-
2015 оны 3 сарын 26
Аж үйлдвэрийн сайд Д.Эрдэнэбат энэ салбарын хууль эрх зүйн орчныг сайжруулах болон үйлдвэрлэлийг хөгжүүлэх чиглэлээр хийж байгаа ажлуудаа танилцуулж, сэтгүүлчдийн асуултад хариуллаа.
Монгол улсын эдийн засгийн хүндрэлд нөлөөлсөн статистик тоон үзүүлэлтүүд дээр тулгуурласан аж үйлдвэрийн бодлого, түүнийг дагасан стратеги бодлого төвөлөлт, аж үйлдвэрийн байршлын зураглал буюу хөгжлийн бүсийн тухай асуудлыг Аж үйлдвэрийн яам нэн тэргүүний бодлого болгон гаргасан. 2014 онд Монгол улс 5,2 тэрбум ам.долларын бараа бүтээгдэхүүнийг гаднаас импортоор авч хэрэглэжээ. Нийт импортын 28 хувийг шатахуун, 30 хувийг машин, механизм түүний эд анги, 10 хувийг төмөр хийц эдлэл эзлэж байна. Харин нийт экспортын дотор аж үйлдвэрийн бүтээгдэхүүний эзлэх хувь хэмжээ 0 байна. Эдийн засагт улс төр байхгүй, харин ганцхан бодит тоо л байгаа. Энэ тоон дээр тулгуурласан эдийн засгийн болон үйлдвэржилтийн бодлого байх ёстой гэж Аж үйлдвэрийн сайд Д.Эрдэнэбат хэллээ.
Аж үйлдвэрийн яам байгуулагдсанаасаа хойш суурь бодлогоо тодорхойлж, салбарын хууль эрх зүйн орчныг сайжруулах чиглэлээр хэд хэдэн хуулийн төсөл боловсруулан Засгийн газраар хэлэлцүүлж, УИХ-д өргөн барьжээ. Чөлөөт бүсийн тухай хуулийг УИХ-аар батлуулснаар Замын-Үүд болон Алтанбулагийн чөлөөт бүс, хил орчмын худалдаа, тарифын хөнгөлөлтийн асуудлаар хөрш орнуудтай яриа хэлэлцээ хийж, ажлын хэсэг гарган шуурхай ажиллах болсон тухай Аж үйлдвэрийн сайд хэллээ. Худалдааны тухай хуулийн төслийг боловсруулан Засгийн газраар хэлэлцүүлэн УИХ-д өргөн барихаар шийдвэрлэлээ. Жижиг, дунд үйлдвэрийн тухай хуулийн шинэчилсэн найруулгын төсөл боловсруулах ажлын хэсэг байгуулан хуулийн үзэл баримтлалыг Засгийн газрын хуралдаанаар хэлэлцүүлж батлуулсан байна.
Үйлдвэржилтийг дэмжих зорилтын хүрээнд ажлын байр бий болгох зорилгоор жижиг, дунд үйлдвэрийн хөнгөлөлтэй зээлийн эх үүсвэрт шаардагдах 70.0 тэрбум төгрөгийн санхүүжилтийг шийдвэрлэжээ. Экспортыг нэмэгдүүлэх, импортыг орлох бүтээгдэхүүний үйлдвэрлэлийг дэмжих зорилгоор санхүүжүүлсэн төслүүд дотор үр ашигтай ажиллаж байгаа үйлдвэр олон байгааг сайд хэлээд эдгээрийн дундаас монголд анх удаа хадаас хийж байгаа үйлдвэрийг онцоллоо. Газрын тос боловсруулах үйлдвэр байгуулах ажлыг эрчимжүүлэх тухай Засгийн газрын тогтоол батлуулснаар зүүн болон говийн бүсэд нефть боловсруулах үйлдвэр байгуулах шийдвэр гаргуулсан. Энэ хоёр байршилд урьдчилсан техник, эдийн засгийн үндэслэл боловсруулж, байгаль орчны үнэлгээг тогтоох ажлын хэсэг байгуулан ажил эхлүүлснээр ирэх намар нефтийн үйлдвэр байгуулах сонирхолтой хөрөнгө оруулагчдад санал тавихад бэлэн болно гэлээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 3 сарын 26
Бээжинд суугаа Монгол улсын консул ажлын хариуцлага алдлаа
-
2015 оны 3 сарын 26
Хүнс, хөдөө аж ахуйн сайд Р.Бурмаа Евразийн эдийн засгийн комиссын Зөвлөлийн гишүүн хатагтай Т.Д.Валовая-г хүлээн авч уулзлаа.
-
2015 оны 3 сарын 26
Бүтээн байгуулалтад БНСУ-ын хөрөнгө оруулалтыг татна
-
2015 оны 3 сарын 26
С.Ганбат огцорч П.Ганхуяг үлдэх үү ?
-
2015 оны 3 сарын 26
Монгол Улсын Их Хурлын дарга Зандаахүүгийн Энхболд өнөөдөр /2015.03.25/ Америкийн “Weinstein” компанийн бүтээж буй “Марко Поло” киноны төслийн багийнхныг хүлээн авч уулзав.
Уулзалтын эхэнд төслийн багийнхан Улсын Их Хурлын даргыг цаг зав гарган хүлээн авсанд талархал илэрхийлээд, “Марко Поло” кино төслийн талаар танилцууллаа. ХIII-ХIV зууны үеийн Монголын түүхэн цаг үеийг баримтад тулгуурлан илэрхийлсэн уг бүтээлийг Америкийн “Weinstein” компани бүтээн, Германы “Netflix” компанийн сүлжээгээр дамжуулан түгээж байгаа гэлээ. Түүнчлэн Италийн жуулчин Марко Пологийн Монгол дахь аяллын талаар өгүүлэхийн зэрэгцээ тухайн үеийн Монголын түүх, ахуй, соёлыг бодитоор илэрхийлэхийг зорьсон гэдгийг онцлон танилцуулав. Мөн тэрээр дээрх төслийн II хэсгийг хийхээр бэлтгэл хангагдаад байгааг дуулгаад “Энэ бүлэгт Монголын гал голомтоо сахиж үлдсэн хаад ноёдын түүх, төрийн эрхийн төлөөх тэмцэл, зөрчлийн талаар өгүүлэх юм. Тиймээс төслийн II хэсэгт Монгол Улсад зураг авалт хийх, жүжигчид, уран бүтээлчид, судлаач, холбогдолтой салбарын мэргэжилтнүүдтэй хамтран ажиллах, түүх, соёлын сурвалжуудыг ашиглах шаардлага үүсээд байна” гэлээ. Төгсгөлд нь тэрээр энэхүү бүтээлээр дамжуулан дэлхий нийтэд Монгол ёс заншил, соёл, түүхийг таниулах ач холбогдлыг нь харгалзан уг төсөлд Монгол Улсын төр засгийн зүгээс дэмжлэг хүсч байгаагаа илэрхийлсэн юм.
Улсын Их Хурлын дарга төслийн багийнхны тавьж буй хүсэлтийг судалж, холбогдох байгууллагуудтай санал солилцоно гэлээ.
Уг уулзалтад Америкийн “Weinstein” компанийн “Марко Поло” киноны найруулагч Жон Фуско, продюсер Даниэль Минахан, Ричард Шарки, тус төслийн Монгол дахь үйл ажиллагаа хариуцсан продюсер М.Оргил, МҮОНРТ-ийн ерөнхий захирал Ц.Оюундарь болон албаны бусад хүмүүс байлцав хэмээн Улсын Их Хурлын Тамгын газрын Хэвлэл мэдээлэл олон нийттэй харилцах хэлтсээс мэдээлэв.
-
2015 оны 3 сарын 26
Л.Гүндалайн гомдол хурцдаж сурсан зангаа гаргав
-
2015 оны 3 сарын 26
Өргөдлийн байнгын хорооныхон зүүн аймгуудаар ажлаад ирлээ. Тэд ард иргэдийн амьдрал хийгээд иргэдийн санал бодлыг сонсож, тулгамдаж байгаа асуудлынх нь хүрээд ярилцсан юм.
-
2015 оны 3 сарын 26
Долоо хоног бүр болдог ”Сайдын цаг” уулзалтын энэ удаагийн дугаарт Аж үйлдвэрийн сайд Д.Эрдэнэбат оролцож цаг үеийн асуудлаар мэдээлэл хийнэ. Уг уулзалт маргааш 12:00 цагт Засгийн газрын хуралдааны мэдээллийн танхимд болох юм.
-
2015 оны 3 сарын 25
Маргаашийн /2015.03.26/ 12:00 цагт Засгийн газрын хуралдааны мэдээллийн танхимд болох ”Сайдын цаг” уулзалтад
-
2015 оны 3 сарын 25
УИХ-ын дэд дарга Л.Цогтой өнөөдөр УИХ-д суудалгүй намуудын төлөөллийг өөрсдийнх нь хүсэлтээр албан өрөөндөө хүлээж авч уулзав.
Тэрбээр уулзалтын эхэнд Үндсэн хуульд оруулах өөрчлөлтийн тухай болон Сонгуулийн нэгдсэн хууль, Улс төрийн намын тухай хуулийн өнөөгийн хэлцэгдэж буй хувилбаруудын талаар товч мэдээлэл өглөө. Үндсэн хуульд өөрчлөлт оруулах хуулийн төсөл боловсруулах ажлын хэсгийг хоёр жилийн өмнө УИХ-аас байгуулж, Л.Цог тухайн ажлын хэсгийг ахалж ажилласан юм. Уг ажлын хэсэг Үндсэн хуульд өөрчлөлт оруулах шаардлагатай хэмээн дүгнэж, нам эвслийн бүлэгт дүгнэлтээ хүргүүлсэн аж. Одоогийн байдлаар үүнтэй чиг шугам адил ажлын хэсгийг УИХ дахин байгуулсан ба хоёр удаа хуралдсан ч ойлголтын зөрүү ихтэй байгаа гэж Л.Цог хэллээ.
Энэхүү уулзалтад Монголын ногоон нам, Эрх чөлөөг хэрэгжүүлэгч нам, Хамаг Монголын хөдөлмөрийн нам, Монголын либерал нам, Эх орончдын нэгдсэн нам болон ”Эрс шинэчлэл” хөдөлгөөний удирдлагууд оролцсон ба тэдгээр удирдлагууд 2012 оны сонгуулийн үр дүнд байгуулагдсан буюу өнөөгийн УИХ-ыг огцрох ёстой хэмээн үзэж байна. Тухайлбал, Эх орончдын нэгдсэн намын дарга Г.Ганбат УИХ эцэг хуулийг өөрчлөх ямар ч ёс суртахууны чадамжгүй гэсэн байр суурьтай байсан бол Монголын Ногоон намын дарга О.Бум-Ялагч Ерөнхийлөгч болон УИХ аль аль нь ард түмний илэрхийлэл болж чадахгүй байгаа тул огцрох ёстой гэлээ. Мөн Хамаг Монголын хөдөлмөрийн намын дарга Ц.Шинэбаяр Үндсэн хуулийг одоогийн УИХ өөрчлөлт оруулна гэдэгт итгэлтэй байгаагаа хэлээд УИХ-ыг яаралтай тарааж, шинээр эмхлэн байгуулах шаардлагатай гэсэн юм. УИХ-ын дэд дарга Л.Цог уулзалтыг хааж хэлэхдээ, ”Хаврын чуулганаар өнөөдрийн яригдсан гурван хуулиас гадна Эдийн засгийн өршөөлийн тухай, стратегийн ордыг хувьд шилжүүлэх тухай зэрэг хэд хэдэн амин чухал хуулийг хэлэлцэнэ. Иргэд сонгогчдын эсэргүүцэлтэй ихээр тулах байх” гээд өөрийн зүгээс байр сууриа илэрхийлнэ гэв.
-
2015 оны 3 сарын 25
Долоо хоногийн лхагва гариг бүрт болдог Засгийн газрын “Шийдлийн цаг”-аар төрийн өмчийн эмнэлэг, их, дээд сургуулийн засаглалын өөрчлөлтийн талаар Ерөнхий сайд Ч.Сайханбилэг Боловсрол, соёл, шинжлэх ухааны сайд Л.Гантөмөр, Эрүүл мэнд, спортын сайд Г.Шийлэгдамба нарт үүрэг өглөө.
-
2015 оны 3 сарын 25
Л.Гүндалай АН-аас гарав
-
2015 оны 3 сарын 25
УИХ-д суудалгүй намуудын төлөөллийг хүлээн авч уулзав
-
2015 оны 3 сарын 25
Чуулганы хуралдааны цагийг хэвээр үлдээв
-
2015 оны 3 сарын 25
рөнхийлөгч эмгэнэл илэрхийлэв
Wednesday, Mar 25 2015
Бичсэн Б.Туул
Хэвлэх Email
Монгол Улсын Ерөнхийлөгч эмгэнэл илэрхийлэв
Сингапур улсыг үүсгэн байгуулагч, тус улсын Ерөнхий сайд агсан Ли Кван Ю таалал төгссөнтэй холбогдуулан Монгол Улсын Ерөнхийлөгч Ц.Элбэгдорж Бүгд Найрамдах Сингапур улсын Ерөнхийлөгч Тони Тан Кенгэд эмгэнэл илэрхийлэв.
Уг эмгэнэлд “Сингапурын ард түмний хайр хүндэтгэлийг хүлээсэн улс төрийн нэрт зүтгэлтэн, Сингапур улсыг үүсгэн байгуулагч “эцэг”, Ерөнхий сайд агсан Ли Кван Ю өвчний улмаас таалал төгссөнд миний бие гүнээ харамсаж байна. Өнөөдөр Ази тивд төдийгүй дэлхий дахинаа нэр хүндтэй, нийгэм, эдийн засгийн хөгжлөөрөө Азийн нэг “бар” хэмээн зүй ёсоор нэрлэгддэг Сингапур улсын тусгаар тогтнолыг тогтоож, хөгжил цэцэглэлтэд үнэтэй хувь нэмэр оруулсан талийгаачийн яруу үйл хэрэг ямагт хүндэтгэн дурсагдах болно. Монголын ард түмний нэрийн өмнөөс болон хувиасаа талийгаачийн гэр бүл, Сингапур улсын ард түмэнд гүн эмгэнэл илэрхийлж байгааг минь хүлээн авна уу ” гэжээ.
-
2015 оны 3 сарын 25
Манай улс 2006 онд АСЕМ-ын гишүүнээр элссэнээс хойш тус байгууллагын үйл ажиллагаа, санал санаачилгад идэвхтэй оролцож байгаа юм.
-
2015 оны 3 сарын 25
Гишүүд мөнгийг ингэж үрж байна
-
2015 оны 3 сарын 24
Монгол Улс, Оросын Холбооны Улс, Бүгд Найрамдах Хятад Ард Улсын Гадаад хэргийн дэд сайд нарын түвшний хоёрдугаар уулзалт Бээжин хотноо болов.
-
2015 оны 3 сарын 24
Үндэсний хөтөлбөр батлах тухай УИХ-ын тогтоолын төслийг хэлэлцлээ
