Улсын Их Хурлын дэд дарга, Цагаатгах ажлыг удирдан зохион байгуулах улсын комиссын дарга Логийн Цог Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан хэлмэгдэгчийн хүүхэд болох 100 настай Л.Ишжамцтай өнөөдөр уулзаж хүндэтгэл үзүүллээ.
 
  Энэ үеэр УИХ-ын дэд дарга, Цагаатгах ажлыг удирдан зохион байгуулах улсын комиссын дарга Л.Цог түүнд  мөнгөн тэтгэлэг олгож эрүүл энх, сайн сайхан бүхнийг хүсэн ерөөв.
 
  Ишжамцын эцэг Лочин нь 1939 онд хувьсгалын эсэргүү “Төв” хэмээх байгууллага, Гэндэн, Дэмид нартай холбоотой Ховд, Увс аймаг дахь  эсэргүү байгууллагын бүлгэмийн гишүүний хувьд  баривчлагдаж, мөрдөгдөж байгаад нас барсан ажээ.