-
2015 оны 6 сарын 29
Манай орны ихэнх нутгаар хэт халалтын улмаас ой, хээрийн түймрийн эрсдэл бүхий бүс нутгаар хуурайшилт нэн аюултай зэрэглэлд хүрч, төв, баруун зүгийн нутгаар зуншлага муу, гантай байна.
-
2015 оны 6 сарын 29
ШЕЗ-өөс хэвлэлийн бага хурал зарлалаа. Хурлаар Эрүүгийн гэмт хэргийн нөхцөл байдлын талаар Шүүхийн судалгаа, мэдээлэл, сургалтын хүрээлэнгийн ахлах референт С.Билгүүн, судлаач Ц.Ариунболд нар мэдээлэл хийх юм байна. Мөн Шүүх байгуулах тухай хууль 7 дугаар сарын 1-нээс хэрэгжиж эхлэхтэй холбоотойгоор шүүхүүдийн нэр, харъяалалд орж байгаа өөрчлөлтийн талаар болон зарим аймагт шинээр шүүх байгуулах талаар ШЕЗ-ийн Гүйцэтгэх нарийн бичгийн дарга Т.Мэндсайхан мэдээлэл хийнэ. Хурал ШЕЗ-ийн байранд 11.00 цагаас болно.
-
2015 оны 6 сарын 29
-Зууны мэдээ сонины Үндэсний мэдээллийн төвд 12:30 цагаас Гавьяат жүжигчин С.Жавхлан нийгэмд болж бүтэхгүй байгаа зүйлийг эсэргүүцэж үсээ хусах болсон талаар мэдээлнэ.
-
2015 оны 6 сарын 29
Нийслэлийн ИТХ – ын Тэргүүлэгчдийн 90 дүгээр тогтоолоор баталсан “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах тухай журам” - ын дагуу Монгол Улсын Мэргэжлийн хяналтын газрын улсын ахлах байцаагчийн дүгнэлтээр ашиглалтын шаардлага хангахгүй нь тогтоогдсон Хан-Уул дүүргийн нутаг дэвсгэр дэх 21 барилгыг буулгаж дахин төлөвлөн, барилгажуулахаар болсон. Энэ хүрээнд тус дүүргийн арьс ширний 25 дугаар байрыг буулгаж, орон сууцны барилгын шавыг тавилаа. Уг үйл ажиллагаанд нийслэлийн Засаг дарга бөгөөд Улаанбаатар хотын захирагч Э.Бат-Үүл, Хан-Уул дүүргийн Засаг дарга Ж.Ганхуяг, нийслэлийн Ерөнхий төлөвлөгөөний газрын дарга О.Одбаяр, төсөл хэрэгжүүлэгч “Эфэс констракшн” ХХК-ийн ерөнхий захирал зэрэг албаны хүмүүс оролцов.
Нийслэлийн Засаг даргын 2015 оны А/130 захирамжаар “Эфэс констракшн” ХХК-г дахин барилгажуулах төсөл боловсруулж, барилга угсралтын ажил гүйцэтгэх төсөл хэрэгжүүлэгчээр батламжилж, гурван талт гэрээг батлагдсан загварын дагуу байгуулах эрхийг олгох тухай шийдвэр гарсан. Ашиглалтын шаардлага хангахгүй барилгыг дахин барилгажуулах төсөл хэрэгжүүлэгч “Эфэс констракшн” ХХК нь 2015-2016 онд төслөө хэрэгжүүлж дуусгахаар графикчилсан төлөвлөгөө гаргаж 2015 оны 05 дугаар сарын 18-ны Газар барилгажилтын зөвлөлийн хурлаар барилгажилтын төслөө хэлэлцүүлэн батлуулж, Хан-Уул дүүргийн 3 дугаар хорооны нутаг дэвсгэрт байрлах Арьс ширний 25 дугаар байрны 24 сууц өмчлөгчтэй, 26 дугаар байр нь 23 сууц өмчлөгчтэй 3 талт гэрээгээ байгуулж, нүүлгэн шилжүүлэлт хийсэн юм гэж Нийслэлийн Ерөнхий төлөвлөгөөний газраас мэдээллээ.
-
2015 оны 6 сарын 29
Дүүргийн 3 дугаар прокурорын газраас ял эдлүүлэх ажиллагаанд хяналт тавих ажлын хүрээнд 2015 онд зарим ажлыг зохион байгуулан ажилласан байна.
Тухайлбал: 2015 оны 06 дугаар сарын 15-ны өдөр хорих ангид ял эдэлж байгаа ялтнуудын дунд гарч байгаа гэмт хэрэг, зөрчлийг бууруулах, урьдчилан сэргийлэх зорилгоор “Гэмт хэрэг, зөрчлийг бууруулах талаар авч хэрэгжүүлсэн ажил, хүрсэн үр дүн”-гийн талаар Багануур дүүрэг дэх Шүүхийн шийдвэр гүйцэтгэх ерөнхий газрын харьяа Шийдвэр гүйцэтгэх албаны хорих 427 дугаар ангийн дэд даргын сонсголыг хэлэлцэж, ярилцлага зохион байгуулжээ.
-
2015 оны 6 сарын 29
Өнөөдөр 14.00 цагт Аж үйлдвэрийн яамны хурлын танхимд ”САЙН ӨДРИЙН ЗАХ” өргөтгөсөн худалдааны талаар мэдээлэл хийнэ.
Энэ удаагийн өргөтгөсөн худалдааны онцлог нь талбайн түрээсгүй бөгөөд ХЭРЭГЛЭГЧДЭД үйлдвэрийн үнээр бараа, бүтээгдэхүүнийг худалдан авах боломж олгож байгаагаараа давуу талтай юм.
-
2015 оны 6 сарын 29
Монгол Улсын Ерөнхийлөгчийн зарлигаар Монгол Улс дахь АНУ-ын Азийн Сангийн Дэд суурин Төлөөлөгч Тирза Тениссен-ийг “Найрамдал” медалиар шагнасныг Нийслэлийн Засаг дарга бөгөөд Улаанбаатар хотын Захирагч Э.Бат-Үүл гардууллаа. Тирза Тениссен нь Азийн сангаас зохион байгуулсан хөтөлбөр, төслүүдийг Монгол Улсын хэмжээнд болон нийслэлд амжилттай зохион байгуулж, Улаанбаатар хотын хөгжил цэцэглэлт, их бүтээн байгуулалтад идэвхи зүтгэл гарган ажилласан юм. Тэрбээр Улаанбаатар хотын “Гэр хорооллын нийтийн үйлчилгээг сайжруулах төсөл”, Улаанбаатар хотын “Эдийн засгийн хөгжлийн төсөл”, “Налайх дүүргийн айл, өрхөөс гарч байгаа бохир усыг байгаль орчинд халгүй аргаар цэвэршүүлэх төсөл” хариуцан ажиллаж, хэрэгжүүлсэн.
Мөн Улаанбаатар хотын Захирагчийн ажлын албатай хамтран Улаанбаатар хотын “Гэр хорооллын нийтийн үйлчилгээг сайжруулах төсөл”-ийн хүрээнд гэр хорооллын амьдрах орчны зураглалыг хийсэн. Энэхүү зураглал нь гэр хорооллын иргэдэд тулгамдсан асуудлыг оршин суугчдынх нь оролцоотойгоор үнэн, зөв тогтоосноороо онцлогтой. Зураглалыг ашиглан асуудалд анализ, дүгнэлт хийх замаар хөрөнгө оруулалтын ажлын үр өгөөжийг сайжруулсан. Ингэснээр шийдвэр гаргах түвшинд иргэдийн оролцоог ханган нийслэлийн иргэн бүр өөрийн амьдарч буй орчныг хөгжүүлэхэд санал бодлоо нэмэрлэж, нийслэлийн хөгжлийн стратеги төлөвлөгөөнд гар бие оролцох боломжийг бүрдүүлсэн давуу талтай.
Шагнал гардуулах ёслолын үеэр Нийслэлийн Засаг дарга бөгөөд Улаанбаатар хотын захирагч Э.Бат-Үүл “1990 оноос өмнө Монгол Улсад дарга нарт үйлчилдэг тогтолцоо үйлчилдэг байсан бол одоо иргэддээ үйлчилдэг болсон. Энэ үйлчилгээг иргэдэд хүргэхэд таны хариуцан ажилласан иргэдийн оролцоотой газрын зураглал их чухал үүрэгтэй. Гэр хорооллын оршин суугчдын амьдрах орчныг сайжруулахад чиглэсэн төсөл хөтөлбөрүүдийг санхүүжүүлж хэрэгжүүлэхэд гар бие оролцон, иргэдийн бүтээлч санаачлагыг дэмжин ажилласан танд баярлалаа гэж нийслэлчүүдийнхээ өмнөөс хэлье” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 6 сарын 29
Өнөөдөр цахилгааны хязгаарлалт хийх газрууд
-
2015 оны 6 сарын 29
Шаргаморьтын амны 2.5 км авто замын шинэчлэлийн хүрээнд Хандгайт-Шаргаморьтын уулзвараас Шаргаморьтын эцсийн буудал хүртэлх авто замын хөдөлгөөнийг энэ сарын 29-ний 22 цагаас 07 дугаар сарын 03-ны 22 цаг хүртэл бүрэн хааж хучилтын ажил хийнэ. Зам засварын үед түр зам гаргаж, тээврийн хэрэгслүүдийг хөдөлгөөнд оролцуулах аж.
-
2015 оны 6 сарын 28
Монгол Улсад Автотээврийн салбар үүсч хөгжсөний 90 жилийн ойн хүрээнд Автотээврийн үндэсний төвөөс олон шинэлэг ажлуудыг санаачлан зохион байгуулж салбарын ололт амжилтыг олон нийтэд сурталчилж байна.
-
2015 оны 6 сарын 28
“Мөнх тэнгэр оньс” ТББ-аас Их эзэн Чингис хааныг тодруулан залах ёслол, цэнгүүнийг өнөөдөр Төв цэнгэлдэх хүрээлэнд зохион байгууллаа. Ёслол үнэ төлбөргүй болсон юм.
-
2015 оны 6 сарын 28
Монгол Улс даяар телевизийн өргөн нэвтрүүлгийн аналог системийг ирэх долдугаар сарын 15-наас 10 дугаар сарын 5-ны хооронд унтрааж, тоон системд шилжих шийдвэр гараад байна.
-
2015 оны 6 сарын 28
Улаанбаатар хотын нийтийн тээврийн парк шинэчлэлийн хүрээнд ”Цахилгаан тээвэр” ХХК угсраа автобусыг үйлчилгээнд гаргахаар болсон билээ. Тэгвэл 18 метрийн урттай уг автобусыг өнөөдөр албан ёсоор Беларусийн талаас хүлээн авлаа.
-
2015 оны 6 сарын 28
06 сарын 29-ний 06-21 цагийн хооронд зарим зуслангийн чиглэлийн цахилгааныг түр хязгаарлаж, засвар хийнэ.
-
2015 оны 6 сарын 27
БНСУ-руу зорчих визэнд хөнгөлөлт орсноор манай улсаас тус улсыг зорих жуулчдын тоо эрс ихэссэн.
-
2015 оны 6 сарын 27
Монгол Улсад Автотээврийн салбар үүсч хөгжсөний 90 жилийн ойн хүрээнд Автотээврийн үндэсний төв, Нийслэлийн тээврийн газар, Замын цагдаагийн газар хамтран хууль, дүрмийн болон автомашины уран жолоодлогын улсын аварга шалгаруулах тэмцээнийг энэ амралтын өдрүүдэд зохион байгуулж байна.
-
2015 оны 6 сарын 27
Монголын оюутны холбоо, БСШУЯ, Боловсролын магадлан итгэмжлэх үндэсний зөвлөл хамтран “Монголын боловсрол 2015” үзэсгэлэнг Blue Sky Tower-ийн 3 давхарт зохион байгуулж байна.
-
2015 оны 6 сарын 27
Дэлхийн оюутны спортын Универсиад XXVIII их наадам БНСУ-ын Гванжу хотноо ирэх долдугаар сарын 3-14-ны өдрүүдэд Олон улсын оюутны спортын холбоо, БНСУ-ын Засгийн газрын ивээл дор болно.
-
2015 оны 6 сарын 27
Ирэх даваа гараг хуралдах нийслэлийн удирдлагын зөвлөлийн ээлжит хуралдаанаар дараахь асуудлыг хэлэлцэх аж.
-
2015 оны 6 сарын 27
Хан-Уул дүүргийн нутаг дэвсгэрт ашиглалтын шаардлага хангахгүй нийтийн зориулалттай 21 барилгыг буулгаж дахин төлөвлөн, барилгажуулах шийдвэр гарсан.
