Төрийн ордонд өнөөдөр спортын салбарт үнэмлэхүй гавьяа байгуулсан зарим хүнийг шагнаж урамшуулах юм. Тэдний дунд спорт тоглоомын төрлөөр олимпын наадамд эх орныхоо нэрийг анх удаа цуурайтуулсан ширээний теннисний хоёр тамирчин багтсан нь зүй ёсны шагнал гэлтэй.

Э.Лхагвасүрэнг Алтан гадас одон, Б.Болор-Эрдэнийг Хөдөлмөрийн хүндэт медалиар шагнана. Тэд энэ шагналыг хүртэх эрхтэй тамирчид. Э.Лхагвасүрэн бол ширээний теннисний спортоор орж болох бүх тэмцээн уралдаанд орж, тэр хэрээр эх орныхоо нэрийг олон улсын тавцанд сурталчлан таниулж, хүүхэд залууст үлгэр дуурайлал болж яваа. Харин Б.Болор-Эрдэнэ нь олимпын наадамд 18-хан насанд оролцсон хосгүй амжилтын эзэн. Түүний хувьд олимпын наадмаас анхны хожлыг авсан юм.

Б.Жаргал