Өнгөрсөн долоо хоногт ялалт байгуулсан Австралийн шинэ Ерөнхий сайд Тони Эботт өөрийн кабинетаа байгуулж дуусчээ. Тэрээр өнөөдөр Засгийн газрын сайдуудаа томилсон тухайгаа нийслэл Канберра хотод мэдээлсэн байна.

Японы баруун хэсгийн мужийг хүчтэй хуй салхи дайрчээ. Хуй салхи өнөөдөр Токио хотод ирнэ хэмээн цаг уурчид мэдээлээд байна. Гамшгийн улмаас аялал жуулчлалын төв болсон Киото хот үерт автаж, олон мянган орон гэр сүйджээ.

Сирийн босогчид өнгөрсөн бямба гарагт АНУ, ОХУ Сирийн химийн зэвсгийн асуудлаар хийсэн тохиролцоог Ерөнхийлөгч Башар Ал Ассадыг дэмжсэн хэлэлцээ боллоо хэмээн буруутгажээ.

Өнгөрсөн бямба гарагт Афганистаны хойд хэсэгт орших нүүрсний уурхай нурснаар багадаа 24 хүн амиа алдлаа хэмээн орон нутгийн эрх баригчид өнөөдөр мэдээллээ.