Япон улс Дэлхийн хоёрдугаар дайнаас хойш хамгийн том хөлөг онгоц бүтээснээ өчигдөр нээлээ. “Изумо” хөлгийг байлдагч хөлөг онгоцны дайралтын эсрэг болон хилийн бүсийн ажиглалтад ашиглах аж.

Тунисын нийслэлд арван мянга гаруй босогчид Исламын Засгийн газрыг огцрохыг шаардан жагсаалд нэгджээ. Бардогийн талбайд цугласан олон “Ард түмэн энэ дэглэмийг огцрохыг хүсч байна” хэмээн хашгирсан байна.

Тагнуулын төв газрын ажилтан асан Эдвард Сноуденд орогнол олгосон Москвагийн шийдвэрийг үл харгалзан АНУ болон ОХУ дээд түвшний хэлэлцээрүүдээ ирэх баасан гарагт хийх болно хэмээн АНУ-ын эрх баригчид мэдээллээ.

Судлаачид БНХАУ-д шувууны ханиад анх удаа хүнээс хүнд халдсаныг тогтоожээ.