УИХ-ын Төрийн байгуулалтын байнгын хороо хуралдаж байна. Өнөөдрийн хуралдаанаар УИХ-ын гишүүн С.Бямбацогт нарын 13 гишүүн энэ сарын 8-ны өдөр өргөн мэдүүлсэн Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж байна. Энэ үеэр УИХ-ын гишүүд үг хэлсэн юм.

Тухайлбал, Монгол Улсад хөгжлийн бодлогыг тодорхойлсон 560 баримт бичиг байдаг. Гэвч өөр хоорондоо ямар ч уялдаа холбоо байхгүй. Харин дээрх хуулийг баталснаар уялдаа холбоотой болж, "Алсын хараа-2050" бүрэн утгаараа хэрэгжих боломжтой  болно. Хөгжлийн бодлогыг хэрэгжүүлж, чиг үүргийг хангах хүрээлэн байгуулна гэдгийг хуралдаан даргалагч, хуулийн төсөл санаачлаг С.Бямбацогт гишүүн онцолсон юм.

Н.Амарзаяа: Төр, хувийн хэвшил, судалгааны байгууллага гэдгийг тодорхой зааж өгөх хэрэгтэй. Төр хувийн хэвшлийн дундах гүүр нь боловсрол болон судалгааны байгууллага. Хуулийн төсөлд хариуцлагын асуудал тусгах ёстой. Таван асуудал бий гэсэн. Төрийн дээд байгууллага, яам, Тамгын газрын алдаатай үйлдлийг Хөгжлийн бодлогын хариуцлагыг тусгах ёстой. Хөдөө, аж ахуйн сайд "Ноолуурыг 100 мянган төгрөгөөр авна" гэж хэлсэн хариуцлагагүй үйлдэл. Нэг сайд гарч ирээд контейнерээр нүүрсний тээвэрлэлт мэдэгдсэн. Гэтэл нөхцөл байдал дээр ийм боломж хомс байна. Ийм хариуцлагагүй дарга нарын үйлдэлд хариуцлага тооцдог механизмыг энэ хуулиар зохицуулах ёстой.

Хөгжлийн бодого төлөвлөлтийн асуудалд мэдээллийн нэгдсэн бодлогыг хангах ёстой. Маш олон хуулийн давхардал бий. Энэ хуулиар үүнийг зохицуулах боломжийг олгох ёстой. Хэдхэн хуулийн өөрчлөлт оруулж. Системтэй нэгдсэн бодлого, зохицуулалт яах аргагүй үгүйлэгдэж байна. 

М.Энхболд: Би энэ хуулийг санаачлахад оролцсон. Гэхдээ хэд хэдэн асуудлыг энэ хуулиар шийдэх ёстой гэж бодлоо. Хөгжлийн бодлогын баримт бичгийг улсын хэмжээний асуудлыг парламент нь, тухайн бүс нутгийн асудлыг тухайн аймгийн захиргаанаас санал авч баталдаг байх ёстой. Мөн хөгжлийн бодлогын баримт бичгийн босго өндөртэй байх ёстой. Жишээлбэл, улсын өрийн дээд хэмжээг парламентийн 2/3-ийн саналаар шийддэг байсан. Гэтэл үүнийг өөрчилсөн. Нэг дарга гарч ирээд хөгжлийн бодлого баталдаг. ҮҮнийг дараагийн дарга үгүйсгэдэг гэлээ. Гэхдээ тухайн үедээ Монголд үр өгөөжөө өгсөн юм шүү.
 

Д.Лүндээжанцан: Монгол Улсын хөгжил бидний хүссэн хэмжээнд байж чадахгүй байна. Ийм шүүмжлэл ч бий. Нэг газраа хий эргээд байна. Хөгжлийн бодлого баримт бичгийн тухай хуулийн төсөл энэ бүхнийг эцэс болгох зорилготой. Тогтоолд улсын эдийн засаг, төсөв санхүүтэй холбоотой асуудалд дараах чиглэл баримтална гэж заасан. Хуулийн төслийн 1.1-д бий. Гэхдээ яг амьдрал дээр хэрэгжихэд ямар хийдэл үүсэх бэ гэдгийг анхаарах ёстой. Маш олон хуулийн давхцал бий. Тэдгээрийг голдиролд нь оруулахаар тусгасан".