2015 оны аравдугаар сарын 22-ны 20 цагаас аравдугаар сарын 23-ний 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн баруун хэсгээр цас орно. Салхи баруун өмнөөс секундэд 5-10 метр, өдөртөө Алтайн уулсаар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 3-8 хэм хүйтэн, өдөртөө 5-10хэм дулаан, Алтайн өвөр говиор шөнөдөө 0-5 хэм өдөртөө 13-18 хэм дулаан, бусад нутгаар шөнөдөө 0-5хэм хүйтэн, өдөртөө 9-14 хэм дулаан байна.

ТӨВИЙН АЙМГУУДЫН НУТГААР: Шөнөдөө багавтар үүлтэй. Өдөртөө нутгийн баруун хэсгээр үүлшинэ. Цас орохгүй. Салхи баруун өмнөөс секундэд 6-11 метр. Хангай, Хөвсгөлийн уулархаг нутаг болон Туул, Тэрэлж голын сав газраар шөнөдөө 5-10 хэм хүйтэн, өдөртөө 3-8 хэм дулаан, бусад нутгаар шөнөдөө 2-7 хэм хүйтэн, өдөртөө 8-13 хэм дулаан байна.

ЗҮҮН АЙМГУУДЫН НУТГААР: Нутгийн хойд хэсгээр үүлшинэ. Бусад нутгаар багавтар үүлтэй. Цас орохгүй. Салхи баруунаас баруун хойш эргэж секундэд 6-11 метр, өдөртөө зарим газраар секундэд түр зуур 16-18 метр хүрч, шороон шуурга шуурна. Хэнтий, Дорнодын хойд хэсгээр шөнөдөө 4-9 хэм хүйтэн, өдөртөө 3-8 хэм дулаан, бусад нутгаар шөнөдөө 1-6 хэм хүйтэн, өдөртөө 7-12 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр. Шөнөдөө 5-7 хэм хүйтэн, өдөртөө 9-11 хэм дулаан байна.

ГОВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун өмнөөс секундэд 6-11 метр. Шөнөдөө Өмнөговийн нутгаар 0-5 хэм дулаан, бусад нутгаар 0-5 хэм хүйтэн, өдөртөө бүх нутгаар 10-15 хэм дулаан байна.

УЛААНБААТАР ХОТ: Багавтар үүлтэй. Хур тунадас орохгүй. Салхи баруунаас хойш эргэж секундэд 6-11 метр. Шөнөдөө 2-4хэм хүйтэн, өдөртөө 8-10 хэм дулаан байна.

Цахилгаанаар дулаанаа хангаж буй өрхүүдийг урамшуулах хэрэгтэй гэв
2015 / 10 / 22 | 17:11 | Нийтэлсэн: Ч.Ариунболд | 0

УИХ-ын чуулганы нэгдсэн хуралдаанаар Эрчим хүч хэмнэлтийн тухай хуулийн хэлэлцэх эсэх, хэлэлцүүлгийг хийж, дэмжлээ.

НҮБ-аас “Тогтвортой эрчим хүчийг бүх нийтэд” хэмээн тунхаглаж, Ерөнхий ассамблейн хуралдаанаар тогтвортой эрчим хүчний хөтөлбөрийг баталсан. Тус хөтөлбөрийн гурван тулгуур зарчмын нэг нь эрчим хүчний үр ашиг буюу хэмнэлтийн тухай ойлголт байдаг хэмээн Эрчим хүчний сайд Д.Зоригт хууль санаачлагчийн илтгэлдээ дурьдав.

Тэрбээр, 2012 оноос Монгол Улс эрчим хүчний эх үүсвэрийн дутагдалд орж эхэлсэн. Энэ нь барилга, уул уурхайн салбарын өсөлтийг сааруулж, эдийн засгийн өсөлтийг удаашруулах сөрөг нөлөө үзүүлж байна. Эрчим хүчийг үр ашигтай хэрэглэх нь улс орны эдийн засгийн өрсөлдөх чадварыг дээшлүүлэх, байгаль орчинд ээлтэй технологийг нэвтрүүлэх, зүй зохистой хэрэглээг төлөвшүүлэх, ард иргэдийн ая тухтай амьдрах орчныг сайжруулах зэрэг эдийн засаг, нийгмийн суурь салбаруудад хамааралтай асуудал юм. Тиймээс эрчим хүчний тухай хуулийн төслийг УИХ-д өргөн мэдүүлсэн болно” гэлээ.

Хэлэлцүүлгийн шатанд УИХ-ын гишүүн С.Оюун, Утаагүй зуух тавьсан айлуудад шөнө хэрэглэсэн цахилгааных нь үнийг бууруулж байгаа. Зөвхөн цахилгаанаар дулаанаа хангаж буй өрхүүдэд ч урамшлуулал олгох хэрэгтэй гэсэн санал хэлэв.

УИХ-ын гишүүн Ж.Энхбаяр Хуулийн төсөлд Эрчим хүчний хэмнэлтийн зөвлөл байгуулахаар тусгасан шалтгааныг тайлбарлахыг хүссэн.

Эрчим хүчний сайд Д.Зоригт, “Хуулийн төслийг боловсруулахдаа эрчим хүчний хэмнэлтээрээ дэлхийд тэргүүлж буй улс орнуудын туршлагыг судалсан. Тэдгээр улс бүгд Эрчим хүчний хэмнэлтийн зөвлөлтэй. Тиймээс Монгол Улсын Эрчим хүчний хэмнэлтийн зөвлөл байгуулах нь зөв гэж үзсэн” гэв.

Мөн УИХ-ын гишүүн О.Содбилэг, Хууль баталж, хэрэгжүүлснээр улсын төсвөөс зардал гарах уу хэмээн тодруулахад Эрчим хүчний сайд Д.Зоригт, улсын төсвөөс нэмж зардал гарахгүй хэмээн хариулав.

Түүнчлэн УИХ-ын гишүүн С.Одонтуяа, Г.Баярсайхан нар эрчим хүч хэмнэх нь эдийн засаг, байгаль орчинд хэрхэн эергээр нөлөөлөх талаар нийтэд сурталчлан таниулах чиглэлээр тодорхой алхам хийх хэрэгтэй. Энэ нь хууль хэрэгжих гол тулгуур болно” гэсэн санал хэллээ.

Ийнхүү санал хураалт явуулахад хуралдаанд оролцсон гишүүдийн 94.9 хувь дэмжиж, анхны хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.

Хоёр орны Ерөнхий сайд мэдээлэл хийлээ

Өнөөдөр /2015.10.22/ Япон Улсын Ерөнхий сайд Ш.Абэ Монгол Улсад албан ёсны айлчлал хийж байна. Тэрээр Монгол Улсын Их Хурлын дарга Зандаахүүгийн Энхболдод бараалхахын өмнө чуулганы нэгдсэн хуралдааны танхимд зочилж, Улсын Их Хурлын үйл ажиллагаатай танилцлаа.

Улсын Их Хурлын дарга З.Энхболд чуулганы нэгдсэн хуралдааны үеэр, Япон Улсын Ерөнхий сайд Ш.Абэ Улсын Их Хурлын үйл ажиллагаатай танилцаж байгаа талаар танилцуулж, мэндчилгээ дэвшүүлэв.

“Нээлттэй хаалганы өдөр”-ийг амжилттай зохион байгууллаа

УИХ-ын хариуцлагыг өндөржүүлэх хуулийн төслийг дэмжсэнгүй

УИХ-ын даргад Япон Улсын Ерөнхий сайд Ш.Абэ бараалхав

БСШУЯ-аас Сургуулийн өмнөх боловсролын цөм хөтөлбөрийг боловсруулж энэ жил орон даяар шинэчилсэн хөтөлбөрөөр хичээллэж байгаа. Тус хөтөлбөрийг хэрэгжүүлэхийн өмнө хот хөдөөгийн 12 түшиц цэцэрлэгт туршсны нэг нь Дархан-Уул аймгийн 18-р дугаар цэцэрлэг юм. Өнгөрсөн хугацаанд тус цэцэрлэгийн хамт олон “Хүүхдийг цэцэрлэгт амархан дасгах аргачлал”-ыг боловсрлуулж хэрэгжүүлсэн бөгөөд өдгөө тус цэцэрлэгийн аргачлалыг Дархан-Уул аймгийн бүх цэцэрлэгт хэрэгжүүлэхээр аймгийн иргэдийн хурлын даргын тогтоол гарчээ. Энэ талаар БСШУЯ-ны харьяа Дархан-Уул аймаг дахь 18-р түшиц цэцэрлэгийн эрхлэгч Ж.Дэжидмаатай ярилцлаа.

Ч.САЙХАНБИЛЭГ, ШИНЗО АБЭ НАР АЛБАН ЁСНЫ ХЭЛЭЛЦЭЭ ХИЙВ

Манай сэтгэлгүй хулгайч нар Буянт-ухаагаас хотын төв хүртэл хэд хэдэн давхар зам барих мөнгийг нь хулгай хийгээд идчихсэн. Олон улсын ганцхан буудал маань харанхуй, өмхий, гадаа талбай, өнгө үзэмж болон онгоц буух зурвас нь авах юм байхгүй ээ. Энэ бүгдэдээ зориулсан мөнгө хөрөнгийг хулгайч нар нь нийлээд идчихдэг юм. Орчин үеийн тохилог Онгоцны буудалтай болохоо Монголчууд бид хоног тоолон хүлээж байна.

Ерөнхий сайд Шинзо Абэ чуулганы үдээс хойшхи хуралдаанд хүрэлцэн ирэв

Авлигатай тэмцэх газраас томилогдсон ажлын хэсэг Сэлэнгэ, Орхон, Хөвсгөл аймгийн ИТХ, Засаг даргын Тамгын газар, Худалдан авах ажиллагааны алба зэрэг байгууллагад авлига, ашиг сонирхлын зөрчлийн эсрэг хууль тогтоомжийн хэрэгжилтийг шалгах, 2015 оны мэдүүлгийн бүрдүүлэлт болон мэдүүлгийг бүртгэх, хянах, хадгалах эрх бүхий албан тушаалтны үйл ажиллагаа, хувийн ашиг сонирхлын урьдчилсан мэдүүлэг, ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл гаргасан байдал, тэдгээрийн шийдвэрлэлт, програмын ашиглалтын байдалтай танилцаж, илэрсэн зөрчлийг арилгуулах, мэдүүлэг гаргагч болон мэдүүлгийг бүртгэх, хянах, хадгалах эрх бүхий албан тушаалтнууд, дээрх аймгуудын удирдах ажилтнуудад тус тус сургалт явуулах, заавар зөвлөмжөөр хангах зорилгоор ажиллав.

Ашиг сонирхлын зөрчил үүссэн буюу үүсч болзошгүй тохиолдолд гаргах мэдэгдэл, тайлбарыг Сэлэнгэ аймгийн ИТХ үйл ажиллагаандаа хэвшүүлсэн байна. Харин Орхон аймгийн Засаг дарга болон Засаг даргын Тамгын газрын дарга нь зөвхөн хүний нөөцийн тухай шийдвэрт мэдэгдэл, тайлбар гаргадаг ажээ. Дээрх аймгуудын бусад байгууллагын удирдлага болон холбогдох ажилтнууд тодорхой үйл ажиллагаа, шийдвэрт уг мэдэгдэл, тайлбарыг гаргаагүй байна. Ялангуяа тусгай зөвшөөрөлтэй холбоотой үйл ажиллагаа, дуудлага худалдаа, төсөл сонгон шалгаруулалт, хяналт шалгалт явуулах, газар өмчлүүлэх, эзэмшүүлэх, ашиглуулах зэрэг үйл ажиллагааг хэрэгжүүлэхэд тухайн шийдвэрийг гаргах буюу тухайн албан үүргийг гүйцэтгэхэд ашиг сонирхлын зөрчил үүсч байгаа эсэх талаар бичгээр тайлбарлаж, мэдэгдэхгүй байх зөрчил түгээмэл илэрчээ.

Нийтийн албанд шинээр болон цаашид тухайн байгууллагын зохион байгуулалтын нэгж дотроо ажлын байрны тодорхойлолт, эрхлэх асуудлын чиг үүрэгт нь өөрчлөлт орсны улмаас шилжүүлэн болон сэлгэн, туршилтын хугацаагаар томилох, Төрийн албаны тухай хуулийн хүрээнд тухайн албан тушаалын албан үүргийг түр орлон гүйцэтгэгчээр томилохоор болсон тохиолдолд тэдгээрийг томилохын өмнө хувийн ашиг сонирхлын урьдчилсан мэдүүлгийг Авлигатай тэмцэх газарт ирүүлэх үйл ажиллагааг Сэлэнгэ, Орхон, Хөвсгөл аймгийн ИТХ, Засаг даргын Тамгын газрын хэмжээнд зохих хяналтыг хэрэгжүүлж байв.

Ажлын хэсэг “Авлига, ашиг сонирхлын зөрчлийн эсрэг хууль тогтоомжийг таниулах нь” нэртэй сургалтыг мэдүүлгийг бүртгэх, хадгалах эрх бүхий албан тушаалтан, аймгийн удирдах ажилтан, мэдүүлэг гаргагч нийтийн албан тушаалтан, нийт 1078 хүнд зохион байгууллаа.

Авлигатай тэмцэх газар төлөвлөгөөт хяналт шалгалтын хүрээнд Эрчим хүчний зохицуулах хороо, Харилцаа, холбооны зохицуулах хорооны холбогдох албан тушаалтнуудын 2013-2014 онуудын хөрөнгө, орлогын мэдүүлгийг хянан шалгаж байна.

Авлигын эсрэг хуулийн 13 дугаар зүйлийн 13.5, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 26 дугаар зүйлийн 26.4 дэх хэсгийг тус тус үндэслэн уг хяналт шалгалтыг хэрэгжүүлж байна.

Аймаг, нийслэлийн сүрьеэгийн эмч мэргэжилтнүүд, нийгмийн халамжийн бодлого хэрэгжүүлэгчид хамтран Улаанбаатар хотноо зөвлөлдлөө.

Авлигатай тэмцэх газарт иргэдээс ирүүлж буй албан тушаалтны авлига, ашиг сонирхлын зөрчлийг шалгуулахаар хандсан нийт өргөдөл, гомдлын 60-63 хувийг хөдөө, орон нутаг дахь байгууллага, албан тушаалтантай холбоотой асуудал эзэлж байна.

2015 оны 9 дүгээр сарын байдлаар Архангай, Баян-Өлгий аймгийн иргэдээс гомдол, мэдээлэл түлхүү ирүүлсэн байх тул тус аймгийн ИТХ, Засаг дарга, түүний харъяа агентлаг, Засаг даргын Тамгын газрын хэмжээнд Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн хэрэгжилтийн байдлыг хянан шалгахаар Архангай, Баян-Өлгий аймагт албан томилолтоор ажиллаад байна.

Шинзо Абэ Монгол Улсын Ерөнхийлөгчийн өргөөнд зочлов

Өмгөөлөгч Ц.Баасандоржид Сүхбаатар дүүргийн прокурорын газраас эрүүгийн хэрэг үүсгээд байгаа. Тодруулбал, түүнийг 2014 оны есдүгээр сард Үндэсний аудитын газрын шинжээч н.Ичинхорлоотой утсаар ярьсан бичлэгээ бичсэнийх нь төлөө ийнхүү эрүүгийн хэрэгт татаад байгаа юм. Тэгвэл Үндэсний аудитын газраас өмгөөлөгч Ц.Баасандоржид хариуцлага тооцох ёстой хэмээн Монголын хуульчдын холбооны мэргэжлийн хариуцлагын хороонд ханджээ. Уг хороо нь асуудлыг судалж, маргаан үүсгэхээс татгалзсанаа холбооны Ерөнхийлөгч Б.Гүнбилэгт албан бичиг хүргүүлсэн байна. Иргэд гудамж, талбай, олон нийтийн газраар явж байхдаа мөн өөрсдийн ярьсан бичлэгийг баримтжуулах үүднээс хоорондын яриагаа бичлэг болгох тохиолдол цөөнгүй. Тухайлбал, өнгөрсөн долдугаар сард цагдаагийн алба хаагч Б нэгэн эмэгтэйн биед халдаж буй бичлэгийг баримтжуулж олон нийтэд дэлгэсэн. Үүний улмаас тухайн алба хаагч ажлаасаа халагдаж ЦЕГ албан ёсоор уучлал гуйсан юм. Мөн “Алтанбулаг” худалдааны чөлөөт бүсийн захирагч Ч.Чимидсүрэн хууль зөрчиж, улмаар шаардлага тавьсан цагдаагийн алба хаагчдыг дээрэлхэж байгаа бичлэгийг ч баримтжуулж олон нийтэд дэлгэж байв. Энэ мэтчилэн бичлэг хийж, утсаар ярьсан бичлэгээ хурааж байгаа нь өөртөө баримт үүсгэж байгаагийн нэг хэлбэр. Сэтгүүлч нар ч ярилцлага авахдаа дуу хураагуур дээр бичиж хураадаг. Энэ бүрт эрүүгийн хэрэг үүсгээд байвал бүх хүн эрүүгийн хэрэгт татагдаж, гэмт хэрэгтэн болох нь гэх ойлголт иргэдийн дунд үүсч байна. Тиймээс Хуульчдын холбооны мэргэжлийн хариуцлагын холбооноос маргаан үүсгэхээс татгалзсан байхад прокурорын байгууллагаас эрүүгийн хэрэг үүсгэн шалгаж байгаа нь хүний эрх эрх чөлөөнд халдаж буй ноцтой үйлдэл гэж үзэх хүмүүс цөөнгүй байна.

УИХ-ын чуулганы үдээс хойшхи хуралдаан 14.00 цагт эхлэх байсан ч ирц бүрдэхгүй байсаар цаг гаруйн дараа эхлээд байна.

Чуулган эхэлмэгц “Төрөөс мөнгөний бодлогын талаар 2016 онд баримтлах үндсэн чиглэл батлах тухай” УИХ-ын тогтоолын төслийг үргэжлүүлэн хэлэлцэх эсэх асуудалд санал хурааж олонхийн саналаар тус төслийг Эдийн засгийн байнгын хороогоор хэлэлцүүлэхээр шилжүүллээ. Мөн Засгийн газраас өргөн мэдүүлсэн “Газрыг улсын тусгай хэрэгцээнд авах, тогтоолын хавсралтад өөрчлөлт оруулах тухай” Улсын Их Хурлын тогтоолын төсөл-ийг анхны хэлэлцүүлгээр нь батлах горимын саналыг хэлэлцэж дэмжлээ.

Энэ сарын 19 ны өдөр Төрийн өмчийн хорооны дарга Ц.Нанзаддорж тушаал гаргаж МИАТ компанийн гүйцэтгэх захирал Г.Жаргалсайханыг албан тушаалаас нь чөлөөлсөн билээ.

Зургаан эмнэлгийн үйл ажиллагааг түдгэлзүүлэв