-
2016 оны 8 сарын 17
Засгийн газрын хуралдаанаар зарим томилгоо хийлээ.
1. Өөрийнх нь хүсэлтээр Г.Ганболдыг Засгийн газрын Хэрэг эрхлэх газрын дэд даргаас чөлөөлж, тус газрын дэд даргын үүргийг түр орлон гүйцэтгэгчээр У.Бямбасүрэнг,
2. Гадаадын иргэн, харьяатын газрын даргын үүргийг түр орлон гүйцэтгэгчээр Д.Мөрөнг ,
3. Гэр бүл, хүүхэд, залуучуудын хөгжлийн газрын даргын үүргийг түр орлон гүйцэтгэгчээр О.Алтансүхийг,
4. Харилцаа холбоо, мэдээлэл технологийн газрын даргын түр орлон гүйцэтгэгчээр Б.Чинбатыг,
5. Цаг уур, орчны шинжилгээний газрын даргын түр орлон гүйцэтгэгчээр С.Энхтүвшин нарыг тус тус томиллоо гэж Засгийн газрын хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 17
Хөгжлийн банкны үйл ажиллагааг шалгах ажлын хэсэг байгуулав
-
2016 оны 8 сарын 17
Төрийн өмчийн компанийн удирдлагуудын цалинг 30-60 хувь бууруулна
-
2016 оны 8 сарын 17
Засгийн газар долоо хоног бүрийн лхагва гаригт хуралддаг. Энэ хуламжлалын дагуу өнөөдөр Засгийн газрын хуралдаан болох бөгөөд хэд, хэдэн агентлагийн дарга нарыг томилно гэсэн мэдээлэл байна. Өнгөрсөн долоо хоногт Засгийн газраас зарим агентлагийн дарга нарын үүрэг гүйцэтгэгчдийг томилсон. Харин тэднийг хэзээ жинхлэх нь тодорхойгүй байгаа юм. Тэрчлэн Иргэний нисэхийн Ерөнхий газар, ШӨХТГ зэрэг агентлагууд болон зарим яамдын Төрийн нарийн бичгийн дарга нарыг томилно гэсэн мэдээлэл байна. МАН засгийн эрхэнд гарсантай холбоотойгоор яамдуудад халаа сэлгээ үргэжилсээр байгаа билээ.
Одоогоор 13 төрийн нарийнаас 10 нь томилогдоогүй, гурвыг нь Засгийн газраас томилоод байгаа юм.
-
2016 оны 8 сарын 17
НҮБ-ын нөөцийн ангиллын олон улсын сургалт эхэллээ
-
2016 оны 8 сарын 17
Гадаад паспорт олголт тойрсон хүндрэлийг шийдэх ажлын хэсэг байгуулахаар боллоо
-
2016 оны 8 сарын 17
Ерөнхийлөгчийн Тамгын газрын дарга П.Цагаан олон улсын залуу монголч эрдэмтдийн төлөөллийг хүлээн авч уулзлаа
-
2016 оны 8 сарын 17
УИХ-ын дарга М.Энхболдод хандан
-
2016 оны 8 сарын 17
Харин Д.Эрдэнэбатыг МҮДН, Шонхор фракци зүтгүүлж байгаа гэх юм. Д.Эрдэнэбатын хувьд энэ жил хоёр дахь удаагаа УИХ-д сонгогдон ажиллаж байна. Өнгөрсөн дөрвөн жилд АН-ын бүлгийн дарга, Аж үйлдвэрийн сайдаар ажилласан. Өмнө нь Багануур дүүргийн Засаг дарга. ”Ноён” группын ерөнхий захирал. ”Залуучууд зочид буудал”-ХХК-ийн ТУЗ-ийн даргаар ажиллаж байсан. Гэхдээ Ардчилсан нам ялагдахад нөлөөлсөн шалтгаануудыг “Шонхор” болон МоАХ-ноос хайж байгаа нөхцөлд түүнийг намын дарга болгосноор Ардчилсан намын хэрүүл улам лавширч байдал улам хурцдаж магадгүй. Энэ тохиолдолд АН ирэх 2020 онд ялалт байгуулна гэж итгэхэд хэцүү.
-
2016 оны 8 сарын 16
Ерөнхий сайд Ж.Эрдэнэбат Кувейт Улсаас Монгол Улсад суугаа Онц бөгөөд Бүрэн эрхт Элчин сайд Халед Иатим Аль Фадлийг хүлээн авч уулзлаа
-
2016 оны 8 сарын 16
Шадар сайд ОХУ-ын Элчин сайдыг хүлээн авч уулзав
-
2016 оны 8 сарын 16
http://www.24tsag.mn/content/138530.shtml
-
2016 оны 8 сарын 16
ЕРӨНХИЙ САЙД Ж.ЭРДЭНЭБАТ ИБУИНВУ-ААС МОНГОЛ УЛСАД СУУГАА ЭЛЧИН САЙД КЭТРИН АРНОЛДЫГ ХҮЛЭЭН АВЧ УУЛЗЛАА
-
2016 оны 8 сарын 16
Сангийн яамны Төсвийн бодлого, төлөвлөлтийн газрын дарга Ж.Ганбат өнөөдөр тайлбар хийлээ. Тэрээр:
-2016 оны улсын төсвийн тодотголын төсөлд, улс төрийн болон төрийн зөвхөн өндөр албан тушаалтнуудын цалинг 30 хүртэл хувь, төрийн захиргааны удирдах албан тушаалтны цалинг 20 хүртэл хувь бууруулах санал тусгасан байгаа. Аймагт Засаг дарга, ИТХ-ын дарга, харин хотод агентлагийн даргаас дээш албан тушаалтнууд энэ хэмнэлтэд хамрагдана гэсэн үг. Харин эдгээрээс доош төрийн албаныхны цалинг хөндөхгүй байх үүргийг Ерөнхий сайдаас өгсөн. Ингэснээр энэ оны хувьд гэхэд нийтдээ гурав орчим, ирэх жилд найм орчим тэрбум төгрөгийн хэмнэлт хийх бололцоотой. Үүнээс гадна Төрийн өмчит компаниудын удирдах албан тушаалтнуудын цалинг тодорхой хэмжээнд бууруулах, улсын төсвийн мөнгөөр тавилга худалдан авахыг энэ оны хувьд бүрэн зогсоох, төрийн байгууллагууд, албан тушаалтнуудын утасны төлбөр, шатахууны зардалд тодорхой хэмнэлт хийх, томилолт, зочин төлөөлөгч хүлээж авах зардлыг бууруулахаар төсвийн тодотголд тусгаад байгаа гэв.
-
2016 оны 8 сарын 16
Эрх баригчид зарим яамны төрийн нарийн бичгийн даргын томилгоог сонгон шалгаруулахаар болж уг албан тушаалд томилогдох ажилтны ажлын байрыг нийтэд, нээлттэй зарлах захиалгыг Төрийн албаны зөвлөлд өнгөрсөн баасан гаригт хүргүүлсэн байна. Хэдий ийм ч МАН-ын Удирдах зөвлөлөөс төрийн нарийнуудын томилгоог нууцаар тодруулж эхэлсэн гэх сурагтай. Наанаа хуулийн дагуу нээлттэй сонгон шалгаруулалт зарласан мэт харагдавч цаанаа төрийн нарийн бичгийн даргын суудлыг 500 саяас нэг тэрбум хүртэл үнэлж байгаа гэсэн яриа улс төрийн хүрээнд ч яригдаж байна. Тодруулбал, аль хэдийн төрийн нарийнд горилогчдын дунд марафоныг явуулж эхэлжээ. Хэн их мөнгөтэй нь өндөр албан тушаалд очно, мэдлэг, туршлага огт хамаагүй гэдэг зарчим МАН дотор үйлчилж буй бололтой. Төрийн нарийний сунгаад оролцогчдоос намдаа хамгийн их хандив өгсөн сонгуулийн үеэр эдийн засгийн болоод бусад зүйлээр ихэд тусалсан хүмүүсийг сонгохоор болсон гэх мэдээлэл байна.
-
2016 оны 8 сарын 16
нөөдөр 10.30 цагт УИХ дахь Ардчилсан намын бүлгээс цаг үеийн асуудлаар мэдээлэл хийх гэж байна. Өчигдөр Ерөнхий сайд Ж.Эрдэнэбат болон Сангийн сайд Б.Чойжилсүрэн нар мэдээлэл хийж, олон хүчин зүйлээс тэр дундаа өмнөх Засгийн газрын алдаатай бодлогуудаас болж эдийн засаг хүндэрсэн. Тиймээс цаашид төсөвт тодотгол хийж танах ёстой зардлуудаа танана. Тэр дундаа цалинг бууруулж, хүүхдийн мөнгийг ялгавартай олгоно гэдгийг мэдэгдсэн билээ. Мөн Засгийн газраас АН-ын үед хэрэгжүүлж байсан ”Сайн” нэртэй хөтөлбөрүүдийг зогсоосон.
Энэ бүхний талаар УИХ дахь Ардчилсан намын бүлэг өнөөдөр байр, сууриа илэрхийлж магадгүй байна.
-
2016 оны 8 сарын 16
Улсын Их Хурлын гишүүн Н.Учрал нийслэлийн дүүргүүд дэх ерөнхий боловсролын сургууль, цэцэрлэгүүдийн удирдлагуудын төлөөлөлтэй өнөөдөр /2016.08.15/ уулзлаа. Тэрбээр Монголын залуу багш нарын холбооны ерөнхийлөгчөөр ажилладаг бөгөөд багш нар, тэр дундаа залуу багш нарт тулгарч буй асуудлын талаар ярилцан, Боловсролын тухай хуульд нэмэлт, өөрчлөлт оруулах тухай хуулийн төслийг боловсруулах асуудлаар санал солилцох зорилгоор энэхүү уулзалтыг зохион байгуулж байгаагаа уулзалтын эхэнд тэмдэглэн хэлсэн юм.
УИХ-ын гишүүн Н.Учрал Монголын залуу багш нарын холбоо боловсролын асуудал эрхэлсэн төрийн байгууллагуудтай хамтран ажиллахыг зорьж байгаа хэмээгээд энэ хүрээнд багш нарт тулгараад буй асуудлуудыг шийдвэрлэхийн төлөө хамтран ажиллах гарцыг бий болгоход энэхүү уулзалт түлхэц өгнө хэмээн үзэж байгаагаа илэрхийлсэн.
Дүүргүүдийн сургуулийн удирдлагууд залуу багш нарын нийгмийн асуудалд нэн түрүүн анхаарах шаардлагатай байгаа талаар ярьж байлаа. Багш нарын цалин бага, нийт багш нарын 80-85 хувь нь цалингийн зээлтэй аж. Багш нарт орон сууцны зээл авах боломж тааруу байдгийг уулзалтад оролцсон сургуулийн удирдлагууд хэлсэн. Түүнчлэн багш нарыг мэргэжил дээшлүүлэх давтан сургалтад хамруулах, гадны орны туршлагыг судлах боломжоор хангах, залуу багш нарын хандлагыг өөрчлөх асуудлыг ч сөхөн ярьсан юм. Сургууль, цэцэрлэгийн хүрэлцээ муу байдгаас үүдэн нэг анги 28-35 сурагчтай хичээллэхээр заасан ч 50-60 сурагчтай хичээллэж байгаа талаар багш нар дурдаад нэг ангид хичээллэх хүүхдийн тоог хэтрүүлсэн асуудлаар захирлуудад арга хэмжээ авдаг хэмээсэн.
Түүнчлэн уулзалтын үеэр сургуулийн цайны газрын бүтээгдэхүүний чанар, эцэг, эхчүүдийн үүрэг хариуцлага, багшийн үнэлэмж, сургуулийн өмнөх боловсролын салбарт ажилладаг багш нарын ачааллын талаар хөндөн ярилцсан юм.
УИХ-ын гишүүн Н.Учрал багш нарын саналыг ажил хэрэг болгохын төлөө ажиллана гэдгээ уулзалтын үеэр хэлсэн. Уулзалтад Монголын залуу багш нарын холбооны дэд ерөнхийлөгч, нийслэлийн ИТХ-ын төлөөлөгч Х.Хатанбаатар, Б.Сүхбаатар нар оролцлоо хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 15
Эрүүгийн болон Зөрчлийн тухай хуулийн төслүүдийг өргөн мэдүүлэв
-
2016 оны 8 сарын 15
МОНГОЛ УЛСЫН ЕРӨНХИЙЛӨГЧ Ц.ЭЛБЭГДОРЖ ЯПОНЫ “ЁС ЗҮЙН НИЙГЭМЛЭГ”-ИЙН ТЭРГҮҮН, ХАТАГТАЙ Н.ИТОГ ХҮЛЭЭН АВЧ УУЛЗАВ
-
2016 оны 8 сарын 15
Монгол судлаач эрдэмтдийг Төрийн дээд цол, одон, медалиар шагнав
