“Токио-2020” олимпын наадамд манай улс 43 тамирчинаа илгээхэд нэг мөнгө, хоёр хүрэл медаль авсан билээ. Олимп долоон хоногийн дараа өндөрлөх юм. Монголын 27 тамирчин тэмцээнээ өндөрлүүлсэн бол ирэх өдрүүдэд чөлөөт бөхийн төрөлд ес, бокст нэг, хүндийн өргөлтөд хоёр, буудлагад нэг, марафон гүйлтэд гурван тамирчин эх орноо төлөөлөн өрсөлдөх бөгөөд медаль нэмэх боломж бий.

Монголын жүдоч Саейд Моллай энэ олимпод долоо ялсан нь манай багийн хамгийн олон ялалт бол сагсан бөмбөгийн 3х3 төрөлд оролцсон эмэгтэй баг долоо хожигдсон нь хамгийн олон ялагдал болов.

Саейд Моллай олимпын мөнгөн медальд хүрэх замдаа Казахстан, Азербайжан, Гүрж, Австрийн бөхчүүдийг өмнөө сөхрүүлж, холимог багийн барилдаанд ОХУ, Германы жүдочдыг илүүрхэн давсан. Манай сагсчин охид хэдий олон хожигдсон нь үнэн боловч дэлхийн шилдэг найман багтай мөр зэрэгцэн тоглох нь нэр төрийн хэрэг юм. Тэд Итали, Япон, АНУ, Румын, БНХАУ, ОХУ-ын багт хожигджээ.

Б.Жаргал