НИТХ-ын 12 дугаар хуралдааны хэлэлцэх бүх асуудлаар АН-ын бүлэг энэ сарын 13-ныг хүртэл завсарлага авлаа.

У.Хүрэлсүх: ОУВС-ийн хөтөлбөрийг бүрэн хэрэгжүүлнэ

​Хөдөлмөр, нийгмийн зөвшлийн гурван талт 2017-2018 оны улсын хэлэлцээрт өөрчлөлт оруулах нэмэлт хэлэлцээ өнөөдөр Хөдөлмөр, нийгмийн хамгааллын яаманд эхэллээ.

Хүүхдийн амь аварсан Б.Алтанбаярыг ”Шударга журам”-аар шагналаа

Нисдэг тэргээр түргэн тусламжийн үйлчилгээ үзүүлж эхэллээ

“Отолт” хэсэгчилсэн арга хэмжээний хүрээнд Сүхбаатар дүүргийн 7 дугаар хороо, 9-р байрны гадна

2017 оны нийслэлийн эдийн засаг, нийгмийн үндсэн чиглэлийн хэрэгжилт, 2018 оны нийслэлийн эдийн засаг, нийгмийн үндсэн чиглэлийг нийслэлийн Засаг дарга НИТХ-д өргөн барьжээ. Энэ асуудлаар НИТХ дахь АН-ын бүлэг өнөөдөр мэдээлэл хийлээ.

Улсын Их Хурлын 2017 оны намрын ээлжит чуулганы өнөөдрийн (2017.11.03) нэгдсэн хуралдаан 10 цаг 30 минутад 52.6 хувийн ирцтэй эхэлж, хуралдаанаар хэлэлцэх асуудлаа батлав..

Онцгой байдлын ерөнхий газрын дарга, хошууч генерал Т.Бадрал АНУ-аас Монгол Улсад суугаа ЭСЯ-ны дэргэдэх Батлан хамгаалахын атташе дэд хурандаа Майкл Б.Доршнерийг шинээр томилогдсонтой нь холбогдуулан хүлээн авч уулзлаа.

Уулзалтаар хоёр тал Монгол Улс, АНУ хоорондын гамшгаас хамгаалах чиглэлийн харилцаа, хамтын ажиллагааны талаар санал солилцов. Мөн жил бүр уламжлал болгон зохион байгуулагддаг “Говийн чоно” гамшгийн хор уршгийг арилгах дасгал сургууль, туршлага солилцох үйл ажиллагааг улам өргөжүүлж, бүс нутгийн хэмжээний оролцоог нэмэгдүүлэх талаар ярилцсан.

Дэд хурандаа Майкл Б.Доршнер хоёр орны гамшгаас хамгаалах чиглэлийн цаашдын харилцаа, хамтын ажиллагааг өргөжүүлэн бэхжүүлэхэд өөрийн зүгээс анхаарал хандуулан ажиллахаа мэдэгдлээ гэж Онцгой байдлын ерөнхий газраас мэдээллээ.

Улаанбаатар хотын Захирагчийн ажлын алба, 2017 оны ногоон байгууламжийн арчилгаа, тарилт суулгалтын ажилд технологийн хяналт тавих 3 Төрийн бус байгууллагатай хамтран ажиллаж байна. Эдгээр байгууллага нь Том модны усалгаа, арчилгаанд давхар хяналт тавьж байнгын үзлэг шалгалт хийж 7 хоног бүр дүгнэлт гарган хамтарч ажилладаг юм.

Улаанбаатар хотын захирагчийн ажлын албанаас Төрийн бус байгууллагуудын 2017 онд хийсэн ажлын тайланг хэлэлцэн, хотын ногоон байгууламжийг нэмэгдүүлэхэд идэвхи зүтгэлтэй ажилласан “Мөнх Ногоон хэрэм хөдөлгөөн” ТББ, “Нийслэлийн ногоон байгууламжийн хяналтын иргэний зөвлөл” ТББ-уудад Улаанбаатар хотын Ерөнхий менежерийн өргөмжлөлөөр шагналаа гэж Улаанбаатар хотын Захирагчийн ажлын албанаас мэдээллээ.

Бүгд Найрамдах Чех Улсын нийслэл Прага хотноо Үндэсний олимпийн хороодын холбоо (ANOC)-ны XXII чуулган эхэллээ. Энэхүү арга хэмжээнд нийт 205 орны үндэсний олимпийн хороод, олон улсын холбоод, хүндэт зочид, ажиглагчид зэрэг 1300 гаруй төлөөлөгчид оролцож байгаагаараа түүхэн дэх хамгийн өргөн хүрээтэй том хурал болон рекорд тогтоож байна.
Чуулганыг нээн ОУОХ-ны ерөнхийлөгч Т.Бах, АОЗ болон ANOC-ийн ерөнхийлөгч Шейх Ахмад Ал-Фахад Ал-Сабах нар үг хэлж, олимпийн хөдөлгөөний сүүлийн үеийн нөхцөл байдал, цаг үеийн асуудлаар мэдээлэл өглөө. МҮОХ-г төлөөлөн ерөнхийлөгч Д.Загдсүрэн, ерөнхий нарийн бичгийн дарга Э.Бадар-Ууган Badaruugan Enkhbat тэргүүтэй төлөөлөгчид уг хуралд оролцож байгаа юм.
Хурал 11-р сарын 3-ны өдрийг дуустал үргэлжлэн явагдана.

“Нарны хороолол”-ын зүүн талд барьж буй барилгын краны сум унаснаас болж Энхтайваны гүүрэн доогуурх замыг өнөөдөр өглөөнөөс түр хаалаа.

Тодруулбал, “Нарны хороолол”-оос зүүн тийш буюу шууд Энхтайваны гүүрэн доогуур гардаг замын хөдөлгөөнийг Баянгол дүүргийн замын цагдаа нар түр хязгаарласан байна. Хэр хугацаанд хаах нь одоогоор тодорхойгүй байна. Зам хааснаас болж энэ хэсэгт түгжрэл үүсчээ.

1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Нутгийн баруун хэсгээр үүлшинэ, бусад нутгаар багавтар үүлтэй. Хур тунадас орохгүй. Салхи баруун өмнөөс 5-10 м/с. Хангай, Хөвсгөл, Хэнтэйн уулархаг нутаг, Дорнод Монголын талаар 1 хэм хүйтнээс 4 хэм дулаан, Алтайн өвөр говиор 13-18 хэм, Их нууруудын хотгор болон говийн аймгуудын өмнөд хэсгээр 7-12 хэм, бусад нутгаар 3-8 хэм дулаан байна.

Улаанбаатар хотод: Багавтар үүлтэй. Хур тунадас орохгүй. Салхи баруун өмнөөс секундэд 5-10 метр. 2-4 хэм дулаан байна.

Төлөв байдал: 4-нд баруун аймгуудын нутгийн хойд хэсгээр бага зэргийн цас, 5-нд баруун болон төвийн аймгуудын ихэнх нутгаар, 6-нд төв болон зүүн аймгуудын ихэнх нутаг, говийн аймгуудын нутгийн зарим газраар, 7-нд баруун болон зүүн аймгуудын нутгийн зарим газраар цас орно. Салхи 4-нд Алтайн салбар уулсаар, 5-6-нд ихэнх нутгаар, 7-нд нутгийн зүүн хэсгээр 14-16 м/с хүртэл ширүүсч цасан болон шороон шуурга шуурна. 5-нд нутгийн баруун хэсгээр цаашдаа ихэнх нутгаар хүйтэрч Хангай, Хөвсгөл, Хэнтэйн уулархаг нутгаар шөнөдөө 18-23 хэм, өдөртөө 3-8 хэм, говийн бүс нутгийн өмнөд хэсгээр шөнөдөө 3-8 хэм хүйтэн, өдөртөө 1-6 хэм дулаан, бусад нутгаар шөнөдөө 8-13 хэм хүйтэн, өдөртөө 3 хэм хүйтнээс 2 хэм дулаан байна.

2.Объектын түймэр:

Хувийн өмчид гарсан: Нийслэлийн Сонгинохайрхан дүүргийн 10 дугаар хороонд иргэн Ц-гийн 21-93 УБЕ улсын дугаартай ’’Приус-20’’ загварын автомашин шатаж байна гэсэн дуудлагыг 11.02-ны өдрийн 21:56 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 6 алба хаагч, 1 автомашинтай 22:05 цагт хүрэлцэн очиж 00:10 цаг ажиллаж, унтраасан. Иргэн Ц-гийн нүүр, 2 гарын алганы хэсэг нь гал түймэрт түлэгдсэн байсныг нийслэлийн ЯТТТ-103-т хүлээлгэн өгсөн.

3.Эрэн хайх, аврах ажиллагаа:

Эрэн хайх ажиллагаа /сураггүй болсон/: Дорноговь аймгийн Замын-Үүд сумын 3 дугаар багт иргэн С /8 настай, эмэгтэй/ 11.02-ны өдрийн 13:00 цагт хичээлдээ явна гэж гэрээсээ гараад сураггүй болсон тухай дуудлагыг 11.02-ны өдрийн 21:41 цагт хүлээн авч тус сумын Онцгой байдлын хэлтсийн Гал түймэр унтраах, аврах 17 дугаар ангийн 8 алба хаагч, Цагдаагийн хэлтсийн 28 алба хаагч, ЕБСургуулийн 40 ажилтан, орон нутгийн 35 иргэн, ар гэрийн 5 хүн, нийт 116 хүн, 16 автамашинтай эрэн хайх ажиллагааг 11.02-ны өдрийн 17:50 цагаас зохион байгуулж, 09:20 цаг ажиллаж, 11.03-ны өдрийн 02:30 цагт эрлийн ажиллагааг түр зогсоосон.



ОНЦГОЙ БАЙДЛЫН ЕРӨНХИЙ ГАЗАР

Монгол Улсын Ерөнхийлөгч Х.Баттулга зарлиг гаргаж Амаржаргалын Гансүхийг Монгол Улсын ҮАБЗ-ийн Нарийн бичгийн даргаар томилов.

Аливаа улс орнуудтай эдийн засгийн хамтын ажиллагаа өргөжиж, хөрөнгө оруулалт нэмэгдэхийн хэрээр бидэнд шинэ сонголт , шинэ боломжууд нэмэгддэг. Гэвч хуучны харилцаа, хамтын ажиллагаа чухал хэвээр байдгийг мартаж боломгүй. Ялангуяа газарзүйн хувьд хамгийн ойр, хамгийн тохиромжтой тэр харилцаагаа шинэ боломжуудаар баяжуулан ашиглаж чадвал үүнийг эдийн засгийн харилцан ашигтай , үр өгөөжтэй хамтын ажиллагаа гэх нь зүй.

Эх орны хөрсөнд тарьж ургауулсан чацарганыг ямар ч орц найрлага, нэмэлт хольцгүйгээр хэрэглэгчдийн гарт хүргэдэг ХУБА ХАЯА үйлдвэрийн хамт олон бүтээгдэхүүний хэрэглэгчийн гарт хүргэж эхлээд жилийн хугацаа өнгөрчээ.

Нийслэлийн 378 жилийн ойг тохиолдуулан Монгол улсын Засгийн газраас 2020 он хүртэл Улаанбаатар хотын эерэг имиджийг бий болгох Зүүн хойд Азийн бүс нутгийн хэмжээнд аялал жуулчлалын тэргүүлэх хот болгох зорилтын хүрээнд Нийслэлийн аялал жуулчлалын газраас зохион байгуулан хийж бүтээсэн “Улаанбаатар” үсгэн хэлбэрт бэлгэ тэмдгийн нээлт боллоо. Нээлтийн үйл ажиллагаанд Нийслэлийн Засаг дарга бөгөөд Улаанбаатар хотын Захирагч С.Батболд тэргүүтэй Нийслэлийн удирдлагууд болон бусад албаны хүмүүс оролцлоо.

“Улаанбаатар” үсгэн хэлбэрт бэлгэ тэмдэг нь тэмдэг нь 11 метр урт, 1.9 метрийн өндөртэй, шөнийн гэрэлтүүлэгтэй бөгөөд гадаад дотоодын жуулчдад эерэг сэтгэгдэл дурсамж үлдээн хотын гудамж талбайн өнгө төрх, шөнийн хотын өнгө үзэмжийг чимсэн бүтээлийн нэг болж байгаа юм.

Дэлхийн бүхий л хотууд тэр дундаа аялал жуулчлал хамгийн ихээр хөгжсөн тухайн хотууд өөрсдийн онцлогийг харуулсан брэнд, арга хэмжээнүүд ашиглаж байгаа энэ цаг үед брэнд логогоо ашиглаж сурталчилгаа хийх нь зорин ирэх жуулчдын урсгалд ихээр нөлөөлдөг байна.

Нидерланд улсын Амстердам хотыг илэрхийлэх “I Amsterdam” бэлгэ тэмдэг нь дэлхийн хамгийн олон хүнд хүрсэн таних тэмдэг болжээ. 2004 онд анх бүтээгдэж тус хотыг жилд 18 сая жуулчин зорин ирдэг Европ тивийн аялал жуулчлалын тэргүүлэгч болоход нөлөөлсөн хөгжлийн нэг хөшүүрэг болсон гэж үздэг байна. Мөн БНСУ-ын Сөүл хотын Хан голын эрэг дээр байрладаг I-SEOUL-U бэлгэ тэмдэг нь тус улсын төдийгүй гадаад дотоодын жуулчдын зорин очих брэнд аялал жуулчлалын нэг юм байна.

Түүний нэгэн адил Монгол улс аялал жуулчлалын салбарт өөрийн гэсэн өнгө төрхийг илэрхийлэх хотын нүүр царай болж, орчин үеийн хотын чиг хандлага, шинэлэг шийдэл загваруудыг илэрхийлсэн бүтээн байгуулалтын ажлуудыг цаашид хийх юм байна.

Нийслэл хотын хэмжээнд нийтдээ 230 хөшөө дурсгал түүхт газрууд байдгаас хувь хүний болон тэмдэглэлт үйл ажиллагаатай холбоотой 80, хот чимэглэлтийн зориулалтаар баригдсан 80, түүх соёлын ач холбогдол бүхий дургсгалт газар байрлуулсан 50 гаруй уран баримал, хөшөө байдаг гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Отгонтэнгэр хайрханд осолдсон иргэдийн ар гэрээс Онцгой байдлын байгууллага, алба хаагчдад талархал илэрхийллээ. Талархлаа өөрийн биеэр илэрхийлэхээр ирсэн Булган аймгийн Могод сумын өндөр настан С.Болдыг ОБЕГ-ын ГШУГ-ын дарга, хурандаа Б.Мандахгэрэл хүлээн авч уулзсан юм. Уулзалтын үеэр С.Болд “Дүүгийнхээ биеийг уулнаас олохгүй нь л гэж айж байлаа. Гэтэл аврагчид маань олоод ирэхэд амьд уулзсан мэт л баярласан” гэсэн юм.

жирэмсэн эмэгтэйчүүд

2. нийслэлийн дүүргүүдийн зарим цэцэрлэгийн бага насны хүүхдүүд

3. эрүүл мэндийн ажилтан,нийслэлийн ерөнхий боловсролын сургууль, цэцэрлэгийн багш нар

4. архаг, суурь өвчтэй хүн

5. өндөр настан

Мөн 2017 оны 10 сарын 24-өөс эхлэн сайн дурын дархлаажуулалтыг ХӨСҮТ-ийн амбулаториор 1 хүн тунг 10000 төгрөгөөр хийж байна.

жирэмсэн эмэгтэйчүүд харьяа сум, дүүргийн өрхийн эрүүл мэндийн төвд хандаж томуугийн эсрэг дархлаажуулалтад үнэ төлбөргүй хамрагдаарай.

Дэлгэрэнгүй мэдээллийг 11-455-388 дугаар утсаар ХӨСҮТ-ийн Дархлаажуулалтын албанаас авах боломжтой.



Дархлаажуулалтанд хамрагдахад юуг анхаарах вэ

1. Товлолын дагуу тогтоогдсон хугацаанд эх хүүхдийн эрүүл мэндийн дэвтэртэй харьяа өрхийн эмнэлэгт очих.

2. Эмчид үзүүлж, вакцины хэд дэх тунг тариулах тухай заалтыг тэмдэглүүлэх

3. Эмчид үзүүлсэн өдрөө вакцинаа хийлгэх

4. Вакцин тариулахын өмнө халуун бууруулах өвчин намдаах лаа, эм хэрэглээгүй байх

5. Вакцин тариулж байгаа хүүхдийг хөдөлгөөнгүй сайн барихы

Вакцин тариулсны дараа хөнгөн хэлбэрийн халуурах, бие тавгүйрэх, тарьсан хэсэгт улайх, өвдөх, хавдах, шинж тэмдгүүд илэрч болох ба 2-3 хоногт арилдаг. Шинж тэмдэг нэмэгдэх, арилахгүй удвал өрхийн эмчидээ хандаарай.

НИЙГМИЙН ЭРҮҮЛ МЭНДИЙН ҮНДЭСНИЙ ТӨВ

Тариалангийн компаниудад нөхөн төлбөр олгоно