УИХ-ын өнөөдрийн чуулганаар импортоор орж ирж буй хүнсний бүтээгдэхүүний татварыг нэмэгдүүлэх талаар хэлэлцэж байна.

УИХ-ын гишүүн Д.Оюунхорол "Рапсыг дэлхийн улс орнууд дотооддоо тариулахыг эсэргүүцдэг юм билээ. Бэлчээрийн доройтол үүсгэдэг. Тиймээс гаднаас импортоор оруулж ирэх тал дээр анхаарах ёстой.

Ч.Улаан: Хүлэмжийн аж ахуйг дэмжих нь зүйтэй гэдгийг дэмжиж байна. Есөн газарт ийм аж ахуй тариалалт хийж байна. Нийслэлийн гадна зургаан ААН газрын асуудлаа шийдсэн. Үрээр хангах асуудлыг шийднэ. Зээлээр өгөх, импортоор оруул ирэх асуудыг шийдэж байна. Гаднын байгууллагаас үр нийлүүэх асуудал шийдэгдсэн. Хүлэмжийн аж ахуй эрхлэгчдийн ажлын ачааллыг бууруулж, технологийн дэвшил ашиглах тал дээр дэмжлэг үзүүлэхээр ажиллаж байна. Ноггчид, жимсжчидыг ялгахгүй. Жимсний хувьд дотоодын хэрэглээний 10 орчим хувийг хангахаар ажиллаж байна. Урт хугацааны зээл олгоно. Аймаг бүрт төрөлжүүлсэн байдлаар тариалалт хийхээр ярилцаж байна. Рапсын хувьд төрлөөсөө хамаарна. Хөрсний үржил шимээ алдагдуулахгүй байх тал дээр анхаарна. Агротехникийн судалгааг хийж байна.

Х.Болорчулуун: Хүлэмжийн аж ахуйн хувьд гаалийн татварыг ил хөрсний тариалалтад хамааруулахаар яригдаж байсан. Гэхдээ өргөст хэмх, зэргийн татварын тэг болгож байгаа. Ургамлыг тос, рапсын тос, гэсэн гурван төрөл байдаг. Гэтэл генийн өөрчлөлттэй тос хилээр оруулж ирж байна. Монгол Улс жилд 20 мянган тонн тос хэрэглэдэг. Гэтэл гаднын нэг байгууллага жилд 34 мянган тос бэлтгэх үйлдвэр байгуулсан. Үүнийг дэмжих ёстой. Оросоос ьүрийг нь аваад дотооддоо генийн өөрчлөлтгүй бүтээгдэхүүн хэрэглэх үүднээс гаалийн татварыг тэг болгосон.

Д.Оюунхорол: Зургаан аж ахуй хүлэмжийн аж ахуй эрхлэх боломжтой болсонд баярлаж байна. Төрийн ийм зөв бодлого хэрэгтэй байна. Гэхдээ ямар зургаан ААН гэдгээ хэлээч.

Ч.Улаан: Яамнаас энэ асуудалд ТЭЗҮ боловсруулж хэлэлцэж байна. Яг хаана, аль компани гэж нэрлэх боломжгүй. Олон улсын байгууллагын 50 сая ам.долларын төсөл хэрэгжинэ. Дүүрэг, хороо заах нь эрт байна.