Өнөөдөр МАХН-ын гишүүд Н.Энхбаяр болон "Гал үндэстэн" холбооны тэргүүн Ц.Мөнхбаяр нарыг цагаатгах ёстой хэмээн жагсаж байгаа. Тэгвэл энэ үеэр УИХ-ын гишүүн Г.Уянга Ц.Мөнхбаярын зурагтай футболка өмссөн байлаа. Мөн Г.Уянга гишүүн Ц.Мөнхбаярын хүүг өөрийн бие төлөөлөгчөөр ажиллуулах болсноо хэллээ.

    Тэрбээр "Энэ залууг Мөнхбаярын Эрдэнээ гэдэг. Өдгөө шоронд хоригдож буй Ц.Мөнхбаярын ууган хүү. Гурван дүү, ээжийгээ тэжээх үүрэг энэ залууд оногдсон. Үүрийн гэгээнээс үдшийн бүрий хүртэл пицца хүргэж энэ үүргээ гүйцэтгэж байсан Эрдэнээ өнөөдрөөс эхлэн УИХ-ын гишүүний бие төлөөлөгчөөр ажиллана. Түүнийг аав шигээ эх оронч, хичээнгүй хүү гэдэгт эргэлзэхгүй байна. Түүнд амжилт хүсээрэй.
   Аавыгаа гарч иртэл тэдний ар гэр хоногийн хоолондоо санаа зовохгүй байхаар болов. Мөнхбаяртаа гэнэтийн бэлэг барья гэж бодоод энэ шийдвэрээ хэлээгүй байгаа билээ. Өнөөдөр зурагтаар мэдээлбэл сонсоод баярлах байх аа" гэв.

   Г.Уянга, С.Ганбаатар нарын гишүүд саяхын хоригдож байгаа Ц.Мөнхбаярыг эргэжээ.