Тулгар төрийн 2230, Их Монгол Улс байгуулсаны 815, Ардын хувьсгалын 100 жилийн түүхт баяр наадам 10 хоногийн дараа болно. Энэ баяр наадамд нутаг нутгийн 1024 хүчтэн зодоглох юм. Тэгвэл дөнгөж сая допинг хэрэглэсэн бөхчүүд болон сур харваачийг энэ наадмаар оролцуулахаар болсон хуулийн төслийг уншиж танилцууллаа.
Тухайлбал өнөөдөр болсон Өршөөлийн хуулийн төслийг байнгын хороогоор хэлэлцэх үеэр Хууль зүйн сайд Х.Нямбаатар "Үндэсний их баяр наадмын тухай хууль тогтоомжид заасны дагуу үндэсний бөхийн барилдаан болон сур харваанд оролцох эрхээ хасуулсан бөх, сур харваачийг үндэсний баяр наадамд оролцох эрхийг нэг удаа өршөөн сэргээхээр тусгасан" тухай уншиж танилцуулсан юм.
Өршөөл батлагдвал улсын аварга Н.Батсуурь, Э.Оюунболд, арслан Р.Пүрэвдагва, аймгийн арслан Б.Бат-Орших болон сур харваач Х.Даваацэцэг баяр наадамд оролцох эрх энэ өдрийн 24:00 цагаас эхлэн сэргэх юм байна.
Б.Жаргал
Сэтгэгдэл (11)