Хэд хоногийн өмнө Монгол Улсын Ерөнхий сайд Н.Алтанхуяг ард түмэндээ хандаж хэлсэн үгэндээ Засгийн газрынхаа бүтцэд өөрчлөлт оруулна гэдгээ мэдэгдсэн. Эрх баригч намынхан Засгийн газартаа өөрчлөлт оруулах гэж байгаа нь харин сөрөг хүчний удирдагчид тийм ч сонин биш байгаа бололтой. УИХ дахь МАН-ын бүлгийн дарга С.Бямбацогт энэ асуудлыг төдийлөн сонирхож байр сууриа илэрхийлсэнгүй, улс төрийн халуун сэдвүүд хөвөрч сайд дарга нарыг сугалах, томилох тэр ч бүү хэл Засгийг газрыг унагаж магадгүй гэх яриа газар аваад байхад эрхэм гишүүн маань хөдөө орон нутагт ажиллаж иргэд хөдөлмөрчидтэй уулзалт хийж явна.

Тэрээр өөрийн сонгогдсон Ховд аймгийн 10 гаруй сумдаар уулзалт хийх бөгөөд Дарви, Цэцэг сумын иргэдтэй уулзалт хийгээд байна. Тэрээр энэ сарын 16-ний өдөр Улаанбаатар хотноо ирж улстөрд үүсээд байгаа асуудлаар тодорхой байр сууриа илэрхийлэх биз ээ.