Сар гарахгүй битүү харанхуй байдаг учир оны отгон шөнийг “битүүн” хэмээн нэрийддэг байна. Эл өдөр бүх зүйлс бүтэн, битүү байх учиртай. Энэ нь улирч буй ондоо тэгш дүүрэн байсан бөгөөд ирэх онд ч элбэг хангалуун байх болтугай хэмээсэн бэлгэдэл билээ. Өвлийн адаг сарын сүүлийн өдөр буюу битүүний өдрөөс өмнө монголчууд хуучин оны өр шир, өглөг авлагаа дуусган, дутуу зүйлсээ гүйцээдэг уламжлалтай. Ингэснээр хийморь лундаа нь сэргэдэг хэмээн үздэг байна.

Цагаан сарын баярын өдрүүдэд орон нутгийн галт тэрэгний ачаалал эрс нэмэгддэг тул зарим чиглэлд нэмэлт галт тэрэг гаргахаар болжээ.

Улаанбаатар хотын автозамын удирдлагын төвөөс энэ сарын 18-ны өдөр замын хөдөлгөөний дүрмийг удаа дараа зөрчиж, эрхээ хасуулсан жолооч нарын автомашины дугаарыг мэдээллээ.

“Шударга өрсөлдөөн, хэрэглэгчийн төлөө газар”-аас үүрэн холбооны оператор компаниудад иргэдийн гомдол, саналын дагуу шалгалт хийжээ.

Хийд суусан хүмүүс шувууны өд тэргүүтэн хөнгөн хийсдэг эдийг авч гэрийнхээ урд зүгт есөн ес наян нэгэн алхам газар очиж хийсгээд зүүн урдаас ирдэг байсан ажээ.

Энэ сарын 16-ны орой нийслэл Улаанбаатарт ”2012 оны хаврын баярыг угтах циркийн тоглолт” болж, нийслэлийн хэдэн мянган үзэгчид тус тогтлолыг үзэн сонирхлоо. Олон улсын циркийн уралдааны 10 гаруй удаагийн шагналтай, Өвөр Монголын циркийн хамтлаг болон Монгол улсын уран бүтээлчид нэгэн тайзнаа тоглосон нь тус тоглолтын онцлог байсан юм.

Батсүмбэр асрамжийг газрын хөгшчүүлийг баярлуулах санаачлагыг “Хөгжлийг инженерчлэгч клуб”-ын залуус гаргажээ. Сар шинийн баяр болж буй учраас тэд хөгшчүүлд гарын бэлгээ өгөхөөр болсон байна.

Өвөрмонголын Урадын тал нутгийн Хятад Монголын хилийн бүсээр энэ жил огт цас ороогүй байна. Одоо, нутгийн газар доорх усны төвшин доошилсоор 3 мянга гаруй малчид, 300 мянган мал ундны усаар гачигдаж байгаа гэнэ. Өнгөрсөн жилүүдэд Урадын тал нутагт хур тунадасны хэмжээ мэдэгдэхүйц багасаж, тал нутгийн газар доорх усны төвшин ч доошилсон байна.

Өнгөрсөн амралтын өдрүүдэд гал түймрийн хоёр дуудлага иржээ. Баянгол дүүргийн долдугаар хороо, дөрөвдүгээр хороолол 12 дугаар байрны 00 тоот айлаас утаа гарч байна хэмээх дуудлагын дагуу очиход тус айлын эзэн цахилгаан зуухан дээрээ хоол залгаж орхиод согтуу унтаж байжээ.

Нийслэлийн онцгой байдлын газраас Сар шинийн баярын өдрүүдэд болзошгүй гал түймрийн аюулаас урьдчилан сэргийлж, баярын өдрүүдэд золгохоор явахдаа цахилгаан хэрэгсэл, яндан зуухны аюулгүй ажиллагааг хангаж, хэвийн эсэхийг нь сайтар шалгаж, ил задгай үнс нурам асгахгүй, хогоо зориулалтын газарт хаяж, бага насны хүүхдийг харгалзах хүнгүйгээр орхихгүй байхыг анхааруулж байна.

Энэ сарын 11-20-ны өдрүүдэд Улсын Дээд шүүхийн шүүгчид, Шүүхийн Ерөнхий зөвлөлийн ажилтнууд ХЗДХЯ, УПЕГ, цагдаагийн ажилтнууд, шүүхийн шийдвэр гүйцэтгэх байгууллагын ажилтнуудтай хамтран орон нутагт ажиллаж, уулзалт- ярилцлага зохион байгууллаа. Уулзалтыг Төв аймагт “Шүүх эрх мэдлийн шинэтгэлийг гүнзгийрүүлэх хөтөлбөр”-ийн хүрээнд зохион байгуулав.

УИХ-ын сонгуульд нэр дэвшихээр Мэдээлэл харилцаа холбоо, технологийн газрын дэд даргын албан тушаалаас чөлөөлөгдсөн А.Мөнхбат өчигдөр Монголын Залуучуудын Холбооны ерөнхийлөгчөөр гэнэт томилогджэ