Чилийн нийслэл Сантъяго хотноо агаарын бохирдлын эсрэг онц байдал зарласан талаар “BBC” агентлаг мэдээллээ.

Хүүхэд харах үйлчилгээний тухай хуулийг хэлэлцлээ

АНУ-ын Төрийн Департментын компьютерүүдийн системд алдаа гарснаас болж хоёр долоо хоногийн турш аялагчдад виз олгоход асуудал үүссэн талаар “Telegraph” агентлаг мэдээллээ.

Газрын тухай хуульд нэмэлт оруулах тухай хуулийн төслийн анхны хэлэлцүүлгийг дэмжлээ

7241 иргэн амины орон сууцтай болох төсөлд хамрагдана

Дуурь бүжгийн эрдмийн театрын гоцлол дуучин, МУГЖ Э.Амартүвшин эх орондоо ганзага дүүрэн ирлээ.

Олон улсын хөлбөмбөгийн холбооны толгой байгууллагаа ФИФА-гийн улиран сонгогдсон ерөнхийлөгч Зепп Блаттер авлигын хэрэгт холбогдсоны улмаас ажлаа өгсөн.

Өмнөд Солонгосын толгой группуудын нэг “Samsung”-ийн өв залгамжлагч өнөөдөр телевизээр дамжуулан олон нийтээс уучлал гуйлаа.

Монгол Улсын Их Хурлын дарга Зандаахүүгийн Энхболдын орон нутгийн томилолт үргэлжилж байна. Тэрээр өнөөдөр /2015.06.23/ Говь-Алтай аймгийн Тайшир суманд ажиллан, орон нутгийн өмчит “Эрүүл ус” үйлдвэртэй танилцав.

“Эрүүл ус” орон нутгийн өмчит үйлдвэрийн газар нь Алтай хотыг эрүүл ахуйн шаардлагад нийцсэн ундны усаар хангах зорилгоор 2014 онд аймгийн ИТХ-ын 38-р дугаар тогтоолоор үүсэн байгуулагджээ.

Цэвэр усны нөөц бүхий таамагтай газруудад хайгуул хийж нөөцийг тогтоон, хайгуулын дүнг үндэслэн уснаас дээж авч итгэмжлэгдсэн лабораториудаар шинжилгээ хийлгэн стандартыг тогтоолгож, ундны эрүүл усаар хангах цэгийг тогтоон худаг гаргах худгийг түшиглэн цэвэрлэх, савлах, ариутгах, иж бүрэн дамжлага бүхий үйлдвэр байгуулсан талаар УИХ-ын даргад танилцууллаа. Газрын гүнээс 50-80 метрээс татсан усыг 3 төрлийн шүүлтүүрээр шүүж, хэт ягаан туяагаар ариутгадаг байна.

Тус үйлдвэрийн дарга Ж.Бодьгэрэл хэлэхдээ, манай үйлдвэр цагт 5 тн ус цэвэршүүлэн шүүж, 300 торх ус савлах хүчин чадалтай. Алтай хотын ундны ус нь магнийн агууламж байх ёстой хэмжээнээс 5 дахин их, кальцийн агууламж 3 дахин бага учраас хоол боловсруулах, эрхтэн системийн өвчлөл үүсэх үндсэн шалтгаан болдог байсан. “Эрүүл ус” үйлдвэр ашиглалтад орсноор Алтай хотын иргэдийг ундны эрүүл, цэвэр усаар хангаж байна. Манай үйлдвэр орчин үеийн тоног төхөөрөмжүүд ашиглаж, ажиллах горим, хүчин чадлын хувьд өргөн сонголттой” гэлээ.

Нэг торх /20 л/ ус зах зээлийн үнээс харьцангуй хямд өртгөөр буюу 500 төгрөгийн үнэтэй учраас амьжиргааны түвшин хамаарахгүй бүх өрх хэрэглэх боломжтой.

“Эрүүл ус” үйлдвэрийн газар нийт 21 ажилтантай, ус цэвэршүүлэх үйлдвэрт Тайшир сумын 7 иргэн ажиллаж байна. Савалж, битүүмжилсэн торхтой усыг түгээх цэгүүдэд зориулалтын хөргөгчтэй машинаар зөөвөрлөн хүргэдэг байна. Цэвэршүүлсэн усыг худалдаа үйлчилгээний зөвшөөрөлтэй цэгүүдээр худалдаалдаг бөгөөд цаашид захиалгаар хүргэж өгөх үйлчилгээг үзүүлэхээр төлөвлөж байгаагаа УИХ-ын даргад танилцууллаа.

Цаашид цэвэр ус түгээх байруудыг Алтай хотын Баянхайрхан, Баяншанд, Харзат, Жаргалант багуудад тус бүр хоёрыг шинээр барьж байгуулах ба уг цэгүүд баллонтой усыг хадгалахад тохиромжтой, эрүүл ахуйн шаардлага хангасан, хэвийн температуртай байх бөгөөд баллонтой усыг хадгалах, түгээхэд тохиромжтой байдлаар баригдах юм байна.

Алтай хотын иргэдийг ундны цэвэр усаар хангаснаар уснаас хамаарсан өвчлөлийг бууруулж, нас баралтыг багасгах ач холбогдолтой.

УИХ-ын даргыг Тайшир сумын орон нутгийн өмчит үйлдвэрийн газарт ажиллахад УИХ-ын даргын ахлах зөвлөх С.Ламбаа, УИХ-ын Тамгын газрын Ерөнхий нарийн бичгийн дарга Б.Болдбаатар, аймгийн Засаг дарга О.Амгаланбаатар болон албаны бусад хүмүүс дагалдан ажиллав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Олимпийн аварга Э.Бадар-Ууган “Өөжинмед” үр шилжүүлэн суулгах эмнэлгийнхээ нээлтийг өнөөдөр Сувилахуйн сургуулийн эмнэлгийн байрандаа хийлээ.

Арменд хэрэглээний цахилгааны үнэ хэтэрхий өсөж байгааг эсэргүүцэж олон мянган хүн жагссан талаар “Guardian” агентлаг мэдээллээ.

Хүүхэд харах үйлчилгээний тухай хуулийн төслийн анхны хэлэлцүүлгийг үдээс хойш үргэлжүүлэн хэлэлцэхээр болов

Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2015.06.24/ хуралдаанаар Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлэг, Нийгмийн даатгалын үндэсний зөвлөлийн гишүүдийг сонгох тухай, Бэлгийн замын халдварт өвчний өнөөгийн байдал, цаашид авах арга хэмжээний тухай Эрүүл мэнд, спортын сайдын болон Халдварт өвчин судлалын үндэсний төвийн мэдээллийг сонсох /хаалттай/ гэсэн гурван асуудал хэлэлцэхээр төлөвлөөд байсан. Хуралдааны эхэнд Нийгмийн даатгалын үндэсний зөвлөлийн гишүүдийг сонгох тухай асуудлыг энэ удаагийн хуралдаанаар хэлэлцэхийг хойшлуулж, уг асуудлын оронд Хөдөлмөрийн тухай хуулийн шинэчилсэн найруулгын төслийг хэлэлцэх эсэх асуудлыг хэлэлцэх санал хураалт явуулсныг гишүүдийн олонх дэмжлээ. Учир нь Нийгмийн даатгалын үндэсний зөвлөлийн гишүүдийг сонгох тухай асуудлыг хэлэлцэхэд шаардлагатай бичиг баримт дутуу байгаа аж.

Ингээд хуралдаанаар хэлэлцэх асуудлын дарааллын дагуу Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлгийг хийж, ажлын хэсгээс гаргасан зарчмын зөрүүтэй саналын томьёоллоор санал хураалт явуулав. Уг хуулийн төслөөр УИХ дахь МАН-ын бүлэг 5 хоногийн завсарлага аваад байсан нь өнөөдрөөр дуусгавар болж байгаа юм.

Улсын Их Хурлын гишүүн Д.Хаянхярваа өгсөн тайлбартаа, завсарлагын хугацаанд хуулийн төслийг бүлгийн хуралдаанаар нухацтай ярилцсан. Энэ хугацаанд төрийн тухайлан хариуцсан төв байгууллагуудаас санал авах дэгийн тухай хуулийн заалтын дагуу Стандарт хэмжил зүйн газар, Мэргэжлийн хяналтын ерөнхий газарт албан тоот явуулсан. Өнөөдрийн байдлаар Стандарт хэмжил зүйн газраас хариу ирүүлсэн бол Мэргэжлийн хяналтын ерөнхий газраас хариу ирүүлээгүй байна гэв. Ажлын хэсгээс гаргасан зарчмын зөрүүтэй саналын томьёоллоор санал хураалт явуулах шатанд гишүүд тодорхой саналууд дээр байр сууриа илэрхийлж, асуулт асууж, тодруулга авсан юм. Гишүүдийн зүгээс хүүхэд харах үйлчилгээний чанар стандарт, санхүүжилтийн асуудлыг хөндөв.

Улсын Их Хурлын гишүүн С.Дэмбэрэл:- Хуулийн төслийг боловсруулахдаа нийгмийн хэрэгцээ шаардлага болон Төрөөс боловсролын талаар баримтлах бодлоготой хэр уялдуулсан юм бэ.

Боловсрол, соёл, шинжлэх ухааны сайд Л.Гантөмөр:- Энэ хуулийн төслийг Монгол Улсын Ерөнхийлөгчөөс өргөн мэдүүлж, Засгийн газраас санал авсан. Засгийн газар хуулийн төслийг дэмжиж санал өгсөн. Олон хүүхэд цэцэрлэгт хамрагдаж чадахгүй байна. Цэцэрлэгт бүх хүүхдийг хамруулах хөрөнгө мөнгө байхгүй. Ийм мөнгөтэй болох дүрх төрх ч харагдахгүй байгаа. Гэртээ үлдэж байгаа хүүхдүүдэд ямар нэгэн хэлбэрээр сургалт, үйлчилгээг зохион байгуулах шаардлага байгаа. Цэцэрлэгт хамрагдаж байгаа хүүхдүүдэд улсаас зардал гаргаж байгаа бол цэцэрлэгт хамрагдаж чадахгүй байгаа хүүхдүүдийг эцэг эх нь харах болдог учраас ажил хийх боломжгүй болдог. Мөн улсаас очдог зардал бас очихгүй. Эдээр нь тэгш бус байдлыг бий болгож байгаа. Тиймээс илүү сургалтад ойртсон, аюулгүй орчныг бүрдүүлэх стандартыг тавихаар төсөлд тусгасан. Цэцэрлэг барих мөнгө хөрөнгө нь байвал ийм хуулийн төсөл боловсруулах ямар ч шаардлага байхгүй.

Улсын Их Хурлын гишүүн, ажлын хэсгийн ахлагч Ц.Оюунгэрэл:-Цэцэрлэгт хамрагдаж чадахгүй бүх хүүхдүүдийг цэцэрлэгт хамруулья гэхээр одоогийн нөхцөл байдалд мөнгө хөрөнгө хүрэхгүй байгааг салбарын сайд хэлж байна. Хүүхэд гэдэг насыг богинохон хугацаанд туулаад өнгөрнө.Тэр хооронд хэрэгцээ нь хангагдаж чадахгүй байгаа юм. Хөгжилтэй, баян орон ч хүүхэд бүрийг цэцэрлэгээр хангаж чадахгүй байгаа нь нотлогдож байгаа. Жишээ нь: Их британид хүүхдийнхээ 80 хувийг хүүхэд харах үйлчилгээгээр өсгөж байгаа бол Канад 40 хувь, Америкт хот газраа 60 орчим хувь, хөдөө газарт 30 орчим хувийг хүүхэд харах үйлчилгээгээр өсгөж байна. Иймээс бид хүүхэд харах үйлчилгээг илүү эрт бий болгох тусам хүүхдийнхээ аюулгүй байдлыг илүү эрт хамгаалж чадах юм.

Улсын Их Хурлын гишүүн Я.Санжмятав:- Хүүхэд харах үйлчилгээний төв байгуулахад зарцуулагдах 66 тэрбум төгрөгийн ихэнх хэсэг нь хувийн хэвшлээс гарна гэдэг асуудлыг анхнаас нь тооцож байсан. Эдийн засаг хүнд байна гэж сууж байснаас хуулиа гаргаж, хэрэгжилтийн явцад эдийн засгийн гаргалгаа хийгээд явах нь зүйтэй. Эхлээд мөнгө төгрөгийг нь шийдэж байж асуудлыг шийднэ гэдгээ хойш тавьж хувийн хэвшил, гадна дотны хөрөнгө оруулалтаар шийдээд явна гэж байгааг дэмжиж байгаа.

Улсын Их Хурлын гишүүн С.Одонтуяа:- 60 тэрбумын асуудал бол Монгол Улсад байгаа бүх хүүхдийг хүүхэд харах үйлчилгээнд хамруулсан тохиолдолд гарах тооцоо. Харин бид бүх хүүхдийг хамруулна гэж зориогүй. Яагаад гэвэл тийм боломж, эдийн засгийн чадамж байхгүй. Хоёрдугаарт, хавтгайруулахгүй, сонгон шалгаруулна, тодорхой стандартыг өндөр тавьж өгнө. Хамгийн сэтгэл зовоосон асуудал бол тавхан жилийн дараа сургууль, цэцэрлэг, дотуур байрны 1700 обьект хэрэгтэй болно. Иймд сургууль барихад энэ төсвөө өгнө гэвэл цэцэрлэг цаашид баригдахгүй болчих гээд байгаа юм. Ингэснээр цэцэрлэгт явж чадахгүй олон хүүхдийн эрх нь зөрчигдөх юм. Эхний ээлжинд эдийн засгийн чадавхдаа тулгуурлаад 5 тэрбум төгрөгөөр хуулиа хэрэгжүүлээд эхэлье гэж байгаа. Бид дэвшилтэт зүйлээс ухрах хэрэггүй. Бид нар энэ мөнгийг авах гээд байгаа юм биш. Монголын хүүхдүүд гэртээ үлдсэнээр асар их эрсдэл үүсч байгааг бид харж байна.

Зарчмын зөрүүтэй саналын томьёоллоор санал хураах шатанд байнгын хорооны хуралдааныг түр завсарлуулж, 14.00 цагаас Хүүхэд харах үйлчилгээний тухай болон холбогдох бусад хуулийн төслүүдийн анхны хэлэлцүүлгийг үргэлжүүлэн явуулахаар тогтлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Украины экс Ерөнхийлөгч Виктор Янукович “ВВС” ярилцлага өгчээ. Тэрээр мөргөлөөн эхэлснээс хойш анх удаа барууны хэвлэлд өгсөн ярилцлагадаа эсэргүүцлийн жагсаал зохион байгуулагчид руу гал нээх тушаал өгөөгүй хэмээн зарласан байна.

Дөнгөж саяхан буюу 12.30 цагийн орчимд Сонгино хайрхан дүүрэг, Драгон төвийн ард баригдаж байгаа барилгын хажуу талын зам цөмөрч, буудай тээвэрлэн явсан ачааны машин унаж, осолджээ. Одоогоор Сонгино хайрхан дүүргийн замын цагдаа нар ослын газарт ажиллаж байна. Бид ослын шалтгааныг тодруулахаар ажиллаж байгаа тухай Улаанбаатар хотын Замын цагдаагийн газрын урьдчилан сэргийлэх хэлтсийн ахлах мэргэжилтэн Х.Одбаяр мэдээллээ.

АНУ-ын Батлан хамгаалах яамны Нарийн Бичгийн Дарга Эш Картер Европын улс орнуудаар айлчилж байгаа тухай “BBC” агентлаг мэдээллээ. Өчигдөр Эш Картер ХБНГУ-д айлчилж Германы Батлан хамгаалахын сайдтай уулзсан байна.

260 ортой нэгдсэн эмнэлэг байгуулна

Төрийн тусгай албан хаагчдын нэгдсэн эмнэлгийн дуусаагүй барилгыг эмнэлгийн зориулалтаар шинэчлэн сайжруулж, 260 ор бүхий нэгдсэн эмнэлгийг ажиллуулах төслийн концессийн гэрээг “Юниверсити хоспиталь” ХХК-тай байгуулахыг Хөрөнгө оруулалтын газарт олгож, гэрээ байгуулах ажлыг холбогдох хууль тогтоомжийн дагуу удирдан зохион байгуулахыг Аж үйлдвэрийн сайд Д.Эрдэнэбатад даалгалаа.

Дуусаагүй барилгыг эмнэлгийн зориулалтаар шинэчлэн сайжруулж, 260 ор бүхий нэгдсэн эмнэлгийг ажиллуулах төслийн нийт хөрөнгө оруулалт 28 тэрбум төгрөг бөгөөд концесс эзэмшигч нь 2015 оны 12 дугаар сард амбулатори, 2016 оны 4 дүгээр сард хэвтэн эмчлүүлэх хэсгийг ашиглалтад оруулах бөгөөд нийт барилгын ажлыг 2 жилд багтаан дуусгахаар гэрээний төсөлд тусгажээ. Уг төсөлд төрийн зүгээс ямар нэгэн санхүүгийн дэмжлэг шаардахгүй бөгөөд 25 жилийн дараа үнэ төлбөргүйгээр төрийн өмчид шилжүүлж өгнө.

Сэлэнгэ аймгийн прокурорын газраас тус аймаг дахь Гаалийн газрын улсын байцаагч нарын захиргааны зөрчлийн хэрэг бүртгэх ажиллагаанд хуулийн хэрэгжилтийг шалгаж, 2015 оны зургаадугаар сарын 03-ны өдөр Гаалийн газрын улсын байцаагч нарт захиргааны зөрчлийн хэрэг бүртгэх ажиллагаанд анхаарах асуудал сэдвээр сургалт зохион байгуулжээ.

Мөн МУ-ын хойд хил 24 цаг нээлттэй болж, хилийн болон гаалийн байгууллага байнгын үйл ажиллагаа явуулж байна. Хилээр нэвтрэх нээлттэй байдлыг дагаж , хил, гаалийн хууль тогтоомж зөрчсөн гэмт хэрэг зөрчил нэмэгдэх хандлагатай байна.

Иймд хилээр хууль бусаар бараа, материал, эмийн бодис, галт зэвсэг нэвтрүүлэх, гаалийн татвар хураамжаас зайлсхийх гэмт хэргээс урьдчилан сэргийлэх ажлыг идэвхижүүлэх, хилийн бүсэд оршин суугчдаас гэмт хэрэг, зөрчилд татагдан орж болзошгүй байгааг таслан зогсооход гаалийн хяналт шалгалтыг сайжруулах явдал чухал байгаа талаар прокурорын газраас зөвлөмж, чиглэл өгсөн байна.

Харин энэ жил долдугаар сарын 11, 12-ны өдөр бямба, ням гаригт таарч байна. Иймээс Хөдөлмөрийн сайд С.Чинзориг долдугаар сарын 16, 17-ны ажлын өдрүүдийг 4, 5-ны амралтын өдөрт шилжүүлэхээр санал боловсруулсан аж

“Ази-Номхон далайн бүсийн газар хөдлөлтийн хор уршгийг арилгах сургалт, дадлага сургуулийн” хоёр дах өдөр үргэлжилж байна.

Цагаан ордны экс ахлах тогооч Уолтер Шейбийн цогцос Нью Мексикээс олдсон талаар “CNN” агентлаг мэдээллээ. Албаныхны мэдээлснээр талийгаач Нью-Мексикт ууланд авирч амрахаар очоод байсан байна.