-
2015 оны 10 сарын 28
Өнгөрсөн амралтын өдөр нийт нутгаар эрс хүйтэрч цасаар шуурсны улмаас нийслэлийн баруун, зүүн, урд хэсгийн авто замын нөхцөл байдал хүндэрч нийслэлийн Онцгой байдлын газрын бүрэлдэхүүн тухай бүр шуурхай арга хэмжээ зохион байгуулж цасан шуурганд өртөж амь насаа алдахаас 7 иргэнийг авран хамгаалж ажиллажээ. Иргэд өвлийн улиралд цаг агаарын хүнд нөхцөлд малд явах, хээр ганц нэгээр явснаас болж цасан шуурганд осгож амь насаа алдах тохиолдол өвлийн улиралд гардаг.
Нийслэлийн хэмжээнд энэ төрлийн дуудлага ирдэг бөгөөд Сонгинохайрхан дүүргийн 21 дүгээр хороо, Партизаны сангийн аж ахуйгаас иргэн 27 настай, эрэгтэй нь өөрийн оршин суух Нарийний хэсэг /Партизанаас урагшаа 22 км зайд/ гэрлүүгээ явлаа гээд 2015.10.25-ны өдрийн 22:00 цагийн орчим гараад сураггүй болсон тул хайж олж өгнө үү гэсэн дуудлагыг ар гэрийнхнээс нь 10 дугаар сарын 26-ны орой ирүүлжээ.
Дуудлагын дагуу аврах ангийн бүрэлдэхүүн 27-ны өдөр эрлийн ажиллагааг шуурхай зохион байгуулж 16 цагийн орчим Нарийний фермээс зүүн ургашаа 3 км газраас осгосон байдалтай амиа алдсан байсныг олжээ. Цогцсыг дүүргийн цагдаагийн 1 дүгээр хэлтсийн бүрэлдэхүүнд хүлээлгэн байна.
Цаг агаарын гэнэтийн аюулт үзэгдэл, цасан шуурга шуурах тухай мэдээллийг тухай бүр мэргэжлийн байгууллагуудаас олон нийтэд сэрэмжлүүлдэг хэдий ч иргэд санамсар болгоомжгүй байдлаасаа болж ийнхүү амь насаа алдаж байгаа харамсалтай хэрэг гарч байна. Иймд иргэдийг цаг агаарын мэдээлэл, сэрэмжлүүлгийг хүлээн тохируулан аюулгүй байдлаа хангахыг нийслэлийн Онцгой байдлын газраас сэрэмжлүүлж байна.
-
2015 оны 10 сарын 28
”Монгол байгаль дэлхийд ганц” ТББ-аас дөнгөж сая “Гацууртын орд ба шантаажлагчид” сэдвээр хэвлэлийн бага хурал хийлээ. Хэвлэлийн хурлын үеэр тус ТББ-ынхан Ноён ууланд олон тооны гар аргаар алт олборлогчид очиж, энд тэндгүй ухаж сэндийчин, байгаль орчныг сүйтгэж байгаа талаар мэдээлсэн юм.
Тэдний хэлснээр Ноён ууланд 580 гаруй гар аргаар алт олборлогчид буюу нинжа нар байгаа бөгөөд тэд 80 цооног гаргасан аж. Тэнд байдал өдөр ирэх бүр дордож нинжа нарын эмх замбараагүй байдал нь эрүүгийн гэмт хэрэг гарах нөхцөлийг бүрдүүлсэн байгааг ч тэд дуулгасан юм. Тиймээс энэ эмх замбараагүй байдлыг таслан зогсоож, түүхийн үнэт дурсгал бүхий уг газрыг хамгаалалтдаа авч, нинжа нарыг гаргаж өгөхийг холбогдох төрийн байгууллагуудад санал хүсэлтээ ”Монгол байгаль дэлхийд ганц” ТББ-аас удаа дараа хүргүүлжээ. Мөн Ноён уулыг хамгаална хэмээн цээжээ дэлдэж, өлсгөлөн зарлаж байсан иргэний нийгмийн байгууллагууд нинжа нарын байгаль орчиныг сүйтгэж байгаа асуудалд яагаад дуугүй сууж байгааг ч гайхаж байна хэмээн тус ТББ-ынхан хэлсэн юм.
Харин энэ үеэр “Босоо хөх Монгол” хөдөлгөөний 30 гаруй залуус мэдээлэл хийж буй ”Монгол байгаль дэлхийд ганц” ТББ-ынхныг буруутгаж, эмх замбараагүй байдал үүсгэсэн. Тэд “Монгол хүн хэзээ ч Ноён уулыг ухуулая гэж ярихгүй, та нар бол эрлийз, Казак хүмүүс байна, хэний захиалгаар ийм зүйл ярьж байгаа юм бэ? Ард чинь хэн байгаа юм, С.Баярцогтоос мөнгө авсан уу” гэх мэт үгээр дайрч байлаа.
Үүний хариуд тус төрийн бус байгууллагынхан ямар нэг хүний захиалга биш, бид Ноён уулыг ухуулая гэж хэлээгүй, харин газар дээр нь үүсээд байгаа нинжа нарын эмх замбараагүй байдлыг таслан зогсоож, байгаль орчноо хамгаалахын тулд энэ хурлыг зарласан гэдгээ учирлаж байлаа.
Харин тэдний үгийг үл тоон “Босоо хөх Монгол” ТББ-ын залуус бид иргэний нийгмийн байгууллага төр засагт шаардлага хүргүүлж ажилладаг, нинжа нартай тэмцэх албагүй гэх зүйлийг ярьж, хэвлэлийн хурлын танхимд хараалын үг хэлж, сэтгүүлчдэд ажлаа хийх боломж олгохгүй, эмх замбараагүй байдал үүсгэсэн юм.
-
2015 оны 10 сарын 28
”Их, дээд сургуулиудын оюутны нэгдэл” МОХ-ны удирдлагууд оюутнуудаас их хэмжээний мөнгө хурааж, олон зуун сая төгрөгийн хохирол учруулсан, хууль бус чуулган хуралдуулж, ерөнхийлөгчөө сонгосон талаар мэдээлэл хийв.
-
2015 оны 10 сарын 28
1. Сүхбаатар дүүргийн 7, 8-р хорооны нутаг дэвсгэрээс авто машины эд анги болон машиныг бүтнээр нь хулгайлдаг иргэн М нарын бүлгийг шалгахад нийт 21 удаагийн үйлдлээр авто машины толь, эд анги болон авто машин хулгайлсан болохыг илрүүлсэн.
2. Сонгинохайрхан дүүргийн 15, 16, 17-р хорооны нутаг дэвсгэрт орон сууцнуудын гадна зогсоолд тавьсан авто машинуудын эд анги, цонхыг нь хагалж эд зүйлсийг нь хулгайлдаг хэргийг шалгах явцад иргэн Б нь бусадтай бүлэглэн 9 удаагийн үйлдлээр Тоёото Приус маркын авто машиын гурвалжин шилийг хагалж, эд зүйл хулгайлах түүний толь, их гэрэл зэрэг эд зүйл хулгайлсан нь илэрч шалгагдаж байна.
3. Баянгол дүүргийн 10, 21-р хорооны нутаг дэвсгэрт иргэн Ч нарын бүлэг нь иргэдийи орон байранд удаа дараагийн үйлдлээр вакум цонхыг түлхэх, гэрийн хаалга эвдэх зэрэг аргаар орж, зурагт, зөөврийн компьютер, алт мөнгөн эдлэл хулгайлдаг болохыг илрүүлж, шалгаж байна.
4.
Илрүүлэлт нэгдсэн арга хэмжээний хүрээнд 2015 оны 10 дугаар сарын 20- ны өдрөөс 25-ны өдрүүдэд Мэдээлэл шуурхай удирдлагын төвийн хоногийн мэдээнд 156 хэрэг нөхөн илрүүлсэнээр өгч ажилласан.
-
2015 оны 10 сарын 28
“Босоо хөх Монгол”бүлгэмээс өнөөдөр цаг үеийн асуудлаар мэдээлэл хийлээ. Тус бүлгэмийнхэн Сэлэнгэ аймгийн Мандал сумын Ноён уулын Гацууртын аманд очиж нөхцөл байдалтай танилцаад иржээ.
Гал үндэстэн холбооны тэргүүн н.Хундаганай “Бид хоёр цаг гаруй турш гадаа зогсож байж, Гацуурт руу нэвтэрсэн. Тэнд байгаа нинжа нар бол “Сентерра Гоулд”-ынхантай найзалж, нөхөрлөсөн, тэдэнтэй хуйвалдсан хүмүүс байна лээ. Нинжа нар дийлдэхгүй байна гэсэн худал нэрийн дор Гацууртыг ухах гэж байна. УИХ-ын гишүүн С.Баярцогт нарын хүмүүс Ноён уулыг хамгаалаад, Гацууртыг ухуулъя гэж байна. Энэ бол байж болшгүй тэнэглэл” гэлээ.
Сэлэнгэ аймгийн Мандал сумын иргэн н.Ялалт Ноён уул, Гацууртын ордод хүч болохгүй гурван шалтгааныг хэлсэн. Тэрбээр “Бороогийн уурхайг ажиллуулж алтыг нь авахдаа монголчуудад ашиг өгөөгүй “Сентерра Гоулд”-д бид ахиад луйвардуулна. Мөн Хараа, Бороо, Зүүнхараа орчимд хүнцэлийн хороо хордсон бүтэн нуур бий болчихоод нутгийн иргэдийг хордуулж байна. Үүнээс гадна Ноён уул Хэнтий уулын төгсгөл мөнх цэвдэгийн зангилаа газар байгаа юм. Үүнийг тэсэлж, дэлбэлэх аваас хэдхэн жилийн дотор элсэн цөл болно. Шинжлэх ухааны талаас ийм баримтууд ухаж болохгүй гэдгийг нь нотолж байгаа юм” гэж ярьсан.
Ноён ууланд зөвхөн түүхийн дурсгалт булш, бунхан байгаа бус Хүннүгийн үеийн төмөрлөгийн үйлдвэрийн болон хотын туурь байгаа. Түүхийн өв, соёлыг хадгалсан газраа ухаж болохгүй. Эх орноо аврахыг эрх мэдэлтнүүдээс хүсэж байгаагаа хэвлэлийн хуралд оролцогчид хэлж байлаа.
-
2015 оны 10 сарын 28
Нийслэлийн нутаг дэвсгэрт ялангуяа гэр хорооллоос зурагт, зөөврийн компьютер болон мөнгөн аяга бусад эд зүйл хулгайлдаг “X” гэгчийн талаар авагдсан мэдээллийн дагуу холбогдох шалгалтын ажиллагааг явуулахад нийт 17 удаагийн үйлдлээр бусдын орон байранд нэвтрэн хулгайн гэмт хэрэг үйлдсэн болохыг илрүүллээ.
Сэжигтэй этгээд “X” нь гэмт хэрэг үйлдэх үйлдлийн аргаар бусад эзэн холбогдогч нь тогтоогдоогүй байгаа хэргүүдэд холбон шалгах, бусад хань харилцааг тогтоож, үйлдсэн гэмт хэргийг бүрэн дүүрэн илрүүлэх чиглэлээр Чингэлтэй дүүрэг дэх цагдаагийн 2-р хэлтэстэй хамтран ажиллаж байна.
-
2015 оны 10 сарын 28
Монгол Улсын Гадаад хэргийн сайд Л.Пүрэвсүрэнгийн Бүгд Найрамдах Итали Улсад хийсэн албан ёсны айлчлал амжилттай өндөрлөлөө. Айлчлалын үеэр Милан хотноо болж буй ”Экспо Милано 2015” арга хэмжээний төв талбайд ”Монголын өдөр” арга хэмжээг хоёр удаа зохион байгуулж олон мянган зочдод монголын түүх соёл урлагийг сурталчилан танилцуулав. Монголын өдөр арга хэмжээнд манай уран бутээлчид монголын үндэсний язгуур урлагийг орчин уеийн сонгодог урлагийн дээжистэй хослуулан олонд өргөн барилаа.
Эдгээр өдрүүдэд “Экспо Милано 2015” арга хэмжээний сүүлийн өдрүүд тохиож байгаа тул өдөртөө 300 гаруй мянган зочид зочилж үзэсгэлэнгийн хүрээнд зохион байгуулагдаж буй соёлын арга хэмжээнүүдийг үзэж сонирхож байна.
-
2015 оны 10 сарын 28
Бүтээн Байгуулалтын шагналын эздийг өнөөдөр тодруулна
-
2015 оны 10 сарын 28
Гэмт хэргээс урьдчилан сэргийлэх ажлын үр дүнг дээшлүүлэхэд хүүхдийн байцаагч нарын оролцоо” сэдэвт сургалт эхэллээ.
Авлигатай тэмцэх газраас Цагдаагийн ерөнхий газар, “Дэлхийн зөн Монгол” олон улсын байгууллагатай хамтран зохион байгуулж буй “Гэмт хэргээс урьдчилан сэргийлэх ажлын үр дүнг дээшлүүлэхэд хүүхдийн байцаагч нарын оролцоо” сэдэвт сургалт өнөөдөр эхэллээ.
Авлигатай тэмцэх газар, Цагдаагийн ерөнхий газартай 2015 оны 4 дүгээр сарын 15-ний өдөр байгуулсан хамтран ажиллах санамж бичгийн хүрээнд уг сургалтыг зохион байгуулж байгаа бөгөөд Хүүхдийн байцаагч нарыг сургагч багш болгон бэлтгэх, тэднээр дамжуулан хүүхэд, залуучуудын шударга байдлыг нэмэгдүүлэх, зөв хүн болгож төлөвшүүлэх зорилготой юм.
Сургалтаар Авлигатай тэмцэх газраас “Авлига, ашиг сонирхлын зөрчил хоорондоо ялгаатай юу”, “Ашиг сонирхлын зөрчлийг хуулиар хэрхэн хориглож, хязгаарласан бэ”, “Авлига, ашиг сонирхлын зөрчлөөс урьдчилан сэргийлэх талаар төрийн байгууллага, албан тушаалтны үүрэг болон авлигаас урьдчилан сэргийлэх арга зам”, “Ил тод байдлыг хангах чиглэлээр багаар ажиллах сургалтын арга”, “Сургалтын үнэлгээ хийх арга”, “Хувийн ашиг сонирхол ба хөрөнгө, орлогын мэдүүлгийн чиглэлээр анхаарах асуудал”, “2015 оны хүүхдийн шударга байдлын төвшний үнэлгээ, судалгааны аргачлал”, “Хүүхэд, залуучуудад шударга ёсны чиглэлээр мэдээлэл хийх гарын авлага, материалын танилцуулга”, “Бага, дунд, ахлах ангийн сурагчдад “Шударга ёс бидний тэмүүлэл” сэдвээр сургалт хийх аргачлал, анхаарах асуудал, “Төрийн байгууллагын авлигаас урьдчилан сэргийлэх үйл ажиллагааг үнэлэх аргачлал” зэрэг нийт 15 орчим сэдвээр сургалт, мэдээлэл хийх юм. Сургалтад төв, орон нутгийн Цагдаагийн газар, хэлтсийн хүүхдийн 49 байцаагч, хүний нөөцийн 47 ажилтан, төлөвлөлт, зохион байгуулалтын 34 тасгийн дарга оролцож байна.
-
2015 оны 10 сарын 28
НҮБ-ЫН 70 ЖИЛИЙН ОЙГ ТЭМДЭГЛЭН ДЭЛХИЙН АЛДАРТАЙ БАРИЛГА, ХӨШӨӨГ ЦЭНХЭР ӨНГӨӨР ГЭРЭЛТҮҮЛЖ БАЙНА PDF Хэвлэх И-мэйл
2015 оны 10-р сарын 27, Мягмар гариг, 11:06
Нэгдсэн Үндэстний Байгууллагын 70 жилийн ойг тохиолдуулан дэлхийн улс орнуудад алдартай барилга, хөшөө, түүх дурсгалын газруудыг НҮБ-ын цэнхэр өнгөөр гэрэлтүүлэх аян 10 дугаар сарын 23, 24-ний өдрүүдээс эхлэн өрнөж байна. Энэхүү НҮБ-ын цэнхэр өнгөөр дэлхийгээ гэрэлтүүлье” аяны хүрээнд Шинэ Зеланд улсаас эхэлж улс тив дамжин үргэлжилж Нью Йорк хот дах НҮБ-ын Төв байр, Эмпайр цамхаг, Египетийн Пирамидууд, Рио де Жанейро хот дах Христийн хөшөө, Хятадын Цагаан хэрэм, Оросын Санкт Петербург дахь Эрмитаж, Йорданы эртний Петра хот, Австралийн Сиднейн дуурийн театр зэрэг 300 гаруй түүх, дурсгалын алдартай газруудыг цэнхэр өнгөөр гэрэлтүүллээ.
Энэхүү дэлхий нийтийн аянд Монгол Улс нэгдэж 2015 оны 10 дугаар сарын 27-ны өдөр буюу Монгол Улс НҮБ-д 101 дэх гишүүн улс болж элссэн өдрийг тохиолдуулан оройн 19.00-22.00 цагийн хооронд Төрийн Ордон болон Чингис Хааны хөшөөг цэнхэр өнгөөр гэрэлтүүлэх боллоо. НҮБ-ын өдрийг 1948 оны 10 сарын 24-ны өдрөөс эхлэн тэмдэглэж ирсэн юм.
-
2015 оны 10 сарын 28
Цагдаагийн ерөнхий газрын Тусгай хэлтсийн гурван ажилтан өнгөрсөн баасан гаригт “VENUS” бааранд нэгэн иргэнийг зодож амь насыг нь хөнөөсөн тухай эх сурвалж мэдээллээ. Уг хэргийн талаарх мэдээлэл бямба гаригт буюу энэ сарын 24-ний өглөө БЗД-ийн Цагдаагийн хэлтэст ирсэн байна. Хэргийн газарт очиход зодуулсан иргэн нэгэн зочид буудалд орж, зодуулж гэмтсэний улмаас амиа алдсан байдалтайгаар олджээ. Хохирогч Элитийн батальон буюу Зэвсэгт хүчний 150 дугаар ангид алба хаадаг байсан бөгөөд түүнийг зодож амь насыг нь хохироосон таван хүний гурав нь ЦЕГ-ын Тусгай хэлтсийн хоёр ахлах дэслэгч, нэг ахлагч цолтой ажилтан байсан аж. Энэ талаар ЦЕГ-аас 12:00 цагт хэвлэлийн хурал хийнэ.
-
2015 оны 10 сарын 28
Цагдаагийн ерөнхий газрын Тусгай хэлтсийн гурван ажилтан өнгөрсөн баасан гаригт “VENUS” бааранд нэгэн иргэнийг зодож амь насыг нь хөнөөсөн тухай мэдээлэл бямба гаригт буюу энэ сарын 24-ний өглөө БЗД-ийн Цагдаагийн хэлтэст ирсэн байна. Хэргийн газарт очиход зодуулсан иргэн нэгэн зочид буудалд орж, зодуулж гэмтсэний улмаас амиа алдсан байдалтайгаар олджээ. Хохирогч Элитийн батальон буюу Зэвсэгт хүчний 150 дугаар ангид алба хаадаг байсан бөгөөд түүнийг зодож амь насыг нь хохироосон таван хүний гурав нь ЦЕГ-ын Тусгай хэлтсийн хоёр ахлах дэслэгч, нэг ахлагч цолтой ажилтан байсан аж.
-
2015 оны 10 сарын 28
Батлан хамгаалахын сайдын зөвлөл хуралдаж, Зэвсэгт хүчний жанжин штабын дэд дарга, хошууч генерал Б.Баярмагнайг үүрэгт ажлаас нь чөлөөлсөн билээ.
-
2015 оны 10 сарын 28
Хорт хавдар үүсгэдэг Асбест манай улсад их хэмжээгээр орж ирсэнийг Нийслэлийн Мэргэжлийн хяналтын газраас илрүүлжээ.
-
2015 оны 10 сарын 28
Сонсголонгийн 5.5 км даацын замыг нээх ёслол маргааш болох аж.
Тус замыг ХБНГУ-ын “Wirtgen” группын SP 500, АНУ-ын “Gomaco” брэндийн бетон дэвсэгч ашиглан үндэсний үйлдвэрийн цемент, арматур, авто замын бусад материалаар гүйцэтгэсэн гэдэг билээ.
-
2015 оны 10 сарын 28
Ар араас нь ирэх айдас түгшүүр, сүрдүүлэг, нэр төрөө бодсон эмэгтэйчүүд нөхрийнхөө хийсэн булай үйлдлийг түмнээс нууж явсаар эцэст нь амь нас, эрүүл мэнд, амьдралаараа хохирч үлдэх нь элбэг. Тиймээс холбогдох хуулинд шинэчлэлт, өөрчлөлт хийх гарцаагүй нөхцөл байдал бий болсон байна.
-
2015 оны 10 сарын 28
Хөвсгөл аймгийн прокурорын газраас санаачлан тус аймгийн ИТХ, Гэмт хэргээс урьдчилан сэргийлэх ажлыг зохицуулах зөвлөлийн дарга, Аймгийн Прокурорын хамтарсан удирдамжийн дагуу Арбулаг, Бүрэнтогтох, Түнэл сумдын салбар зөвлөлийн гэмт хэрэг, зөрчлөөс урьдчилан сэргийлэх ажил, түүний үр дүнг хамтран шалгаж шалгалтын дүнг Аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах зөвлөлийн хуралдаанаар хэлэлцүүлэв.
Шалгалтын явцад сумдын иргэд, хөдөлмөрчидтэй уулзаж гэмт хэрэг зөрчлөөс урьдчилан сэргийлэх ажлын талаар болон 2015 оны эхний 3 улирлын байдлаар аймгийн хэмжээнд үйлдэгдсэн гэмт хэргийн шалтгаан нөхцөлийн талаар мэдээлэл хийж, Прокурорын байгууллагын үйл ажиллагааг сурталчлан, ахлах ангийн сурагчдад Прокурорын байгууллагын тухай ойлголт, гэмт хэргээс урьдчилан сэргийлэх арга замын талаар яриа, таниулга, сургалт зохион байгуулж ажилласан байна. Энэ үйл ажиллагаанд нийт 480 иргэдэд хамрагджээ.
-
2015 оны 10 сарын 28
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд яхнамгай хандаж, биеэ энхрийлүүштэй. Эл өдөр насан бүтээл хийгээд хишиг даллага дуудуулах, өглөг өгөх, бурхныг тахих, бурхны бясалгал хийгээд тарни тоолохуй, номын үүднээ орох, үхэр, адуу сургах, байшингийн суурь тавих, мал адгуус муулах, янаг амрагийг дуудан хураахуйд сайн. Бэрийн үйл үйлдэх, үнэт эдлэлийг гадагш өгөх, их хэрэг худалдаа арилжаа хийхэд муу. Зүүн нүд татвал жуулчин ирнэ, баруун татвал алдсан зүйлийг олно. Үс шинээр үргээлгэх буюу засуулбал өвчин ирнэ. Өдрийн сайн цаг нь бар, туулай, могой, бич, нохой, гахай болой.
-
2015 оны 10 сарын 28
2015 оны 10 дугаар сарын 27-ны 20 цагаас 10 дугаар сарын 28-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Шөнөдөө ихэнх нутгаар, өдөртөө нутгийн өмнөд хэсгээр цас орно. Салхи зүүн өмнөөс секундэд 5-10 метр. Увс, Завханы хойд хэсгээр шөнөдөө 11-16 градус, өдөртөө 3-8 градус, Говь-Алтай, Баянхонгорын өмнөд хэсгээр шөнөдөө 1-6 градус хүйтэн, өдөртөө 0-5 градус дулаан, бусад нутгаар шөнөдөө 5-10 градус хүйтэн, өдөртөө 3 градус хүйтнээс 2 градус дулаан байна.
ТӨВИЙН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө нутгийн өмнөд хэсгээр цас орно. Салхи баруун хойноос секундэд 6-11 метр явган шуурга шуурна. Хангай, Хөвсгөл, Хэнтэйн уулархаг нутаг болон Туул, Тэрэлж голын сав газраар шөнөдөө 13-18 градус, өдөртөө 4-9 градус, бусад нутгаар шөнөдөө 9-14 градус, өдөртөө 1-6 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Шөнөдөө зарим газраар, өдөртөө нутгийн өмнөд хэсгээр бага зэргийн цас орно. Салхи хойноос секундэд 7-12 метр, явган шуурга шуурна. Шөнөдөө нутгийн хойд хэсгээр 9-14 градус, бусад нутгаар 5-10 градус хүйтэн, өдөртөө бүх нутгаар 4 градус хүйтнээс 1 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Цас орохгүй. Салхи баруун хойноос секундэд 6-11 метр. Шөнөдөө 9-11 градус хүйтэн, өдөртөө 0-2 градус дулаан байна.
ГОВИЙН АЙМГУУДЫН НУТГААР: Солигдмол үүлтэй. Нутгийн баруун хэсгээр хур тунадас орно. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Дундговийн нутгаар шөнөдөө 6-11 градус, өдөртөө 0-5 градус, бусад нутгаар шөнөдөө 3-8 градус хүйтэн, өдөртөө 3 градус хүйтнээс 2 градус дулаан байна.
УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 6-11 метр. Шөнөдөө 10-12 градус, өдөртөө 3-5 градус хүйтэн байна.
-
2015 оны 10 сарын 27
Сонсголонгийн 5.5 км даацын замыг нээх ёслол маргааш болох аж.
