Дэлхий нийтээр тархсан цар тахлын улмаас хүн төрөлхтөний их цэнгэл баяр зуны олимпийн наадам хойшилж, монгол түмний уламжлалт цагаан сарын баярын салашгүй хэсэг болох сар шинийн барилдааныг цуцласан. УОК, Шадар сайдын зүгээс цагаан сарын барилдаан зохион явуулахыг дэмжээгүй юм. Үүнд олон хүн сэтгэл дундуур байгаагаа илэрхийлсэн. Гэтэл өнөөдөр Завхан аймгийн “Даян” дэвжээний бөхчүүд болон өнгөрсөн Баяр наадмын шинэ цолтонгууд хамтран халз барилдаан зохион байгуулжээ. Улс даяар хатуу хөл хорионы дэглэм үйлчилж буй цаг дор ингэж дур мэдэн барилдаан зохион явуулах нь ямар учир байна. Завхан нутгаас төрийн түшээгээр бөх хүн сонгогдсон нь нөлөөлсөн үү.
Өнгөрсөн намар өндөржүүлсэн бэлэн байдлын үед өнөөх “Даян” дэвжээний бөх улсын начин Ш.Пүрэвгарьд, Т.Бэгзсүрэн нар цолны мялаалга наадмаа нижгэр тэмдэглэж, 128 бөхийн барилдаан зохион байгуулсан билээ. Энэ бол хууль дүрэм бүх хүнд тэгш үйлчлэхгүй байгаагийн илрэл. Ёстой л бяр байхад ухаан байтугай хуулиар ч яахав гэдэг нь болсон. Хэрэв бөхчүүд бэлтгэл хийж, барилдаан зохион байгуулах нь үүнээс хойш нээлттэй болж байгаа бол дэвжээ бүр халдвар хамгааллын дүрмээ чандлан сахиж барилдаан явуулж үзэгч түмнээ баясгах нь зүйтэй бус уу.
Б.Жаргал
Сэтгэгдэл (12)