2017.3.28, МЯГМАР ГАРАГ / БИЛГИЙН ТООЛЛЫН: 30

ХАВРЫН ТЭРГҮҮН ХАР БАР САР
ТАВАН ШАР МЭНГЭТЭЙ ХӨХ БАР ӨДӨР

Аргын тооллын: 2017.3.28, Мягмар гараг
Наран ургах шингэх: 06.39-19.16
Үс засуулбал: Эрлэг лугаа учирна
Барилдлага: Үхэх
Шүтэн барилдлага: Сансар
Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Бурханы ёс ба тарни бүтээх, амраг нөхдийг хураахуйд сайн. Баруун чих хангинавал асрагдах, зүүн нь бол буян арвижих, нохой уливал гэрийн тэнгэр зайлсан, хэрээ гуаглавал эд агуурс олдох, тагнай загатнавал зочин ирэх, бие татвал гаслан болох, хөл татвал хувцас олдоно. Өдрийн сайн цаг нь хулгана, үхэр, луу, могой, хонь, нохой болой.

БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруун өмнөөс баруун хойш эргэж секундэд 6-11 метр. Сангийн далай нуур орчмоор шөнөдөө 25-30 градус, өдөртөө 10-15 градус, Увс нуурын хотгор, Богдын гол, Идэрийн голын хөндий, Хүрэнбэлчир орчмоор 15-20 градус хүйтэн, өдөртөө 4 градус хүйтнээс 1 градус дулаан, Алтайн өвөр говиор шөнөдөө 2 градус хүйтнээс 3 градус дулаан, өдөртөө 8-13 градус дулаан, бусад нутгаар шөнөдөө 5-10 градус хүйтэн, өдөртөө 2-7 градус дулаан байна.



ТӨВИЙН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө Хөвсгөлийн уулсаар бага зэргийн цас орно. Салхи баруун хойноос секундэд 6-11 метр. Дархадын хотгороор шөнөдөө 15-20 градус, өдөртөө 1-6 градус, Хангай, Хөвсгөл, Хэнтийн уулархаг нутаг, Эг, Хараа, Ерөө голын хөндийгөөр шөнөдөө 10-15 градус хүйтэн, өдөртөө 1 градус хүйтнээс 4 градус дулаан, бусад нутгаар шөнөдөө 3-8 градус хүйтэн, өдөртөө 4-9 градус дулаан байна.



ЗҮҮН АЙМГУУДЫН НУТГААР: Шөнөдөө багавтар үүлтэй. Өдөртөө үүлшинэ. Цас орохгүй. Салхи баруун хойноос секундэд 6-11 метр. Шөнөдөө 5-10 градус хүйтэн, өдөртөө 5-10 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруунаас секундэд 6-11 метр. Шөнөдөө 8-10 градус хүйтэн, өдөртөө 4-6 градус дулаан байна.



ГОВИЙН АЙМГУУДЫН НУТГААР: Үүлшинэ. Хур тунадас орохгүй. Салхи баруун хойноос секундэд 7-12 метр. Өмнөговийн хойд, Дундговийн баруун хэсгээр шөнөдөө 7-12 градус хүйтэн, өдөртөө 1-6 градус дулаан, бусад нутгаар шөнөдөө 4-9 градус хүйтэн, өдөртөө 6-11 градус дулаан байна.



УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 3-5 градус хүйтэн, өдөртөө 7-9 градус дулаан байна.

Шуурхай дуудлагын утсанд энэ сарын 26-ны 11:30 цагт Сүхбаатар сумын Цагаан эрэгийн Нүхэн гүүрний гарамын орчим Орхон голд автомашин мөсөнд цөмөрсөн тухай дуудлага ирсэн.

Дуудлагын дагуу Эрэн хайх, аврах ангийн бүлгийн дарга ахлах дэслэгч Х.Ганхуягаар ахлуулсан аврах багийг очиход 80-20 УНЛ улсын дугаартай STAREX маркийн автомашин Орхон голын мөсөн дээгүүр зорчиж яваад автомашин нь урд хэсгээрээ мөсөнд цөмөрч орсон байдалтай байв.

Эрэн хайх, аврах багийнхан гурван цагийн турш ажиллан тус автомашиныг татан гаргаж, автомашины эзэн иргэн Т-д хүлээлгэн өглөө гэж Сэлэнгэ аймгийн Онцгой байдлын газраас мэдээллээ.

Ажлын хэсэг удирдамжинд заасан хугацаанд Гаалийн ерөнхий газарт ажиллах Олон нийтийн дэд зөвлөлийн гишүүнээр ажиллах хүсэлтэй иргэдийн материалыг хүлээн авах бөгөөд энэ талаархи мэдээллийг Гаалийн ерөнхий газрын цахим хуудаст байршуулаад байна.

Сангийн яамнаас 2016 оны НӨАТ-ын буцаан олголтоо аваагүй байгаа иргэдийн www.ebarimt.mn дэх бүртгэлийн мэдээллийг 2017 оны 03 дугаар сарын 29-ний өдрийг дуустал хугацаанд засварлаж, хуульд заасны дагуу 2017 оны 03 дугаар сарын 31-ний өдөрт багтаан олгохоор ebarimt.mn дэх мэдээлэл засварлах хугацааг сунгасан.

ХЗДХЯ, Гэмт хэргээс урьдчилан сэргийлэх ажлыг зохицуулах зөвлөлөөс Гэр бүлийн хүчирхийлэлтэй тэмцэх тухай хуулиар хэвлэл мэдээллийн 30 байгууллагын сэтгүүлчдэд хоёр өдрийн сургалт зохион байгууллаа.

ОХУ-ын Буриад улсын Улаан-Үд хотноо “Цагаан сар 2017” олон улсын хөгжмийн фестиваль болж өнгөрлөө. Буриад, Халимаг, Тува, Татарстан, Монгол, Казакстан, Нигери, БНСУ зэрэг улсын дуучид оролцсон уг тэмцээний Гранпри шагналыг Буриадын дуучин Евгения Рейзвих хүртсэн бол нэгдүгээр байрын шагналыг Казахстаны дуучин Лаура Айтбаев, хоёрдугаар байрыг Монголын дуучин Б.Оргил хүртэж, гуравдугаар байрыг Буриадын дуучин Тимур Болотов нар эзэлжээ.

Б.Оргил нь дуучны карьераа Камертон 2 шоунд оролцон ялж “Бид 4” хамтлагийн гишүүн болсноор эхлүүлж байсан юм.

БНСУ-д Чежү арлын Согүйпү дүүрэгт зам тээврийн осол гарч, ослын улмаас Монгол Улсын иргэн 35 настай Б нь амь насаа алдсан хэрэг гарсан байна.

Хүүхдийн эрх тодруулбал, унаач хүүхдүүдийн эрх ашиг ноцтой хөндөгдөж тэдний эрх ашгийг хамгаалахын төлөө Хүүхдийн эрхийн үндэсний төв, Өсвөр үеийн хөгжлийн төв, МОНФЕМНЕТ үндэсний сүлжээ, “Бүх нийт боловсролын төлөө” иргэний нйигмийн үндэсний сүлжээ зэрэг хүний эрх, нийгмийн шударга ёсны төлөө зорьж ажилладаг төрийн бус байгууллагууд дуу хоолойгоо нэгтгэлээ.

Улаанбаатар хотын өнгөрсөн 21 хоногийн нөхцөл байдлын талаар УБХЦГ мэдээлэл өглөө.

Монгол Улсаас Бүгд Найрамдах Серби Улсад хавсран суух Онц бөгөөд Бүрэн эрхт Элчин сайд З.Батбаяр Бүгд Найрамдах Серби Улсын Ерөнхийлөгч Томислав Николичид Итгэмжлэх жуух бичгээ барив. Бүгд Найрамдах Серби Улсын Ерөнхийлөгч Томислав Николич Элчин сайд З.Батбаярыг Итгэмжлэх жуух бичгээ барьсантай нь холбогдуулан хүлээн авч уулзав.

Дорнод аймгийн төв Чойбалсан хотоос Хавирга-Ар хашаат боомтоор Манжуур хот хүртэлх улс хоорондын зорчигч тээврийн үйлчилгээ өнөөдрөөс явж эхэллээ.

Төрийн албаны шалгалтад бэлтгэж буй иргэдэд зориулсан ”цэнхэр ном” хэвлэгджээ.

Хэнтий аймаг дахь Цагдаагийн газрын алба хаагчид олон удаагийн үйлдлээр иргэдийн мал хулгайлсан этгээдүүдийн илрүүлжээ.

Өнгөрсөн бямба гарагт Ховд аймгийн Зэрэг сумын Эхэн багийн Шар булаг гэдэг газар Ховд голоос мөс

Монгол Улсын Их хурлаас “Авлигатай тэмцэх үндэсний хөтөлбөр”-ийг 2016 оны 11 дүгээр сард батлан гаргасан. Уг хөтөлбөрийг сурталчлан таниулах, авлигын эсрэг үйл ажиллагааг эрчимжүүлэх зорилгоор АТГ-аас яам, агентлаг, нийслэл, дүүрэгт ажиллаж байгаа юм. Өнөөдөр АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Г.Арсланхуяг нийслэлийн удирдах албан тушаалтнуудад “Авлигатай тэмцэх үндэсний хөтөлбөр” болон авлигаас урьдчилан сэргийлэх чиг үүрэг бүхий олон нийтийн дэд зөвлөл байгуулах талаар танилцууллаа. Энэхүү дэд зөвлөл нь нийслэл, дүүргийн Гэмт хэргээс урьдчилан сэргийлэх салбар зөвлөлийн дэргэд ажиллах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Увс аймгийн Улаангом сумын нэгдүгээр багийн “Чандмань” гэдэг газар үүссэн их хэмжээний мөс хайлж, айл, өрх, аж ахуйн нэгж, байгууллага, улсын чанартай автозам, гүүр шар усны үерт автах эрсдэл үүсээд байгаа билээ.

Тэгвэл уг эрсдэлээс урьдчилан сэргийлэх, хамгаалах зорилгоор аймгийн Засаг даргын захирамжийн дагуу Онцгой байдлын газраас аймгийн гамшгаас хамгаалах албад, мэргэжлийн анги, албан газар аж ахуй нэгж, байгууллагууд, иргэдийг 2017 оны 3 дугаар сарын 24-25-ны өдрүүдэд дээрх мөсийг зайлуулах, суваг татах, усны гольдролыг өөрчлөх ажилд дайчлан ажиллуулаа.

Дайчилгаанд нийт 53 байгууллагын 816 хүн хамрагдаж, 1.5 метр өргөнтэй, 1,5 метр гүнтэй 2100 метр урт хонгилийг ухаж шар усны үерээс урьдчилан сэргийлэх, хамгаалах арга хэмжээг зохион байгууллаа гэж Увс аймгийн Онцгой байдлын газраас мэдээллээ.

Жил бүр Канадын Засгийн газрын санхүүжилтээр Монгол Улсад ардчиллыг хэрхэн бэхжиж буйг тандах зорилготой, иргэдийн дунд санамсаргүй түүврийн аргаар судалгаа явуулдаг. Энэ жилийн хувьд судалгаанд оролцогчдын 57 хувь нь төр засгийн үйл ажиллагаа буруу замаар явж байна гэж хариулжээ. Мөн 82 хувь нь буюу таван хүн тутмын дөрөв нь эдийн засгийн нөхцөл байдлыг “муу” буюу “маш муу” гэж үнэлсэн байна.
Уг нь өнгөрсөн оны зургадугаар сард явуулсан судалгаагаар иргэд шинэ бодлого тодорхойлогчдод итгэх итгэл өндөр байсан гэж уг судалгааг гардан зохион байгуулдаг Бүгд Найрамдахчуудын Олон Улсын Хүрээлэнгийн Азийн бүсийг хариуцсан захирал Дерек Лютен онцолсон. Харамсалтай нь жил хүрэхгүй хугацаанд эрх баригчид ард түмний итгэлийг олон хувиар алджээ. Иргэд амьдралд нь хамгийн хүнд тусдаг хүчин зүйлийг авлига хэмээн тодорхойлсон. Төрийн албан хаагч өөрөөс нь их бага хэмжээний авлига нэхэж байсан гэж 27 хувь нь хариулсан байна.
Судалгааны багийн ахлагч шинэ Засгийн газарт хандаж “Одоо бал сар чинь дууссан, хариуцлагатай байж, иргэдийнхээ шаналж буй асуудлуудыг шийдэх цаг болжээ” гэж сануулсан. Харин эрч баригчид иргэддээ “байдал улам дордоно, бүсээ чангал” гэж сануулсаар байгаа билээ.
Эх сурвалж: http://www.iri.org/resource/mongolia-new-poll-shows-declining-optimism-continued-economic-concerns
Э.Бат

Гэртээ харихаар явж байсан 21 настай охиныг портертой залуус хулгайлахыг завджээ.

Энэ сарын 17-ны өглөө 04:18 цагт Баянзүрх дүүргийн 5-р хороо, Цайз захын