Мариинский театрын гоцлол дуучин, МУГЖ Г.Ариунбаатар эх орондоо бие даасан тоглолтоо өнгөрсөн амралтын өдөр хийлээ. Тэрбээр ”Монгол сонгодог-2” тоглолтондоо дэлхийн болон Монголын сонгодогуудыг дуулж, эх орондоо тайлангаа тавилаа.



Уг тоглолтын үеэр МУГЖ Г.Ариунбаатарыг Монгол Улсын Соёлын элчээр томилж, гэрчилгээ гардууллаа. Мөн дипломат паспорт олгосныг УИХ-ын дарга З.Энхболд гардуулав.



Соёлын элч нь Монгол Улсыг гадаадад сурталчлах, соёл, урлаг, спортоор сурталчлах түүхийн судалгааны хамтын ажиллагаанд дэмжлэг үзүүлэх үндсэн үүрэгтэй юм. Олимпийн аварга Н.Түвшинбаяр, их аварга Хакухо М.Даваажаргал, балетчин Д.Алтанхуяг зэрэг эх орныхоо нэрийг дэлхийд дуурсгасан алдартнууд Соёлын элчээр томилогдоод буй юм.

“Цасан аялгуу” эгшиглэнэ

Улсын Филармонийн хамт олон уламжлал ёсоор “Snow melody” шинэ жилийн тоглолтоо гурав дахь жилдээ энэ сарын 24-нд зохион байгуулах гэж байна. Тоглолтод симфони найрал хөгжим, Морин хуурын чуулга, Баянмонгол жазз найрал хөгжим, удирдаач, дуучид зэрэг 100 гаруй уран бүтээлчид оролцох юм байна. Энэ үдэш дэлхийн болон Монголын хөгжмийн зохиолчдын шинэ жилийн баярт зориулсан шилдэг бүтээлүүдээс гадна та бидний үзэх дуртай шинэ жилийн баярын хүүхэлдэйн болон уран сайхны киноны хөгжмүүд эгшиглэхээрээ онцлог аж. Үүнээс гадна ирсэн үзэгчдээсээ азтан тодруулж ирэх оны улсын Филармонийн бүтэн болон хагас жилийн тоглолтуудыг үнэ төлбергүй үзэх эрхийн бичгээр урамшуулах юм байна.

С.Ганбаатар: Шүүхийн дүгнэлийг харахад шинжээчийн дүгнэлтийг тусгагдаагүй байна
Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг өнөөдөр Нийслэлийн давж заалдан шатны шүүхэд шүүж байна. Шүүх хуралд гэрч, шинжээч нарыг оролцуулахгүй байгаагаас гадна Л.Гансүхийг биеэр байлцуулахгүй, онлайнаар шүүх хуралд оролцуулж байгаа аж.

Мөн Ерөнхий сайд асан Н.Алтанхуяг, С. Ганбаатар гишүүн нар шүүх хуралд ажиглагчаар оролцож хяналт тавьж байна.

Энэ үеэр С.Ганбаатараас зарим зүйлийг тодрууллаа.

-Та ямар учраас өнөөдрийн шүүх хуралд ирсэн бэ?
-Би Дархан-Уул аймгаас сонгогдсон гишүүн. Шүүхийг шударга, хараат бус байдалтай ажлаасай гэж хүсч энд ирсэн.
Тав хоног Монголын ард түмэн энэ байдлыг харсан. Нунтаг хог шороог үнэлээд энэ хүнийг шоронд хийгээд байгаа шүү дээ. Би шударга ёсны төлөө тэмцдэг. Гэхдээ хэлмэгдүүлэлт байж болохгүй.
Өнөөдөр шүүх гэдэг бол намын бүлэглэлийн толгойдоо зайдалж суусан хэдэн луйварчдын дохиур битгий байгаасай. Ингээд “Амташсан эмгэн алиманд хахдаг “ гэдэг шиг шүүх шударга үнэн шүүгээсэй гэдэг дээр би байр сууриа илэрхийллээ.
Өөрөөр хэлбэл, Дархан-Уул аймгийн гишүүний хувьд Дарханаас өрсөлдөж байсан энэ хүний тал дээр байр сууриа илэрхийлж байна.
-Таны энэ байдлыг шүүхэд нөлөөлөхийг оролдсон гэж харж болох юм?
-Би шүүхэд нөлөөлөх гэж оролдоогүй. Гагцхүү шүүх шударга хараат бус байгаасай л гэж хүсч байна.
Шүүхийн дүгнэлт дээр нэг зүйл хэлэхэд, өнгөрсөн 5 хоног шударга үнэнийг Монголын ард түмэнд ойлгуулсан шинжээчдийн дүгнэлтийг ерөөсөө тусгаагүй байна. Тиймээс нэг талыг барьсан байх вий гэж санаа зовж байна.
Энэ асуудал дээр шүүхийн шийдвэр гарах үед байр сууриа хатуу илэрхийлнэ
Ер нь Монголын хууль шүүхийн байгууллага өөрсдийгөө том гэж бодсон улс төрчдийн бүлэглэлийн зодооны хэрэгсэл болно гэдэг аюултай.
Дарханчуудыг төлөөлж байгаа гишүүний хувьд манай дарханаас сонгогдож байсан надтай өрсөлдөж байсан хүний тал дээр шударга бай гэмээр байна.

Майкл Жексон шинэ рекорд тогтоов

Майкл Жексон хорвоог орхиод зургаан жил болсон ч шинэ рекорд тогтоосоор байна. Түүний 1982 онд гаргасан шилдэг дууны цуглуулга болох Thriller цомог Америкт 30 сая хувиар зарагдаад байна.
Энэ цомог хегжмийн ертенцийн бүх шагналыг авч байсан билээ. Thriller цомог эхний хоёр жилдээ 20 сая хувиар зарагдсан нь мөн л дээд амжилт юм. Eagles хамтлагийн
Their Greatest Hits (1971-1975) цомог 29 сая хувиар борлогдож рекорд тогтоож байв. Майкл Жексоны шинэ амжилт түүнийг бүх цаг үеийн шилдэг дуучин гэдгийг дахин баталсан хэрэг боллоо хэмээн бичиж байна.

БНХАУ: Байшин барилгын нурангинд зуу орчим хүн даруулж сураггүй болоод байна

“Цасны нууц” нээлтээ хийлээ

Гэрэл зурагчин Б.Алтанбагана “Цасны нууц” фото үзэсгэлэнгээ “Black rose” галерейд дэлгэлээ. Үзэсгэдэнд 200 гаруй зургийг онцгойлсон байв. Энэ түүний хоёр дахь бие даасан үзэсгэлэн бөгөөд өнгөрсөн намар “Навчны нууц” нэртэй анхны үзэсгэлэнгээ гаргасан юм. Дервөн улирлын тухай цуврал үзэсгэлэн гаргахаартөлөвлөсөн зурагчны энэ удаагийн бүтээлүүд өөрийн гэсэн онцлогтой. Учир нь зөвхөн Монгол төдийгүй Хятад, Орос, Буриад, Сингапур зэрэг 10 гаруй оронд өвлийн улирал хэрхэн ирдэг тухай харьцуулж, харуулснаараа шинэлэг байв. Зурагчин орос эмэгтэйн толгойн алчуур дээр тогтсон цас, малчны хотон дахь дулаахан өвел, Хятадын шашны сүмийн гадаах танан цагаан цас зэрэг сонирхолтой агшнуудыг хальсандаа буулгажээ.

Нийслэлийн Засаг даргын 2015 оны 10 дугаар сарын 29-ны өдрийн А/852 дугаар захирамжаар батлагдсан “Нийслэлийн Шилдэг хүүхэд шалгаруулах” журмын дагуу Нийслэлийн 2015 оны “Шилдэг хүүхэд” шалгаруулах ёслолын үйл ажиллагааг 2015 оны 12 дугаар сарын 22-ний өдрийн 13:00 цагт Улаанбаатар чуулгад зохион байгуулах гэж байна. Нийслэлийн шилдэг хүүхдүүдийг Шилдэг манлайлагч, Шилдэг оюунлаг, Шилдэг бүтээлч, Шилдэг тамирчин, Шилдэг авьяаслаг гэсэн 5 номинациар тодруулна. Энэ жилийн шалгаруулалтанд сургууль, дүүргийнхээ шилдэг гэх 506 хүүхэд оролцсон байна. Дүүргийн “Оны шилдэг” хүүхдээр 45 хүүхэд шалгарч “Нийслэлийн шилдэг хүүхэд”-д нэр дэвшснээс 5 хүүхдийг шалгаруулах юм. Энэхүү ёслолын үйл ажиллагаанд нийслэлийн удирдлагууд, болон олны танил алдартай хүмүүс оролцож шилдэг хүүхдүүдэд шагнал гардуулна. Түүнчлэн нийслэлийн Шилдэг хүүхдээр шалгарсан 2013, 2014 оны хүүхдүүд оролцож, 2015 онд нэр дэвшсэн 45 хүүхдэд амжилт хүсэх юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

С.Ганбаатар гишүүн Л.Гансүхийн шүүх хуралд ажиглагчаар сууж байна

Хэвлэх үйлдвэрийн барилгыг музей болгоно

Төрийн ордны дэргэдэх хэвлэх үйлдвэрийн барилга “Таван богд” группын эзэмшилд шилжихээр болов. Өнгөрсөн сард болсон дуудлага худалдаагаар иран гаралтай Абдул Карим 24 тэрбум төгрөгийн үнэ хэлж ялагч болсон ч төд удалгүй татгалзсан билээ. Тэгвэл хуулийн дагуу дараагийн үнэ буюу 23.8 тэрбум төгрөг санал болгосон ’Таван богд” группын эзэн Ц.Баатарсайханд уг барилга шилжиж байна. “Таван богд” группээс гаргасан уг барилга, газрыг хэрхэн ашиглах талаар тайлбартаа ”Хэвлэх үйлдвэрийн байрыг 1929 оных нь түүхэн дурсгалт байдлаар нь сэргээн засварлаж, “Gal¬leria Ulaanbaatar” худалдаа, үйлчилгээний төвийг нээн ажиллуулахаар төлөвлеөд байгаа. Энэ тевд Улаанбаатар хотын музейг байрлуулна. Хэвлэх үйлдвэрийн байрны арталд “Таван богд” группын эзэмшлийн газрууд байдаг. Эзэмшлийн талбайд 18 давхар цамхаг барих төсөл зураг гаргасан. Хас банк болон бусад хөрш байгууллагуудтай хамтран сонирхолтой, өвөрмөц шийдэлтэй шинэлэг, хүмүүст хэрэгтэй төслийг хэрэгжүүлэхээр төлөвлеж байгаа” гэжээ.

Халагдсан тушаалыг гэрийнх нь хаягаар хүргүүлжээ

“Энержи ресурс” компани өнгөрс^ сарын сүүлчээр 200 орчим ажилтнаа цомхотгох тушаалыг гаргажээ. Энэ асуудлаар өнгөрсөн баасан гаригт ажилтнуудын төлөөлөл Монголын үйлдвэрчний эвлэлийн холбоотой хамтран мэдээлэл хийсэн юм. Ажилтнуудын хэлснээр “Энержи ресурс” компани сүүлийн хэдэн сарын цалингаа өгөөгүй, хамтын гэрээг ажилчдын оролцоогүйгээр хийсэн гээд олон зөрчил гаргасныг хэлж байв. Энэ талаар тус компанийн ажилчдын Үйлдвэрчний эвлэлийн хорооны дарга Б.Үнэнсайхан “Өнгөрсөн сарын 23-наас 200 гаруй ажилтныг халах шийдвэр гаргасан. Бид мэдэгдэх хуудсаа авахгүй, гарын үсэг зурахгүй гэсэн ч гэрийн хаяг руу албан бичиг илгээсэн.. Ажилтан компанийн хоорондын гэрээ ирэх сарын 4-нд дуусч байгаа. Тиймээс бид харилцан хоёр талаас нь хамтын гэрээг дахин хийх, хохирлоо барагдуулахыг шаардаж байна” гэв. Энэ талаар “Энержи ресурс” компанитай холбогдоход “Одоогоор мэдээлэл егөхгүй” гэсэн юм.

Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг өнөөдөр Нийслэлийн давж заалдан шатны шүүхэд шүүж байна. Шүүх хуралд гэрч, шинжээч нарыг оролцуулахгүй байгаагаас гадна Л.Гансүхийг биеэр байлцуулахгүй, онлайнаар шүүх хуралд оролцуулж байгаа аж.

ЭРДЭНЭТИЙН ДЦС-ИЙГ ӨРГӨТГӨХ ГЭРЭЭНД ГАРЫН ҮСЭГ ЗУРЛАА

Зам тээврийн сайд М.Зоригтын зөвлөхөөр Х.Ержан томилогджээ. Тэрбээр өмнө нь Зам тээврийн яамны дэд сайдаар ажиллаж байсан юм. Засгийн газраас гаргасан шийдвэрийн дагуу дэд сайдын ажлаа өгсөн Х.Ержан ийн яамандаа буцан ирж, сайддаа зөвлөхөөр болжээ.



Х.Ержан нь Эрхүүгийн политехникийн их сургуульд инженерийн мэргэжлээр суралцаж төгсөөд Тайваньд төрийн захиргаа, удирдлагын чиглэлээр мэргэжил дээшлүүлсэн юм байна.

НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

12 дугаар сарын 21-ний Даваа гарагт:

Улсын Их Хурал дахь Ардчилсан намын бүлгийн хуралдаан “А” танхимд;

Улсын Их Хурал дахь Монгол ардын намын бүлгийн хуралдаан “Б” танхимд;

Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

ХОЁР.АЖЛЫН ХЭСГИЙН ХУРАЛДААН:

12 дугаар сарын 21-ний Даваа гарагт:

Эрүүгийн хэрэг шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 09.00 цагаас 334 тоот өрөөнд;

Сонгуулийн хуулийн төсөл, Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулагдсан ажлын хэсгийн хуралдаан 13.00 цагаас “А” танхимд;

Зөрчил шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 14.00 цагаас 334 тоот өрөөнд;

Эрүүл ахуйн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “Г” танхимд;

Тэтгэврийн зээлийн хүүг бууруулах болон тэтгэврийн зээлийн эрх зүйн орчинг боловсронгуй болгох талаар холбогдох хууль тогтоомжийн төслийг боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “В” танхимд;

Худалдааны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 15.00 цагаас 4 давхрын Нээлттэй сонсголын танхимд;

Органик хүнсний тухай хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан 15.00 цагаас “Б” танхимд;

Эмнэлгийн тусламж, үйлчилгээний тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын дэд хэсгийн хуралдаан 16.00 цагаас “Г” танхимд;

Татварын хууль тогтоомжид нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 16.30 цагаас “А” танхимд;

Монгол Улсын Хүний эрхийн үндэсний Комиссын тухай хуульд нэмэлт, өөрчлөлт оруулах тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 16.00 цагаас “В” танхимд тус тус хуралдана.

Нийслэлийн ИТХ-ын ээлжит хуралдаан өнөөдөр 10:00 цагаас болно. Эн удаагий хуралдаанаар нийслэлийн өмчид хэдэн хэдэн барилга байгууламжийг бүртгэн авах тухай асуудлыг хэлэлцэхээс гадна газар зохион байгуулалтын төлөвлөгөөнд өөрчлөлт оруулах тухай, “Тэжээл” дэд хөтөлбөр батлах тухай, П.Гэндэнгийн гудамжны 0,6 км автозамыг худалдаж авах тухай зэрэг асуудлыг хэлэлцэх аж. Хуралдаан НЗДТГ-ын А танхимд болно.

Байнгын хорооны дарга нарыг өөрчилнө

УИХ найман байнгын хороотой. Түүнээс таван байнгын хорооны даргын бүрэн эрхийн хугацаа дууссан тул энэ долоо хоногт шинэ томилгоо хийх юм байна.
Тодруулбал, Төрийн байгуулалтын байнгын хороо, Нийгмийн бодлого, боловсрол, соёл, шинжлэх ухааны, Эдийн засгийн, Байгальорчны байнгын хороо, Аюулгүй байдал, гадаад бодлогын байнгын хорооны даргыг шинээр сонгох юм байна. Дээрх таван байнгын хорооны гурвынх нь дарга МАН-ын бүлгийн гишүүн юм. Тэд хэсэг хугацаанд МАН засагт хамтрах үед байнгын хорооны дарга болсон.

Иймд тэдний оронд АН, МАХН-МҮАН-ын “Шударга ёс” эвлийн бүлгээс томилох бололтой. Харин Өргөдлийн байнгын хороо, Төсвийн байнгын хороо, Хууль зүйн байнгын хорооны дарга нарын бүрэн эрхийн хугацаа дуусаагүй байгаа аж. Байнгын хорооны дарга нарыг нэг жилийн хугацаагаар томилж, чөлөөлдөг жишиггэй юм.

Нэмэгдсэн өртгийн албан татварын /НӨАТ/ тухай хуулийн шинэчилсэн найруулга 2016 оны 01-р сарын 01-ний өдрөөс хүчин төгөлдөр мөрдөгдөхтэй холбогдуулан албан татвар суутган төлөгч аж ахуйн нэгжүүд татварын нэгдсэн системд холбогдож, нэмэгдсэн өртгийн албан татвар /НӨАТ/ төлөгч хувь хүнд нэгдсэн нэг стандарт бүхий сугалааны дугаартай төлбөрийн баримт хэвлэн өгөх үүрэгтэй. Үүнтэй холбоотой зарим хуулийн заалтуудыг цувралаар танилцуулж байна.

Улаанбаатар хотын хүүхдийн театр “Сүлд модны наадмыг аварсан нь” шинэ жүжгээр энэ сарын 21-нд нээлтээ хийхээр болсон байна.



Жүжгийн найруулагчаар Улсын драмын эрдмийн театрын жүжигчин С.Болд-Эрдэнэ ажиллаж байгаа бөгөөд жүжиг мэргэжлийн уран бүтээлчид дүр бүтээж байгаа юм. Хүүхдэд зөв хүмүүжил, төлөвшил олгох хүрээнд урлагийн мэдрэмжтэй болгох, түүнээсээ үлгэр дуурайл авах зорилгоор уг театраа байгуулсан байна. Тус театр цаашид хүний сайхан чанар, үерхэл нөхөрлөл, гэр бүл, хамт олон гээд хүүхдийн хүрээлэн буй орчныг эерэг сайн талаас нь харуулсан уран бүтээлүүдийг амилуулан хүүхэд залуучууддаа хүргэх зорилготой юм.

ХУД-13 “Монгол Солонгосын залуучуудын хөгжлийн төвд шинэ жилийн арга хэмжээнд оролцож байгаад 12-р сарын 20-ны 21:00 цагийн үед эд зүйлээ хулгайд алдлаа” гэсэн мэдээллийг 12-р сарын 20-нд авч шалгахад: ХУД-13. хороонд оршин суух Т /эм.53н/-ийн булган дээлийг, ХУД-13. хороонд оршин суух А /эм.21н/ гэгч нь хулгайлсныг шуурхай эрэн сурвалжилж илрүүлэн ХУДЦХ-2 шалгаж байна.

Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг өнөөдөр Нийслэлийн давж заалдан шатны шүүхэд шүүнэ.



Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд тэднийг Нүүрс хөтөлбөрийг хэрэгжүүлэхдээ 3.6 тэрбум төгрөгийг завшсан хэрэгт буруутган шүүсэн юм.

Шүүхээс тэднийг гэм буруутай гэж дүгнэсэн. Ингэхдээ Л.Гансүхийг бусадтай бүлэглэн урьдчилан үгсэн тохиролцож алба тушаалын байдлаа урвуулан ашиглаж, гэмт үйлдлийг гардан зохион байгуулсан хэрэгт буруутган 4.6 жилийн хорих албан тушаал эрхлэх эрхийг 4 жилийн хугацаагаар хасах ял оноосон.



Харин Эм Жи Эл Эс Би компанийн захирал Н.Даваахүү, тус компанийн нягтлан бодогч Б.Мөнгөнтуяа нарыг бусадтай бүлэглэн үгсэн тохиролцож, албан тушаалын байдлаа урвуулан ашиглаж онц их хэмжээний хохирол учруулсан хэрэгт буруутай гэж үзэн хөдөлмөрийн хөлсний доод хэмжээг 100 дахин нэмэгдүүлсэнтэй тэнцэх буюу 19 сая 200 мянган төгрөгөөр торгох, албан тушаал эрхлэх хугацааг хоёр жилээр хасах шийдвэрийг шүүхээс гаргаж байсан.



Ингэхдээ Б.Мөнгөнтуяагийн цагдан хоригдсон 203 хоногийн хугацааг мөнгөн хэлбэрт шилжүүлж, торгох ялыг эдэлсэнд тооцсон. Харин Н.Даваахүүгийн цагдан хоригдсон 46 хоногийн хугацааг ялаас хасч, үлдсэн 10 сая 52 мянган төгрөгийг төлүүлэхээр шийдвэрлэв. Түүнийг торгох ялаас зайлсхийсэн тохиолдолд хорих ялаар солихыг сануулсан. Мөн Л.Гансүх, Н.Даваахүү, Б.Мөнгөнтуяа нараас хоёр тэрбум таван зуун гучин есөн сая долоон зуун гучин есөн мянга найман зуун жаран төгрөгийг хувь тэнцүүлэн гаргуулж Багануур ТӨХК-д олгуулахаар шийдвэрлэсэн билээ.