Хэдхэн хоногийн дараа Япон улсын нийслэл Токио хотод зуны XXXII дахь олимпын наадам эхлэх гэж байгаа билээ. Тэгвэл хөлбөмбөгийн төрөлд оролцохоор ирсэн Германы шигшээ багийнхан бие халаалтын нөхөрсөг тоглолтыг Хондурасын шигшээ багийн эсрэг зохион байгуулжээ.

Гэвч тооны харьцаа 1:1 байх үед Германы шигшээ багийн тоглогч Жордан Торунаригад Хонурасын шигшээ багийн тоглогч арьс өнгөөр гадуурхсан маягтай үгс хэлсэн тул тоглолт дуусахаас 5 минутын өмнө түүний багийн нөхөд тоглолтыг дуусгалгүйгээр талбайг орхицгоожээ.

Тус үйл явдлыг Германы шигшээ баг албан ёсны хуудсаараа дамжуулан баталсан бол Хондурасын шигшээ баг мөн албан ёсны хуудсаараа дамжуулан “Тоглолт 87 дахь минутад арьс өнгөний талаарх асуудлаас болж өндөрлөсөн. Тус асуудал нь талбай дээрх тоглогчдын дунд үүссэн үл ойлголцол байсан” хэмээн мэдэгдсэн байна.

Германы шигшээ багийн ахлах дасгалжуулагч тус үйл явдлын талаар Стефан Кунтз “Хэрвээ бидний нэг нь л арьс өнгөөр доромжлогдвол, бидэнд тоглолтыг үргэлжлүүлэх ямар ч боломж байхгүй” гэжээ.

Торунаригагийн хувьд энэ жил 23 настай Германы Херта Берлин багийн хамгаалагч. Мөн тэрээр Германы шигшээ багийн бүх насны хүүхдийн багуудад тоглосоор иржээ. Тус үйл явдалд зориулан гаргасан шийдвэрийг түүний клуб нь “Цор ганц зөв шийдвэр” хэмээн зөвтгөсөн байна.

Уг үйл өрнөөд дууссаны дараа Хондурасын шигшээ багийнхан бүтэн багаараа очиж уучлалт гуйсан бөгөөд энэ тал дээр Германы шигшээ багийн ахлах дасгалжуулагч “Энэ бол бидний хувьд асуудлыг цэглэсэн үйл явдал” хэмээснээр асуудлыг цаашид үргэлжлүүлэхгүй байхаар шийдсэнээ мэдэгдсэн байна.

Тус тоглолт нь Японы Вакаяамад үзэгчдээс хаалттай зохион байгуулагдсан. Хоёр багийн хувьд олимп эхлэхээс өмнөх хамгийн сүүлчийн бэлтгэлийн тоглолт нь байсан байна. Германы шигшээ багийн хувьд D хэсэгт хуваарилагдсан бөгөөд Бразил, Саудын Араб, Ивори Коастын шигшээ багуудын эсрэг хэсгийн шатны тоглолтуудаа хийнэ.