УОК шуурхай: Улсын хэмжээнд 22 түймэр асч байна

2017-7-16

Яг одоо улсын онцгой комисс хуралдаж байна. Уг хурлаар гал түймрийн талаарх мэдээлийг өгч байна.

2017 он гарсаар улсын хэмжээнд 147 удаагийн гал түймэр гарсан байна. Үүний улмаас 66 га талбай бүрэн шатаж устжээ. Энэ жил гарч байгаа гал түймэр өмнөх оныхоос 47 хувиар өссөн үзүүлэлттэй байгаа аж.

Гарч байгаа түймэр нь иргэдийн буруутай үйл ажиллагаагаас гадна хэт халалтын улмаас модны навч хоорондоо хавирч гал гардаг байна. Тодруубал газрын хөрсөн доогуур 30-40 хэм хүртэл халсанаас түймэр гарч байгаа аж.

Яг одоогийн байдлаар улсын хэмжээнд 22 түймэр асч байна. Сэлэнгэ аймаг Ерөө суманд 3 түймэр, Мандал суманд 4 түймэр, Хүдэр суманд 2 түймэр асч байна. Мөн Төв аймгийн Батсүмбэрийн нутаг дэвсгэрт 5 түймэр, Булган аймгийн Гурванбулаг, Сэлэнгэ сумдад 2 түймэр асч байгаа гэнэ. Одоогийн байдлаар 700 гаруй гал сөнөөгч, 50 гаруй автомашин, орон нутгийн 350 иргэн түймэр унтраалцаж байгаа аж.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Зочин (103.9.90.98)

Элбэгээ 1990 онд оросоос харилцаагаа тасалж тэднийг муухайгаар нь дуудаж үл тоож хөөж гаргасан. орос ах нарыг их гомдоосон.Тэд одоо тулсах болов уу? даа

2017 оны 07 сарын 16 | Хариулах
зочин (66.181.160.91)

Шуурхай арга хэмжээний эхний шат нь Оросоос онгоц гуйж агаарын нөлөөллийг зэрэгцүүлсэн тохиолдолд цаг хүч мөнгө хэмнэнэ дээ.Гал ч багасана. Дараа нь хүн хүчээ зөв хувэарилах, армийн техник хүчийг ашиглах асуудал яригдана.Тэгэж байж энэ ин хуурайшилтай үеийг түймрийн хохирол багатай туулна. Явган залуусаар гал унтраадаг үе өнгөрснийг ОБЕГ-т ярьдаг хүн нэг ч алга. Арай ч дээ.

2017 оны 07 сарын 16 | Хариулах