АНУ-ын Флорида мужид өнөөдөр болсон холимог тулааны рингэнд Монголын тамирчин Д.Батгэрэл өрсөлдөгч АНУ-ын Кевин Нативидадыг хүнд цохилтоор буулган авлаа. Энэ тулаан ердөө 50 секунд өрнөсөн. Тэмцээний дараа Д.Батгэрэл сэтгэгдлээ хуваалцсаныг хүргэе!

-Баяр хүргэе. Маш хурдан тулаан боллоо?

-Маш их баярлалаа.

-Дахиад зүүн гарын хүчтэй цохилтоор яллаа. Энэ таны дуртай цохилт уу?

-Тийм ээ. Би энэ цохилтонд дуртай.

-Та энэ цохилтыг бэлдэж гарч ирсэн үү?

-Тухай үеийн мэдрэмжээрээ хийсэн. Өмнө нь бэлтгэл дээр бэлтгэж байсан удаатай.

-Тантай тулалдах байсан нэг өрсөлдөгч чинь ковидын улмаас ирж чадсангүй?

-Би бэлтгэлээ бүрэн хангасан байсан.

-Үзэгчийн өмнө тулаан хийх ямар санагдав?

-Үзэгчтэй тэмцээн сайхан байна. Үзэгчидээс сайхан эрч хүч олж авлаа.

-Үзэгчгүй тэмцээнд оролцох талаар бодож үзсэн үү?

-Би өмнө нь үзэгчгүй тэмцээнд хүч үзэх байсан ч цар тахлын улмаас тулалдаж чадаагүй. Үзэгчгүй тэмцээн яаж ч бодсон таатай биш байх.

-Та дараа хэнтэй тулалдмаар байна вэ?

-Ойрын хугацаанд тулаан хийх хүсэлтэй байна. Жингийнхээ шилдгүүдтэй тулалдмаар байна.