-
2016 оны 10 сарын 10
Нийслэлийнхний бухимдал болсон түгжрэлийг сааруулах зорилготойгоор “Түгжрэлгүй гудамж бухимдалгүй хот” гэсэн мөрийн хөтөлбөрийг өнөөдрөөс хэрэгжиж байна. Тодруулбал, Улаанбаатар хотын хэмжээнд гэрлэн дохионы зохицуулалттай 142 уулзвар байдгаас 48 нь баруун гар тийш тогтмол эгэх боломжтой байдаг. Иймд Нийслэлийн Засаг даргын санаачилсан уг мөрийн хөтөлбөрийн дагуу зарим уулзварыг баруун гар тийш тогтмол эргэдэг болгож буй. Өнөөдөр буюу аравдугаар сарын 10-ны өдрөөс мөрдөгдөж эхлэх зарим уулзварыг дурдвал
Нэг талаас баруун эргэх боломжтой 12
Хоёр талаас баруун эргэх боломжтой 24
Гурван талаас баруун эргэх боломжтой 8
Дөрвөн талаас баруун эргэх боломжтой 4 уулзвар байна.
Энэхүү өөрчлөлтийг хийснээр уулзваруудын нэвтрэх чадвар сайжирч, дуу чимээ, агаарын бохирдол буурхаас гадна нийтийн тээвэр, тусгай албаны автомашины нэвтрэх чадвар нэмэгдэнэ гэж үзжээ.
Б.Цэцэг
-
2016 оны 10 сарын 10
Нийслэлийн нутаг дэвсгэр, гудамж талбай, олон нийтийн газарт гэмт хэрэг, нийгмийн хэв журмын зөрчлөөс урьдчилан сэргийлэх зорилгоор тухайн орчинд оршин суух идэвхтэй 2500 иргэнийг сонгон сар бүр тодорхой мөнгөн урамшил олгож, хөдөлмөр аюулгүй байдлын таних тэмдэгээр ханган ажиллуулахаар болсон юм.
-
2016 оны 10 сарын 09
1. Хоолыг халуун, бүлээн ундаатай хослуул
Мэргэжилтнүүд хоол идэхийн хажуугаар юм уухыг хориглодог.
Тэдний хэлж байгаагаар энэ нь хоолны үйл ажиллагаанд муугаар нөлөөлдөг юм байх. Мэдээж юм уухгүйгээр иднэ гэдэг хэцүү л дээ. Тиймээс хүмүүс үүнийг мөрдөх нь маш цөөхөн байдаг. Гэхдээ хоолны шингэцээ хэвийн байлгая гэвэл ядахдаа халуун бүлээн зүйл уух ёстой юм байна. Халуун хоол идэж байгаад хүйтэн зүйл уух нь ходоод гэдэс хямрах эхний шалтгаан болно.
2. Бүрэн болгосон хоол хүнсийг хэрэглэхийг оролд
Шинэхэн ногоо, салад идсэний дараа ходоод тань хямардаг уу? Тэгвэл тухайн хоол хүнсийг боловсруулахад хүндрэлтэй байгааг илтгэж байгаа хэрэг. Ногоог шинэ, болгоогүй байдлаар идэх нь биед ач тустай гэдэг ч ходоодонд боловсруулагдахдаа нилээд ажил шаарддаг гэнэ. Харин болсон хоол шингэхдээ амар байдаг юм байх. Тиймээс нэг хэсэгтээ салат, болгоогүй хоол хүнснээс татгалзах нь дээр.
3. Гүйх, алхах, эсвэл стресстэй үедээ хоол бүү ид
Идэх бол бидний биеийн чухал ажиллагааны хэсэг. Харин хүмүүс энэ үйл явцад анхаарал муу хандуулдаг. Бид яарч сандарсан үедээ, гүйж байхдаа, алхаж байхдаа, стресстэй байх үедээ хоол иддэг. Ингэж идэх нь бидэнд хоол болохоос илүүтэйгээр хор болох нь олон. Яарч сандарсан үед хүн хоолыг зажлахгүйгээр шууд залгидаг. Том томоор орсон хоолыг шингээх гэж ходоод байнга ачаалалтай ажиллана. Хоёрт ходоод хямрахад хүрнэ. Ходоодны үйл ажиллагаа алдагдаж эхэлдэг. Мөн стресстэй үед хүн их иддэг.
Тиймээс ямар ч тохиолдолд хоолоо тайван суугаад, уужуу тайван идэх хэрэгтэй.
4. Хоолыг сайтар зажил
Хоолыг сайтар зажилж идэх нь ходоодоо хайрлаж байгаа хэрэг. Хоол аманд орох үед ходоод руу дохио илгээгдсэнээр ходоод хоолыг боловсруулахад бэлтгэгддэг. Гэтэл зажлахгүйгээр хэт их хоолыг залгих нь ходоод хямрахад хүргэдэг байна.
5. Эрүүл хоол хүнсийг хэрэглэ
Лаазалсан бүтээгдэхүүнүүд, химийн найрлага ихээр агуулсан бүтээгдэхүүнүүд мэдээж ходоодонд шингэхдээ муу байна. Мөн их хэмжээний махыг дангаар хэрэглэх нь бас муу нөлөөтэй. Түүний оронд жимс ногоо, амархан боловсордог хоол хүнсийг илүүд үз. Махыг хэрэглэж болох ч хажуугаар нь жимс ногоог хамт хэрэглэх нь системийн ажиллагааг дэмждэг.
6. Бага зэрэг хөдөлгөөн хий
Хоол идсэний дараа идэвхтэй хөдөлгөөн хийх нь ходоодны үйл ажиллагаанд сайн байдаг. Гэхдээ хоол идсэний дараа шууд идэвхтэй үйлдэл хийх нь буруу. Харин хэсэг хугацаа өнгөрсний дараа алхах, эсвэл хөнгөн дасгал хийх нь сайн нөлөөтэй.
-
2016 оны 10 сарын 09
Нийслэлийн Иргэдийн Төлөөлөгчдийн хурлын Тэргүүлэгчдийн хурлын 2016 оны наймдугаар сарын 31-ний өдрийн 13 дугаар тогтоолоор “Хэв журмын урамшилт эргүүл” ажиллах журмыг баталсан. Нийслэлийн нутаг дэвсгэр, гудамж талбай, олон нийтийн газарт гэмт хэрэг, нийгмийн хэв журмын зөрчлөөс урьдчилан сэргийлэх зорилгоор тухайн орчинд оршин суух идэвхтэй 2500 иргэнийг сонгон сар бүр тодорхой мөнгөн урамшил олгож, хөдөлмөр аюулгүй байдлын таних тэмдэгээр ханган ажиллуулахаар болсон юм. Тэгвэл өнөөдөр тухайн оршин суугаа орчиндоо идэвхтэй ажиллах 2500 иргэнийг сонгон авч энэ сарын 10-ны өдрөөс эхлэн ажиллуулахаар боллоо. Улаанбаатар хотын Цагдаагийн газраас өөрсдийн болон бусын аюулгүй байдлыг ханган, хэрхэн уялдаа холбоотой ажиллах, хууль эрхзүйн үндэслэлийг танилцуулж, тэдний ажил үүргийн талаар сургалт, уулзалт зохион байгууллаа.
Нийслэлийн иргэдийн идэвх, санаачлагад суурилсан хяналт бий болж, аюулгүй орчныг бүрдүүлэх, гэмт хэрэг, нийгмийн хэв журмын зөрчлөөс урьдчилан сэргийлэх ажилд иргэдийн оролцоог нэмэгдүүлж, гэмт хэрэг ихээр гардаг цэг, цагуудад тухайн орчинг иргэдийн хяналтад авах юм. Ингэснээр Цагдаагийн байгууллага, иргэд хоорондын уялдаа холбоо сайжирч, гэмт хэрэг үйлдэгдэхээс өмнө урьдчилан сэргийлэх, таслан зогсоох, үйлдэгдсэн гэмт хэргийг богино хугацаанд илрүүлж, гэмт санаа бодол тээгчийн сэтгэл санаанд нөлөөлж,өөрчлөлт оруулах зэргээр эерэг үр дүн гарна гэж үзэж байгаагаа Улаанбаатар хотын Цагдаагийн газраас тайлбарлалаа гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 10 сарын 09
Судлаачдын үзэж байгаагаар улаан дарс нь хүний биеийн дархлааны системийг сайжруулж, өвчнийг эсэргүүцэх чадвартай болгодог байна. Ялангуяа улаан дарсыг өдөр болгон хэрэглэдэг хүн хорт хавдар болон зүрх судасны өвчнөөр өвчлөх эрсдэл бага байдаг гэжээ.
Яагаад гэвэл дарс нь урвалд орж эсэлдсэн бүтээгдэхүүн юм. Байцааг дарж, кимчи болгон хэрэглэхэд амт чанартай нь дээр амин дэм нэмэгдэж, хүний биед үзүүлэх үйлчлэл нь илүү болдог. Дарсны үйлдвэрлэл яг түүнтэй адил явагдана.
Тиймээс эрүүл мэндээ боддог эрхмүүд улаан дарсыг сонголтоо болгон хэрэглэх нь зүйтэй. Гэхдээ хэтрүүлбэл хор болох бөгөөд өдөрт дунджаар 150 гр улаан дарс уух нь эрүүл мэндэд сайн нөлөөтэй ажээ.
-
2016 оны 10 сарын 09
Херпес вирусээр үүсгэгддэг, ихэвчлэн хүүхдүүдэд зонхилон тохиолддог, цэврүүт тууралтаар илэрдэг халдварт өвчин.
Херпес вирусийн дэд бүлэгт хамрагдах а дэд бүлгийн вирусээр үүсгэгдэнэ.
Тархвар судлал:
Салхин цэцгийн халдварын 90% нь 13 хүртэлх насны хүүхдүүдэд, 10% нь 15 –аас дээш наснхыханд тохиолдоно. Хэрэв жирэмсэн эмэгтэй төрөхөөсөө 4-5 хоногийн
өмнө, эсвэл төрснөөс хойш 48 цагийн дотор салхин цэцгийн халдвар авсан тохиолдолд нийт төрсөн хүүхдийн 17% нь өвчилж, 30% -ийн нас баралттай байдаг.Жирэмсний эхний хугацаанд эх халдвар авсан тохиолдолд ургийн гаж хөгжил үүсэх талтай. Өвчлөл өвөл намрын улиралд элбэг. Өвчилсний дараа үүсэх дархлаа тогтвортой буюу байнгийн дархлаа үүснэ.
Халдварын эх уурхай:
Салхин цэцэг болон херпесийн халдвараар өвчилсөн өвчтөнүүд. Халдвар авснаас хойш хамгийн сүүлийн цэврүүт тууралт гарсны дараа 5 хоног өнгөртөл халдвар тараах аюултай. Вирус дэгдэмхий шинж чанартай учраас өвчтэй хүүхэдтэй хамт байсан, урьд нь өвчлөөгүй хүүхдүүдэд, хүмүүст халдвар дамжина. Өөрөөр хэлбэл халдвар агаар дуслын замаар халдварлана.
Эмнэлзүй:
Өвчний нууц хугацаа буюу халдвар анх авснаас 11-21 хоногийн дараа хүүхдэд өвчний шинж тэмдэг илэрч эхэлнэ.
Эхний 1-2 хоногт цочмогоор 38-39 градус хүртэл халуурч, бие сульдаж, ядарч, хоолонд дургүй болж болно.Хүүхэд цочромтгой, уур уцаартай, аль эсвэл унжгар ноомой болдог. Түүнээс гадна бага насны хүүхдэд ходоод гэдэсний замын хямрал давхар явагдаж болно. Эдгээр шинж тэмдэгүүд авчний хүндийн зэргээс хамаарч тод бүдэг ямарч байдлаар илрэх боломжтой./хордлогын шинж/. Эдгээртэй зэрэгцэн эсвэл дараа нь толбот, гүвдрүүт, цэврүүт тууралтууд гарч эхлэхэд дээрхи шинж тэмдгүүд аяндаа арилж бүдгэрдэг. Эхлээд толбон тууралт гарч байгаад гүвдрүүн тууралт болно. Улмаар дотроо шингэн агуулсан, эргэн тойрон улаан хүрээтэй, арьсанд нэвчдэс үүсэгүй, гялтганасан өнгөтэй, голдоо хүйс мэт хонхорхойтой, тэмтрэхэд зөөлөн, янз бүрийн хэмжээтэй цэврүү болон хувирах боловч заавал бүгд цэврүүнд шилжих албагүй. Цэврүү нь 2-3 хоногийн дараа тавшина. Харин тав 5-6 хоногийн дараа унаж эдгэрнэ. Тууралт биеийн бүх хэсгээр, мөн бусад эрхтэн тогтолцооны салст бүрхүүлээр гарна. Тууралт нэмэгдэх тутам халууралт ихэсдэг. Хамгийн гол нь тууралтыг маажиж, ямар нэгэн байдлаар шархлуулсны улмаас бактерийн халдвараар өвчлөх боломжтой.
Эмнэлзүйн хэлбэрүүд:
• Хөнгөн – халуун хэвийн болон бага зэрэг өндөр, хордлогын шинжүүд бүдэг, гүвдрүүт тууралт давамгайлсан, цөөн тооны цэврүүт тууралттай.
• Дунд – халууралт дундзэрэг, хордлого тод, цэврүүт тууралт давамгайлсан,
• Хүнд – Өндөр халуурна, хордлого хүчтэй илэрнэ, цэврүүт тууралтууд гарна, идээт цусархаг тууралтууд мөн гарна. Амьсгал, мэдрэл, хоол боловсруулах эрхтэн тогтолцоо, нүдний эмгэг, нянгийн халдвар хавсрана.
• Балархай – халдвар авсны дараа гамма голбулин хийлгэсэн тохиолдолд өвчин хөнгөн явцтай илэрнэ. Цөөн тооны гүвдрүүт тууралт, ганц нэг цэврүүт тууралт үзэгдэнэ.
• Тархмал – Нярай хүүхдэд, эсвэл дархлаа дарангуйлах эмчилгээ хийлгэж байгаа тохиолдолд энэ хэлбэрээр өвчин явагдана. Халууралт, хордлогын шинжээс гадна дотор эрхтэнүүд гэмтдэг учраас нэн аюултай.
• Цусархаг хэлбэр: Хүнд явцтай, ерөнхий хордлогын хамшинж хүчтэй илэрч, өндөр халуурна. Цусархаг шингэн агуулсан цэврүүт тууралт, цусархаг тууралт хавсран гарна. Мөн хамраас цус гарах, цустай ханиах зэрэг цусархагшлын шинжүүд илэрч болно.
• Үхжилт хэлбэр: ховор тохиолддог, хүнд явцтай. Тууралтын эргэн тойрон арьсанд гүн нэвчдэстэй, тууралтын тав унахад гүн шарх үүсдэг. Аьсны гүн давхарга, холбогчэд, булчин хүртэл гэмтэж болно. Нас баралт өндөртэй.
• Том цэврүүт хэлбэр: цэврүүний хэмжээ 2-3 см хүртэл хэмжээтэй байдаг онцлогтой. Амархан хагарч арьсанд өнгөц шархлаа үүссэнээс нянгийн халдвараар хүндрэх нь элбэг.Хүндрэл:
салхин цэцэгийн вирусээр үүсгэгдсэн менингит, менингоэнцефалит, нүдний эвэрлэгийн үрэвсэл, нарийн гэдэсний үрэвсэл, амьсгалын дээд, доод замын үрэвсэлт өвчнүүд, нянгийн гаралтай үрэвслүүдээр хүндэрнэ.
Оношлогоо:
Эмнэлзүйн шинж тэмдэг, өвчтөний асуумжийг үндэслэн уг өвчний эгэл хэлбэрүүдийг оношлоход хялбар боловч гаж эмнэлзүйн хэлбэрүүдийг оношлоход түвэгтэй.
Цусны ерөнхий шинжилгээ: вирусын халдвар, үрэвслийн шинжтодорхойлогдоно.
Иммунологи: вирусын эсрэг үүссэн эсрэг бие тодорхойлогдоно.
Шаардлагатай тохиолдолд вирус судлалын шинжилгээ хийнэ.
Эмчилгээ:
• Илчлэг сайтай, амин дэмээр баялаг хоол хүнс хэрэглэнэ.
• Өвчний явцаас хамааран хэвтрийн дэглэмийг тохируулна.
• Өвчтөй хүүхдийг тусад нь тусгаарлана. Өрөө тасалгаанд агаар салхи сайн оруулж, чийгтэй цэвэрлэгээ тогтмол хийж, хувийн ариун цэвэр сайн сахиулна.
• Эмийн эмчилгээнд:
Вирусын эсрэг Видарабин, Лейкинферон, Ацикловирыг тариа болон шахмал хэлбэрээр эмчийн заавар зөвлөгөөний дагуу хэрэглэнэ.
Өвчтөний шинж тэмдэг, хордлого тайлах, биеийн байдлыг зүгшрүүлэх зорилгоор нэмэлт эмэн эмчилгээг эмчин зааврын дагуу хэрэглэнэ.
Арьс салстад гарсан тууралтат бриллиантын ногоон, метилийн хөх спиртэн уусмал, борын хүчлийн уусмал, фурациллин, шингэн марганцийн уусмал зэргийг тууралтын байршил, хэмжээнээс хамаарч эмчийн зөвлөгөөний дагуу хэрэглэнэ.
Урьдчилан сэргийлэлт:
• 12 сар болон түүнээс дээш насныхан VARIVAX хэмээх амьд вакцин хийлгэх боломжтой
• Гэхдээ дархлал суларсан, дархлаа дарангуйлах бэлдмэл хэрэглэдэг өвчтөн, жирэмсэн эхчүүдэд хэрэглэж болохгүй.
• Салхин цэцэг туссан хүүхэд, өвчтөнтэй хамт байсан тохиолдолд хүүхдийг 10-12 хоног хянана.
-
2016 оны 10 сарын 09
Нойргүйдэл нь янз янз байдаг. Ерөөсөө нойргүй болчих нь хүнд хэлбэртээ орсон гэсэн үг.
Орондоо хэвтсэн даруйдаа унтаж чаддаггүй хүмүүс бий. Эсвэл унтаж байгаад шөнө дунд сэрдэг нойрны дунд хэсэгт нойр алдагдаж болно. Бас нойрны төгсгөл хэсэг алдагдах нь ч бий. Өөрөөр хэлбэл өглөөгүүр унтаж чадахаа байчихдаг. Эсвэл 4 дэх хэлбэр нь унтсан ч бие амарч чадахгүй, унтсан унтаагүй хоёрын хооронд байгаад өглөө босоход бие ерөөсөө амраагүй байдаг. Нойр бол давалгаалсан шинжтэй. Хоёр хоёр цагийн хэлбэлзэлтэй байдаг. Тархины үйл ажиллагаа 2 цаг гүн, 2 цаг хөнгөн унтаад, дахин 2 цаг гүн унтах гэх мэтээр сөөлжилж байдаг юм. Үүрээр гол төлөв хамгийн гүн унталтанд ордог. Энэ үедээ хүн их зүүдэлдэг. Нойргүй байлаа гэхэд ядаж өглөөгүүр, үүрээр 2, 3 цаг ч гэсэн маш сайн гүн унтвал амарч чадна.
Нойр хүрэхгүй байгаагийн учир шалтгаан юу вэ?
Орой хоолоо тааруулж идэх хэрэгтэй. Хэтэрхий өлсөөд эсвэл орой унтахдаа хүнд хоол идчихвэл унтаж чадахгүй. Хоёрдугаарт унтахынхаа өмнө аль болох тайвшрах хэрэгтэй. Болдог бол цэвэр агаарт гарч, гэртээ ном уншиж, зурагт үзэн тайван байх хэрэгтэй. Мөн хэрүүл хийхгүй, стресстэй юм бодохгүй байж унтахынхаа өмнө сүү, тараг, аарц ууж болно. Аль болох дулаан хөнжилтэй, таарсан дэртэй, ор дэрээ тухтай, зөв байрлуулах хэрэгтэй. Ор, дэрний байрлал бас нөлөөлдөг гэж ярьдаг. Тэгэхээр орныхоо байрлалыг сольж үзэх хэрэгтэй. Орой унтахынхаа өмнө 100, 200 гр халаасан улаан дарс, эсвэл 37 гр цагаан архи уувал гүн тайван унтахад нөлөөлнө. Ингээд болохгүй бол эмчид хандаж нойрны эм ууж болно. Хамгийн амархан унтуулдаг зөв эм бол люминал. Энэ эмийг орондоо орохоос 30, 40 минутын өмнө ууна. Унтах гэж их оролдох хэрэггүй. Ямар нэг юм тоолж их стрессдэж болохгүй. Хамгийн сайн арга нь орондоо ороод аль болох уйтгартай ном унших. Ингэхээр өөрийн эрхгүй нүд ядардаг. Хэрвээ энэ бүгдийг дагаад ч нойр хүрэхгүй байгаа бол нарийн мэргэжлийн сэтгэцийн эмчид хандах нь зүйтэй.
-
2016 оны 10 сарын 09
Гамшгийн эрсдэлийг олон нийтийн оролцоотой бууруулах үндэсний хөтөлбөр”-ийг хэрэгжүүлэх хүрээнд “Өсвөрийн аврагч” аварга шалгаруулах тэмцээнийг нийслэлийн ерөнхий боловсролын сургуулиудын ахлах ангийн сурагчдын дунд зохион байгууллаа.
Уралдаант тэмцээнийг сургуулиудын ахлах ангийн сурагчид дунд дүүрэг бүрт нь шилдгийг шалгаруулж шилдгүүд сүүлийн шатны шалгаруулалтад өнөөдөр оролцож Багануур дүүргийн “Боловсрол” цогцолбор сургуулийн Г.Хулан ахлагчтай баг тэргүүн байр, 13 оноогоор Хан-Уул дүүргийн 34 дүгээр сургуулийн Б.Оюунтөгс ахлагчтай баг 2 дугаар байр, 11,2 оноогоор Налайх дүүргийн 119 дүгээр сургуулийн Э.Мөнгөнзаяа ахлагчтай баг 3 дугаар байрыг тус тус эзэлж шагналаа гардаж авлаа.
Сурагчид нэрвэгдэгсдийг аврах ажиллагаа, эмнэлгийн анхны тусламж, хүч тамирын дасгал, 100 метрийн гүйлт, асуулт хариултын төрлүүдээр өрсөлдөж гамшгийн аюулаас өөрийгөө болон бусдыгаа хэрхэн аврах, тусламж хэрхэн үзүүлэх мэдлэгээ бусадтайгаа хуваалцаж даалгавар бүрийг амжилттай гүйцэтгэж байлаа.
Тэмцээнд нийт 9 дүүргийн 9 сургуулийн 9 багийн 54 сурагч оролцож хурд хүч, авхаалж самбаагаа сорилоо гэж нийслэлийн Онцгой байдлын газраас мэдээллээ.
-
2016 оны 10 сарын 09
Иргэдийн 54 хувь нь илүүдэл жинтэй
-
2016 оны 10 сарын 09
Дэлхийн шуудангийн өдөр
НҮБ-ын системийн баяр Дэлхийн шуудангийн өдөр (World Post Day) өнөөдөр тэмдэглэгдэж байна. Энэ баярыг тэмдэглэхээрТокиод болсон 1969 оны Дэлхийн шуудангийн холбооны (Universal Postal Union) XIV конгрессийн шийдвэр гарсан байв. Швейцарийн Бьерн хотноо 1874 оны аравдугаар сарын 9-нд 22 оны төлөөлөгчид Шуудангийн ерөнхий холбоог байгуулсан Бьерны гэрээнд гарын үсгээ зурсан байв. Холбоо 1878 онд нэрээ өөрчлөн Дэлхийн шуудангийн холбооны (Universal Postal Union) болсон ба өдгөө түүнд 189 орон нэгдээд байна. Аравдугаар сарын 9-нөөс Олон улсын бичиг захидлын долоо хоног явагдаж эхэлдэг. ДШХ-ны мэдээгээр олон шуудан өөрийн үйлчлүүлэгч нарын 6800 хэлээр ярьж, дэлхийд хамгийн том шуудангийн сүлжээтэй.
-
2016 оны 10 сарын 09
Өчигдөр эхэлсэн харь гаригийнхан, түүнтэй холбоотой нууцлаг бүхнийг сонирхогчдын уулзалт өнөөдөр үргэлжилж байна.
Уг үйл ажиллагаанд зориулж харь гаригтай холбоотой сонирхолтой зураг, номуудаар үзэсгэлэн гаргахаас гадна Япон Улсаас энэ сэдвээр олон жил судалж, мэргэшсэн ноён Кожи Мияашита хүрэлцэн ирж, семинар лекц тавигдаж байгаа бөгөөд энэхүү үйл ажиллагаанд нас хүйс, үндэс угсаа хамаарахгүй, хүн бүхэн оролцох боломжтой.
Уулзалт Шинжлэх ухаан, мэдээлэл технологийн паркын II давхрын хурлын танхимд болно.
-
2016 оны 10 сарын 09
Монгол Улсын Ерөнхий сайдын гэргий хатагтай Д.Тунгалагийн урилгаар Япон улсын хүүхдийн зүрхний эмч нар Сэлэнгэ, Дархан-Уул аймагт 2-3 өдөр ажиллаж, хүүхдүүдэд үнэ төлбөргүй үзлэг хийх бөгөөд мөн энэ үеэр жирэмсэн эхчүүдэд ургийн зүрхний эхо үзлэг хийхээр болсон билээ.
Тэгвэл үзлэг Сэлэнгэ аймагт өнөөдөр Аймгийн нэгдсэн эмнэлэгт хийгдэж байна. Харин Дархан-Уул аймагт 10-ны өдөр үзлэг хийгдэнэ.
Үзлэгээр хагалгаа хийх шаардлагатай онош тогтоогдсон хүүхдүүдэд Япон эмч нар энэ оны 11, 12 дугаар сард ирж үнэ төлбөргүй хагалгаа хийх юм байна. Хэрвээ таны хүүхдэд зүрхний ямарваа нэг эмгэг ажиглагдаж байвал өрхийн эмчээрээ дамжуулан үзлэгт бүртгүүлэх боломжтой юм.
-
2016 оны 10 сарын 08
Бараг бүх төрлийн ханиад томууг нэг тарилгаар устгаж чадах олон үйлчилгээт вакцин гаргасан хэмээн эрдэмтэд мэдэгдэв. Ингэснээр хүн төрөлхтөн тун удахгүй ханиад хүрэх зовлонг мартах аж.
-
2016 оны 10 сарын 08
Харь гаригийнхан, түүнтэй холбоотой нууцлаг бүхнийг сонирхогчид нэгдэн энэ амралтын өдрүүдэд буюу 8,9-нд уулзалдах гэж байна.
-
2016 оны 10 сарын 08
Өглөөний цай бол таны өдрийн турш идэж уух хоол хүнснээс эрүүл мэндэд хамгийн хэрэгтэй нь. Өглөөний унд нь төв мэдрэлийн системийг цочроож, тархи толгой сэргэг, сэтгэл санааг урамтай болгосноор ажиллах эрч хүч өгнө. Мөн ходоод гэдсийг угааж бодисын солилцоог идэвхжүүлсэнээр цусны даралт, бөөрний архаг үрэвсэл зэрэг олон төрлийн өвчнөөс сэргийлэхэд тусалдаг. Хэрэв өглөө бүр цай ундаа уухгүй явсаар байвал цөс чулуужиж болзошгүй.
-
2016 оны 10 сарын 08
Бага насны хүүхдүүд өвс ачсан машинд шүдэнз зурж гал түймэр тавьжээ.
-
2016 оны 10 сарын 08
Цэцэг өвчин нь өндөр халуурал, арьс, салст бүрхүүлд цэврүүт гүвдрүү үүсэх, дотоод эрхтний үрэвслийн шинжээр илэрдэг цочмог халдварт өвчин юм.
-
2016 оны 10 сарын 08
Хуурамч мөнгө аягыг бусдад худалдаалсан, мөн худалдахыг оролдсон этгээдүүдийг цагдаагийн байгууллагаас шалгаж эхэлжээ.
-
2016 оны 10 сарын 08
Төрийн албаны зөвлөлийн 31 дүгээр хуралдаан өчигдөр боллоо. Хуралдаанаар Төрийн албаны зөвлөлийн Ажлын албаны даргын, Өмнөговь аймгийн Засаг даргын Тамгын газрын даргын сонгон шалгаруулалтын дүнг хэлэлцсан байна.
-
2016 оны 10 сарын 08
Дэлхийн эрүүл мэндийн байгууллагаас арваннэгдүгээр сарын 14-20-ныг “Антибиотикийн талаарх мэдлэг, хандлагыг дээшлүүлэх” долоо хоног болгон тэмдэглэх уриалга гаргасан. Үүнтэй холбогдуулан Улсын хоёрдугаар төв эмнэлэг “Антибиотикийг жорын дагуу хэрэглэе” антибиотикийн талаарх иргэдийн мэддэгийг дээшлүүлэх аяныг энэ сарын 4-нөөс ирэх сарын 31-нд зохион байгуулж эхлээд байна.
