Иргэдийн эрүүл аюулгүй орчинд амьдрах нөхцөлийг бүрдүүлэх, гэмт хэрэгтэй тэмцэх, урьдчилан

Монгол Улсын Ерөнхийлөгч Х.Баттулга Бүгд Найрамдах Куба Улсаас Монгол Улсад суугаа Онц бөгөөд Бүрэн эрхт Элчин сайд Раул Дэлгадо Консэпсионыг өнөөдөр хүлээн авч уулзлаа.

Куба Улсын Элчин сайд Раул Дэлгадо Консэпсион уулзалтын эхэнд Бүгд Найрамдах Куба Улсын Ерөнхийлөгч Раул Кастрогийн мэдчилгээг уламжилж, Монгол Улсын Төрийн тэргүүнээр сонгогдсонд нь баяр хүргэсэн захидлыг Монгол Улсын Ерөнхийлөгч Х.Баттулгад гардууллаа.

Монгол Улс болон Бүгд Найрамдах Куба Улс хооронд эрүүл мэнд, хөдөө аж ахуй, спортын салбарын хамтын ажиллагаа өргөжин тэлж тодорхой ажлууд эхлүүлсэн талаар Элчин сайд уулзалтын эхэнд танилцууллаа. Тус улсаас Монгол Улсад элэгний үрэвслийн болон чихрийн шижин өвчний эсрэг эм нийлүүлэхээр ажил эхэлсэн, үлийн цагаан оготно устгах, хоёр улсын биеийн тамир спортын байгууллагуудын хамтын ажиллагаа, Куба Улсын тамирчид 2020 оны олимпийн бэлтгэлийнхээ зарим хэсгийг Монгол Улсад ирж хийх саналтай байгаа зэргийг тэрбээр дурдлаа.

Монгол Улсын Ерөнхийлөгч Х.Баттулга Бүгд Найрамдах Куба Улсын нарийн мэргэжлийн эмч нар гадаад улс орнуудад ажиллах боломжтой болсон талаар сонссоноо дурдаад Монгол Улсад амны хөндийн эрүүл мэндийн асуудал ихээхэн тулгамдаж байгааг шийдвэрлэхэд тус улстай хамтран ажиллах саналтай байгаагаа илэрхийлэв. Учир нь, Куба Улсын эрүүл мэндийн салбарынхан энэ чиглэлээр ихээхэн мэргэшсэн туршлагатай юм.

Монгол Улс, Куба Улс хооронд 1960 онд дипломат харилцаа тогтоосон. Куба нь Америк тивийн улс орнуудаас Монгол Улстай дипломат харилцаа тогтоосон анхны улс юм. Цаашид хоёр орны харилцааг өргөжүүлэх, үр дүнтэй хамтран ажиллах тухайд уулзалтын үеэр талууд санал солилцлоо.

УИХ-ын гишүүн Д.Гантулгад хүчиндүүлсэн гэх Ч.Наранзаяагийн эгч Ч.Саранзаяа Хууль зүй дотоод хэргийн сайд

Улаанбаатар хотын Шуурхай удирдлага, зохицуулалтын төвийн 2017 оны үйл ажиллагааны төлөвлөгөөний дагуу 2017 оны аравдугаар сарын 19-ний өдөр “Нийслэлийн нутаг дэвсгэрт үйл ажиллагаа явуулдаг Инженерийн хангамжийн байгууллагуудын шугам сүлжээнд технологийн горим зөрчигдсөн осол гарахаас урьдчилан сэргийлэх, ослын үед ажиллах хүн хүч, техник хэрэгслийн бэлэн байдлыг хангуулах штабын дадлага, сургуулийн удирдамж”-ийг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Нийслэлийн Онцгой байдлын газрын дарга хурандаа Ж.Чүлтэмсүрэнгээр тус тус батлуулан, инженерийн хангамжийн байгууллагууд болон Орон сууц, нийтийн аж ахуйн удирдах газар, Ус сувгийн удирдах газар, Улаанбаатар Дулааны сүлжээ ТӨХК, Улаанбаатар Цахилгаан түгээх сүлжээ ТӨХК, Хэсэгчилсэн инженерийн хангамжийн удирдах газрыг хамруулан дадлага, сургуулийг зохион байгуулав.

Уг штабын дадлагад Улаанбаатар хотын Захирагчийн ажлын албаны Инженерийн байгууламжийн хэлтсийн дарга, Нийслэлийн Онцгой байдлын газрын мэргэжилтэн, Улаанбаатар хотын Шуурхай удирдлага, зохицуулалтын төвийн дарга болон инженерүүд дээрх 5 байгууллагын шуурхай бригад, техник хэрэгслийн бэлэн байдлыг газар дээр нь очиж цагийн байдлын дагуу хийгдэж буй үйл ажиллагааг шалгаж, зөвлөгөө өгч ажиллав гэж Улаанбаатар хотын шуурхай удирдлага, зохицуулалтын төвөөс мэдээллээ.

Хот хоорондын замд үйлдэгддэг гэмт хэрэг, зөрчлөөс урьдчилан сэргийлэх, иргэдийн аюулгүй зорчих нөхцөлийг бүрдүүлэх зорилгоор цагдаагийн байгууллагаас энэ сарын 11-ний өдрөөс эхлэн улсын чанартай автозамд байрлах 13, орон нутгийн 19 хяналтын цэг 24 цагийн байнгын ажиллагаатай болгож, үйл ажиллагааг нь эрчимжүүлж эхэлсэн.
Төв аймгийн Лүн, Баянчандмань сумын хяналтын постод үүрэг гүйцэтгэж байсан цагдаагийн алба хаагчид гэмт хэрэг, зөрчлийг илрүүлэн ажилласан байна.
Баянчандмань сумын хяналтын постод үүрэг гүйцэтгэж байсан цагдаагийн алба хаагчид 2017 оны 10 дугаар сарын 19-ний өдөр иргэн Э.М нь хууль бусаар мансууруулах, сэтгэцэд нөлөөт бодисын төрлийн ургамал каннабис хоёр уутыг тээвэрлэж явсныг илрүүлэн шалгаж байна. Мөн этгээд нь мансууруулах төрлийн зүйл хэрэглэсэн байсныг шалгалтаар тогтоожээ.
Мөн постод үүрэг гүйцэтгэсэн алба хаагчид Сэлэнгэ аймгийн харьяат Ш.Т нь хууль бусаар 8 м/куб банз тээвэрлэж явсныг илрүүлэн шалгаж байна.
Лүн сум дахь хяналтын постод үүрэг гүйцэтгэсэн цагдаагийн алба хаагчид 2017 оны 10 дугаар сарын 19-ний өдөр Улаанбаатар хот руу зорчиж явсан иргэн С.Б нь 18 ширхэг туламласан тарвагыг “Т.Кролла” маркын автомашиндаа тээвэрлэж явсныг илрүүлжээ.
Ийнхүү орон нутгийн замд байнгын хяналтын пост ажилласнаар гэмт хэрэг, зөрчлөөс урьдчилан сэргийлэх, иргэдийн амь нас, эрүүл мэнд, эд хөрөнгийг хамгаалахад үр дүнтэй юм. Хяналтын постуудын үйл ажиллагааг ЦЕГ-ын Шуурхай удирдлагын төвд цахим сүлжээгээр хянаж, мэдээллийг шуурхай дамжуулан, мэргэжлийн удирдлагаар хангаж ажиллаж байгаа юм.

Төв аймгийн Цагдаагийн газрын Лүн сум дахь байнгын хяналтын пост 24 цагаар

Хөдөлмөр, нийгмийн хамгааллын сайд УИХ-ын гишүүн С.Чинзориг тамгаа гардаж авлаа. томилогдсон С.Чинзоригт Хөдөлмөр, хөдөлмөр нийгмийн хамгааллын яамны сайд асан Н.Номтойбаяр яамны тамга өнгөрсөн хугацаанд хийж хэрэгжүүлсэн болон хийж хэрэгжүүлэхээр төлөвлөсөн ажлуудынхаа тайланг хамтаар хүлээлгэн өгсөн юм.

Сайд нарын ажлыг хүлээлцэхэд Монгол Улсын Шадар сайд Ө.Энхтүвшин энэ салбарт ажиллаж байсан, төрд олон жил зүтгэсэн туршлагатай хүн ирж буйг онцлоод сайд нарт амжилт хүслээ.

Тамга гардуулж өгөх үеэрээ сайд асан Н.Номтойбаяр Хөдөлмөр, нийгмийн хамгааллын салбарыг сайн мэдэх хүнд ажлаа өгч байгаадаа олзуурхаж буйгаа илэрхийлээд эхлүүлсэн ажлаа амжилттай үргэлжлүүлэхэд УИХ-ын гишүүний хувьд туслаж дэмжинэ гэдгээ хэлж, таны цаашдын ажил үйлсэд амжилт хүсье” гэлээ.

Шинээр томилогдсон сайд С.Чинзориг Хөдөлмөр, нийгмийн хамгааллын сайдаар томилогдон, та бүхэнтэй хамт сонгуулийн мөрийн хөтөлбөр болоод Засгийн газрын үйл ажиллагааны хөтөлбөрийг хэрэгжүүлэхээр ирж байгаадаа баяртай байна. Энэ яаманд би дэд сайдаар найман жил ажилласан, мөн Хөдөлмөрийн сайдаар ажиллаж байсан та бүхэнтэй хамтраад салбарынхаа асуудлыг цаашид хурдан шуурхай шийдвэрлэж, ажиллаж чадна гэж үзэж байна. Н.Номтойбаяр сайдын хувьд шинэ залуу хүн хоёр яамыг нэгтгэж, үндсэн чиглэлийн яам болгож богино хугацаанд багагүй ажил хийсэн. Ахмад настны нийгмийн хамгааллын тухай хууль, Залуучуудын хөгжлийг дэмжих тухай хууль, Хөдөлмөрийн тухай хуулийн шинэчилсэн найруулгыг УИХ-д өргөн барихад бэлэн болгосон, Ахмадын насны хишиг гээд олон шинэ ажлыг хэрэгжүүлсэн. Цаашдаа ч бидний ажлыг мэдэх хүний хувьд дэмжиж, хамтран ажиллана гэдэгт итгэлтэй байна. Номтойбаяр сайдад та бүхнийхээ өмнөөс амжилт хүсч, сайн сайхныг хүсэн ерөөе” гэлээ.

Хууль зүй, дотоод хэргийн

Live: Засгийн газрын өргөтгөсөн хуралдаан

Хойд эцэгтээ хүчиндүүлсэн гэх таван настай охиноос Шүүхийн шинжилгээний үндэсний хүрээлэн шаардлагатай

Улсын Их Хурлын чуулганы 2017 оны 10 дугаар сарын 18, 19-ний өдрийн нэгдсэн хуралдаанаар Монгол Улсын Засгийн газрын гишүүдийг шинээр томиллоо. Шинээр томилогдсон сайд нар өнөөдөр тамгаа хүлээн авч үүрэгт ажилдаа орлоо.

Монгол Улсын Шадар сайд Ө.ЭНХТҮВШИН;

Монгол Улсын Шадар сайд Ө.Энхтүвшин Монгол улсын ерөнхий сайд У.Хүрэлсүхээс ажлаа хүлээн авлаа. Ерөнхий сайд У.Хүрэлсүх “Шадар сайдын албыг Монгол төрийн туршлагатай түшээд хүлээлгэн өгч байна, ерөнхий сайдын орлогчийн ажлыг нэр төртөй, хариуцлагатай сайн авч явж чадна гэдэгт эргэлзэхгүй байна гээд ажлын амжилт хүслээ.

Монгол Улсын Шадар сайд Ө.Энхтүвшин ерөнхий сайд бид хоёр 24 жилийн өмнө танилцснаас хойш баг болон ажиллаж байна. Ард түмэнд амласан амлалт бий. Засгийн газрын үйл ажиллагааны хөтөлбөрөө бүрэн дүүрэн хэрэгжүүлнэ. Сонгогчдынхоо итгэлийг дааж, өгсөн үүрэг даалгаврыг захирах, захирагдах ёсны дагуу хариуцлагатай гүйцэтгэх болно гэлээ. Ажил хүлээлцэхэд Шадар сайдын эрхлэх асуудлын хүрээний хэрэгжүүлэгч агентлагийн удирдлагууд байлцлаа

Монгол Улсын сайд, ЗГХЭГ-ын дарга Г.ЗАНДАНШАТАР;



Монгол Улсын сайд, ЗГХЭГ-ын дарга Г.Занданшатар ажлаа хүлээн авлаа. Ажлаа өгч байгаа Ж.Мөнхбат шинэ сайдад Монгол улсын Засгийн газрын ачааны хүнд, ар талыг үүрч явдаг ЗГХЭГ-ын даргаар томилогдсонд баяр хүргэе гээд ажлын амжилт хүслээ.

Монгол Улсын сайд, ЗГХЭГ-ын дарга Г.Занданшатар хариу талархал илэрхийлээд, өнгөрсөн хугацаанд танхимын зарчмаар ажиллаж, хүнд хүчир албыг нэр төртөй, амжилттай хашиж ирсэн танд баярлалаа. Ажлын амжилт ерөөе гэв. Тамга хүлээлцэхэд ЗГХЭГ-ын газар, хэлтсийн дарга нар байлцлаа.

Зам, тээврийн хөгжлийн сайд Ж.БАТ-ЭРДЭНЭ;



Зам, тээврийн хөгжлийн сайдаар томилогдсон Ж.Бат-Эрдэнэ сайд асан Д.Ганбатаас үүрэгт ажлаа хүлээн авлаа. Ажил хүлээлцэхэд Монгол Улсын сайд, ЗГХЭГ-ын дарга Г.Занданшатар, ЗГХЭГ-ын Хууль, эрх зүйн газрын дарга П.Ариунболд, ЗГХЭГ-ын дэд дарга Б.Даажамба нар байлцаж, яамны тамгаа хүлээн авсан сайдад баяр хүргэж, ажлын амжилт хүслээ.

ЗГХЭГ-ын дарга Г.Занданшатар шинэ сайд болон яамны хамт олонд хандан Монгол улсын ерөнхий сайд танхимын гишүүддээ сахилга хариуцлагатай, дэг журмыг тогтоон зөвхөн хуулийг мөрдөж, өндөр ёс суртахуунтай ажиллахыг үүрэг болгосныг уламжлаад үүнийг ЗГХЭГ-ын даргын хувиар хатуу шаардаж ажиллана гэдгээ анхаарууллаа

Эрчим хүчний сайд Ц.Даваасүрэн;



Эрчим хүчний сайд Ц.Даваасүрэн сайд асан П.Ганхүүгээс тамгаа хүлээн авлаа. П.Ганхүү Дулаанхан уулын өврөөс 3 дахь сайд Монгол улсын гал голомтыг сахихаар томилогдож байна, энэ хүндтэй үүргийг нэр төртөй биелүүлэхийг ерөөгөөд ажлын амжилт хүслээ.

Эрчим хүчний сайд Ц.Даваасүрэн хэлэхдээ 28 жилийн дараа хөдөлмөрийн гараагаа эхэлсэн газраа ирж байна. Дуудлага байх, хувь заяа байх. Мэргэжлийн байхын төлөө хариуцлагатай ажиллана. Өмнөх засгийн газрын гишүүдээс хамгийн сайн ажиллассан сайдаар П.Ганхүү сайд, яамны хамт олон нэрлэгдэж байсан. Тиймээс Монгол улсын гал голомтыг сахиж байгаа баг хамт олныхоо мэргэжлийн ур чадварт итгэж байна. Ард түмнийхээ хүлээлгэсэн итгэлийг дааж ажиллана гэдгээ илэрхийллээ. Тамга хүлээлцэхэд ЗГХЭГ-ын газар,хэлтсийн дарга нар байлцлаа

Эрүүл мэндийн сайд Д.САРАНГЭРЭЛ;



Эрүүл мэндийн сайд Д.Сарангэрэл Эрүүл мэндийн сайд асан А.Цогцэцэгээс тамгаа хүлээн авч, үүрэгт ажилдаа орлоо. Сайд асан А.Цогцэцэг Д.Сарангэрэл сайд энэ салбарт шинэ хүн биш. УИХ-ын гишүүнээр 2 удаа сонгогдон ажиллах явцдаа Эрүүл мэндийн салбарын хууль эрх зүйн орчныг боловсронгуй болгох чиглэлээр идэвхитэй ажилласаар ирсэн. Цаашид энэ салбарын хөгжил дэвшил, сайн сайхны төлөө ажиллаж чадах хүн гэдгийг тодотгоод ажлын амжилт хүслээ.

Тамга хүлээлцэхэд МУ-ын сайд ЗГХЭГ-ын дарга Г.Занданшатар болон ЗГХЭГ-ын газаар,хэлтсийн дарга нарын төлөөлөл байлцлаа гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ

Засгийн газар анхны хуралдаанаа яг одоо өргөтгөсөн хэлбэрээр явуулж байна.

Монгол Улсын Ерөнхий сайд У.Хүрэлсүхийн тэргүүлсэн Засгийн газар бүрдлээ. Шинэ сайд нар өнөөдөр тамгаа гардаж ажлаа эхэллээ.

Засгийн газрын гишүүдийг томилсон УИХ-ын чуулган дээр Ерөнхий сайд У.Хүрэлсүх төрийн албаны бүх шатанд хариуцсан ажилдаа эзэн болж, салбар бүртээ сахилга дэг журмыг чандлан сахиж, Засгийн газрын үйл ажиллагааны хөтөлбөрийг хэрэгжүүлж, бүтээлч, хариуцлагатай, шийдэмгий, шуурхай ажиллахыг үүрэг болгосон юм. Тэрээр өнөөдөр Засгийн газрын анхны өргөтгөсөн хуралдаанаа зарлалаа.

Өргөтгөсөн хуралдаан 12 цагаас Төрийн ордонд эхэлж, Засгийн газрын гишүүдээс гадна дэд сайд нар, яам, агентлагийн удирдлагууд оролцох юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Засгийн газрын анхны хуралдааныг өнөөдөр 12:00 цагаас зохион байгуулахаар болсон байна. Хуралдаанаар нэгдүгээрт сахилга хариуцлагын асуудлыг, хоёрдугаарт өвөлжилтийн бэлтгэл ажлыг хэлэлцэхээр болжээ.

Нийт нутаг дэвсгэрийн 80 орчим хувьд нь буюу Архангай аймгийн 17 сум, Баян-Өлгий аймгийн 9 сум, Баянхонгор аймгийн 19 сум, Булган аймгийн 12 сум, Говь-Алтай аймгийн 17 сум, Говьсүмбэр аймгийн 3 сум, Дархан-Уул аймгийн 4 сум, Дорнод аймгийн 2 сум, Дорноговь аймгийн 7 сум, Дундговь аймгийн 9 сум, Завхан аймгийн 22 сум, Орхон аймгийн 2 сум, Өвөрхангай аймгийн 17 сум, Өмнөговь аймгийн 11 сум, Сүхбаатар аймгийн 4 сум, Сэлэнгэ аймгийн 7 сум, Төв аймгийн 22 сум, Увс аймгийн 18 сум, Ховд аймгийн 16 сум, Хөвсгөл аймгийн 19 сум, Хэнтий аймгийн 10 сум гантай, гандуу (нийт 15 аймгийн 94 сум гантай, 21 аймгийн 153 сум гандуу) зэрэглэлд хүрээд байгаа юм гэж Онцгой байдлын ерөнхий газраас мэдээллээ.

Гантай болон гандуу аймаг, сумын нутаг дэвсгэрт өвс хадлан бэлтгэх боломжгүй болсон, аюулгүйн нөөцөд өвс, тэжээл бэлтгэх санхүүгийн бэрхшээл гарсан, мал сүрэг тарга хүчээ дутуу авсан, улаан буудай, тэжээлийн таримал ургамлын ургац буурсан, малын усан хангамж дутагдсан, үлийн цагаан оготно, царцаа ихэссэн, өөрийн болон зэргэлдээ аймаг, сумдад отор нүүдэл хийх зэрэгт хүндрэлтэй нөхцөл байдал үүсээд байна.

Нийт мал сүргийн 60 орчим хувь нь дундаас доош тарга хүч авсан нь зуны ихэнх хугацаанд гантай, гандуу байсантай холбоотой юм.

2017-2018 онд урьдчилсан байдлаар 1629 багийн 177480 өрхөд 65.9 сая толгой мал өвөлжиж, хаваржихаар байна.

Засгийн газрын 186 дугаар тогтоолоор аймаг, сумын аюулгүйн нөөцөд 30.8 мянган тонн өвс, 11.7 мянган тонн тэжээл бэлтгэхээс одоогийн байдлаар 12.4 мянган тонн өвс буюу 40.2 хувьтай, 2.5 мянган тонн тэжээл буюу 21.1 хувьтай бэлтгэжээ.

Малчдын түвшинд 712.3 мянган тонн өвс, 816.0 тонн сүрэл, 6266.4 тонн ногоон тэжээл, 6528.3 тонн үйлдвэрийн тэжээл, 28.5 мянган тн гар тэжээл, 289.8 тонн дарш, 37.3 мянган тонн давс, хужир бэлтгэж, бэлтгэл ажил 57.9 хувьтай байна гэж Онцгой байдлын ерөнхий газраас мэдээллээ.

Нийтийн тээврийн салбарт удахгүй томоохон өөрчлөлт хийгдэх гэж байна. Энэ бол ”Тусгай замын автобусны төсөл” юм. Өнөөдрийн байдлаар Улаанбаатар хотын замын хөдөлгөөнд оролцож буй нийт тээврийн хэрэгслийн 1 хүрэхгүй хувийг нийтийн тээврийн хэрэгсэл эзэлж байгаа ч нийт иргэдийн 60 гаруй хувь буюу өдөрт 700 мянга, жилд 284,9 сая зорчигч тээвэрлэж байна.

2014 оны байдлаар Монгол улсын хэмжээнд 736.2 мянган тээврийн хэрэгсэл бүртгэлтэй байгаагаас 62.1 % нь буюу 441.8 мянган тээврийн хэрэгсэл Улаанбаатар хотод бүртгэгдэж, өдөрт 200.0 мянган тээврийн хэрэгсэл замын хөдөлгөөнд оролцож байгаа нь нийтийн тээврийн салбарын хувьд толгой өвтөгсөн асуудал болоод байна. Хэрэв энэ өсөлтийг сааруулах ямарваа арга хэмжээ авахгүй бол 2020 он гэхэд Улаанбаатар хотын нийт тээврийн хэрэгслийн тоо 970.0 мянган хүрэх юм. Гэхдээ энэ өсөлт нийтийн тээврийн салбарт төдийлөн нөлөөлөхгүй учраас нийтийн тээврийн асуудал улам л хүндрэх төлөв байдал ажиглагдаж байна. Тэгвэл энэ хүндрэлээс гарах арга замыг дэлхийн олон оронд нэвтрүүлж, ашиглаж байгаа тусгай замын автобусыг нийтийн тээвэрт нэвтрүүлсэнээр зорчих хугацаа 20-40 хувь буурахаас гадна байршил тодорхойлох бүртгэл, хяналтын GPS систем бүрэн нэвтэрч, иргэдэд хямд өртөгтэй үйлчилгээ үзүүлэхийн зэрэгцээ энэ салбарт зарцуулж байгаа үргүй зардлууд хэд дахин буурна. Мөн хүрээлэн буй орчинд үзүүлж буй сөрөг нөлөө ч 70-80 хувиар буурна гэсэн урьдчилсан тооцоо байна.

”Тусгай замын автобусны төсөл”-ийг АХБ-аар дамжуулан БНХАУ-ын засгийн газраас техникийн туслалцаатайгаар, санхүүжүүлж нийтийн тээврийн салбарт хэрэгжүүлэх бөгөөд төслийн хүрээнд хотын босоо тэнхлэгт нийт 42,5 км замыг барьж байгуулах, 57 км замыг засварлах, 10 уулзварт өргөтгөлийн ажлууд хийгдэхээс гадна 146 тусгай замын автобус нийтийн тээврийн үйлчилгээнд оролцоно.



2023 он хүртэл хэрэгжих энэ төслийн хэрэгжилт, явцын талаар НИТХ-ын дарга С.Амарсайхан холбогдох албаны хүмүүсийг хүлээн авч уулзлаа. Тэрээр нийтийн тээврийн салбарт олон шинэ хуудас нээх, аюулгүй тохь тухтай, ухаалаг систем нэвтрүүлэх энэ төслийн хэрэгжилтийг дэмжиж хамтарч ажиллахаа мэдэгдлээ Нийслэлийн иргэдийн төлөөлөгчдийн хурлын хэвлэл мэдээллийн албанаас мэдээллээ.

МЕНИНГОКОККЫН ХАЛДВАРААС УРЬДЧИЛАН СЭРГИЙЛЭХ ЗӨВЛӨМЖ

”Иргэн бүр эрсдэлгүй орчин” байгаль орчны хяналтын сарын аяны хүрээнд ХУД дэх Мэргэжлийн хяналтын хэлтсийн улсын ахлах байцаагчид хамтран шөнийн эргүүл хийжээ.

Шалгалтаар тусгай зөвшөөрөл нь цуцлагдсан “Бат-Адар” ХХК нь хайрга шигшиж байсан зөрчлийг илрүүлсэн байна. Тус компанийн үйл ажиллагааг холбогдох хууль тогтоомжийн дагуу шалгаж үйл ажиллагааг нь зогсоожээ.

Хяналт шалгалт үргэлжилж байна.

-Хор тайлагч-

Айлсан ирж буй өвлийн улирлыг сануулах мэт Улаанбаатар хотод утаан хөшиг татаж эхэллээ. Агаарын бохирдлоос үүдэлтэй элдэв янзын өвчлөл нэмэгдэж, том томуу төст өвчний гаралт ихсэж буйг мэргэжлийн эмч нар анхааруулж байна. Тэгвэл утаанд хордохгүй, агаарын бохирдлоос үүдэлтэй өвчинд нэрвэгдэхгүй байх боломжийг чацарганы 100 хувь цэвэр охь “Хуба хаяа” брэнд олгож байгаа юм. “Хуба хаяа”-гийн таван ид шидийн нэг нь яах аргагүй ХОР ТАЙЛАХ үйлчилгээ нь билээ.

Байгалийн цэвэр чацаргана жимсийг ямар ч хольцгүйгээр савладгаараа “Хуба хаяа” бусад ижил төрлийн бүтээгдэхүүнээс ялгардаг. Үүн шигээ хор тайлах үйлчилгээ нь ч бусдаасаа хавьгүй өндөр байдгийг эмч, мэргэжилтнүүд зөвлөж байна. Учир нь “Хуба хаяа”-гийн үндсэн түүхий эд болох чацаргана жимс нь хорт нэгдлийг саармагжуулах онцгой үйлчилгээтэйг “Хуба хаяа”-гийн зөвлөх инженер Д.Ганзориг хэлсэн юм. Тэрээр “Хоол хүнс, хүрээлэн байгаа орчноос авч байгаа бүх төрлийн хорыг тайлах чадвар чацаргана жимсэнд бий. Биологийн идэвхт бодисууд нь хорт хавдрын нянг дарангуйлж, энэ өвчнөөс ч урьдчилан сэргийлдэг” гэж байв.

Чацарганы энэхүү хор тайлах үйлчилгээ нь агаарын бохирдлоос үүдсэн төдийгүй шарталт гээд бүх төрлийн хордлогыг тайлдаг аж. Үүгээр ч зогсохгүй хорт хавдраар өвдсөн хүмүүсийн гол эмчилгээ болдог химийн эмчилгээний явцад цацраг идэвхт бодист хордох нь элбэг байдаг. Тэгвэл энэ төрлийн эмчилгээ хийлгэж байгаа хүмүүс чацаргана жимс, “Хуба хаяа”-г тогтмол хэрэглэвэл цацраг туяаны хордлогыг бууруулахад ихээхэн ач холбогдолтой ажээ.

Хор тайлагч онцгой үйлчилгээтэй чацаргана жимсний 100 хувь цэвэр охь “Хуяа хаяа”-г өдөрт нэг шилийг уухад л элдэв хордлогоос хамгаалах, дархлаагаа сайжруулах бүрэн боломжтой юм.

Танилц: “Хуба хаяа”-гийн таван ид шид-№2

Хан-Уул дүүрэг дэх Мэргэжлийн Хяналт Цагдаагийн 1-р хэлтэстэй хамтран 2017 оны 10 дугаар сарын 18-ны шөнө Хан-Уул дүүргийн 11-р хороо Зайсан Сарнайх супермаркетын баруун талд байрлах түргэн үйлчилгээний цэгүүдэд хяналт шалгалт хийлээ. Шалгалтаар эрүүл ахуй ариун цэврийн шаардлага хангахгүй нөхцөлд түргэн гэмтэх бүтээгдэхүүн, хагас боловсруулсан хүнсийг печинд халааж худалдсан, зөвшөөрөлгүй цэгт тамхи худалдан борлуулсан зэрэг зөрчлийг илрүүлж хүнсний бүтээгдэхүүн, утаат тамхийг хураан авч ажиллалаа. Хяналт шалгалт үргэлжилж байна.