Монголын Үндэсний Бөхийн Холбоо Ардын хувьсгалийн түүхт 100 жилийн ойг угтан дэлхий нийтийг хамарсан аюулт өвчин тахал газар авч, айдас түгшүүртэй байгаа энэ үед ард олныхоо сэтгэл санааг өргөж эрч хүч, урам зориг, баяр баяслыг бага боловч төрүүлэх зорилгоор нэг зуун сая төгрөгийн шагналын сантай энэ цагийн идэр залуу шилдэг хүчтэнүүд оролцсон “ҮНДЭСНИЙ БӨХ – ҮНЭТ ӨВ” тойргийн барилдааныг 2021 оны зургаадугаар сарын 18-25-ны өдрүүдэд зохион байгуулахаар Улсын Онцгой Комиссоос зохих заавар, зөвшөөрлийг авсан бөгөөд телевизийн дөрвөн сувгаар шууд дамжуулан үзүүлэхээр төлөвлөн ажиллаж байна.
 

Жич: Тус барилдаан 2021 оны зургаадугаар сарын 12-ны өдрийн Цэцдийн зөвлөлийн хурлаар баталсан “Үндэсний бөхийн барилдааны шинэчилсэн дүрэм"-ээр зохион байгуулах бөгөөд МҮБХ нь өөрийн гишүүд болох бөх, засуул, хөлийн цэцийнхээ нийгмийн асуудалд дэмжлэг үзүүлэх зорилгоор зохион байгуулж байна.

 “ҮНДЭСНИЙ БӨХ – ҮНЭТ ӨВ” тойргийн барилдааны удирдамж

1.Барилдааны бүртгэл: Цахимаар 2021.06.15-17-ны өдрийн 18:00 цаг хүртэл

2.Барилдааны үргэлжлэх хугацаа: 2021.06.18-25-ны өдрүүдэд

3.Зохион байгуулах газар: Тэрэлж дэх “Ред рок” амралтын газар

4.Байрлах хугацаа: Цэц, засуул, бөхчүүдийг найман өдрийн турш тусгаарлаж, барилдаанд оролцох, мөн бэлтгэл сургуулилтад хамрагдана.

5.Оролцогчийн тоо: 32 бөх.

6.Оролцогч бөхчүүд: Аймаг бүрээс эрэмбэ өндөртэй нэг бөх оролцох боломжтой бөгөөд үлдсэн 11 бөхийг цолны эрэмбээр оролцуулна.

7.Барилдах журам: Тойргоор барилдах ба өдөрт нэг бөх 4 барилдана.

8.Барилдаан болох цаг: Өдөр бүрийн 16:00-19:00 цагт

9.Барилдааны шагналын сан: Нэг зуун сая төгрөг

10.Барилдааны шагнал: Амжилтаар бөхийг 1,0-10,0 сая төгрөг

11. Оролцогчдод тавих шаардлага: Вакцины хоёр тунгаа хийлгэсэн, шинжилгээ өгсөн байх,

12. Оролцогчдын нийт зардлыг хариуцагч: Ивээн тэтгэгч байгууллага

13. Зохион байгуулагч: МҮБХ

14. Ерөнхий ивээн тэтгэгч: “Happy Valley” Спорт, амралтын төв

МОНГОЛЫН ҮНДЭСНИЙ БӨХИЙН ХОЛБОО