Үндэсний их баяр наадам, Ардын хувьсгалын 98 жилийн ойн баяр наадамд Архангай аймгийн Цэнхэр сумын харьяат, улсын харцага М.Бадарч одтой барилдаж заан цол хүртсэн. Тэгвэл өнөөдөр отгон заанд "Нутгийн буян" группийн зүгээс "Ланд-200" авто машин гардуулах ёслол боллоо.
Ёслолд дархан аварга Г.Өсөхбаяр, "Нутгийн буян" группийн захирал Бат-Орших болон зааны гэр бүл, төрөл төрөгсөд иржээ. М.Бадарч нь энэ жилийн наадмын тавын даваанд аймгийн арслан Н.Хүрэлсүх, зургаагийн даваанд улсын начин цолын болзол хангасан Х.Цогтгэрэл, долоогийн даваанд улсын арслан Р.Пүрэвдагва нарыг өвдөг шороодуулж заан цол хүртсэн билээ.
