"Poland Open" дэлхийн чансаа олгох чөлөөт бөхийн олон улсын тэмцээн энэ сарын 8-13-нд Польшийн нийслэлд болох бөгөөд манай улсаас дэлхийн хошой аварга, Хөдөлмөрийн баатар, гавьяат тамирчин С.Батцэцэг 68 кг-д, ДАШТ-ий мөнгөн медальт Э.Сумьяа 53 кг-д, ОУХМ Ш.Түмэнцэцэг 76 кг-д өрсөлдөнө.

44 орны 365 бөх оролцохоор мэдүүлгээ илгээсэн тус тэмцээний жин бүрийн аваргууд 10 мянган швейцар франк (монгол төгрөгөөр 31,630,000 төгрөг)-ийн шагнал хүртэх бол мөнгөн медальтнууд 7000, хүрэл медальтнууд 3000 швейцар франкаар шагнуулна. "Poland Open" тэмцээнд оролцогчдын нэрсийг UWW өнөөдөр зарлажээ