Монголбанкны Мөнгөний бодлогын зөвлөл өнгөрсөн арванхоёрдугаар сард мөнгөний Бодлогын хүүг нэг нэгж хувиар бууруулж 12 хувь болгох шийдвэрийг гаргасан.

“Хэрэглэгчийн жил”-ийн нээлт Багануур дүүргээс эхэллээ
Монгол Улсын Засгийн газраас 2016 оныг “Хэрэглэгчийн жил” болгон зарлаад байгаа билээ. НҮБ-ын Ерөнхий ассемблейн 70 дугаар хуралдаанаар хэлэлцэн баталсан Тогтвортой хөгжлийн баримт бичгийн хүрээнд 2016 оныг Монгол Улс “Хэрэглэгчийн жил” болгон зарласнаар холбогдох хууль тогтоомжид нэмэлт өөрчлөлт оруулах, хэрэглэгчид хуулийн мэдлэг олгох, соён гэгээрүүлэх, эрх нь зөрчигдөхөөс урьдчилан сэргийлэх арга замуудыг бий болгох боломж бүрдэж байгаа юм.
Хэрэглэгч өөрийн эрх болон холбогдох хууль тогтоомжийг мэдэх, эрхээ зөрчигдсөн хойно нь биш урьдчилан сэргийлэх арга хэмжээг авдаг байх нь чухал асуудал болоод байгаа юм. Тиймээс “Хэрэглэгчийн жил”-ийн хүрээнд Шударга өрсөлдөөн хэрэглэгчийн төлөө газар Монголын хэрэглэгчдийн эрх ашгийг хамгаалах нийгэмлэгүүдийн үндэсний холбоо болон энэ чиглэлээр үйл ажиллагаа явуулдаг төрийн бус байгууллагуудтай хамтран нийслэлийн дүүргүүд болон аймаг орон нутагт “Хэрэглэгчийн жил”-ийн нээлтийг зохион байгуулж эхлээд байна. “Хэрэглэгчийн жил”-ийн нээлт өчигдөр Багануур дүүргээс эхэлсэн юм. Тус дүүрэгт болсон Засгийн газрын шийдвэрийг хүлээн авах, “Хэрэглэгчийн жил”-ийн нээлтийг хийж иргэдтэй уулзалт зохион байгуулах арга хэмжээнд ШӨХТГ-ын дэд дарга Ц.Амарбаяр, болон тус дүүргийн Засаг даргын орлогч О.Цамбагарав, МХЭХамгаалах Нийгэмлэгүүдийн Нэгдсэн Холбооны салбарын тэргүүн Ц.Далантай, Багануур дүүргийн Хэрэглэгчийн эрх ашгийг хамгаалах нийгэмлэгийн гүйцэтгэх захирал Б.Туяа нар оролцсон юм.
Арга хэмжээний үеэр ШӨХТГ-ын дэд дарга Ц.Амарбаяр 2016 онд Хэрэглэгчийн эрхийг хамгаалах тухай хууль болон холбогдох багц хуулиудад шинэчилсэн найруулга хий, нэмэлт өөрчлөлт оруулах замаар эрх зүйн орчныг боловсронгуй болгох, “Хэрэглэгчийн эрхийг хамгаалах үндэсний хөтөлбөр 2”-ийг Засгийн газарт өргөн барих, “Хэрэглэгчийн эрхийг хамгаалах төлөв байдал”-ын судалгаа дүгнэлтийг жил бүр гарган, Засгийн газраас үнэлгээ өгч, цаашид авах арга хэмжээний чиглэлийг тодорхойлдог ажлуудыг уламжлал болгох зэрэг зорилт тавин ажиллаж байгаагаа Багануур дүүргийн иргэдэд танилцуулсан юм. Мөн хэрэглэгчийн эрхийг хамгаалах тал дээр иргэдийн санал бодлыг сонслоо.
Н.Мөнгөншагай / БЗӨБЦТС ТӨХК-ийн Багануур салбарын дарга / : 8000 хэрэглэгчийн төлөө ажиллаж байна
- Манай байгууллага Багануур дүүрэг болон Төв, Хэнтий аймгийн хэд хэдэн сумдад цахилгаан эрчим хүч түгээн ажиллаж байна. Нийтдээ 8000 хэрэглэгчид хүрч ажиллаж байна гэсэн үг. Тиймээс хэрэглэгчийн эрхийг хамгаалах үүднээс мэдээ мэдээллийг дор бүр нь өгч ажиллахыг хичээдэг. Бусад байгууллага ч мөн үүргээ ухамсарлан хэрэглэгчийн эрхийг зөрчихгүй ажиллаасай гэж хүсдэг.
Багануур дүүргийн иргэн Н.Магнай: Олон сар телевиз үзээгүй ч хураамжаа өгсөөр байгаа
- 2016 оныг Засгийн газраас Хэрэглэгчийн жил болгон зарлаж байгаа нь цаг үеэ олсон сайхан хэрэг боллоо гэж бодож байна. Монгол Улс даяар хэрэглэгчийн эрх зөрчигдсөөр өнөөдрийг хүрсэн. Багануур дүүргийн хувьд ч хэрэглэгч эрхээ эдэлж чадахгүй байгаа асуудал олон гарч байна. Тухайлбал, хүнсний бүтээгдэхүүний жин байх ёстой хэмжээндээ хүрэхгүй байх, аль нэг хувийн үйлдвэрийн чанарын баталгаагүй архи худалдаалагдаж байна. Мөн өргөн хэрэглээний бараа бүтээгдэхүүний үнийг худалдан борлуулж байгаа хүмүүс, ААН дураараа нэмдэг асуудал байсаар байна. Хэдийгээр Багануур дүүрэг нийслэлээс алслагдсан дүүрэг ч гэлээ бараа бүтээгдэхүүн, шатахууны үнэ өндөр байх нь хэр үндэслэлтэй вэ гэдгийг иргэд мэдэхгүй байгаа. Саяхан өргөн нэвтрүүлгийн станцууд тоон системд шилжсэн. Гэтэл тоон тохирсон тоон системийн төхөөрөмжөө авч чадаагүй айлууд байгаа. Тэд өнөөдрийг хүртэл 4-5 сар телевиз үзээгүй мөртлөө хураамжаа төлсөөр л байгаа. Гэх мэтчилэн хэрэглэгчийн эрх олон асуудал дээл хөндөгдөж, зөрчигдөж байгаа гэдгийг хэлмээр байна.
Багануур дүүргийн иргэн Д.Баяраа: Мэргэжлийн хяналтынхан шалгах гэсээр байтал бид хохирсоор байна
- Хэрэглэгчийн эрх байнга зөрчигдөх болсон энэ цаг үед “Хэрэглэгчийн жил 2016”-г зарлаж байгаа нь нүдээ олсон хэрэг боллоо. Өнөөдөр бид чанарын шаардлага хангасан хүнсний бүтээгдэхүүн хүнсэндээ хэрэглэж чадаж байгаа үгүйдээ үнэхээр итгэлгүй байна. Дэлгүүрүүд хугацаа нь дууссан хүнсний бүтээгдэхүүн зарж борлуулсан хэвээрээ байна. энэ талаар дүүргийн Мэргэжлийн хяналтын газарт мэдэгддэг боловч тэд төлөвлөгөөт шалгалтаа л хийдэг болохоос иргэдийн гомдлын дагуу газар дээр нь шийдвэрлэж ажиллаж чаддаггүй. Тиймээс хэрэглэгчийн эрхийг хамгаалах тал дээр дорвитой арга хэмжээ авч ажиллах хэрэгтэй байна.

онцгой байдлын алба хаагчид, нутгийн иргэдийн хамт эрэн хайх ажиллагааг зохион байгуулж сураггүй болсон хүүхдийг 12-ны өдрийн 12:10 цагт эсэн мэнд олсон байна.

Нийслэл Улаанбаатар хотын хэмжээнд сүүлийн жилүүдтэй харьцуулахад цас ихээр орж, хүйтний эрч чангарч байгаагаас шалтгаалан инженер хангамжийн байгууллагууд өвлийн оргил ачаалалд ажиллаж байна. Тиймээс хэрэглэгчид:
· Цахилгаан, дулаан, усан хангамж, ариутгах татуургын инженерийн шугам сүлжээнүүдэд мөрдөж байгаа горим ажиллагааг тогтвортой хангах
· Дур мэдэн өөрийн эзэмшлийн шугам тоноглолд үйлдэл хийж горим ажиллагаанд нөлөөлөхгүй байх, гэмтэл саатал гаргахгүй байх нөхцөл бололцоог хангаж байнгын хяналт тавьж ажиллах
· Гэмтэл саатал гарсан нөхцөлд холбогдох байгууллагуудад шуурхай мэдэгдэж мэргэжил арга зүйн туслалцаа авч тэдний хяналтан дор залгалт таслалт, засварлах ажлуудыг гүйцэтгэх
· Нийтийн эзэмшлийн талбайд зөвшөөрөлгүй газар шорооны ажил гүйцэтгэж инженерийн шугам сүлжээнд гэмтэл учруулахгүй байх
· Ус, дулаан, цахилгаан эрчим хүчийг үр ашигтай хэмнэлттэй зарцуулахыг уриалж байна.

Таны дур мэдэн зөвшөөрөлгүй хийсэн нэг үйлдэл инженерийн шугам сүлжээний горим ажиллагаанд нөлөөлж өөрсдийгөө болон бусад хэрэглэгчдийг эрсдэлд оруулж болзошгүйг анхаарна уу. Түүнчлэн өдөр тутам гулгаа үүсч байгааг анхаарч автомашин хэрэглэгчид хурдаа тохируулж, аж ахуйн нэгжүүд орчныхоо 50 м газрыг тогтмол цэвэрлэхийг анхааруулж, автомашинаа асаахдаа гал алдаж эд хөрөнгөөрөө хохирохгүй байхыг Улаанбаатар хотын Захирагчийн ажлын албанаас нийт иргэдэд сэрэмжлүүлж байна.

Зассгийн газраас санаачолан болоьвсруулж өргөн \мэдүүлсэн эмнэлэгийн тусаож үйлчилгээний тухай хуулийг эргүүлэн татаж авлаа. Ажлын хэсэг дээр олон санал гарсан учир тэдний саналыг тусгаад эргүүлэн оруулж ирэахээр болсон тус татаж авлаа.

Хөвсгөл аймгийн цаа бугын сүрэг энэ жил 117-гоор өсчээ.

Чуулганы өнөөдрийн хуралдаан эхэллээ. Өнөөдрийн хуралдаанаар 14 хууль, тогтоомжийг хэлэлцэж шийдвэрлэхээр төлөвлөсөн. Хэлэлцэх асуудалтай холбогдуулан УИХ-ын гишүүн Н.Батцэрэг, УИХ-ын гишүүн Г.Батхүү нар саналаа хэллээ.

Н.Батцэрэг ”Аюулгүй байдал, гадаад бодлогын байнгын хороог үдээс хойш хуралдуулж өгөх товыг гаргаж өгөөч. Уг байнгын хорооны даргаар манай бүлгээс хүн нэр дэвшүүлсэн. Нэр дэвшүүлж буй хүнийхээ нэрийг солихоор болсон юм. Би Н.Энхбаяр даргатай энэ асуудлаар ярилцаж өөр хүний нэр оруулж ирэхээр болсон юм. Тэгэхээр байнгын хорооны хуралдааны товыг гаргаж өгнө үү” гэв.

Түүний хүсэлтийн дагуу УИХ-ын дарга З.Энхболд Аюулгүй байдал, гадаад бодлогын байнгын хорооны хуралдааны товыг өнөөдөр үдээс хойш зарлалаа.

Харин УИХ-ын гишүүн Г.Батхүү ”Хяналтын тухай болон холбогдох бусад хуулийн төслийг маргаашийн хуралдааны хамгийн сүүлд оруулж өгнө үү. Өчигдөр байнгын хороо шөнө болтол хуралдаад асуудлаа бүрэн цэгцэлж дуусаагүй байгаа учир маргааш хэлэлцэхээр боллоо” гэв.

Түүний хүсэлтийн дагуу уг асуудлыг маргааш хэлэлцэхээр хойшлууллаа.

Ингээд байнгын хорооны бүрэлдэхүүнд өөрчлөлт оруулах тухай асуудлыг одоо чуулганы хуралдаанаар хэлэлцэж байна.

Т.Энхэлээ

Монгол Улсад Ардчилсан шинэ Үндсэн хууль батлагдсаны 24 жилийн ойд зориулсан үндэсний бөхийн барилдаан өчигдөр Монгол Бөхийн өргөөнд болсон.

Сүхбаатар дүүргийн 7-р хорооны 10-р байрны орцонд өнгөрсөн сард ой долоон сартай охиноо орхиж явсан хэрэг гарсан. Охиныг нэгэн бүсгүй олж ЭХЭМҮТ-д өгч асарч тойлж, хүмүүсийг туслахыг уриалсанаар монголын нийт ард түмэн энэ охин дээр анхаарлаа хандуулаад байсан билээ. Охины биеийн байдал маш хүнд, хоёр уушги нь битүү хатгалгаатай дээр суурь өвчин ихтэй байсан. Хэдий ээж нь олдож өөрийн биеэрээ асарч байгаа гэсэн мэдээллийг өчигдөр хүргэсэн бол харамсалтай нь охин нас баржээ. Эмчлэгч эмч нарынх нь ярьж буйгаар “Найдвар байхгүй. Гэхдээ эмнэлгийн зүгээс шаардлагатай гэсэн бүх эмчилгээг хийж, охиныг хөл дээр нь босгохын төлөө эрүүл саруул болгохын төлөө хүчин зүтгэж байгаа” гэж ярьж байсан удаатай.
Тэгвэл энэ талаар албаны эх сурвалжаас тодруулахад ”Охин өчигдөр 16:40 цагийн орчимд нас барсан бөгөөд одоохондоо нарийн мэдээлэл өгөх боломжгүй байна” гэсэн харамсалтай мэдээг дуулгасан юм. Харин охины ээж 22 настай Д-д Эрүүгийн хуулийн тусгай 117,1-т зааснаар хэрэг үүсгэн шалгаж эхэлсэн байгаа юм.

Нийслэлийн статистикийн газраас хийсэн гурилын үнийн судалгааг хүргэж байна. Энэ сарын 13-ны байдлаар нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1200-1500 төгрөг, 1-р зэргийнх 1000-1300 төгрөг, 2-р зэргийнх 780-1000 төгрөгийн үнэтэй байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1150-1300 төгрөгийн үнэ ханштай байна.



Харин “Барс” хүнсний захад дээд зэргийн “Алтан тариа” гурил 1200 төгрөг, 1-р зэргийн гурил 1000 төгрөгөөр зарагдаж байна.



“Атар” талх хүнсний зах, дэлгүүрт 1100-1210 төгрөгийн үнэтэй байна. “Бөмбөгөр”, “Таван-Эрдэнэ”, “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, “Сансар” супермаркетад хамгийн өндөр үнээр буюу 1210 төгрөгөөр худалдаалж байна.

”Ирвэс хамгаалах сан”-ийн биологич Т.Лхагвасүмбэрэлийн амь насаа алдсан хэргийн талаар Цагдаагийн ерөнхий газраас 2016 оны 01 дүгээр сарын 14-ний өдрийн 11.30 цагт Хэвлэл, мэдээллийн төвийн мэдээллийн өрөөнд мэдээлэл хийх

Нийслэлээс иргэдэд үзүүлж буй төрийн үйлчилгээнүүдийг нэг дор төвлөрүүлж, зарим үйлчилгээний шийдвэрлэх хугацааг богиносгон, иргэдэд учруулж буй хүндрэл,чирэгдлийг багасгах зорилгоор “Нийслэлийн үйлчилгээний нэгдсэн төв”-ийг байгуулахаар шийдвэрлэсэн. Нийслэлийн гурван цэгт байгуулах Төрийн үйлчилгээний нэгдсэн төвийг эхний ээлжинд Дүнжингарав худалдааны төвд байгуулсан бөгөөд 3 сарын хугацаанд бэлтгэл хангасны дагуу 2016 оны ажлын эхний өдөр буюу 01 дүгээр сарын 04-ний өдрөөс туршилтаар ажиллаж эхэлсэн.
Тус төвд иргэдэд үйлчилгээ үзүүлдэг Улс, нийслэлийн харъяа байгууллагын албан хаагчид 204 төрлийн үйлчилгээ үзүүлж байна.
Иргэд дараахь байгууллагаас үзүүлдэг үйлчилгээг “Нийслэлийн үйлчилгээний нэгдсэн төв”-өөс авч, хуулийн хугацаанд шийдвэрлүүлэх боломжтой.

/Иргэний асуудлыг шууд шийдвэрлэнэ, тухайн өдөртөө шийдвэрлэнэ, заасан хугацаанд шийдвэрлэнэ/

Нийслэлийн Засаг даргын Тамгын газар
Захирагчийн ажлын алба
Улаанбаатар Дулаан сүлжээ ТӨХК
Улаанбаатар Цахилгаан Түгээх Сүлжээ ТӨХК
Мэдээлэл, холбооны сүлжээ ТӨХК
Ус сувгийн удирдах газар
Нийслэлийн Архивын газар
Нийслэлийн Аялал жуулчлалын газар
Нийслэлийн Агаарын чанарын алба
Нийслэлийн Байгаль орчин, ногоон хөгжлийн газар
Нийслэлийн Боловсролын газар
Нийслэлийн Ерөнхий төлөвлөгөөний газар
Нийслэлийн Мэргэжлийн хяналтын газар
Нийслэлийн Өмчийн харилцааны газар
Нийслэлийн Улсын бүртгэлийн газар
Нийслэлийн Нийгмийн даатгалын газар
Нийслэлийн Хөдөлмөрийн газар
Нийслэлийн Нийгмийн халамжийн үйлчилгээний газар
Нийслэлийн Авто замын газар
Нийслэлийн Татварын газар
Нийслэлийн Эрүүл мэндийн газар
Нийслэлийн Хөрөнгө оруулалтын газар
Нийслэлийн Соёл урлагийн газар
Нийслэлийн Үйлдвэр, хөдөө аж ахуйн газар
Нийслэлийн Онцгой байдлын газар

Дүнжингарав худалдааны төв дэх нийслэлийн “Нийслэлийн үйлчилгээний нэгдсэн төв” нь нэг удаадаа 180, өдөрт 2880-6480 үйлчлүүлэгч хүлээн авч үйлчлэх хүчин чадалтай бөгөөд өөртөө үйлчлэх танхимтай, хүүхэдтэйгээ ирсэн иргэн үйлчилгээ авах хугацаанд хүүхдээ саатуулах хүүхэд саатуулах өрөө, нотариат, кафе зэргийг байгуулсан байна.
Цагийн хуваарь ажлын өдрүүдэд 08:00-20:00, бямба гарагт 10:00-16:00 цагийн хооронд иргэдэд үйлчилнэ.

“Нийслэлийн үйлчилгээний нэгдсэн төв”-ийн албан ёсны нээлтийн ажиллагаа 2016 оны 01 сарын 14-ний өдөр болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хүйтний эрч эрс чангарахыг анхааруулж байна

Хүүхдийн 20 мянган төгрөг багасаж 8000 төгрөг болох асуудал УИХ-ын түвшинд яригдаж эхэллээ. Уржигдар Төсвийн байнгын хорооны хуралдаанаар Хүний хөгжил сангийн тухай хуульд өөрчлөлт оруулах тухай хуулийн төслийг хэлэлцээд УИХ-аар хэлэлцэхийг дэмжсэн.

Эрүүгийн цагдаагийн газрын Эдийн засгийн гэмт хэрэгтэй тэмцэх тасгийнхан Зам, тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг 2015 оны аравдугаар сарын 31-ны шөнө баривчилсан. Түүнийг баривчилсан даруйдаа Зайсан дахь хорих ангид саатуулсан юм. Ингээд цагдан хорих хугацаа дуусч батлан даалтад гаргасан ч хэрэгт хяналт тавьж буй прокурор эсэргүүцэл бичсэнээр дахин хоёр сар хорихоор болсон. Одоогоор энэ хэрэг юу болж байгааг түүний өмгөөлөгчөөс тодруулахад: “Цагдаагийн байгууллага энэ хэрэгтэй холбоотой бичиг баримтыг шалгаж дуусаад оны өмнө АТГ-т шилжүүлсэн. Тэрбээр хоригдох явцдаа удаан хугацаагаар өлсгөлөн зарласан учир хоёр бөөр нь муудсан, уушиг нь эдээлсэн. Одоогоор Цагдан хорих 461-р ангийн эмнэлэгт хэвтэн эмчлүүлж байна” гэсэн юм.

Засгийн газраас баталсан “Монгол цэрэг бүтээн байгуулалтад” хөтөлбөрийн хүрээнд цэргийн алба хаагчдыг мэргэшүүлэх сургалт өчигдрөөс албан ёсоор эхэлж байна. Сургалтын нээлтийг өнөөдөр Налайх дахь МСҮТ-д хийж, Хөдөлмөрийн сайд Г.Баярсайхан, Батлан хамгаалахын сайд Ц.Цолмон болон албаны бусад хүмүүс, “Монгол цэрэг бүтээн байгуулалтад” хөтөлбөрт шаардлагатай ажиллах хүчнийг бэлтгэх сургалтад хамрагдаж буй Ахлагч бэлтгэх төвийн сонсогчид, МСҮТ-ийн сурагч, багш нар оролцлоо.





Монгол Улсын Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд ”Батлан хамгаалах бодлогын хүрээнд цэргийн алба хаагчдыг шинэ бүтээн байгуулалтад оролцуулах арга хэмжээ авах” зорилтыг тусгасан. Энэ дагуу 2013 онд “Монгол цэрэг бүтээн байгуулалтад” хөтөлбөрийг баталсан бөгөөд хөтөлбөрийг хэрэгжүүлэхдээ Зэвсэгт хүчний үндсэн болон тайван цагийн үүрэг гүйцэтгэх чадвар, бэлэн байдлыг алдагдуулахгүйгээр улс орны томоохон бүтээн байгуулалтын ажилд цэргийн алба хаагчдыг оролцуулахдаа тэднийг шаардлагатай мэргэжлээр сургаж, дадлагажуулах үүргийг Хөдөлмөрийн яам хүлээсэн.



Сургалтын нээлтэд зориулж Батлан хамгаалахын сайд Ц.Цолмон, Хөдөлмөрийн сайд Г.Баярсайхан нар үг хэлж мэргэжил эзэмшихээр сурч буй цэргийн алба хаагчид, тэднийг сургаж дадлагажуулах багш мэргэжилтнүүдэд хандаж үг хэлсэн юм.

Өнөөдөр Хууль зүйн байнгын хороо, Аюулгүй байдал, гадаад бодлогын байнгын хорооны хуралдаан тус тус болно.



1. Хууль зүйн байнгын хорооны хуралдаан “А” танхимд:



Хэлэлцэх асуудал: Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, эцсийн хэлэлцүүлэг/;



Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, анхны хэлэлцүүлэг/.



2. Аюулгүй байдал, гадаад бодлогын байнгын хорооны хуралдаан “Б” танхимд:


Хэлэлцэх асуудал: Байнгын хорооны даргыг сонгох тухай;

Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл /Засгийн газрын 2015.12.11-ний өдөр өргөн мэдүүлсэн, зөвшилцөх/;



“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;



Монгол Улс байнга төвийг сахих тухай болон холбогдох бусад хуулийн төслүүд /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/;



Нууц асуудал /хаалттай/;



Бусад.асуудлыг хэлэлцэхээр товложээ. Байнгын хороодын хуралдаан эхлэх цагийг жич зарлах юм байна.

МҮХАҮТ-д

09.00 цагт: Компаниуд болон дотоодын зах зээлд инноваци шингэсэн технологи, цоо шинэ төрлийн бүтээгдэхүүн, үйлчилгээ, бизнесийн загварыг нэвтрүүлж буй гарааны бизнес эрхлэгчдийн хооронд олон талын бизнесийн хамтын ажиллагаа эхлүүлэх зорилготой анхны томоохон арга хэмжээ ”Boosting Mongolia” нэрээр зохион байгуулагдах гэж байна.



Нийслэлийн үйлчилгээний нэгдсэн төв-д

10.00 цагт Хотын захиргаа төрийн 200 гаруй үйлчилгээг нэг дороос олгох ”Нийслэлийн үйлчилгээний нэгдсэн төв”-ийн албан ёсны нээлтийн ажиллагаа болно. Утас: 91040607



Засгийн газрын 4-р байр /Санхүүгийн зохицуулах хороо/ 207 тоот өрөөнд

11.00 цагт Санхүүгийн зах зээлийн хөгжил үндэсний хэмжээний форум зохион байгуулах гэж буйтай холбоотой Хэвлэлийн бага хурал болно. Утас 88008781



Нийслэлийн өргөө амаржих газрын хурлын зааланд

11.00 цагт Нийслэлийн өргөө амаржих газрын номын сан Улаанбаатар хотын номын сангийн харьяа Баянзүрх дүүргийн номын сантай хамтарсан “Номоор жигүүрлэсэн мөнхийн ачтан” өдөрлөг болно. Утас: 88034011



”Монгол ньюс” мэдээллийн төвд

11.30 цагт Иргэн Б.Бундхорол өмнө нь сарын турш Сүхбаатарын талбай дээр хийсэн дуугүй суултын талаар болон 2016 оны нэгдүгээр сарын 15-ны өдрөөс эхлэх тэмцлийн дараагийн шатны арга хэмжээний талаар мэдээлэл өгөх хэвлэлийн бага хурал болно.



Засгийн газрын хуралдааны Мэдээллийн танхимд

12.00 цагт Ээлжит ”Сайдын цаг” уулзалтад Хүнс, хөдөө аж ахуйн сайд Р.Бурмаа оролцоно.



”Union building”-ийн 3-р давхарт

12.00 цагт Парламентад суудалгүй намуудын зөвшилцлийн уулзалт болно. Утас: 99114116, 99307579, 99283991

МОНГОЛ УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ 2016 ОНЫ 01 ДҮГЭЭР САРЫН 14-НИЙ ӨДӨР /ПҮРЭВ ГАРАГ/-ИЙН БАЙНГЫН ХОРОО БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ

НЭГ:ЧУУЛГАНЫ НЭГДСЭН ХУРАЛДААН:

09.00 цагаас:

1.Байнгын хорооны бүрэлдэхүүнд өөрчлөлт оруулах тухай:

2.Байнгын хорооны дарга нарыг сонгох тухай:

-Өргөдлийн байнгын хорооны санал, дүгнэлтийг Улсын Их Хурлын гишүүн С.ОДОНТУЯА танилцуулна.

3.Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Улсын Их Хурлын гишүүн Д.ГАНБАТ танилцуулна;

-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНГЭРЭЛ танилцуулна.

4.“Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, анхны хэлэлцүүлэг/:

-Эдийн засгийн байнгын хорооны санал, дүгнэлтийг Улсын Их Хурлын гишүүн Д.ГАНХУЯГ танилцуулна.

5.Ирээдүйн тэтгэврийн нөөц сангийн тухай болон холбогдох бусад хуулийн төслүүд /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх/:

-Хууль санаачлагчийн илтгэлийг Хүн амын хөгжил, нийгмийн хамгааллын сайд С.ЭРДЭНЭ танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн С.ОДОНТУЯА танилцуулна.

6.“Тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх/:

-Хууль санаачлагчийн илтгэлийг Хүн амын хөгжил, нийгмийн хамгааллын сайд С.ЭРДЭНЭ танилцуулна;

-Төсвийн байнгын хорооны санал, дүгнэлтийг Улсын Их Хурлын гишүүн Я.САНЖМЯТАВ танилцуулна.

7.Сонгогдсон болон томилогдсон төрийн өндөр албан тушаалтанд хариуцлага хүлээлгэх тухай болон холбогдох бусад хуулийн төслүүд /Монгол Улсын Ерөнхийлөгч 2015.01.14-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;

-Төрийн байгуулалтын байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.

8.Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/:

/Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/:

-Төрийн байгуулалтын байнгын хорооны санал, дүгнэлтийг Улсын Их Хурлын гишүүн ….........................танилцуулна.

9.Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/:

-Эдийн засгийн байнгын хорооны санал, дүгнэлтийг Улсын Их Хурлын гишүүн Ж.БАТСУУРЬ танилцуулна.

10.“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Улсын Их Хурлын гишүүн М.БАТЦЭРЭГ танилцуулна;

-Төрийн байгуулалтын байнгын хорооны санал, дүгнэлтийг Улсын Их Хурлын гишүүн М.БАТЧИМЭГ танилцуулна.

11.Улс төрийн намын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.01.04-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;

-Төрийн байгуулалтын байнгын хорооны санал, дүгнэлтийг Улсын Их Хурлын гишүүн Н.БАТБАЯР танилцуулна.

12.Эрүүгийн байцаан шийтгэх хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 16 дугаар дүгнэлт үргэлжилнэ:

13.Мэргэжлийн боловсрол, сургалтын тухай хуульд нэмэлт, өөрчлөлт оруулах тухай хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Я.СОДБААТАР танилцуулна.

14.Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.

ХОЁР. БАЙНГЫН ХОРООНЫ ХУРАЛДААН ЧУУЛГАНЫ НЭГДСЭН ХУРАЛДААНЫ ДАРАА /цагийг жич зарлана/:

01 дүгээр сарын 14-ний Пүрэв гарагт:

1.Хууль зүйн байнгын хорооны хуралдаан “А” танхимд:

Хэлэлцэх асуудал:

Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, эцсийн хэлэлцүүлэг/;

Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, анхны хэлэлцүүлэг/.

2.Аюулгүй байдал, гадаад бодлогын байнгын хорооны хуралдаан “Б” танхимд:

Хэлэлцэх асуудал:

Байнгын хорооны даргыг сонгох тухай;

Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл/Засгийн газрын 2015.12.11-ний өдөр өргөн мэдүүлсэн, зөвшилцөх/;

“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;

Монгол Улс байнга төвийг сахих тухай болон холбогдох бусад хуулийн төслүүд /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/;

Нууц асуудал /хаалттай/;

Бусад.

...Шулуухан хэлэхэд төр маань хулгайч болж. Ер нь хулгайч муур шиг загнах юм. Ард түмэндээ нэгийг өгсөн бол 20-ийг буцааж авна. Цаанаа нэг хулгайч санаатай. Ингэхэд Шагдарын бага хүү модон тоглоомыг нь авсан охиныг бус аавыг нь авсан ээжийг нь хулгайч гэсэн юм. Бид ч төлөөлөл болгон авсан дээрхи асуудлуудыг хариуцдаг байгууллагуудыг хулгайч гэсэнгүй. Харин тэдний ард байдаг төрийг л хулгайч гэлээ. “Хулгайч аа, хулгайч аа...”