Лондон хотын Брикстоны шоронгийн хоригдлууд ресторан нээж ажиллуулахаар болжээ. Энэ нь тэднийг хүмүүжихэд сайнаар нөлөөлнө хэмээн шоронгийн удирдлага үзэж байна.

Суданд өчигдрөөс эхлэн интернэт сүлжээг бүхэлд нь шахуу салгажээ. Шатахууны үнийг нэмсэнийг эсэргүүцэгчдийн жагсаал ширүүсч, нийслэл хотод цагдаа нартай гурав дахь өдрөө мөргөлдсөний дараа эрх баригчид ийм шийдвэр гаргасан хэмээн таамаглаж байна.

Өчигдөр Иракын нийслэл Багдад хотын ойролцоох тосгонуудад дараалсан бөмбөг дэлбэлснээр багадаа 23 хүн амиа алдаж, олон арван хүн гэмтэж бэртжээ. Энэ нь ойрын саруудад болсон хамгийн үхэлт халдлагуудын нэг хэмээн тооцогдож байна.

Мягмар гаргийн өдөр эхэлсэн 7.7 баллын хүчтэй газар хөдлөлт Пакистаны Балокистан хотод ихээхэн сүйрэл учруулж байна. Гамшигт амиа алдагсдын тоо 355-д хүрсэн бөгөөд 619 хүн гэмтэж бэртээд байна хэмээн эрх баригчид мэдээллээ.

Сирийн ”Dirty Dozen” буюу хамгийн олон хүний аминд хүрсэн зэвсгүүдийг НҮБ-ын Аюулгүйн зөвлөлийн хуралдааны өмнөхөн нэрлэжээ.