-
2016 оны 9 сарын 23
НҮБ-ын Ерөнхий Ассамблейн 71 дүгээр чуулганы хүрээнд Ерөнхийлөгч Цахиагийн Элбэгдорж НҮБ-ын Ерөнхий нарийн бичгийн дарга Бан Ги Мүнтэй өнөөдөр уулзлаа.
-
2016 оны 9 сарын 23
МАН-ын хувьд ингэж тооцоо бодох шалтгаан бий гэж үзэж буй бололтой. Учир нь 2012 оны сонгуулийн дараа МАН-ын “шошго” бүхий олон хүн шоронгийн хаалга татсан. АН л энэ “дайн”-ыг эхлүүлсэн учраас МАН энэ удаа өшөөгөө авах ёстой гэж буй аж. Эх сурвалжийн мэдээлж буйгаар их баривчилгаа цаашид ч эрчимтэй үргэлжлэх бөгөөд аймгуудын Засаг дарга нарыг шил дараалан баривчлах гэнэ.
-
2016 оны 9 сарын 23
Монгол Улсын Их Хурлын дарга Миеэгомбын Энхболд өнөөдөр /2016.09.23/ БНСУ-ын Гванжу хотын дарга Юн Жанг Хюүн тэргүүтэй төлөөлөгчдийг хүлээн авч уулзлаа.
Уулзалтын эхэнд УИХ-ын дарга М.Энхболд БНСУ-ын Гванжу хотын дарга Юн Жанг Хюүнтэй уулзсандаа баяртай байгаагаа хэлээд Гванжу болон Улаанбаатар хотын харилцааг хөгжүүлэх чухал айлчлал хийж байгаад талархал илэрхийлэв.
Мөн тэрбээр “Хоёр улсын харилцаа сүүлийн жилүүдэд эрчимтэй хөгжиж төр засгийн байгууллага хооронд төдийгүй худалдаа, эдийн засаг, соёл, боловсрол зэрэг өргөн цар хүрээнд өргөжиж байгаад сэтгэл хангалуун байдаг. Манай хоёр орны төр засгийн удирлагуудын өндөр дээд хэмжээний харилцан айлчлал тогтмолжиж байна. Сар гаруйн өмнө БНСУ-ын Ерөнхийлөгч Пак Гын Хэ манай улсад албан ёсны айлчлал хийсэн. Энэ үеэр бид хоёр орны хамтын ажиллагааг өргөжүүлэх талаар харилцан санал солилцсон. Манай хоёр хотын хамтын ажиллагаа эхэлж байгаад баяртай байна. Одоогоос 17 жилийн өмнө Улаанбаатар хотын Засаг даргаар ажиллаж байх үедээ Сөүл, Улаанбаатар хотуудыг ах дүүгийн харилцаатай болгож байсан” хэмээгээд зөвхөн төр засгийн төдийгүй орон нутгийн хамтын ажиллагааг хөгжүүлэх нь чухал болохыг цохон тэмдэглэв.
БНСУ-ын Гванжу хотын дарга Юн Жанг Хюүн УИХ-ын даргыг цаг гарган хүлээн авч уулзаж буйд нь талархал илэрхийлээд Улаанбаатар хоттой эрүүл мэнд, боловсролын салбарт хамтын ажиллагаагаа өргөжүүлэх хүсэлтэй байгаагаа сонордуулсан юм.
Түүнчлэн тус хотын Чоннам, Чосан их сургуулиудын эмч нар Монголын эрүүл мэндийн байгууллагуудтай зүрх судас, эмэгтэйчүүдийн мэс заслын чиглэлээр хамтран ажиллахаар болсон байна.
БНСУ-ын Гванжу хот нь 1.5 сая хүн амтай, тус улсын соёл, спортын томоохон төвд тооцогддог байна. Тиймээс энэ чиглэлд хоёр хотын хамтын ажиллагааг эхлүүлэх боломжийн талаар талууд уулзалтын үеэр ярилцлаа гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 9 сарын 23
“Төрийн мэдээлэл” эмхэтгэлийн 2016 оны 35 дахь дугаар хэвлэгдэн гарлаа. Эмхэтгэлийн шинэ дугаарт Шүүхийн шийдвэр гүйцэтгэх тухай хуульд өөрчлөлт оруулах тухай, Иргэний хуульд нэмэлт, өөрчлөлт оруулах тухай хууль хүчингүй болсонд тооцох тухай, Эрүүгийн байцаан шийтгэх хуульд нэмэлт оруулах тухай, Зарим бараанд ногдуулах экспортын гаалийн татварын хэмжээ тогтоох тухай хуулийн зарим зүйл хүчингүй болсонд тооцох тухай хуулиудыг нийтэлсэн байна.
Хуулийн төслүүд буцаах тухай УИХ-ын тогтоолууд, Ерөнхийлөгчийн хоригийн тухай УИХ-ын тогтоолыг нийтэлсэн байна. Мөн Зарим хууль, Улсын Их Хурлын бусад шийдвэрийн төсөл буцаах тухай УИХ-ын тогтоолыг нийтэлжээ. Уг тогтоолоор Монгол Улсын Их Хуралд өргөн мэдүүлсэн зарим хууль, Улсын Их Хурлын бусад шийдвэрийн төслийн хууль санаачлагч нь өөрчлөгдсөн, төслийн талаар шинээр байгуулагдсан Засгийн газрын санал, дүгнэлтийг авах шаардлагатай байгаа хууль, Улсын Их Хурлын бусад шийдвэрийн нийт 99 төслийг хууль санаачлагчид нь буцаасан байна.
“Төрийн мэдээлэл”-ийн шинэ дугаарт Монгол Улсын Засгийн газрын 2016-2020 оны үйл ажиллагааны хөтөлбөр батлах тухай УИХ-ын тогтоолыг мөн нийтэлжээ.
Улсын Их Хурлын ээлжит 7 дахь удаагийн сонгуулийн үр дүнд шинээр байгуулагдсан Монгол Улсын Засгийн газар нь Монгол Улсын Тогтвортой хөгжлийн үзэл баримтлал-2030, 2016 оны Улсын Их Хурлын сонгуульд оролцсон Монгол Ардын намын сонгуулийн мөрийн хөтөлбөр, иргэний нийгмийн байгууллагууд, иргэд сонгогчдын санал, олон улсын гэрээ хэлэлцээрүүдэд үндэслэн 2016-2020 онд хэрэгжүүлэх үйл ажиллагааны хөтөлбөрөө тодорхойлсон байна.
Монгол Улсад бий болсон эдийн засаг, санхүүгийн хүнд нөхцөлд Засгийн газрын гол зорилт нь улс орныхоо эдийн засгийг богино хугацаанд сэргээж, өсөлтийг бий болгон нийгмийн салбаруудыг дэмжиж, иргэдийнхээ аж амьдралыг эрс сайжруулахад оршжээ. Мөн төрийн албыг чадавхжуулах, бүх шатанд мэргэшсэн албан хаагчидтай байж, төрийн үйлчилгээг хөнгөн шуурхай, чирэгдэлгүй бөгөөд ил тод, нээлттэй үзүүлэх, нийгмийн итгэлцлийг бэхжүүлэн, улс үндэстний аюулгүй байдлыг баталгаажуулахад чиглэсэн тодорхой зорилтуудыг дэвшүүлсэн байна.
Эдийн засгийн хүндрэлийг даван туулах онцгой бодлогын хүрээнд эдийн засагт үүссэн хүндрэлийг богино хугацаанд даван туулж, макро эдийн засгийн тэнцвэрийг хангах, эдийн засгийн бүтцийг төрөлжүүлж, түүхий эдийн үнээс хэт хамааралтай байдлыг бууруулж, төлбөрийн тэнцлийн эрсдэлийг багасгах, дунд хугацаанд учирч байгаа өрийн дарамтыг бууруулах, эдийн засгийг дархлаатай болгох, улмаар эдийн засаг дунд хугацаанд тогтвортой тэлэх бодлогыг баримтлахаар хөтөлбөрт тусгажээ.
Түүнчлэн Эдийн засгийн тогтвортой өсөлтийг хангах бодлого, нийгэм, байгаль орчин, ногоон хөгжлийн бодлого, засаглалын бодлогын хүрээнд ямар арга хэмжээг хэрэгжүүлэхээр хөтөлбөрт тусгасан талаарх мэдээллийг эмхэтгэлээс авах боломжтой.
Түүнчлэн Монгол Улсын Их Хурлын 2016 оны намрын ээлжит чуулганаар хэлэлцэх асуудлын тухай тогтоолыг нийтэлжээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 23
Төрийн албаны зөвлөлөөс Сангийн яамны Төрийн нарийн бичгийн даргыг тодруулах сонгон шалгаруулалтыг энэ сарын 16-нд зарлажээ.
-
2016 оны 9 сарын 23
Хамгийн сүүлд л гэхэд УИХ-ын дэд дарга, УИХ-ын гишүүн Ц.Нямдоржийн хүү Гадаад харилцааны яамны ТЗУГ-ын дарга, Сангийн сайд асан Т.Очирхүүгийн хүү Монголбанкны тэргүүн дэд ерөнхийлөгч, УИХ-ын гишүүн Д. Лүндээжанцангийн дүү Төрийн банкны захирал боллоо. Мөн Хууль зүй, дотоод хэргийн сайд С.Бямбацогтын дүү Хөдөлмөр нийгмийн хамгааллын яамны газрын дарга УИХ-ын гишүүн Т.Аюурсайханы эгч НДЕГ-ын дэд дарга, Шадар сайд У.Хүрэлсүхийн дүү Батлан хамгаалах яаманд газрын дарга, хотын мэр Су.Батболдын туслах нийслэлийн Хөрөнгө оруулалтын газрын дарга болсон гэх мэдээлэл байна. Мөн МАН-ын нөлөө бүхий гишүүд хүүхдүүдээ Монгол банкинд өндөр албан тушаалд томилсон. Энэ мэт ураг садны томилгоо өдөр, цаг, минуттай уралдан явагдаж байгааг шүүмжлэхээс аргагүй. Ер нь улс эх орны тулгамдсан асуудлаас илүүтэй томилгооноос өөр зүйл тус намынханд харагдахгүй байгаа бололтой.
-
2016 оны 9 сарын 22
Ерөнхий сайд Ж.Эрдэнэбат Хэнтий аймгийн иргэдтэй уулзалт хийлээ
-
2016 оны 9 сарын 22
Монгол Улс “Уур амьсгалын өөрчлөлтийн тухай Парисын хэлэлцээр”-ийг батламжилсан жуух бичгийг гардуулав
-
2016 оны 9 сарын 22
Монгол Улсын Ерөнхий сайд Ж.Эрдэнэбат Хэнтий, Дорнод аймагт ажиллахаар өнөөдөр Улаанбаатар хотоос хөдөллөө. Тэрээр Хэнтий аймгийн иргэдтэй уулзаж Засгийн газрын 2016-2020 оны үйл ажиллагааны хөтөлбөрийн талаар танилцуулж, иргэдийн сонирхсон асуултад хариулна.
-
2016 оны 9 сарын 22
Орон нутгийн сонгуулийн санал хураалт болоход ердөө сар хүрэхгүй хугацаа үлдлээ. Аймаг, орон нутгийн засаглалын эрх мэдлийг гартаа авч чадах эсэхийг шийдвэрлэх эгзэгтэй энэ цаг үед том намууд орон нутгийн сонгуульд хэрхэн бэлдэж байгааг олон нийт анхааралтай ажиглаж байна.
-
2016 оны 9 сарын 21
Ахмад настны тухай хуулийн үзэл баримтлалын төслийг баталж хуулийн төслийг Засгийн газрын хуралдаанаар батлуулахыг холбогдох сайд нарт даалгав.
-
2016 оны 9 сарын 21
Хүүхдийн мөнгийг олгохтой холбоотой зарим журмыг баталлаа.
-
2016 оны 9 сарын 21
БНСУ-ын Үндэсний Ассамблейн гишүүн, До бүро минжү намын дэд дарга Ким Ён Жүгийн урилгаар УИХ-ын гишүүн, УИХ дахь Монгол-Солонгосын парламентын бүлгийн дэд дарга М.Оюунчимэг, УИХ-ын гишүүн Ц.Цогзолмаа, Б.Ундармаа, М.Билэгт, Н.Оюундарь, Г.Мөнхцэцэг нар энэ сарын 18-22-ны өдрүүдэд тус улсад айлчилж байна.
УИХ-ын эмэгтэй гишүүд өчигдөр /2016.09.20/ БНСУ-ын Үндэсний Ассамблейн эмэгтэй гишүүдтэй уулзалт хийлээ.
Уулзалтын үеэр талууд хоёр улсын улс төр, нийгэм, эдийн засгийн харилцааг өргөжүүлэн хөгжүүлэхэд парламентын эмэгтэй гишүүдийн оролцоо болон цаашдын хамтын ажиллагааны чиглэлийн талаар ярилцаж, санал солилцлоо.
-
2016 оны 9 сарын 21
Ерөнхий сайд Ж.Эрдэнэбат НҮБ-ын суурин зохицуулагч, НҮБ-ын хөгжлийн хөтөлбөрийн суурин төлөөлөгч Биата Транкман тэргүүтэй төлөөлөгчдийг хүлээн авч уулзлаа
-
2016 оны 9 сарын 21
Монгол Улсын Ерөнхий сайд Ж.Эрдэнэбат энэ сарын 22-24-нд Дорнод аймагт ажиллана.
-
2016 оны 9 сарын 21
Банк санхүүгийн байгууллагын төлөөлөлтэй уулзлаа
7 минутын өмнө
Print Zasag and PDF
ShareThis Facebook Tweet LinkedIn Email
Монгол Улсын Ерөнхий сайд Ж.Эрдэнэбат, Монгол Улсын сайд, ЗГХЭГ-ын дарга Ж.Мөнхбат, Сангийн дэд сайд Булгантуяа нар банк санхүүгийн салбарын төлөөлөлтэй ажил хэргийн уулзалт хийлээ.
Уулзалтыг нээж хэлсэн үгэндээ Ерөнхий сайд Ж.Эрдэнэбат “Засгийн газар УИХ-аар 2016-2020 оны үйл ажиллагааны хөтөлбөрөө батлууллаа. Монголын эдийн засаг хүндэрсэн энэ үед салбар бүрийн төлөөлөлтэй уулзаж, хүндрэлээс гарах арга замыг эрэлхийлж байна” гэж онцоллоо.
Тэрээр“Засгийн газар ипотекийн зээлийг үргэлжлүүлэхийн тулд эх үүсвэр хайж байна. Одоо мөрдөж буй журамд өөрчлөлт оруулж, 80 хүртэл ам.метр гэсэн хязгаарлалтыг 100 болгохоор төлөвлөсөн. Банкууд санхүүжилтгүйн улмаас ипотекийн зээл олгохгүй байгаа. Арилжааны зээлээр бус хөгжлийн зээлээр шийдвэрлэхээр зорьж ажиллаж байна” гэлээ. Ерөнхий сайд “100-гаас дээш ам.метр талбайтай орон сууц худалдан авах иргэд урьдчилгаа 30 хувь дээрээ 100 гаас дээш ам метр талбайн төлбөр нэмж төлснөөр найман хувийн зээлд хамрагдах бүрэн боломжтой. Энэ нь ипотекийн зээлийн журамд орж буй нэг томоохон өөрчлөлт юм. Журмыг Монголбанк, Сангийн яам хамтран боловсруулж байгаа” гэсэн юм.
Банк санхүүгийн байгууллагын төлөөлөл Ерөнхий сайдад тулгамдаж буй асуудлуудаа танилцуулсан юм.
ХААН банкны гүйцэтгэх захирлын орлогч Р.Мөнхтуяа: Засгийн газраас хэт жижиг төсөл хэрэгжүүлэхгүй байвал зүгээр байна. Энэ нь банкуудын бий болгосон зах зээлийг эвдэх хандлагатай байдаг. Энэ төслүүдээ жижиг, дунд үйлдвэрлэлийг дэмжих сангаар дамжуулвал зүгээр болов уу. Техник, технологи хөгжсөн энэ үед банкууд хэрэглэгчдийн дата мэдээллээ байнга шинэчилж байна. Ийм үед төрийн нэгдсэн мэдээллээсээ хуваалцвал сайн. Иргэний бүртгэлийн үнэн зөв мэдээлэл нэгтгэгдвэл банкууд шийдвэр гаргахад дөхөм. Тиймээс мэдээллийн үнэн зөв байдалд анхаарч өгөхийг хүсч байна.
Монголын банкны холбооны гүйцэтгэх захирал Ж.Үнэнбат: Банкуудын чанаргүй зээл өсч байна. Банкууд нэмж зээл олгох нь багасч эхэлсэн. Чанаргүй зээлийг суллаж актив сайжруулах шаардлага бий. Банкууд нийлээд Актив удирдлагын газар байгуулахаар ярьж байгаа.
Худалдаа хөгжлийн банкны гүйцэтгэх захирлын орлогч Л.Соронзонболд: Засгийн газар нийт эрэлтээ нэмэгдүүлэх тал дээр дэмжлэг үзүүлэх хэрэгтэй. Тухайлбал, орон сууцны зээлийн хөтөлбөрийг үргэлжлүүлэх зүй ёсны шаардлага үүсээд байна. Орон сууцны зээл 80 ам.метрээр хязгаарлагддаг. Үүнээс дээш талбайтай орон сууц авах хүсэлтэй иргэд зээлд хамрагддаг. Бид нийт эргэлтээ нэмэгдүүлэх гэж байгаа бол ам.метрыг тодорхой түвшинд тавьж өгөх нь зүйтэй гэж бодож байна. Одоогоор Зээлийн батлан даалтын сан жижиг, дунд үйлдвэрлэлийг дэмжих чиглэлээр ажиллаж байгаа. Энэ сан зөвхөн жижиг, дунд үйлдвэрийг дэмжиж ажиллахаас гадна анх удаа орон сууц авч байгаа иргэдийг дэмжих, залуу гэр бүлд урьдчилгаа төлбөрөө бүрдүүлэхэд батлан даалт гаргаж өгвөл орон сууцны эргэлт нэмэгдэх хандлага үүсэх юм.
Монголбанкны дэд ерөнхийлөгч Б.Лхагвасүрэн: Санхүүгийн салбар өрөөсгөл тогтолцоотойгоор явж ирсэн. Банкны сектор 96, даатгал, үнэт цаас, банк бус санхүүгийн байгууллагын зах зээл нь дөрөвхөн хувьтай бараг 20 жил явсан. Үүнийг зайлшгүй өөрчлөх шаардлагатай байгаа. Монголбанк, Санхүүгийн зохицуулах хороотой хамтраад үнэт цаас, банк бус санхүүгийн салбарыг хөгжүүлэх талаар бодлогын төвшинд ярилцаж байна. Эдийн засаг хүндрэлтэй үед зөвхөн төр, засаг гэлтгүй хувийн сектор ч мөн хамтарч ажиллаж байж хүндрэлээс хурдан гарна. Өнөөдрийн байдлаар зээлийг хүүг бууруулах нь хоёр талтай. Монголбанк хүүг буулгах журам гаргавал захиргааны арга хэмжээ болчихоод байгаа юм. Үүнийг зах зээл өөрөө зохицуулдаг. Харилцах болон хугацаагүй хадгаламжид хүү төлөхийг зогсоох талаар банкууд шийдвэрээ гаргавал Монголбанк үүнийг дэмжихэд бэлэн байна.
Өнөөдөр хамгийн их яригдаж байгаа сэдэв бол зээлийн чанар. Эдийн засгийн нөхцөл байдал, бизнесийн хэвийн үйл ажиллагаа алдагдсантай холбоотойгоор зээлийн төлөлт удааширдаг. Нөгөө нь хууль эрх зүйн орчин. Эрх зүйн орчныг сайжруулахын тулд бид ажиллаж байна. Үүнд Хөдлөх хөрөнгийн бүртгэлийн тухай хуулийг дурьдах ёстой. Хөдлөх хөрөнгийг эдийн засгийн эргэлтэд оруулаад эхэлбэл тодорхой хэмжээнд зээлийн чанарт ахиц гарах боломж байгаа. Энэ хуулийг удахгүй хэрэгжүүлнэ. Нөгөөх нь Барьцаа хөрөнгийн шүүхийн бус замаар шилжүүлэх тухай хууль. Энэ хуулийг баталсан ч хэрэгжилт муу байгаа. Банкны холбоо, Монголбанк, ХЗДХЯ болон бусад төрийн байгууллагатай хамтраад зөв гольдрилд нь оруулах тал дээр анхаарах хэрэгтэй байна. Ер нь шүүхийн бус замаар хөрөнгө шилжүүлдэг тогтолцоо дэлхийд хэвшсэн. Бүр хамгийн зөв туршлага гэсэн тодотголтой явдаг ч манай улсад төдийлөн хэрэгжихгүй байгаа учраас талууд хамтарч суух хэрэгтэй байгааг энд дурдъя.
Ипотекийн зээлийн тухайд таван хувийн зээл бол эхнээсээ зөв биш шийдвэр байсан. Харин найман хувийн зээлийг анхнаас нь зөв явуулсан учраас буулгах шаардлага байгаагүй. Тиймээс Монголбанк, таван хувийн ипотекийн зээлийг үргэлжлүүлэх боломжгүй. Найман хувийн тухайд цаашид үргэлжлүүлэх зайлшгүй шаардлага байгаа нь харагдаж байгаа. Гэхдээ үүнд тодорхой алхмуудыг хийх шаардлага байна. Өөрөөр хэлбэл, ипотекийн зээлд бол нийт банкны системийн зээлийн 30 хувийг эзэлж байна. Энэ бол бусад уул уурхай, барилга гэх мэт олон салбараас илүү гараад явчихсан. Ипотекийн зээл ингэж ихсэх тусмаа хэрэглээг танадаг сөрөг үр дагавартай. Өөрөөр хэлбэл, ипотекийн зээл авсан иргэд бүх мөнгөө өрөө төлөхөд зарцуулчихдаг учраас эргээд хэрэглээгүй болчихдог. Энэ нь эргээд дефляци руу явуулах сөрөг талтай. Хэрэглээ байхгүй учраас худалдан авалт байхгүй болчихдог. Тиймээс энэ зээл дээр Монголбанк маш болгоомжтой хандаж байна. Гэхдээ мэдээж үргэлжлүүлэх талд зогсч байгаагаа илэрхийлье.
Даатгалын компанийн захирал н.Батзул: Гурван зүйл дээр анхаарлаа хандуулаасай гэж хүсч байна. Даатгалын тухай хууль. Энэ салбарын хууль бий ч зохицуулалтууд нь учир дутагдалтай. Даатгал эд хөрөнгийн болон амьдралын гэж хоёр төрлөөр олон улсад хөгжсөн байдаг. Харин Монголд амьдралын даатгал хөгжөөгүй. Энэ чиглэлд илүү анхаарч ажиллавал зүгээр байна. Мөн албан журмын даатгал нийт даатгалын 25 хувийг эзэлдэг. Үүнийг анхаарах хэрэгтэй болов уу.
“Богд” банкны гүйцэтгэх захирал Г.Саруул: Зээл чанаргүй болсны дараа шүүхээр явах процесс 2-3 жил үргэлжилдэг. Түүнтэй холбоотой зардал багагүй гарч байна.
“Би Ти Си” брокер дилерийн компанийн төлөөлөл н.Даянбилгүүн: Засгийн газар тусгай зориулалтын бонд гаргавал зүгээр байна. Бондоо аж ахуйн нэгжүүдийг санхүүжүүлэх зорилгоор гаргавал бусад орлого нэмэгдэнэ. Хөрөнгө оруулагч нарын үйл ажиллагаа тодорхой хэмжээнд зогссон. Үүнийг шийдвэрлэх хэрэгтэй байна. Мөн хөрөнгийн зах зээлд арилждаг дотоодын бондын хүүг бууруулах боломжтой гэж үзэж байна гэлээ.
Уулзалтын төгсгөлд Ерөнхий сайд “Өнгөрсөн онд ашигтай ажилласан ганц салбар бол банк санхүүгийн салбар байлаа. Өмнө нь аж ахуй нэгжийн төлөөлөлтэй уулзахад Монголд банк, санхүүгийн байгууллага дангаараа ноёрхож, дарамт их байна гэдгийг онцолж байлаа. Харилцан бие биенээ ойлгож, хандах хэрэгтэй. Тухайлбал, орон сууцны зээлд хамрагдахын тулд иргэд 30 хувийн урьдчилгаа төлбөр төлдөг. Гэтэл банк энэ мөнгөө хаанаас яаж олсон юм бэ гээд хуулийн байгууллага шиг шалгаад байдаг. Тэр хүн өөрөө тодорхой хэмжээгээр эх үүсвэр босгоод, тушааж байхад хаанаас олж авчирсан нь банкинд хамааралгүй баймаар. Энэ мэт хүндрэл их байдгийг хэлж байсан. Тиймээс эрх зүйн орчныг сайжруулж өгнө үү гэсэн санал хүмүүсээс их ирсэн. Цаашид хөрөнгө, санхүүгийн зах зээлийг судлах ажлын хэсэг байгуулах хэрэгтэй” гэлээ.
-
2016 оны 9 сарын 21
НҮБ-ЫН ЕРӨНХИЙ АССАМБЛЕЙН 71 ДҮГЭЭР ЧУУЛГАНЫ ЕРӨНХИЙ САНАЛ ШҮҮМЖЛЭЛД МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН ХЭЛСЭН ҮГ
Administrator 2016-09-21 10:37:00
“ТОГТВОРТОЙ ХӨГЖЛИЙН ЗОРИЛТУУД:
МАНАЙ ДЭЛХИЙГ ӨӨРЧЛӨХ БҮХ НИЙТИЙН ХҮЧ ЧАРМАЙЛТ”
Ноён Дарга аа,
Ноён Ерөнхий нарийн бичгийн дарга аа,
Эрхэмсэг ноёд оо,
Хүндэт төлөөлөгчид өө,
Хатагтай, ноёд оо,
Юуны өмнө НҮБ-ын Ерөнхий Ассамблейн 71 дүгээр чуулганы Даргаар сонгогдсон Танд чин сэтгэлийн баяр хүргэе. Монгол Улс Таныг бүрэн дэмжиж ажиллах болно.
Ноён Дарга аа,
Монголын ард түмнийг төлөөлөн 7 дахь удаагаа энэ хүндэт индрээс үг хэлж байгаа минь их нэр төрийн хэрэг мөн. Би найман хүүтэй айлын отгон хүү. Миний гэр бүл манай улсын баруун хязгаарын уулархаг нутагт үе дамнан мал маллан аж төрж ирсэн. Дэлхийн их чуулганы хүндэт индрээс нэгэн өдөр отгон хүү нь үг хэлнэ хэмээн ээж аав минь төсөөлж яваагүй бизээ.
Ард иргэдийнхээ чөлөөт хүсэл зоригоор сонгогдон эх орныхоо төлөө зүтгэх болсондоо би бахархаж явдаг. Монгол Улс бол ардчилсан засаглалтай орон. Ерөнхийлөгчийн алба ээлжтэй. Миний бүрэн эрхийн хугацаа ирэх жил дуусна. Монгол Улсын Ерөнхийлөгчийн хувьд НҮБ-ын Ерөнхий Ассамблейн чуулганд сүүлийн удаа үг хэлж байна.
Гэхдээ, Монгол Улс бүх улс үндэстний хамт дэлхийн хамтын нийгэмлэгийн гишүүн байсаар байх болно. Монгол Улс НҮБ-ын гишүүн бүх улстай сайн анд, түнш болж ирсэнд би бахархаж байна. Манай улсын дараагийн Ерөнхийлөгчийг та бүхэн мөн халуун дотноор хүлээн авч, хамтран ажиллана гэдэгт би итгэлтэй байна.
Тогтвортой хөгжлийн зорилтууд
Хүндэт төлөөлөгчид өө,
Тогтвортой хөгжилд хүрэх нь нэн чухал. Яагаад гэвэл, нэг ч хүн энэ хөгжлийн гадна үлдэх учиргүй, хөгжих эрхээ эдлэхгүй байх учиргүй. Хүн бүр ядуурал, хүчирхийлэл, хямралаас ангид, нэр төртэй сайхан амьдрах хөгжлийн төлөө бид хамтран ажиллах ёстой. Хуульт ёс, бүх нийтийн үндсэн эрх, эрх чөлөөг үл хүндэтгэх аваас шударга ёс, тогтвортой байдал, аюулгүй байдлыг хангаж чадахгүй гэж би үздэг. Тэдгээр суурь зарчмуудыг улс орон бүр сахин хамгаалах учиртай.
Хямрал дэгдсэн энэ цаг үед НҮБ 70 жилтэйгээ золгосон. Зэвсэгт мөргөлдөөн, террорист халдлагууд бараг өдөр тутмын хэвлэлийн мэдээ болох болсныг бид харж байна. Хэдэн сая хүн орон гэрээсээ дайжиж, дэлхий дахинаа хүмүүнлэгийн гүн хямрал нүүрлэж байна. Дэлхийн эдийн засгийн өсөлт удааширч, олон газар хямрал нэмэгдэж буй нь ирээдүйн хөгжил дэвшилд заналхийлж байна.
Гэхдээ, өнгөрсөн хугацаа урам зориг хайрласан хамтын ажиллагааны үе байлаа. Он удаан жил сунжирсан дайн зарим газарт дууслаа. Энхийн гэрээг байгууллаа. Аюултай зэвсгээр хөөцөлдөхөө хязгаарлалаа. Дипломат яриа хэлэлцээ үр дүнтэй байлаа. Ард иргэд, энх тайван, хөгжил цэцэглэлт, түншлэлийн төлөө, манай гаригийн төлөөх “Тогтвортой хөгжил – 2030” хөтөлбөрийг бид өнгөрсөн жил хамтдаа баталсан.
Дэлхий дахинаа уур амьсгалын өөрчлөлттэй тэмцэх нэгэн шинэ хуудсыг өнгөрсөн 12 дугаар сард Парис хотноо нээсэн.
Даян дэлхийн хамтын нийгэмлэг ирэх 15 жилд хамтдаа зүтгэх замын зургаа гаргалаа. “Тогтвортой хөгжил – 2030” хөтөлбөр, Парисын хэлэлцээр нь амласнаа биелүүлэх бидний хөтөч байх болно.
Бид одоо ард иргэдийн өмнө хүлээсэн үүргээ биелүүлж, хамтран ажиллах ёстой.
Бид одоо эх дэлхийгээ аврахын төлөө эрчимтэй түншлэх ёстой.
Бид одоо зорилтоо хэрэгжүүлэхийн төлөө нөөц хүчээ дайчлах ёстой.
Монгол Улс хамгийн эмзэг хүмүүстээ нэн түрүүнд хүрч, хэнийг ч үлдээлгүй хөгжихийг зорино. “Тогтвортой хөгжил – 2030” хөтөлбөрийн тэр зарчим, бодлогыг бид үндэсний стратегитаа суулгасан. “Монгол Улсын Тогтвортой хөгжлийн үзэл баримтлал – 2030” хэрэгжиж байна.
Эдийн засгаа төрөлжүүлж, олонд хүртээмжтэй болгохыг бид зорьж байна.
Энэ нь зохистой ажлын байр, боломж, орлого нэмэгдүүлэхийн төлөө юм.
Амьдралаа дээшлүүлж, хүрээлэн буй орчноо тогтвортой байлгахыг зорьж байна.
Засгийн газар, олон улсын хөгжлийн байгууллага, хувийн хэвшил, иргэний нийгэм хоорондын хамтын ажиллагаа мөн чухал.
Мянганы хөгжлийн зорилтуудыг хэрэгжүүлж ирсэн өмнөх туршлагаас харахад тогтвортой хөгжлийн зорилтоо хангахын тулд ажлын үр дүнгээ байнга эргэн хянаж байх тогтолцоо чухал байна.
Тиймээс хариуцлага, сайн засаглалын үр өгөөж тогтвортой хөгжилд хүргэнэ.
Уур амьсгалын өөрчлөлт
Хатагтай, ноёд оо,
Уур амьсгалын өөрчлөлттэй тэмцэхийн төлөөх хамтын хүч чармайлт-түүхэн амжилтаа бид маргааш тэмдэглэх гэж байна. Энэхүү завшааныг ашиглан Парисын хэлэлцээрт албан ёсоор нэгдэн орсон улс орнуудад баяр хүргэе. Уур амьсгалын өөрчлөлтийн нөлөөг багасгах дэлхий нийтийн хүчин чармайлтад Монголын ард түмэн нэгдсэн. Манай улс үндэсний хууль гаргаж, Парисын хэлэлцээрийг соёрхон батлаад байна.
Парисын хэлэлцээр бол та бидний хамтын амжилт, асар их ажлын үр дүн мөн. Парисын хэлэлцээр бид бүхэнд урам хайрлаж байна. Энэ бол үр хүүхдүүдийнхээ төлөө эх дэлхийгээ аврах бидний амлалт, эрхэм зорилго мөн. Бид энэ амлалтаа биелүүлэх ёстой.
Монгол Улс нүүрсхүчлийн хий хамгийн бага ялгаруулагч улсуудын нэг хэдий ч уур амьсгалын өөрчлөлтөд харьцангуй хүчтэй өртөж байна. Цөлжилт, ойгүйжилт, биологийн төрөл зүйлийн тэнцвэргүй байдал нь нүүдэлчдийн соёлын хэв маягт сөргөөр нөлөөлж, байгаль орчинг улам бүр доройтуулж байна.
Монгол Улс олон улсын өмнө хүлээсэн тохиролцооныхоо дагуу өөрийн амлалтаа хэрэгжүүлж байна. Харамсалтай нь олон улсын хамтын нийгэмлэгийн зүгээс үзүүлэх бодит дэмжлэг, туслалцаа дутагдаж байна. Уур амьсгалын ногоон сангаас болон нүүрсхүчлийн хий бага ялгаруулсан үр шимээс Монгол Улс болон манайх шиг хөгжиж буй олон улс хүртэж чадаагүй байна. Энэ чухал хүч чармайлтад тэргүүлэн ажиллахыг олон талт холбогдох байгууллагад уриалж байна.
Бидэнд нэг гэр, нэг эх дэлхий, түүнийг аврах нэгдсэн нэг л зорилго бий. Өнөөдөр бид шийдвэртэй алхам хийх ёстой. Бид ирээдүйгээ тойрон өнгөрөхгүйн адил энэ цаг мөчийг алдах учиргүй.
Хариуцлага
Эрхэм анд нар аа,
Зорилтдоо хүрэхийн тулд бид засгийн газартаа, нийгэмдээ эрх тэгш байдал, нээлттэй байдал, хариуцлагыг бий болгохын төлөө ажиллах ёстой.
Бид бүхний баталсан зорилтууд нээлттэй нийгэм, хариуцлагатай тогтолцоог шаардаж байна.
“Тогтвортой хөгжил – 2030” хөтөлбөрөөр дамжуулан сайн засаглал, хуульт ёсыг ард иргэд шаардаж байна.
Хөгжлөө төлөвлөн хэрэгжүүлэхдээ ил тод байдал, хариуцлагатай байхыг тэд мөн хүсч байна.
Бид хүлээсэн үүрэг, хийсэн үйлдэлдээ хариуцлагатай байх ёстой.
Хариуцлагатай байх нь сайн засаглалын хэмжүүр мөн.
Сайн засаглал нь энх тайван, хөгжил цэцэглэлтийн түлхүүр мөн.
Тиймээс бид хариуцлага, сайн засаглалыг улс орондоо бэхжүүлэхийг зорьж байна.
Монгол Улсад Нийтийн сонсголын тухай хууль, Иргэдийн оролцоог дэмжих бодлого хэрэгжиж байна.
Хөгжлийн зорилтууд авлигатай тэмцэхийг шаардаж байна. Энэ нь хуульт ёсонд суурилж ил тод, үр дүнтэй ажиллахыг мөн шаардаж байна.
Энэ нь суурь үйлчилгээг үл ялгаварлах эсвэл авлигагүйгээр үзүүлнэ гэсэн үг юм.
Энэ нь хөрөнгө оруулагчдын хувьд тогтвортой, бизнесийн хувьд ойлгомжтой, зохистой хөдөлмөр эрхлэх хууль эрх зүйн орчин тодорхой байхыг хэлж буй хэрэг юм.
Энэ нь байгалийн баялгийн үр өгөөжийг хэдхэн хүн биш дийлэнх олонх хүртэх, хүрээлэн буй орчинд үзүүлэх нөлөө хэмжүүртэй, хяналттай байна гэсэн үг юм.
Ардчилал
Эрхэм хүндэт анд нөхөд өө,
Хөгжил, хариуцлага гэдэг ардчилал юм.
Ардчиллыг бид бэлэг мэт зүгээр авч болохгүй. Түүнийг сүсэглэн шүтэх учиргүй. Бид түүнийг өдөр бүр асарч, бэхжүүлэх ёстой. Энэ бол бидний амьдрах арга зам, оюун бодолд байх учиртай.
Хүн бүрийн сайн сайхан хөгжлийн төлөө зорьдог учраас ардчилсан нийгэм тогтвортой байдаг.
Тиймээс хуульт ёс, хүний эрх, ардчилсан засаглал, чөлөөт, шударга сонгуулийн төлөөх ардчилсан тогтолцоо бүрдүүлэх нь лидерүүд бидний нэгдсэн зорилт юм.
Хариуцлага, хариуцлага, бас дахин хариуцлагыг чанд мөрдөх ёстой.
Ардчилсан нийгэмд бусад зүйлийг ард иргэд өөрдсөө хийчихнэ.
Зөвхөн ардчилсан нийгэмд өөрийгөө хөгжүүлэх, зорьсондоо хүрэх боломж хүн бүрт олгогдсон байдаг.
Сүүлийн 26 жилийн хугацаанд Монгол Улс тогтвортой, тайван замаар ардчиллыг хөгжүүлэх өөрийн гэсэн туршлага хуримтлуулсан. Энэ нь 2016 оны 6 дугаар сарын 29-нд болсон парламентын сонгуулиар дахин нотлогдлоо.
УИХ-ын сонгууль нээлттэй, ил тод болсон. Монголын ард иргэд шинээр байгуулагдсан УИХ, Засгийн газарт хариуцлага оноосон. Ард иргэдийнхээ төлөө шаргуу ажиллах бүрэн эрхийг тэдэнд олгосон.
Сүүлийн хорин жилийн хугацаанд Монгол Улс илүү бат бэх ардчилсан тогтолцоо, тогтвортой, үр дүнтэй, хууль ёсны ардчиллыг дэмжиж ирсэн. Бид өөрсдийн туршлага, сургамжаа бусад улс оронтой хуваалцаж ирлээ. Бидний сургамж эдгээр улс орнуудад тус дэм болж байгаад баяртай байна.
Өнгөрсөн жилийн сүүлчээр ардчилсан сонгуулиа амжилттай явуулсан Киргиз, Мьянмарын ард түмэнд энэ индэрээс чин сэтгэлийн баяр хүргэж, хөгжил цэцэглэлтийг хүсэн ерөөе.
Ардчилал, сонгуульд дэмжлэг үзүүлэх олон улсын хүрээлэнг 2016 онд даргалж байгаагийн хувьд Монгол Улс Ардчиллын форумыг энэ 8 дугаар сард зохион байгууллаа. ”Ардчилсан шилжилтээс суралцах нь” сэдвээр голлож ярилцсан. Ардчиллын өөр өөр загвартай улс орны төлөөлөгч, мэргэжилтнүүд сонгууль явуулах аргачлал, хариуцлага, ил тод байдлыг сайжруулах талаар өөрсдийн туршлагаа солилцсон.
Монгол Улс санаачлан хэрэгжүүлж буй Олон улсын хамтын ажиллагааны сангийн үйл ажиллагааг улам бүр өргөжүүлж, ардчиллыг шинээр болон сэргээн тогтоосон орнуудтай хамтран ажиллах болно.
Хүний эрх
Ноён Дарга аа,
Монгол Улс хүний эрх, эрх чөлөөг гэр хэмээн дээдэлдэг улс юм. Хүний эрх, хууль дээдлэх ёсны талаар бид сүүлийн үед их ярьж байна.
Эдгээр үнэт зүйлсээ хамгаалж чадаж байгаа эсэх нь бодит үйл хэрэг, үр дүнгээс л харагдана.
Тогтвортой хөгжил- 2030 хөтөлбөрийн гол цөм нь хүний эрх, хүний нэр төрийг хүндэтгэх явдал юм.
Хүний эрхийг дээдлэн хамгаалах нь гишүүн улс бүрийн нэн тэргүүний үүрэг хариуцлага мөн.
Энэ хариуцлагаа хэрэгжүүлэхийн төлөө Монгол Улс хүний эрх, шударга ёсны эрхээ хамгаалах, хангах эрх зүйн шинэчлэлийн шинэ үе шатыг эхлүүлээд байна.
Монгол Улс цаазаар авах ялыг халсан.
Цаазаар авах ялыг ямар ч тохиолдолд хүлээн зөвшөөрөх ёсгүй гэж би үздэг.
Хүн төрөлхтний гэр бүл нэгэн өдөр цаазаар авах ялгүй болно гэдэгт би итгэдэг.
Энэ хүнд асуудлыг манлайлан шийдвэрлэх амаргүй гэдгийг би ойлгож байна.
Гэсэн хэдий ч, Ази дахь ардчилсан орны хувьд Монгол Улс хүний эрх, хүний нэр төрийг хамгаалахад бүхий л хүчин чармайлтаа гарган ажиллах болно.
НҮБ-ын Хүний эрхийн зөвлөлийн гишүүн орны хувьд Монгол Улс ялгаварлан гадуурхах аливаа хэлбэрийн эсрэг тэмцэж, ажиллах болно.
Хүний эрхийн тулгуур зарчмуудыг НҮБ-ын системийн төвд тавих зорилгоор НҮБ-ын Хүний эрхийн зөвлөлийг бид 10 жилийн өмнө байгуулсан.
Хүний эрхийн тулгамдсан асуудлаар нээлттэй яриа хэлэлцээ өрнүүлэх орон зайг бий болгосон юм.
Дэлхий дахинаа хүний эрхэд заналхийлж байгааг бид бүгд сайн мэдэж байгаа.
Терроризмтой тэмцэхдээ хүний эрхийг хамгаалж чадахгүй байна.
Хүний эрх, нэр төрийг хүндэтгэх зарчим дээр суурилсан дэлхийн соёлыг бий болгохын төлөө НҮБ-ын Хүний эрхийн зөвлөл идэвхтэй ажиллах ёстой.
Эрхэмсэг хатагтай ноёд оо,
Дэлхий дахинаа терроризмын аюул тэлэн нэмэгдэж байгаа нь бидний санааг гүнээ зовинуулж байна.
Терроризм нийт хүн төрөлхтний нийтлэг сорилт болоод байна.
Энэ нь үндэсний аюулгүй байдал, дэлхий нийтийн дэгт заналхийлж байна.
Хүмүүнлэгийн гамшиг нүүрлэж, хүний эрх үй олноор зөрчигдөж байгааг бид бараг өдөр бүр харсаар байна. Терроризм, хүчирхийллийн бүх хэлбэрийг Монгол Улс эсэргүүцдэг.
Терроризмыг зөвтгөх ямар ч үндэслэл байхгүй.
Терроризмтой тэмцэж, түүнийг зогсоохын төлөө олон улсын хамтын нийгэмлэг хүчээ нэгтгэх ёстой. Хэрцгий экстремизмээс урьдчилан сэргийлэхийн төлөө бид бүх чадлаараа зүтгэх ёстой.
Ази, Европын Дээд хэмжээний уулзалт
Ази-Европын дээд түвшний 11 дүгээр уулзалтыг Монгол Улс өнгөрсөн 7 дугаар сард эх орондоо зохион байгуулж, АСЕМ-ын 20 жилийн ойг тэмдэглэн өнгөрүүлсэн.
Манай сайхан эх оронд хүрэлцэн ирж, дээд түвшний уулзалт амжилттай болоход биечлэн хувь нэмрээ оруулсан АСЕМ-ын орнуудын төр, засгийн тэргүүн, лидерүүдэд энэ завшааныг ашиглан чин сэлтгэлийн талархал илэрхийлье.
Ази, Европ хоёр тивийн лидерүүд хуран чуулж, ирэх 10 жилийн хамтын ажиллагааныхаа чиг баримжаагаа тодорхойлсныг Ерөнхий Ассамблейд илтгэж байгаадаа бахархалтай байна.
Энхтайван, аюулгүй, тогтвортой байдлыг цогцлоохын төлөө хүчээ нэгтгэн тууштай ажиллахаа бид нотолсон.
Терроризм, авлига, ядууралтай тэмцэхийн төлөө Ази, Европ санаа нэгдсэн.
АСЕМ-ын олон талт үйл ажиллагаа дэлхий нийтийн сайн сайхан, хөгжил цэцэглэлтийг урагшлуулна гэдэгт би итгэл төгс байна.
Зуун жилд нэг тохиох олон улсын чухал арга хэмжээнд оролцохоор манай улсад морилон саатсан эрхэм анд нөхөд Та бүхэнд дахин талархал илэрхийлье.
Ази, Европын удирдагчид ирэх 10 жилд хамтдаа хэрхэн ажиллах талаар хүчтэй дуу хоолойг хүн төрөлхтөнд илгээсэн билээ. Энх тайван, аюулгүй байдлыг тогтвортойгоор сахиж, эдийн засгийн өсөлтийг тууштай хангаж, энэ 21 дүгээр зууны өнгийг тодорхойлж буй олон улс, бүс нутгийн тулгамдсан асуудлыг шийдвэрлэхэд хамтын хувь нэмрээ оруулахаа бид нотолсон.
Олон улсын энх тайван, аюулгүй байдлыг сахихад Нэгдсэн Үндэстний Байгууллага гол үүрэгтэй болохыг бид онцлон тэмдэглэсэн.
Аюулгүй байдал,энхтайван, бүс нутгийн хамтын ажиллагаа
Эрхэм анд нөхөд өө,
Даян дэлхийн энх тайван, тогтвортой байдлын манаанд зогсож буй цэнхэр дуулгатай монгол охид, залуучууд үүргээ амжилттай биелүүлж байгааг Төрийн тэргүүний хувьд Ерөнхий Ассамблейд илтгэх нэн таатай байна.
Энгийн иргэдийг хамгаалах, мөргөлдөөнийг таслан зогсоох, энхтайвныг тууштай цогцлоохын төлөө НҮБ бүх хүчээ дайчилж байна.
Аюулгүй байдлын асуудал хэзээ хэзээнээс илүү нарийн төвөгтэй, аюултай болсон бөгөөд ийм нөхцөлд НҮБ-ын энхийг сахиулагчдын хэрэгцээ, шаардлага төдий хэрээр нэмэгдэж байна.
Даян дэлхий дайн дажин, сүйрэл, үгүйрэл хоосролоос хараахан ангижирч чадаагүй л байна. Гэсэн хэдий ч үүнд төгсгөл ирж,
- Дүрвэгч хүүхэд багачууд далайн хүйтэн түрлэгээр эрэг рүү шидэгдэхгүй,
- Утга учиргүй дайн дажин, хүчирхийллээс болж хүүхэд өнчрөхгүй,
- Ницце, Истанбул, Дака зэрэг үзэсгэлэнт хотуудаар айж, түгших зүйлгүй амар тайван алхах өдөр ирнэ гэдэгт бид итгэлтэй байна.
Хүндэт нөхөд өө,
Өмнөд Судан олон улсын хамтын нийгэмлэгийн хамгийн отгон гишүүн улс. Өмнөд Суданы ард иргэдэд бидний туслалцаа, дэмжлэг хэрэгтэй байна. Цэнхэр дуулгат бусад нөхдийн хамт Өмнөд Суданы ард иргэдэд гараа сунган тусалж байгаа монголын энхийг сахиулагчдаараа би бахархаж байна. Тэдний эр зориг, хичээл зүтгэлийг хүндэтгэж байна.
Олон улсын хүмүүнлэгийн байгууллагуудын мянга мянган дайчин ажилтнуудад энэ завшааныг ашиглан чин сэтгэлийн талархал илэрхийлэхийг хүсч байна. Тэд өөрсдийн амь биеэ золиосолж сая сая хүнийг үхлийн аюул, өлсгөлөнгөөс аварч байна.
Хүмүүнлэгийн тусламж үзүүлэх сайн зохицуулалт, зуучлал, дэмжлэг урьд өмнөхөөс илүү шаардагдаж байна. Энэ байдлыг бид шийдвэрлэх ёстой.
Манай улс хамрагдах Зүүн хойд Азид шийдвэрлэгдээгүй олон асуудал байна. Хүйтэн дайны сүүлчийн цайз, хуваагдал өнөө хир нь Солонгосын хойгт байна.
Бүс нутагт өрнөх аливаа өрнөл бүс нутгийн төдийгүй манай улсын аюулгүй байдалд шууд нөлөөтэй. Солонгосын хойг цөмийн зэвсгээс ангид байх ёстой хэмээх Монгол Улсын байр суурийг дахин нотолж байна.
Хурцадмал байдал, мөргөлдөөнийг шийдэхийн тулд холбогдох улс хооронд үл итгэлцлийг арилгаж, яриа хэлэлцээг тогмолжуулах нь чухал.
“Зүүн хойд Азийн аюулгүй байдлын асуудлаархи Улаанбаатарын яриа хэлэлцээ” нь чухамдаа бүс нутагт итгэлцлийг бэхжүүлэх, нэгдсэн шийдэлийн төлөө санаа бодлоо солилцоход нь дэм болох зорилготой.
Энэ зорилт ээдрээтэй, хялбар ажил биш. Гэсэн хэдий ч НҮБ-ын гишүүн улс орон бүр зөв шийдлийн төлөө хичээх учиртай.
Эрхэм Дарга аа,
Тогтвортой Хөгжил- 2030 зорилтууд болон Уур амьсгалын өөрчлөлтийн тухай Парисийн Хэлэлцээрийг Монгол Улс бүрэн төгс хэрэгжүүлэх үүрэг амлалтаа нотолж байгаагаа үгийнхээ төгсгөлд илэрхийлэхийг хүсч байна.
Тогтвортой хөгжлийн 17 зорилтоо үр дүнтэй хэрэгжүүлж, бодит ахиц гарахаа дэлхийн улс түмэнд төдийгүй ард иргэддээ харуулах учиртай.
НҮБ-ыг төв цөмөө болгосон олон талт тогтолцооны төлөөх үүрэг амлалтаа бид дахин нотолж байна.
Даян дэлхийн хөгжилд ахиц дэвшил гаргахын төлөө, ирээдүйн хойч үеийнхээ төлөө хамтдаа ажиллацгаая.
Энхтайван, эрх чөлөө, шударга ёсны төлөө Монгол улс өөрийн хувь нэмрээ оруулах болно.
Анхаарал тавьсанд баярлалаа.
-
2016 оны 9 сарын 21
цэргийн албан хаагчид алагдаж, шархадсанд Монгол Улс харамсал илэрхийлж
-
2016 оны 9 сарын 21
Засгийн газрын ээлжит хуралдаан өнөөдөр 15.00 цагт Засгийн газрын хуралдааны танхимд болно. Хуралдаанаар сайд нар ДОЛООН асуудал хэлэлцэж, ГУРВАН танилцуулгыг сонсох юм байна.
-
2016 оны 9 сарын 21
НҮБ-ын Ерөнхий Ассамблейн 71 дүгээр чуулганы Ерөнхий санал шүүмжлэл өнөөдөр АНУ-ын Нью-Йорк хотноо эхэллээ. Энэ өдөр Монгол Улсын Ерөнхийлөгч Цахиагийн Элбэгдорж Тогтвортой хөгжлийн 2030 хөтөлбөрийг баталсны нэг жилийн ойд зориулсан “SDG Moment” өндөр түвшний арга хэмжээ болон НҮБ-ын Ерөнхий Ассамблейн Ерөнхий санал шүүмжлэлийн нээлтийн ажиллагаанд тус тус оролцлоо.
