Ж.Сосорбарам нь 2014 оны 03 дугаар сарын 22-ны өдөр 10.00 цагийн орчимд Баянхонгор аймгийн Шинэжинст сумын төвд  оршин суух иргэн Х.Мөнхбатын гэрт, мөн сумын төвийн Тээвэрчний 4 дүгээр гудамжинд өөрийн нөхөр болох Ж.Ганхуягыг толгой болон биеийн хэсэгт модоор цохиж амь биед аюултай тархины хүнд гэмтэл учруулан санаатай алсан гэмт хэрэгт холбогдуулан мөрдөн байцаалтын ажиллагаа явуулж, Баянхонгор аймгийн Прокурорын газраас Монгол Улсын Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар яллах дүгнэлт үйлдэж шүүхэд шилжүүлжээ.

Сум дундын 3 дугаар шүүхийн эрүүгийн хэргийн анхан шатны шүүх хуралдаанаар хэргийг 2014 оны 08 дугаар сарын 19-ний өдөр хянан хэлэлцээд шүүгдэгч Ж.Сосорбарамыг хүндрүүлэх нөхцөл байдалгүйгээр хүнийг санаатай алах гэмт хэргийг үйлдсэн гэм буруутайд тооцож, Ж.Сосорбарамд Монгол улсын Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар 10 жил 01 сарын хорих ялыг, жирийн дэглэмтэй эмэгтэйчүүдийн  хорих ангид эдлүүлэхээр шийдвэрлээд байна.