УИХ-ын дарга асан З.Энхболд Ухаа худагийн уурхайн талаар хэдхэн хоногийн өмнө ярилцлага өгч, “MCS”-ийг хамгийн муу жишиг тогтоож байгаа талаар хэт улстөржсөн мэдэгдэл хийсэн билээ. Тэгвэл тэрээр Ухаа худагийн уурхайн үйл ажиллагаатай танилцах үеэрээ 2013 оны есдүгээр сарын 12-нд дараахь ярилцлагыг өгч байсан байна.  

-Зөвхөн нүүрсний компани биш, нүүрсээ өртөг оруулж угааж, ангилж, цахилгаан станц, усан хангамж, ажилчдын байр, сургууль гээд маш их зүйл хийсэн байна. Үндэсний компаниуд ингэж л ажиллах ёстой. “Эрдэнэс Тавантолгой” ч гэсэн удахгүй араас нь ийм маягаар ажиллаж, хэдэн мянган хүн ажилтай болгох талаар үүрэг даалгавар өгнө. Хувийн компаниуд ингэж ажиллаж болдог шинэ стандартыг харуулж байгаа учраас улсын компани дутахгүй ийм байдалд орох ёстой. Өглөө бид нар орсон. Хоёр компанийн хооронд маш том ялгаа байгааг харсан. Үүнд их хэмжээний мөнгө орсон бүтээн байгуулалт болсон байна гэж үзэж байна.

Хөрөнгө оруулалтын хуулиар том байна уу, жижиг байна уу, гадаад байна уу, дотоод байна уу ялгаагүй татварын тогтвортой орчныг хуулиараа авна. Гэрээгээр биш. Шинэ хуулиар.