УИХ-ын сонгуулийн 74-р тойрогт Ардчилсан намаас нэр дэвшигч Бандихүүгийн УРГАМАЛЦЭЦЭГ сонгуулийн сурталчилгааныхаа үеэр олон хүн цуглуулж үзэл суртлын уулзалт хийхээс аль болох зайлсхийж амьд, амьдрал дундах харилцааг чухалчилж байна.



Тэрээр өөрийн тойрог болох Баянхошуу, Баруун, Зүүн салааны айлуудад өөрөө биечлэн очиж байгаа юм. Нэр дэвшигч Б.Ургамалцэцэг өөрөө энэ тухайд хэлэхдээ “Сонгинохайрханчуудад ийм асуудал бий гэж бүдүүн тоймоор амарчилж ярихыг би хүсэхгүй байна. Баянхошууныханд нэг өөр, Баруунсалааныханд бас өөр, Зүүнсалааныханд бүр өөр асуудлууд байна. Тэр байтугай Худаг, Зээл, Монлаагийн гээд гудамж бүрт өөр өөр шийдэх асуудал байна. Жижиг гэлтгүй энэ бүгдийг мэдэж байж яаж өөрчлөхөө тодорхойлно. Үүний тулд би залхууралгүйгээр гудамж, хашаа бүрт очиж явна аа” гэлээ.



Ингэж иргэдийнхээ асуудал бэрхшээлийг газар дээр нь үзэж, санал сэтгэгдлийг нь биечлэн сонсч байгаа түүний уулзалтууд энгийн, элэгсэг дотно, нэг гэр бүлийнхэн шиг халуун дулаан уур амьсгалд үргэлжилж байна.

ххх

Нийслэлийн ИТХ-ын Тэргүүлэгчдийн 2016 оны 06 дугаар сарын 10-ны өдрийн 115, 116, 117, 118 дугаар тогтоолоор “Нийслэлийн өмчийн концессын зүйлийн жагсаалт”-ыг баталж, төсөл хэрэгжүүлэгч компаниудтай концессын гэрээ байгуулахыг нийслэлийн Засаг даргад даалгасан.

Баянзүрхийн нэр дэвшигчид өнгөтэй байна

Э.Бат-Үүл, Д.Баттулга нарыг шүүхэд өгчээ

“Сайн дадлагажигч” хөтөлбөрийг хэрэгжүүлнэ

НИТХ-аас гэр хорооллын дахин төлөвлөлтийн төсөл хэрэгжүүлэх 24 байршлыг баталсан.

Сонгуулийн үйл ажиллагаатай холбоотой асуудлаар ирсэн гомдол мэдээллийн талаар Цагдаагийн Ерөнхий Газрын хэвлэл мэдээллийн төвөөс мэдээлэл хийлээ.

Д.Зоригт шүүх, цагдаагийн байгууллагад хандлаа

Нийслэлийн иргэдийг гамшгаас хамгаалах сургалт аргазүйн төвтэй боллоо

УИХ-ЫН ДАРГА, АРДЧИЛСАН НАМЫН ДАРГА З.ЭНХБОЛД БУЛГАН АЙМАГТ АЖИЛЛАЖ, ИРГЭД СОНГОГЧИДТОЙ УУЛЗАЛТ ХИЙЛЭЭ

“Сайн”-аар халхалсан саарууд

Нийслэлийн Засаг дарга Э.Бат-Үүлийн хүү Б.Чулуудай нь оффшор бүсэд компани нээж байсан нь фанамын баримтаар тодорхой болсон. Уг мэдээлэл гарсан даруйд Б.Чулуудайн зүгээс “Би хуулийн дагуу оффшорт компани байгуулсан. Гэхдээ уг компаниа нээгээд л орхисон. Ямар нэгэн гүйлгээ хийгээгүй. Тус компани нь үйл ажиллагаа явуулаагүй байж байгаад татан буугдсан” гэсэн тайлбарыг хийж байсан билээ. Харин Нийслэлийн засаг дарга Э.Бат-Үүл “Миний хүү оффшор дахь компаниараа дамжуулан ганц л удаа гүйлгээ хийсэн байвал би албан тушаалаасаа татгалзана. Дахиж хэзээ ч сонгуульд нэрээ дэвшүүлэхгүй” гэж хэлж байсан.

Тавантолгой цахилгаан станц төслийн хөрөнгө оруулалтын гэрээний төслийг хэлэлцлээ

Монгол Улсын Ерөнхий сайдын захирамжаар Монгол Улсын сайд М.Энхсайханаар ахлуулан байгуулсан ажлын хэсгээс боловсруулсан Тавантолгой цахилгаан станц төслийн хөрөнгө оруулалтын гэрээний төслийг Засгийн газрын хуралдаанаар хэлэлцлээ.

Эрчим хүчний яамны дэргэдэх төслийн нэгж, холбогдох яамдын төлөөлөл, хууль, санхүү, техникийн зөвлөх байгууллагууд оролцон боловсруулсан хөрөнгө оруулалтын гэрээний төсөлд хөрөнгө оруулалтын хэмжээ, хугацаа, эх үүсвэр, татварын орчны тогтворжуулалт, эрхийн хамгаалалтын асуудлууд, хөдөлмөр эрхлэлт, сургалт, Засгийн газрын болон Хөрөнгө оруулагч талын эрх, үүрэг, хариуцлага, байгаль орчин, ус хангамж зэрэг төсөл хэрэгжүүлэхтэй холбоотой цогц асуудлуудыг тусгасан бөгөөд Засгийн газрын гишүүдээс гаргасан саналын дагуу гэрээний төслийн зарим зүйл, заалтыг тодотгон хөрөнгө оруулагчтай гэрээ байгуулахад бэлтгэхийг холбогдох албан тушаалтнуудад даалгалаа.

Тавантолгой цахилгаан станц төслийн гадаадын хөрөнгө оруулагчаар Японы Марубени корпорац шалгарсан ба төслийн нийт хөрөнгө оруулалт

1 тэрбум ам.доллар, үүнээс 30 хувь нь хөрөнгө оруулагчийн шууд хөрөнгө оруулалт, 70 хувь нь олон улсын банк, санхүүгийн байгууллагуудаас татах зээлийн эх үүсвэр байхаар тооцож байна.

Тавантолгой цахилгаан станц нь 450 МВт-ын хүчин чадалтай, үндсэн худалдан авагч нь Оюутолгой байх бөгөөд Оюутолгой, түүний толгой компаниуд тус станцын гаргах эрчим хүчийг худалдан авах баталгаа гаргаж байгаа ажээ.

“Сайн дадлагажигч” хөтөлбөрийг хэрэгжүүлнэ

Хөдөлмөрийн зах зээлийн эрэлтэд нийцүүлэн иргэний мэргэжлийн ур чадварыг тасралтгүй хөгжүүлэх, иргэдийг өндөр хөгжилтэй улс орнуудад мэргэжлээр нь дадлагажуулан мэдлэг, ур чадварыг нь дээшлүүлэх зорилготой “Сайн дадлагажигч” хөтөлбөрийг баталлаа. Хөтөлбөрийг нэгдсэн удирдлага, зохион байгуулалтаар хангаж, хяналт тавих, зорилт, үйл ажиллагааг хэрэгжүүлэхэд шаардагдах хөрөнгийг жил бүрийн төсөвт тусгаж, гадаадын зээл, тусламж, төсөл, хөтөлбөртэй уялдуулан санхүүжүүлэх арга хэмжээ авч ажиллахыг Хөдөлмөрийн сайд Г.Баярсайханд үүрэг болголоо.

Хөтөлбөрт 18-39 насныхан, их дээд сургууль, мэргэжлийн сургалт үйлдвэрлэлийн төв, политехник коллеж төгссөн залуучууд хамрагдах бөгөөд дадлагажигч хүлээн авах улстай байгуулсан гэрээ, хэлэлцээр болон тухайн улс орны онцлогт нийцүүлэн дэд хөтөлбөр хэрэгжүүлэх юм.

“Сайн дадлагажигч” хөтөлбөр хэрэгжсэнээр хөдөлмөрийн насны иргэд өндөр хөгжилтэй улс орнуудад дадлагажих, мэдлэг ур чадвараа дээшлүүлэх, өрсөлдөх чадвараа сайжруулах, дэвшилтэт техник, технологи, туршлагыг эх орондоо нэвтрүүлэх боломж бий болохоос гадна Монгол Улс гадаад улсын хамтын ажиллагаа сайжирч, хөрөнгө оруулалт, соёлын солилцоо нэмэгдэнэ гэж тооцоолж байна.

Төв, суурин газрын 2016-2017 оны өвөлжилтийн бэлтгэл ажлыг хангах үүрэг өглөө

Засгийн газрын хуралдаанаар төв, суурин газрын 2016-2017 оны өвөлжилтийн бэлтгэл ажлыг хангах үүрэг өглөө.

Түлш, эрчим хүчний үйлдвэр, боловсрол, соёл, эрүүл мэнд, спорт болон зам тээвэр, харилцаа холбоо, орон сууц, нийтийн аж ахуйн үйлчилгээний байгууллагын өвөлжилтийн бэлтгэл ажлын төлөвлөгөө боловсруулан баталж, биелэлтэд нь хяналт тавьж ажиллан, бүх шатны сургууль, дотуур байр, цэцэрлэгийн барилгын засвар, өргөтгөлийг хичээлийн шинэ жил эхлэхээс өмнө дуусгах арга хэмжээ авахыг Эрчим хүчний сайд Д.Зоригт, Боловсрол, соёл, шинжлэх ухааны сайд Л.Гантөмөр, Эрүүл мэнд, спортын сайд С.Ламбаа, Зам, тээврийн сайд М.Зоригт, Барилга, хот байгуулалтын сайд З.Баянсэлэнгэ, аймаг, нийслэлийн Засаг дарга нарт даалгалаа.

Эрчим хүчний үйлдвэр, компаниудад 2017 онд шаардлагатай байгаа эрчим хүчний алдагдлын татаасын санхүүжилтийн тооцоог хянаж, Монгол Улсын 2017 оны Төсвийн тухай хуульд тусгуулан санхүүжүүлэх арга хэмжээ авч ажиллахыг Сангийн сайд Б.Болор, Эрчим хүчний сайд Д.Зоригт нарт үүрэг болгов.

Түлш, эрчим хүчний салбарт 95 тэрбум төгрөгийн их болон урсгал засвар, хөрөнгө оруулалтын 1537 ажил хийгдэж байгаа бөгөөд 6 дугаар сарын 1-ний байдлаар өвлийн бэлтгэл ажлын гүйцэтгэл 29.5 хувьтай байна. Үүнээс дулааны цахилгаан станцуудын өвөлжилтийн бэлтгэл 30.8 хувь, дулааны станц, дулааны шугам сүлжээнүүдийн өвлийн бэлтгэл ажил 26.4, цахилгаан түгээх болон дамжуулах сүлжээ компаниудын өвлийн бэлтгэл 27 хувьтай байгаа юм. 9 дүгээр сарын 1 гэхэд засвар, хөрөнгө оруулалтын ажлуудыг дуусган, бүх станцуудад 20 хоногийн нүүрсний нөөц үүсгэж, өвөлжилтийн бэлтгэл ажлыг 100 хувь хангахаар ажиллаж байна гэж Эрчим хүчний сайд Д.Зоригт мэдээллээ.

Төмөр замаар ачаа дамжуулан тээвэрлэх нөхцөлийн тухай хэлэлцээрийг баталлаа

“Төмөр замаар ачаа дамжуулан тээвэрлэх нөхцөлийн тухай Монгол Улсын Засгийн газар, ОХУ-ын Засгийн газар хоорондын хэлэлцээр”-ийн төслийг хэлэлцэн дэмжээд, гарын үсэг зурах бүрэн эрхийг Гадаад хэргийн сайд Л.Пүрэвсүрэнд олголоо.

Монгол Улсын уул уурхайн олборлох, боловсруулах үйлдвэрлэлийн бүтээгдэхүүнийг гуравдагч зах зээлд гаргахад экспортын үнийн өрсөлдөх чадварыг хангах, уул уурхай, үйлдвэрлэлийн салбарт гадаадын хөрөнгө оруулалтыг татаж, урт хугацаанд тогтвортой үйл ажиллагаа явуулах таатай нөхцөлийг бүрдүүлэх, улсын эдийн засгийн тогтвортой өсөлтийг хангах зорилтыг биелүүлэхэд төмөр замын ачаа тээвэрлэлтийн гадаад таатай нөхцөлийг бүрдүүлэх шаардлага тулгарч байсан юм. Монгол Улсын экспортын ачааг төмөр замаар дамжуулан тээвэрлэх нөхцөлийг тохиролцох талаар Оросын талтай 2009 оноос хэлэлцээ хийж эхэлсэн бөгөөд хоёр талын тээврийн асуудал эрхэлсэн болон гадаад хэргийн асуудал эрхэлсэн яамд хамтран, тууштай ажилласны дүнд хэлэлцээрийн төслийг эцэслэн тохироод байна.

Узбекистан улсад 6 дугаар сарын 23-24-нд болох ШХАБ-ын дээд хэмжээний уулзалтын үеэр уг хэлэлцээрт гарын үсэг зурахаар төлөвлөн ажиллаж байгаа юм. Энэнхүү хэлэлцээрийг байгуулснаар талуудын нутаг дэвсгэрээр дамжин өнгөрөх төмөр замын ачаа тээвэрт уян хатан бодлого хэрэгжүүлж, бусад чиглэлүүдтэй харьцуулсан төмөр замын ачаа тээврийн тарифын өрсөлдөх чадварыг урт хугацаанд хангаж ажиллана. Мөн төмөр замаар тээвэрлэж буй ачааг улсын хилээр нэвтрүүлэх үйл ажиллагааг хөнгөвчлөх болон далайд саадгүй гарах нөхцөлийг бүрдүүлэн ажиллах зэрэг олон талын ач холбогдолтой юм.

Товч мэдээ

· “Галын аюулгүй байдлын үндсэн дүрэм”-ийг хэрэгжүүлж, мөрдөн ажиллахыг Онцгой байдлын ерөнхий газрын дарга, бригадын генерал Т.Бадралд үүрэг болголоо.

· 2016 оны эхний хагас жилд “11-11 төв”-д иргэдээс төрийн захиргааны төв байгууллага, албан тушаалтанд хандаж ирүүлсэн өргөдөл, гомдлыг шийдвэрлэсэн байдлыг Монгол Улсын сайд, Засгийн газрын Хэрэг эрхлэх газрын дарга С.Баярцогт танилцууллаа.

· 2016 оны 06 дугаар сарын 23-ны өдөр Австрийн Вена хотноо болсон Эдийн засгийн хамтын ажиллагааны Монгол, Австрийн Засгийн газар хоорондын комиссын 6 дугаар хуралдааны дүнг сайшааж, уг хуралдааны мөрөөр хэрэгжүүлэх арга хэмжээний төлөвлөгөөг батлан, хэрэгжилтэд хяналт тавьж ажиллахыг Уул уурхайн сайд, тус комиссын Монголын хэсгийн дарга Р.Жигжидэд даалгалаа.

· Улаанбаатар хотноо 2016 оны 6 дугаар сарын 3-нд гарын үсэг зурсан “АНУ-аас Монгол Улсад суугаа Элчин сайдын яаманд газар ашиглуулах тухай хоёр улсын Засгийн газар хоорондын хэлэлцээр”-ийг баталлаа.

· АНУ-ын Төрийн нарийн бичгийн дарга Жон Керригийн энэ сарын 5-нд манай улсад хийсэн албан ёсны айлчлалын дүнг хэлэлцээд уг айлчлалын мөрөөр хэрэгжүүлэх арга хэмжээний төлөвлөгөөг батлан, хэрэгжилтэд нь хяналт тавьж ажиллахыг Гадаад хэргийн сайд Л.Пүрэвсүрэнд даалгалаа.

· Монгол Улсын Ерөнхийлөгч Ц.Элбэгдоржийн 2016 оны 5 дугаар сарын 18-20-нд БНСУ-д хийсэн албан ёсны айлчлалын дүнг хэлэлцээд Үндэсний аюулгүй байдлын зөвлөлд оруулахыг даалгалаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Засгийн газрын зүгээс арилжааны банкуудаар дамжуулан иргэдээс “Эрдэнэс Тавантолгой” ХК-ийн 1072 ширхэг хувьцааны 30 хувийг худалдан авах үйл ажиллагааг орон даяар эхлүүлээд байгаа билээ.

АН-ын Гүйцэтгэх нарийн бичгийн дарга Л.Эрхэмбаяр дөнгөж сая мэдээлэл хийлээ. Тэрбээр энэ удаагийн хурлаар хоёр асуудлыг хөндөн ярив. Сонгууль дөхөж байгаатай холбогдуулан намууд өрсөлдөгчийнхөө эсрэг бохир арга хэрэглэж байгаа учир шударгаар зөв оролцохыг уриалсан юм.

Стандартчилал, хэмжил зүйн газраас Улаанбаатар хотод үйл ажиллагаа явуулж байгаа нефьт болон шингэрүүлсэн шатдаг хий түгээх станцуудад жилд хоёр удаа баталгаажуулалт хийдэг. Энэ оны эхний хагас жилийн баталгаажуулалтыг хийж дуусчээ.

Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр дөнгөж сая сэтгүүлчдэд мэдээлэл хийлээ. Тэрээр төрийн сонгуулиа хуулийн хүрээнд шударга явуулах нь АН-ын эрхэм зорилго гээд бусад намуудыг ч шударга өрсөлдөхийг уриалсан юм. Мөн сүүлийн үед МАН-ын зарим нэр дэвшигчид төрийн эрхийг хууль бус аргаар авах оролдлого хийж байгаа болон МАН-ынхан царцааны нүүдэл буюу тойргоос тойрогт хүмүүсийг олноор нь шилжүүлэх хууль бус аргыг ихээр хэрэглэх болсон талаар баримт дэлгэлээ.

Залилан мэхлэгч А.Ганбатын хэргийг хэн сэгсрээд байна вэ?


Залилангийн гэмт хэрэгтнүүд бусад гэмт хэрэг үйлдэгсдийг бодвол нийгэм болоод бусдад илүү их хор хохирол учруулдаг. Тиймдээ ч оноох ял нь хүртэл хатуухан байдаг боловч арав гаруй удаа хувь хүн болоод албан байгууллагад хэдэн тэрбумаар нь хохирол учруулсан залилагч этгээд өнөөдрийг хүртэл наранд тарвалзаж яваа нь хачирхалтай.
Амгаасэдийн Ганбат гэгч этгээд нь хүмүүсийг хамраар нь газар хатгатал хулхиддагаараа тун алдартай. Ёстой л залилангаар төгс мэргэжсэн гэхэд болно. Тэрээр нийтдээ 10 гаруй удаа залилангийн гэмт хэрэг үйлдэж байсан атлаа нэг ч удаа ял эдлээгүй нь шүүх, прокурорын танил талтайгаа залилсан мөнгөө хуваадагтай холбоотой гэж хохирогчид нь хэлж байна. А.Ганбатад залилуулсан хүмүүс цагдаагийн байгууллагад гомдол гаргаж, ном журмаараа мөрдөн байцаалт явагдаж, ял төлөвлүүлэхээр прокурор дээр очихоороо л хэрэг нь замхардаг гэнэ. Онц их хэмжээний хохирол бусдад учруулсан байхад л прокуророос эрүүгийн бус иргэний хэрэг болгон буцаадаг байна. Эсвэл бүр нотлох баримт хангалтгүй, гэмт хэргийн хохирогчидгүй гэх мэтчилэн аахар шаахар шалтгаан хэлээд түүнийг ялаас мулталчихдаг аж. Ийнхүү уснаас хуурай гарсан тэрээр ердөө шүүх танхимаас гараад л дараагийнхаа хүнийг залилдаг. Хамгийн сүүлд тэрээр Б.М гэх эмэгтэйг 4.2 тэрбум төгрөгөөр хохироожээ. Сонгодог залилагч А.Ганбат нь анх М-ийн байрыг түрээслэн суужээ. Тэрээр анх М-ийн нөхөртэй танилцсан бөгөөд урьд өмнө тэд залилагч этгээдтэй хамтран ажиллаж байгаагүй, огт танихгүй нэгэн байсан аж. Гэвч тэрээр алхам алхмаар барьцаа лавшруулан 2013 онд иргэн М-ийн байрыг түрээсэлсэн үеэсээ л тэднийг онилж эхэлжээ. Ингэхдээ эхлээд тэднийхээр орж гаран, дасгах ажлаа чадамгай гүйцэтгэсэн байна. Тэрээр “Би хувийн амьдралаа бусдад дэлгэж болохгүй ноцтой шалтгаан байна, та хоёрт гэж итгэж хэлэхэд би Монгол Улсын гурав дахь ерөнхийлөгч Намбарын Энхбаярын төрсөн дүү Энхтуяагийн нөхөр юм. Улстөр, бизнесийн олон шалтгаанаас болоод Н.Энхбаяр гуайд хэрэг үүсгэн цагдан хорьсон, эхнэр Энхтуяаг маань интерполоор эрэн сурвалжлаад Монголдоо ирэх боломжгүй болгосон, хилийн чанадад эхнэр хүүхдүүд маань байгаа. Монгол Улсад эрхэлж байгаа бизнес, хөдлөх болон үл хөдлөх хөрөнгө, банкны харилцах данснууд минь битүүмжлэгдсэн маш хүнд байдалд явна. Худалдаа хөгжлийн банкны дансанд хадгалагдаж байгаа эхнэр бид хоёрын хамтын дансанд 4.0 сая доллар битүүмжлэгдсэн байгаа” гэх мэтээр тэдний итгэлийг олжээ. Түүний уйлах шахсан яриаг сонссон М-ийн нөхөр нь “Бид хүнийг ядарсан цагт нь туслах хэрэгтэй” гэсний үндсэн дээр тэд хоёр өрөө байрандаа түрээсээр суулгажээ. Ийнхүү тэдний итгэлийг олсон залилан мэхлэгч А.Ганбат хоёр өрөө орон сууцанд нь амьдрахын зэрэгцээ хөөрөг барьцаалан 35.000.000 /гучин таван сая/ төгрөг зээлсэн байна. Гэтэл өнөөх хөөрөг нь түүний хэлсэнчлэн үнэтэй хуучин цагийн хөөрөг ч биш аж. А.Ганбат нь М-ийн байранд амьдарсан түрээсийн мөнгөө ч өгөхгүй зургаан сар амьдарч байгаад, нэг өдөр зугтаасан байна. Тэд түүний хаана юу хийж явааг хайгаад сургийг нь гаргаж амжаагүй байтал М-ийн нөхөр Б өвчний улмаас нас барсан аж. М нь тухайн үед нөхрийнхөө хувийн компанид оруулсан хөрөнгө оруулалтын хувь хэмжээ, өмчлөгчөө тогтоолгох, бусдад хууль бусаар шилжсэн үл хөдлөх хөрөнгүүдээ хууль ёсны дагуу шилжүүлэн авахаар цагдаагийн байгууллагаар явж байжээ. Үүнийг мэдсэн, сураггүй алга болсон А.Ганбат М-д саймшран ирж уулзан “Надад итгэлтэй сайн зөвлөгөө өгөх хуульч нар байна, хуулийн байгулулага асуудлыг шалгахдаа зөвхөн чиний өмч хөрөнгийг хууль бусаар авсан хүмүүсийн данс, хөрөнгүүдийг битүүмжлэхээс гадна чиний өмч хөрөнгөнд зарим шалгалт хийгдэж, банкны харилцах данснууд чинь битүүмжлэгдэх магадлал өндөр, мөн гэртээ их хэмжээний бэлэн мөнгө огт байлгаж болохгүй эрсдэлтэй байдаг тул гадуур мөнгө хадгалах нь гэнэтийн бэлэн мөнгөний хэрэгцээ гарахад хэрэгтэй шүү гэхээр нь М итгэн 2015 оны 1 дүгээр сарын 29-нд А.Ганбатад бэлнээр 200 сая төгрөгийг тоолж өгсөн байна. Үүнээс хойш тэрээр сар орчмын дараа буюу 2015 оны хоёрдугаар сарын 17-ны өдөр 350 сая төгрөгийг Ховд аймагт алтны ордны “А” лиценз авч өгнө гэж хэлээд Хас банкны хувийнхаа 5001188671 тоот дансандаа хийлгүүлсэн аж. Лицензээ асуухад “Одоохон, удахгүй гарчихна, Ашигт малтмалын хэрэг эрхлэх газарт орон нутгийн зөвшөөрөл нь ирээгүй байна, би танилаараа аймаг, сумын удирдлагуудад хэлүүлсэн, санаа зоволтгүй” гэх мэтээр хуурсаар явжээ. Ингээд энэхүү лицензээ ч авч өгөөгүй, мөнгийг нь ч буцааж өгөөгүй байж дараагийнхаа залилан руу шуудран орсон байна. А.Ганбат нь ааг амьсгаа дээгүүр орж ирээд “Булган аймгийн Дашинчилэн суман дахь уурхайг хямдхан зарна гэж байна. Чи тэрийг ав, би уул уурхайн мэргэжлийн хүн юм чинь хөдөө гадаах ажлыг нь зохицуулж өгье” гэж бас л баахан үнэмштэл нь ярьсан байна. Иймд М нь түүнд итгэн, 500 сая төгрөгийг тус компанийн захирал асан Эрдэнэ
далайтай тохиролцон, эхний ээлжинд бэлнээр 200 сая төгрөг аваад явжээ. Харин маргааш нь А.Ганбат үлдэгдэл мөнгийг нь өөрийнхөө данс руу шилжүүлж, уурхайн лиценз болоод гэрчилгээ гартал хадгалж байхаар тохирсон байна. Гэтэл хэдхэн хоногийн дараа А.Ганбат нь иргэн М-ийн худалдаж авсан уурхайн лицензийг өөрийнхөө нэр дээр бүрэн шилжүүлэн Булган аймгийн Дашинчилэн дэх Бүдүүн ухаагийн уурхайн “Бэрхийн нурам” ХХК-ийн захирал болчихсон байжээ. Үүнийг нь мэдсэн М бусдын хөрөнгийг яагаад өөрийн нэр дээрээ шилжүүлсэн эсэх талаар асуухад “Энэ ерөөсөө чиний юм, хэн ч чамтай маргахгүй, цаасан дээр би эзэмшигч нь болохоос чи бүх хөрөнгийг оруулан худалдан авсныг талууд гэрчилнэ, гаргасан хөрөнгөөрөө ч тодорхой, би уурхайн ажлын туршлагатай, орон нутагт ажил хийхэд эмэгтэй хүнд маш хэцүү” гэх мэтээр тайлбарласан байна. Ингээд удалгүй уурхайн ч ажил эхэлсэн учир дээрх сэдвээр маргалдалгүй, ажилчдын цалин хөлс, нийгмийн даатгал, үйлдвэрийн тоног төхөөрөмж, цахилгаан, түлшний зардал, түрээсийн машинуудын төлбөр тооцоо, уурхайд ашигласан машин техник гэх мэт бүхий л урсгал зардлыг М хувиасаа гаргаж иржээ. Ийнхүү жил орчим ийм байдлаар явсан боловч А.Ганбат нь нэг ч удаа хөрөнгө оруулалт хийхгүй, мөн олборлосон алтнаасаа ч М-д хувь хүртээхгүй байсан тул багагүй эргэлзээ төрж эхэлсэн байна. Иймд өмнө нь авсан 200 сая төгрөг, мөн Ховдын лиценз авч өгнө гэсэн 350 сая төгрөгөө төлөхийг шаардаж, хөрөнгө оруулалтаа татан, дүгнэнэ гэсэн үеэс М-ийг элдэв янзаар дарамталж эхэлжээ. А.Ганбат нь өмнө байсан шигээ зөөлөн зан гаргахаа больж, нэг л том компанийн захирлын дүрд тоглон “Би танил тал ихтэй, чамайг юу ч үгүй болгож чадна, чамайг гэх хэн байгаа юм” гэх мэтээр огт танигдахгүй хүн болж хувирсан байна. Түүгээр ч барахгүй Булган аймгийн Дашинчилэн дэх “Бүдүүн ухаа”-гийн уурхайн ажилчдынхаа нүдэн дээр М рүү элдвээр хашгичин, духанд нь буу тулган “Энд чамайг алаад хаячихсан байхад хэн ч асууж ирэхгүй, мэдэхгүй” гэх мэтээр айлган сүрдүүлсэн байна. Үүгээр түүний сүрдүүлэлт зогссонггүй. Тэрээр олон хүнээс олон тэрбум төгрөг залилан луйвардсан учир байнгын айдастай явдаг байна. Иймд гурван анч нохой тэжээдэг бөгөөд унтахдаа хүртэл тэр гурваа хажуудаа байлгаж, бусдыг айлган сүрдүүлдэг байна. Гэтэл хөрөнгө оруулалтаа татна гэж хэлсний төлөө М-ийг буу тулган, хутга эргүүлэн, хүний цус амтлаад сурчихсан зодоонч нохдоороо хоёр ч удаа уруулсан байна. Байдал бишидсэнийг мэдсэн М оруулсан хөрөнгө оруулалтаа баталгаажуулах, нийт гарсан зардлыг тайлагнан танилцуулах, хөрөнгө оруулалтын гэрээгээ дүгнэж тооцоо нийлэх гэрээн дээр гарын үсэг зуруулах гэтэл А.Ганбат нь нотариатчийн өмнө өөрт нь үлдэх гэрээний хувийг урж “Чиний юм гэж юву байдаг юм, чи ер нь юу хийж байсан юм, чи одоо яаж ч чадахгүй, энэ бол миний уурхай” гэж хэл амаар доромжлон дайрч, нотариатч эмэгтэйн хажууд зодохоор дайрч байжээ. Иймээс супер залилагч Амгаасэдийн Ганбат нь анхнаасаа түүнийг хуурч мэхлэх зорилготой байсан бөгөөд өөрөө ч түүнийгээ хэлдэг байна.
Түүний анх хэлж танилцсанаар, А.Ганбат нь Н.Энхбаярын хүргэн ч биш байсан бөгөөд түүний нэрийг барин залилан луйвраа хийдэг болох нь батлагдсан байна. Тэрээр энэ аргаараа олон хүнийг үнэмштэл нь худал ярьж, удаа дараа хохироож явсан нь ч цагдаагийн байгууллагын сэжигтний бүртгэлээс тодхон харж болохоор байгаа юм. А.Ганбат нь хууль хяналтын байгууллагаар нэлээдгүй олон удаа бусдын эд хөрөнгийг залилан мэхэлж авсан, өмч хөрөнгийг хувьдаа ашигласан, уул уурхайн лиценз гаргаж өгнө гэж бусдын луйвардсан хэргүүдээр шалгагдаж байсан байдаг. Гэвч хачирхалтай нь олон арван хүнд онц их хэмжээний хохирол учруулсан атлаа нэг ч удаа шүүхээс ял сонсч байгаагүй гэнэ. Тэрээр бусдыг залилан луйвардаж сурсан шигээ нэг хохирогч нь хуулийн байгууллагад хандахад өөр нэгнийг хулхидан, өмнөх залилснаа нөгөөд өгч аргалж сурсан нэгэн аж. Түүгээр ч барахгүй цагдаа, прокурорын байгууллагад танил тал ихтэй учир тэд нараараа аргалуулаад сурчихсан гэж хохирогчид нь хэлж байна. Түүнд луйвардуулаад мөнгө төгрөг, эд хөрөнгөө нэхэмжилсэн хүмүүс бүгд айдас хүйдэстэй явдаг гэнэ. А.Ганбат нь биедээ байнга гар буу авч явдаг, энд тэнд уулзъя гэж дуудуулчихаад зориуд тэжээсэн зодоонч нохдоороо уруулж айлгадаг учир хохирогчид шууд түүнтэй уулзахаас айдаг байна. Ингээд хууль журмынхаа дагуу цагдаагийн байгууллагад ханддаг боловч цагдаа дээр хэрэг үүсгээд, мөрдөн байцаалт явуулаад прокурорт шилжүүлэхээр нэг бол хэрэгсэхгүй болж ирдэг, нөгөө бол эрүүгийн хэргийг нь иргэний хэрэг болгоод явуулчихсан байдгаас залилан мэхлэгч А.Ганбат дараа дараагийнхаа хүмүүсийг залилсаар яваа юм. Тэрээр байнга залилан луйвар хийж явдаг учир тодорхой оршин суух хаяггүй бөгөөд бүртгэгдсэн хаяган дээрээ огт амьдардаггүй болохыг ч цагдаагийн байгууллагаас анхааруулсан байдаг ч бас л ямар нэгэн аргаар хэрэгсэхгүй болгочихдог аж. Гэвч түүнд луйвардуулж, залилуулсан олон хохирогчид нэгдэж, цагдаагийн байгууллагад хандаад байгаа бөгөөд зөвхөн М-ийн нэхэжлэлд дурьдсанаар, “Бэрхийн нурамт” ХХК-ийн үйл ажиллагаанд гаргасан бүх зардал болох нийт 4.2 тэрбум төгрөгөөр хохироод байгаа аж. Гэтэл ийм онц их хэмжээний хохирол учруулчихсан, оршин суух тодорхой хаяггүй супер залилагч Амгаасэдийн Ганбатыг өнөөдрийг хүртэл барьж хорихгүй байгаа нь харамсалтай. Тэрээр иргэн М-ийг уурхай дахь хөрөнгө оруулалтаа зогсоосноос хойш бусдыг луйвардах аргадаа шуудран орсон байдаг. “Шунхлай” компаниас 100 тонн шатахуун аваад мөнгийг нь өгөхгүй мурих гэж санаархсан, контейнер нийлүүлдэг компаниас мөн л луйвар хийхээр завдсан, нэгэн иргэнээс жолооны ангиллыг чинь D болгож өгье хэмээн мөнгө, бичиг баримт аваад алга болсон гэх мэтээр А.Ганбатад залилуулсан хүмүүсийн цуваа үргэлжилсээр байна. Нэг биш нэлээд хэдэн хохирогч онц их хэмжээний эд хөрөнгө, мөнгө төгрөгөөрөө хохирчихоод байхад сэжигтэн этгээдийг барьж хорихгүй байгаа нь цаашид өөр олон хүнийг луйвардах боломжийг олгосоор байна. Тэрээр цагдаа прокурорт танил тал ихтэйгээ ашиглан, мөрдөн байцаагчийг дураараа загнан, мэдүүлэг өгөхөөр очихдоо сахал зүүн, зүсээ хувилган очсон аж. Энэ мэтчилэн алхам тутамдаа жирийн иргэдийг ч залилан мэхэлж, хууль хяналтын байгууллагаар ч тоглож тохуурхаж явдаг Амгаасэдийн Ганбатын ард чухам хэн гэгч прокурор хамгаалж байна вэ, Хууль зүйн сайд аа?

Өнгөрсөн амралтын өдрүүдэд Улаанбаатар хотын Замын цагдаагийн газрын ЖШУХ дээр нийт дуудлага мэдээ мэдээлэл хүлээн 529 авснаас зам тээврийн ослын 367 дуудлага бүртгэгджээ.