Улаанбаатар хотод жүдо бөхийн Ази Номхон далайн орнуудын аварга шалгаруулах тэмцээн арваннэгдүгээр сарын 26-29-нд болно.

Азийн жүдо бөхийн холбооны удирдах зөвлөлийн хурлыг тус холбооны ерөнхийлөгч, Кувейт Улсын иргэн Обайда Аль-Анзи удирдан зохион байгуулсан бөгөөд удирдах зөвлөлийн хурлыг сар бүр онлайнаар зохион байгуулж тулгамдсан асуудлуудыг дор бүр нь шийдэж байхаа амлалаа.

Ташрамд сонирхуулхад, өнгөрөгч дөрөвдүгээр сарын 15-наас 17-нд жүдо бөхийн Ази, Номхон далайн орнуудын аварга шалгаруулах тэмцээн Монгол Улсын нийслэл Улаанбаатар хотод зохион байгуулагдахаар төлөвлөгдөж 20 гаруй орны 88 тамирчин өрсөлдөхөөр мэдүүлэгээ ирүүлээд байсан юм. Гэвч сүүлийн үед дэлхий дахинд хурдацтай тархаад буй коронавирус цар тахлын халдварт өвчний улмаас хойшлогдоод байсан.

Иймд Монголын жүдо бөх сонирхогчид арваннэгдүгээр сарын 26-29-ний өдрүүдэд эх орондоо зохион байгуулагдах Жүдо бөхийн Ази, Номхон далайн орнуудын аварга шалгаруулах тэмцээнийг үзэх боломж нээгдэж байна.

Б.Жаргал