Хандгайтын амнаас зүүн тийш 3 км-ийн зайд орших "Ундраа" зуслангийн амрагч хүүхдүүд өчигдөр хоолны хордлого авч түргэн тусламжийн машинаар хотын эмнэлэгүүдэд хүргэгдэж иржээ. Нэг өдрийн дотор 30 гаруй хүүхэд хордлого авч гэнэтийн түргэнээр буцсан талаар эх сурвалж мэдээлж байна. Өчигдөр орой гэхэд 10 хүүхдийн бие гэнэт муудаж, хүргэн тусламж дууджээ. Хордлогод орсон хүүхдүүдийн эцэг, эх  уг хэрэгт зуслангийн удирдлагуудыг буруутгаж байна. Тэд тухайн өдөр хүүхдүүдэд ямар хоол өгсөн, ариун цэврийн шаардлага хангасан бүтээгдэхүүнээр хоол хүнсээ бэлтгэсэн эсэхийг шалгуулахаар мэргэжлийн хяналтын байгууллагад хандсан аж. Эцэг, эхчүүд гомдолтой байгаа бөгөөд тус зуслангийн удирдлагуудтай хариуцлага тооцно гэдгээ мэдэгдлээ.