэлээр хамтран ажиллах сонирхолтой байдгийг тэмдэглэлээ. Мөн Монгол Улсын Ерөнхий прокурорын газар болон Францын Үндэсний Магистратын Их сургууль хоорондын хамтын ажиллагааг өргөжүүлэх, тухайлбал, хамтарсан сургалт зохион байгуулах, тус сургуульд суралцах манай хуульчдын тоог нэмэгдүүлэх сонирхлоо илэрхийлсэн юм.

Үндэсний Ассамблейн гишүүн Жером Шартье хууль эрх зүйн чиглэлээр хоёр талын холбогдох байгууллагуудын хамтран ажиллах асуудлыг ажил хэрэг болгох боломжтойг дурдаад хоёр орны нотариатчдыг харилцан солилцож туршлага судлах, дадлагажуулах ажил үр дүнтэй явагдаж байгааг онцоллоо.

Улсын Их Хурлын дарга З.Энхболд уулзалтын төгсгөлд энэ зун Монгол Улсад зохиогдох АСЕМ-ын дээд түвшний чуулга уулзалтад БНФУ-ын Ерөнхийлөгч оролцохоор төлөвлөж буйд баяртай байгаагаа илэрхийлээд Үндэсний Ассамблейн төлөөлөгчдийг Ази-Европын Парламентын Түншлэлийн 9 дүгээр уулзалтын арга хэмжээнд амжилттай оролцохыг хүсэв.

Уулзалтад Улсын Их Хурлын гишүүн, Улсын Их Хурал дахь Монгол-Францын парламентын бүлгийн дарга Л.Болд, Улсын Их Хурлын Тамгын газрын Гадаад харилцааны хэлтсийн дарга Ц.Нарантунгалаг болон албаны бусад хүмүүс оролцлоо.

БНФУ-ын Үндэсний Асамблейн гишүүн, Франц-Монголын найрамдлын бүлгийн дарга Жером Шартьег хоёр орны харилцаа, хамтын ажиллагааг өргөжүүлэх үйл хэрэгт үнэтэй хувь нэмэр оруулсныг үнэлж 2007 онд “Найрамдал” медалиар, 2014 онд “Алтан гадас” одонгоор шагнасан байна гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Үндэсний бичиг соёлоо хойч үедээ өвлүүлэх, түгээн дэлгэрүүлэх зорилготой Ардын багш Д.Чойжилсүрэнгийн нэрэмжит Монгол бичгийн улсын уралдааныг 15 дахь жилдээ зарлажээ.

Уралдааныг төрийн болон хувийн хэвшлийн ажилтан, албан хаагч, ЕБС-ийн мэргэжлийн багш нар, их, дээд сургуулийн оюутан, бүх нийтийн хүрээнд гэсэн ангиллаар зохион байгуулах юм байна. Уралдааны дүнг олон нийтийн мэдээллийн хэрэгсэл, зохион байгуулагч байгууллагын цахим хуудас (www. num.edu.mn; http://ims-num.org)-aap зарлах аж.

Эхний гурван байр болон тусгай байрын эзнийг шалгаруулан өргөмжлөл, мөнгөн шагналаар шагнана.

Ази, Европын дээд түвшний XI уулзалтыг зохион байгуулах, чиг үүргээр хангах Үндэсний зөвлөлийн 23 дугаар хуралдаан болж, уулзалтын бэлтгэл ажлыг хангахтай холбоотой хэд хэдэн асуудлыг хэлэлцлээ.

Хуралдаанаар Ази, Европын дээд түвшний XI уулзалтын нэгдсэн хөтөлбөрийг эцэслэн баталсан. Мөн АСЕМ-ын 20 жилийн ойн дурсгалт хөшөө байгуулах эрх олгох болон зочид, төлөөлөгчдөд зориулсан гар утасны аппликейшн бүтээх тухай асуудлыг хэлэлцээд холбогдох дэд ажлын хэсгийн хурлаар хэлэлцүүлэхээр шийдвэрлэсэн юм.

АСЕМ Вилла зочид буудлын үйлчилгээ, бэлэг дурсгалын санхүүжилтийг дэд ажлын хэсгүүд ахин нягталсан талаар мэдээллэв. Эдгээр санхүүжилтийг Сангийн яамаар хянуулан батлуулахаар тогтлоо.

Үүнээс гадна Турк улсын Засгийн газраас үзүүлэх техникийн буцалтгүй тусламжийн асуудлыг хэлэлцсэн. Энэ асуудлыг Хууль зүйн яам нягталсны дараа дэд ажлын хэсгийн хуралдаанаар хэлэлцүүлэхээр шийдвэрлэлээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Хууль зүйн сайд Д.Дорлигжав хэдхэн хормын өмнө Цагдаагийн Ерөнхий газрын дарга, тэргүүн комиссар Р.Чингисийг албан үүргээс нь чөлөөлөх хүсэлтийг Ерөнхий сайд Ч.Сайханбилэгт хүргүүлсэн талаар эх сурвалж мэдээллээ. Ингэснээр ЦЕГ-ын даргыг үүрэгт ажлаас нь чөлөөлөх эсэх асуудлыг Засгийн газрын хуралдаанаар хэлэлцэж, эцэслэн шийдвэрлэх аж.

Сүүлийн хэдэн өдөр сошиал ертөнцөөр ”Эрдэнэс Таван Толгой” ХК-ийн 1072 хувьцааг худалдаж авна гэсэн зар нэлээд явсан. Энэ талаар Хөрөнгийн Биржийн гүйцэтгэх захирал асан Д.Ангар өөрийн байр суурийг ийнхүү илэрхийлжээ.

Энэ сарын 10-ны өдрөөс эхлэн нэмэлт вакцинжуулалтыг эхлүүлэхээр болжээ. Тодруулбал, улаанбурхан өвчний эсрэг үйлчилгээтэй вакцин энэ оны тавдугаар сарын 4, 5-ны өдөр манай улсад ирэх юм байна. Манай улсад улаанбурханы дэгдэлт өндөр байгаа энэ үед Өрхийн эрүүл мэндийн төвийн эмч нар 0-1 насны хүүхдүүдийг дуудлагын дагуу очиж үзэх юм байна.

Энэ нь олон улсын шаардлага, стандартад нийцсэн чанартай вакцин юм.

Олон улсын хөл бөмбөгийн холбооны шинэ Ерөнхийлөгч Жанни Инфантино ОХУ-ын нийслэл Москва хотноо хүрэлцэн ирж, 2018 оны хөл бөмбөгийн ДАШТ-ий тоглолтууд явагдах цэнгэлдэх хүрээлэнгүүдийн бэлтгэл ажилтай танилцаж эхлээд байна. Тэрээр мягмар гаригт Москва хотын дарга Сергей Собянины хамтаар Лужники цэнгэлдэх хүрээлэнд зочилж, уг цогцолборт хийгдэж байгаа барилга, засварын явцтай танилцсан байна. 81000 хүний суудал бүхий Лужникийн цэнгэлдэх хүрээлэнд 2018 оны хөл бөмбөгийн ДАШТ-ий финалын тоглолтууд явагдах болно. Жанни Инфантино өнгөрсөн 2 дугаар сард ОУХБХ-ны ерөнхийлөгчөөр сонгогдсоноос хойш анх удаагаа ийнхүү 2018 оны ДАШТ-ийг зохион байгуулагч ОХУ-д айлчилж байгаа нь энэ юм. Жанни Инфантино ОХУ-д ажилласны дараагаар 2022 оны хөл бөмбөгийн ДАШТ-ийг зохион байгуулагч Катар улсад мөн зочлох юм байна.