Завхан аймгийн Цагаанчулуут сумын харьяат улсын гарьд Цэдэндамбын Цэрэнпунцагийг бөх сонирхогчид андахгүй. Ид үедээ зургаан залуу зааны бүлд багтаж торгон ногоон дэвжээнээ хүч бяраараа гайхагдан олон түмнээ баясгаж явсан нь саяхан. Гарьд Ц.Цэрэнпунцаг өнгөрсөн наадмын өмнө нутгийн бөхийн галаа ахлах болсон.

Завханы бөхчүүдийн амжилт ахиж байгаа.

Ц.Цэрэнпунцаг гарьд хэдхэн хоногийн өмнө нутгийн дүү Шинэбазарын Жаргалсайхан гарьдад ид үедээ өмсөж байсан торгон зодгоо өмсүүлжээ. Ш.Жаргалсайханд үл ялиг томдож буйг уншигч та харж буй биз. Энэ зодог нь түүний Ардын хувьсгалын 73 жилийн ой, 1994 оны Улсын баяр наадамд найм давж, улсын заан цол, “Үлэмж бадрах” чимэг хүртэж байхдаа өмсөж байсан зодог юм. Монголын үндэсний бөхийн холбооны “Их Эе”-ийн ээлжит бус хурал болж, аймаг бүр нэг дэвжээтэй байх шаардлага гэсэн яриа гарсаны дараа Завханы бөхчүүд нэгдэх эхлэлээ ийн тавилаа.    

Ц.Цэрэнпунцагийн Улсын баяр наадамд үзүүлсэн амжилт:

1993 онд 5 давж улсын начин цол хүртсэн

1994 онд 8 давж гуравт үлдэн улсын заан цол, "Үлэмж бадрах" чимэг

1996 онд 6 давж "Саруул сайжрах"

1997 онд 7 давж "Бат нягт"

1998 онд 7 давж "Хуурнин шуугигч"

1999 онд 6 давж "Хурдан шаламгай" чимэг хүртсэн

2000 онд 6 давсан

2001 онд 8 давж дөрөвт үлдэн "Буушгүй хүчит"

2003 онд 6 давж "Үнэн итгэлт"

2004 онд 7 давж "Өлзий бадрах" чимэг хүртэж байв