Улсын аварга Н.Батсуурь допингийн асуудлаар тайлбар өглөө.

Тэрбээр “Допингийн хариуг хүлээн зөвшөөрч байна. Шинжилгээний хариу үнэн зөв болно. Миний бие есдүгээр сарын 10-нд хариуг аваад гурав хоногийн хугацаанд эмээ судаллаа. Энэ зүрхний эм бол монголын аптекаар нэг ширхэг нь 400 төгрөгөөр эмийн жоргүй зардаг. Энэ эм илэрсэн юм байна.

Төрийнхөө баяр наадамд долоон удаа шөвгөрлөө. Нийт 10 удаагийн допингийн шинжилгээ өгсөн байдаг.

Энэ удаад ийм бодис илэрлээ гэхэд гайхсан. Допингийн хариугаа бичгээр авсан. Тайлбар хийж байгаа шалтгаан нь S4 бүлэгт багтдаг эмийн нэр нь гарсан байна. Энэ нь допингийн төрөлд багтдаг эм юм байна. Лабораторийн шинжилгээлтэй маргах зүйлгүй. Хариуцлагаа хүлээхэд бэлэн байна.

гэхдээ маш их харамсаж байна. Өнөөдрийг хүртэл үнэн шударгаар явж ирсэн.

Гэтэл аптект 400 төгрөгөөр зардаг эмийг хэрэглэх шалтгаан байхгүй.

Надад хольж өгсөн байх гэж хардаж байна. Гэхдээ энэ хариуцлагаа хүлээж, бөх сонирхогчдоосоо уучлалт гуйж байна” гэлээ.

Б.Лхам