Өнөөдөр болох зарим үйл явдлыг танилцуулж байна.09:00 цагт НИТХ-ын ээлжит 18 дугаар хуралдаан Хангарьд ордны 14 давхарт болно. Хуралдаанаар нийслэлийн 2014 оны төсөвт өөрчлөлт оруулах тухай, нийслэлийн нутгийн захиргааны удирдлагын бүтцийг шинэчлэх хөтөлбөр батлах тухай зэрэг асуудлыг хэлэлцэнэ.
10:30 цагт Авлигатай тэмцэх газар 2014 оны эхний хагас жилд авч хэрэгжүүлсэн арга хэмжээний талаар болон цаг үеийн асуудлаар мэдээлэл хийнэ. Хурал Стратегийн судалгааны хүрээлэнгийн хурлын танхимд болно.
11:00 цагт Сүхбаатар дүүргийн Жижиг дунд үйлдвэрлэл эрхлэгчдийн уран бүтээлийн үзэсгэлэн худалдаа МҮЭСТО-нд зохион байгуулагдана.
11:00 цагт Газрын тосны чиглэлээр суралцах оюутануудад тэтгэлэг гардуулах арга хэмжээ Уул уурхайн яам дээр болно.
11:00 цагт Дэлхийн халуун цэг Афганистан улсад үүрэг гүйцэтгэсэн цэргийн багийн бие бүрэлдэхүүнд /250/ Монгол Улсын ерөнхийлөгч, Зэвсэгт хүчний Ерөнхий командлагчийн зарлигаар төрийн дээд одон медаль гардуулах ёслолын ажиллагаа ЗХЖШ-ын жагсаалын талбайд болно.
11:00 цагт ГХЯ-ны Консулын газрын захирал Ш.Сүхбаатар БНСУ-ын визний журамд оруулсан өөрчлөлтийн талаар мэдээлэл хийнэ.
13:00 цагт Нийслэлийн Мэргэжлийн Хяналтын газар 9-н дүүргийн Нийгмийн халамж, үйлчилгээний хэлтсийн 2012, 2013 оны санхүүд хийсэн шалгалт болон ашиглалтын шаардлага хангахгүй, газар хөдлөлтөд тэсвэргүй орон сууцны барилгуудад хийсэн шалгалтын дүнг хэлэлцэнэ.
15:00 цагт Халхын голын дайнаас төрсөн Монгол улсын баатар цолтнуудын тухай баримтат киноны нээлт, баатруудын үр хүүхдүүдтэй хийх уулзалт Батлан хамгаалах их сургуулийн соёлын төвд болно. Энэ жил мэндэлснийх нь 100 жилийн ой тохиож байгаа Монгол Улсын баатар Л.Дандар, Ц.Олзвой, Б.Дорж, Л.Гэлэгбаатар хэмээх эрхэм гавьяатай хүмүүсийн амьдрал замналын тухай сонирхолтой мэдээлэл өгнө.
18:00 цагт зураач Ж.Наранбаатарын "Баярлалаа" хэмээх анхны бие даасан үзэсгэлэнгийн нээлт болно. /СУИС-ийн замын урд талд "PEACE BUILDING" төвийн 6 давхарт/
