Үндэсний их баяр наадмын тухай хуулийг анх 2003 оны зургаадугаар сарын 19-ний өдөр баталж, үүнээс хойш нийтдээ зургаан удаа нэмэлт өөрчлөлт оруулсан байдаг. Гэвч өнөөдрийг хүртэл допинг, бөхчүүдийн эрэмбэ, тэгш ойн түрүү, үзүүрийн бөхчүүдэд хэрхэн цол олгох асуудал маргаантай явж ирсэн юм.
Ялангуяа бөхчүүдийн допингтой холбоотой асуудал хурцаар тавигддаг. Тиймээс Монголын үндэсний бөхийн холбоо Ардын хувьсгалын түүхт 100 жилийн ойн их баяр наадмын өмнө энэ мэт маргаантай олон зүйлийг цэгцлэхээр Үндэсний их баяр наадмын тухай хуульд нэмэлт өөрчлөлт оруулах санал гаргажээ.
Хамгийн гол нь энэхүү хуульд бөхчүүдийн цолыг допингийн хариу ирсний дараа олгох заалтыг тусгахаар ярилцаж эхэлжээ.
У.Тэргэл
Сэтгэгдэл (6)