ХДХВ,ДОХ-ЫН ТӨСӨЛ 2021 ОН ХҮРТЭЛ ҮРГЭЛЖИЛНЭ
Манай улс ДОХ,Сүрьеэ, Хумхаа өвчитэй тэмцэх Глобаль сангаас 2003 оноос хойш ДОХ, Сүрьеэ, эрүүл мэндийн тогтолцоох бэхжүүлэх чиглэлээр 57.9 сая долларын төсөл хэрэгжүүлсэнээс 21,5 сая долларыг ХДХВ,ДОХ-оос сэргийлэх үндэсний арга хэмжээнд зарцуулсан байна. Глобал сангийн буцалтгүй тусламж хэлбэрээр олгогддог энэхүү санхүүжилт нь манай улсын хувьд олон улсын хэмжээнд дэвшүүлсэн зорилтоо биелүүлэх, Үндэсний хэмжээний бодлого, төлөвлөгөөний хэрэгжилтийг хангахад чухал үүрэг гүйцэтгэсээр ирсэн юм. Өнөөдөр Глобаль сангийн дэмжлэгтэй ХДХВ,ДОХ-ын үргэлжилэх шатны төсөл боловсруулах, Халдварт өвчинөөс сэргийлэх, хянах үндэсний хөтөлбөр /2017-2021/ хэлэлцэх хамтрагч талуудын зөвлөлдөх уулзалт боллоо. Энэ арга хэмжээнд Эрүүл мэндийн Дэд сайд Л.Бямбасүрэн оролцож үг хэллээ.

Тэрээр үндэсний хэмжээнд авч хэрэгжүүлж буй арга хэмээнд зарцуулж нийт хөрөнгийн 70 хувийг Глобаль сангийн сангийн санхүүжилт эзэлдэг. Санхүүжилтийн хүрээнд ХДХВ-ийн халдвараас сэргийлэхэд чиглэсэн арга хэмжээг эрүүл мэндийн болон бусад салбар, иргэний нийгмийн байгууллагуудын оролцоотойгоор цогц байдлаар хэрэгжүүлсэнээр нийт хүн амын дундах ХДХВ-ийн халдварын тархалтыг бага түвшинд тогтоож барьж чадсан гэж үзэж байгаагаа онцолсон юм.
Одоогийн хэрэгжүүлж буй төслийн санхүүжилтийг ялангуяа хүн амын тодорхой бүлгийхэний дундах урьдчилан сэргийлэх хөтөлбөрийг өргөжүүлэх, бүхий л шатлалын тусламж үйлчилгээний чанар, хүртээмжийг сайжруулах, хөтөлбөрийн хяналт-шинжилгээний тогтолцоог бэхжүүлэх чиглэлээр зарцуулж байгаа юм байна

Улсын Их Хурлын Эдийн засгийн байнгын хорооны өнөөдрийн /2017.02.09/ хуралдаан 14 цаг 30 минутад 52.6 хувийн ирцтэйгээр эхэллээ. Хуралдаанаар Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хооронд байгуулах нэг тэрбум ам.долларын Зээлийн ерөнхий хэлэлцээрийн төслийг хэлэлцлээ.




Зээлийн ерөнхий хэлэлцээрийн төслийн танилцуулгыг Гадаад харилцааны сайд Ц.Мөнх-Оргил хийв. Тэрээр, Монгол Улсын Засгийн газар, Бүгд Найрамдах Энэтхэг Улсын Экспорт-Импорт банк хоорондын зээлийн ерөнхий хэлэлцээрийг 2016 оны 4 дүгээр сарын 28-ны өдөр байгуулж, Зээлийн ерөнхий хэлэлцээр соёрхон батлах тухай хуулийн төслийг 2016 оны 5 дугаар сарын 31-ний өдөр Улсын Их Хуралд өргөн мэдүүлсэн. Энэхүү зээлийн хүү нь /жилийн/ 1,75%, зээлийн хугацаа 20 жил ба зээлийн үндсэн төлбөрөөс чөлөөлөгдөх хугацаа 5 жил байна гэлээ. Түүнчлэн төслийн санхүүжилтийн хэмжээнээс хамаарч: 200 сая ам.доллароос дээшхи дэд бүтцийн төсөл, 100 сая ам.доллароос дээш стратегийн ач холбогдол бүхий төслүүдийн зээлийн хугацаа 25 жил, зээлийн үндсэн төлбөрөөс чөлөөлөгдөх хугацаа 7 жил байна гэж танилцуулав.

Танилцуулгатай холбогдуулан УИХ-ын гишүүд зээлээр хэрэгжүүлэх төслүүдийн ач холбогдол болон үр дүнгийн талаар тодруулахад Гадаад харилцааны сайд Ц.Мөнх-Оргил, Засгийн газрын 2016 оны 8 дугаар сарын 17-ны өдрийн хуралдааны шийдвэрийн дагуу зээлийн ерөнхий хэлэлцээрт: “төмөр зам барьж байгуулах болон холбогдох дэд бүтцийн төслүүдийг...” гэснийг “...аж үйлдвэр, төмөр зам, дэд бүтэц, хөдөө аж ахуй болон бусад салбарын хөгжлийн төслүүдийг...” болгон нэмэлт оруулахаар Энэтхэгийн талтай тохиролцоонд хүрч, Засгийн газар хооронд байгуулах нэг тэрбум ам.долларын Зээлийн ерөнхий хэлэлцээр хоёр талдаа бүрэн ойлголцсон төдийгүй энэхүү зээлийг үр ашигтай зарцуулахаар ажиллаж байна гэлээ. Мөн Ажлын хэсгээс Монгол Улсын Засгийн газар төслөө боловсруулж, Экспорт-Импорт банкинд танилцуулна гэсэн тайлбар нэмж хийв.

УИХ-ын гишүүн Б.Баттөмөр энэ зээлийг бүтээн байгуулах, ажлын байр нэмэгдүүлэх мөн экспортын эцсийн бүтээгдэхүүн үйлдвэрлэх зэрэг төсөлд зарцуулах нь зүйтэй хэмээн энэхүү зээлийг дэмжиж буйгаа илэрхийллээ.



Ингээд Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хооронд байгуулах нэг тэрбум ам.долларын Зээлийн ерөнхий хэлэлцээрийн төслийг дэмжье гэсэн томьёоллоор санал хураахад хуралдаанд оролцсон гишүүдийн олонхийн дэмжлэг авсан юм гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Нийслэлийн Засаг даргын зөвлөлийн 2017 оны 8 дугаар хуралдаан Хангарди ордонд болж байна. Хуралдаанаар “Аюулгүй хот”, “Нийтийн эдэлбэр газрыг тохижуулахад дагаж мөрдөх журам”, “Нийтийн эзэмшлийн гудамж, зам талбай, орон сууц, гэр хорооллын гэрэлтүүлгийн нэгдсэн стандарт” зэрэг төсөл болон Хяналт шалгалтын мөрөөр авах арга хэмжээ, Нийслэл дүүргийн хилийн цэсийн зургийг батлах санал, Газрыг улсын тусгай хэрэгцээнд авах саналын тухай хэлэлцэж байгаа юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

ЭРҮҮЛ МЭНДИЙН БЭЛЭГ
Сар шинийн баяраар Улс орон даяар Монголд үйлдвэрлэсэн бараа бүтээгдэхүүнээ хэрэглэхийг уриалж байгааг ажил хэрэг болгож “Хуба-Хаяа” үйлдвэрийнхэн эх орны хөрсөнд ургасан чацаргана жимсний олон төрлийн охыг худалдаанд гаргаж байгаа юм байна. Уг бүтээгдэхүүн Е витамины агуулгаар улаан буудайн соёолжоос илүү А витамины агуулгаар улаан луувангаас 3 дахин илүү, супер оксид дисмутацын агуулгаар хүн орхоодойгоос 4 дахин илүү гэдгээрээ онцлог юм. Тийм учраас тус үйлдвэрийнхэн энэхүү бүтээгдэхүүндээ ЭРҮҮЛ МЭНДИЙН БЭЛЭГ хэмээн нэрийдсэн нь учиртай биз. Тэрээр “Хуба-Хаяа” үйлдвэрийн 6 ширхэгтэй 50 миллитрийн чацарганы охь 10,800 төгрөг, 450гр чацарганы чанамал 10,000, 30 мл зөөлөн эдийн тос 20,000, зэрэг болсон бөгөөд дээрх сонирхсон бүтээгдэхүүнээ 7600-8000 утасаар захиалж авах боломжтой юм байна.
Сүүлийн жилүүдэд цагаан сарын бэлгийг элдэв янзын хэрэгтэй хэрэггүй оймс, чихэр шоколад зэрэг гадны улсын чанар муутай бараагаар хүний гарын алга баярлуулдаг гэсэн шүүмжлэл гарсаар байгаа. Энэ нь нэг талдаа үнийн хөөрөгдлийг дэмжсэн эсвэл урд хөршийн чанаргүй бараанд ард иргэд хордож хохирсоор олон жилийг өнгөрүүлжээ. Одоо энэ бүхнийг өөрчилж эрүүл мэндэд ач тустай чанартай бэлгийг өгөхийг хүн бүр уриалж хайртай, дотнын хүмүүстээ “Алтан унжлагат“ хэмээх ТАХИА жилдээ эрүүл мэнд бэлэглээрэй.

УИХ-ын чуулганаар “Хэнтий Хан уулын нэрийг Бурхан Халдун уул гэж өөрчлөх тухай” УИХ-ын тогтоолын төслийг хэлэлцэж, баталсан

Сонгууль зохион байгуулах төлөвлөгөө,
цаг хугацааны хуваарь батлав

Монгол Улсын Сонгуулийн Ерөнхий Хороо өнөөдөр хуралдаж Ерөнхийлөгчийн сонгуулийн үйл ажиллагааг зохион байгуулах цаг хугацааны хуваарь, сонгуулийн бэлтгэл ажлын төлөвлөгөөг тус тус хэлэлцэж баталлаа.
Сонгуулийн тухай хуульд цагийн хуваарийг сонгуулийн төв байгууллага гаргаж мөрдүүлнэ гэж заасан бөгөөд хуваарьт санал авах өдөр тогтоох, сонгууль товлон зарлахаас аваад сонгуулийн хэсэг, хороод байгуулах, сонгогчдын нэрийн жагсаалт нэгтгэн гаргах, цахим хуудаст байрлуулах, ерөнхийлөгчид нэр дэвшүүлэх, бүртгэх ажиллагаа, сонгуулийн сурталчилгаа хийх, саналын хуудас, техник хэрэгслийг бэлтгэх, хүргүүлэх, гадаад улсад байгаа сонгогчийн санал авах ажиллагаа, санал авах, дүгнэх, сонгуулийн зардал тогтоох, тайлан гаргах зэрэг асуудлыг хуулийн холбогдох заалттай, хэрэгжиж эхлэх, дуусгах хугацаатай нь нарийвчлан тусгажээ.
Монгол Улсын Ерөнхийлөгчийн сонгуулийг бэлтгэн явуулах ажлын төлөвлөгөөнд холбогдох тогтоолын төслийг боловсруулж батлуулах, хүн ам, сонгуулийн насны хүний тоог 2017 оны 01 дүгээр сарын 01-ний байдлаар гаргуулж авах, дүрэм, журам, маягт, загварын төсөл боловруулж батлуулах, сонгуулийн хороод, тэдгээрийн бүрэлдэхүүн, хэсэг, сонгогчдын тооны талаархи судалга гаргах зэрэг зохион байгуулалтын ажлыг төлөвлөж тэдгээрийг хэрэгжих хугацаа, хариуцах байгууллага, ажилтны нэрсийн хамт гаргажээ. Түүнээс гадна сонгуулийн үйл ажиллагаанд мөрдөх эрх зүйн баримт бичиг боловсруулах, сургалт, сурталчилгаа, сонгогчдын боловсрол, сонгуулийн автоматжуулсан системтэй холбоотой ажлыг хэрхэн хэрэгжүүлэх талаар тодорхой тусгасан байна гэж СЕХ-ны хэвлэл, мэдээллийн төлөөлөгч мэдээлэв.

2017 оны 02 дугаар сарын 09

Хуульзүйн байнгын хорооны хуралдаанаар “Эрдэнэт”-ийн 49 хувийн худалдан авалтыг шалгасан тухай байнгын хорооны шалгалтын дүгнэлтийг хэлэлцэхээр төлөвлөсөн ч

УИХ-ын гишүүн Ж.Энхбаяр өнөөдөр “Нэгэн яамны газрын дарга нар ажлын байран дээрээ авлига авч байгаад АТГ-т баригдаж

“Сьюдад-де-Уэска” /”Ciudad de Huesca”/ Олон улсын төгөлдөр хуурчдын наадам Испанийн Уэска хотод 1-р сарын 23-29-ний өдрүүдэд болжээ. Наадамд Монгол улсын Хөгжим бүжгийн коллеж болон Хүүхдийн ордны авьястнууд өрсөлдсөн байна.

С.Саянцэцэг багшийн удирдлага доор оролцсон 7 настай О.Нандин охин 13 хүртэлх насны ангилалд 1-р байр эзэлж, алтан медаль хүртлээ. 2-р байранд, “Хобби” сургуулийн сурагч Э.Цогт, 3-р байранд, “Сант” сургуулийн сурагч Г.Энхцэцэг нар оржээ.

7 настай О.Нандин охины хувьд насны ангилал ахиж тус тэмцээнд оролцсон. Тэрээр 2 жилийн өмнө 2015 онд мөн л 13 хүртэлх насны ангилалд оролцож алтан медаль хүртэж байжээ.




Түүнчлэн 6 настай Д.Энэрэлт 9 хүртэлх насны ангилалд 1-р байр эзэлжээ.

Монгол улсын Хөгжим бүжгийн коллежийн 11-р ангийн сурагч, 17 настай Бат-Амар 17 хүртэлх насны ангилалд 3-р байр эзэлсэн байна.





12 дахь удаагийн “Сьюдад-де-Уэска” Олон улсын төгөлдөр хуурчдын наадамд Япон, Хятад, БНСУ, Канад, Польш, ОХУ, Итали, Испани болон Монгол зэрэг 10 гаруй орны залуу авьястнууд оролцсон юм.

“Сьюдад-де-Уэска” Олон улсын төгөлдөр хуурчдын наадам анх 1999 онд зохиогджээ.

“Төрийн мэдээлэл” хууль тогтоомжийн эмхэтгэлийн 2017 оны 06 дахь дугаарт Монгол Улсын хилийн тухай хуулийн шинэчилсэн найруулгыг нийтэлжээ.

УИХ-ын Хууль зүйн байнгын хорооны өнөөдрийн хуралдаанаар “Эрдэнэт” үйлдвэрийн 49 хувьтай холбоотой худалдан авалтыг шалгасан ажлын хэсгийн дүгнэлтийг хэлэлцэнэ.

УИХ-ын Хууль зүйн байнгын хороо өнөөдөр 13.00 цагаас хуралдах товтой байсан ч ирц хүрэхгүй шалтгаанаар хойшлогдсоор байсан.

Монгол Улсын Их Хурлын даргын 2017 оны хоёрдугаар сарын 08-ны өдрийн 34 тоот захирамжаар Туул голын сав газрын хамгаалалт, нэгдсэн удирдлага, зохион байгуулалтыг сайжруулах асуудлыг судалж шаардлагатай бол хууль, Улсын Их Хурлын бусад шийдвэрийн төсөл боловсруулах, санал дүгнэлт гаргах үүрэг бүхий ажлын хэсгийг байгуулахаар шийдвэрлэлээ. Монгол Улсын Их Хурлын тухай хуулийн 11 дүгээр зүйлийн 11.2 дахь хэсгийг үндэслэсэн захирамжаар байгуулсан тус ажлын хэсгийг Улсын Их Хурлын гишүүн А.Сүхбат ахлан, Улсын Их Хурлын гишүүн Х.Нямбаатар, Д.Сарангэрэл, Б.Ундармаа, Н.Учрал, Б.Энх-Амгалан, Ж.Энхбаяр нар бүрэлдэхүүнд багтжээ.



Түүнчлэн ажлын хэсгийн үйл ажиллагаанд мэргэжилтэн, мэргэжлийн шинжээчдийг оролцуулж, шаардлагатай дэмжлэг туслалцаа авах, нэмэлт мэдээлэл, судалгаа гаргуулан дүн шинжилгээ хийлгэх ажлыг зохион байгуулах зөвшөөрлийг ажлын хэсгийн ахлагчид олгосон байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Дэлхийн хамгийн тарган хүүхэд жингээ хаяна


Индонезид амьдардаг Ариа Пермана хэмээх 10 настай бяцхан хүү 192кг жинтэй бөгөөд энэ байдал нь түүний амь насанд аюул учруулах хүртэл хүнд шалгаан болоод байгаа гэнэ. Дэлхийн хамгийн тарган хүүхэд болсон тэрбээр одоо байгаа жингээсээ хасаж зөвхөн бор будаа идэж хоолны дэглэм барихаар шийджээ. Энэ байдлаараа удаан байвал эрүүл мэнд болоод нийгэмд оршин тогтноход нь хүртэл аюултай хэмээн эмч нар үзээд байгаа аж.






Дэлхийн хамгийн тарган хүүхэд жингээ хаяна

НҮБ-ын Боловсрол, шинжлэх ухаан, соёлын байгууллага (ЮНЕСКО)-ын Монголын үндэсний комиссын хуралдаан 2 дугаар сарын 8-ны өдөр Гадаад харилцааны яаманд болж, 2016 оны үйл ажиллагааны тайлан, 2017 онд хэрэгжүүлэх үйл ажиллагааны төлөвлөгөөг хэлэлцэн батлав.



Гадаад харилцааны сайд, ЮНЕСКО-гийн МҮК-ын дарга Ц.Мөнх-Оргил үндэсний комиссоос 2016 онд тавьсан зорилтуудаа хэрэгжүүлснийг тэмдэглэж, 2017 онд хэрэгжүүлэх үйл ажиллагааны талаар заавар чиглэл өглөө. Хуралдааны үеэр үндэсний комиссын гишүүд боловсрол, шинжлэх ухаан, соёлын салбарын хамтын ажиллагааг өргөжүүлэн бэхжүүлэх, соёлын өвүүдийг ЮНЕСКО-гийн өвийн жагсаалтад бүртгүүлэх, хамгаалах чиглэлээр авч хэрэгжүүлэх арга хэмжээний талаар дэлгэрэнгүй санал солилцсон байна.

Хадлан загварын дээлээрээ хэрэглэгчдийн эчнээ танил болсон “Three Flames” ХХК-ийн захирал Т.Хонгорзулаас аянчид, аялагчдад зориулсан бүтээгдэхүүнүүдийнх нь талаар бяцхан тодруулга авлаа.
-Монголын анхны аяны брэндийн үндэслэгч “Flames” компанийн үүсгэн байгуулагдсан үеийн түүхээс яриагаа эхэлье?
-“Three Flames” ХХК 2016 оны 11 сарын 26-нд албан ёсоор үүсгэн байгуулагдсан. Түүнээс өмнө 10 жил өрхийн үйлдвэрлэл хэлбэрээр үйл ажиллагаа явуулж байлаа. Аяны хувцас хэрэгсэл үйлдвэрлэх болсон нь амьдралаас үүдэлтэй гэх үү дээ. Манай гэр бүлийн хүн хөдөө явах дуртай ангийн, аялалын хоббитой. Нөхрийгөө аялалд яваад ирсний дараа хувцсыг нь угаах үүрэг айын эзэгтэйд оногдоно. Байнгын хими цэвэрлэгээнд өгөөд байх эдийн засгийн хувьд хүндрэлтэй. Гадны сайн гэсэн олон брэнд хувцаснуудыг хэрэглэж үзэж байсан. Гэхдээ эдэлгээ болоод бусад тал дээрээ учир дутагдалтай санагдсаныг нуугаад яахав. Тэгээд бодсон л доо. Цэвэрлэгээг гэрийн нөхцөлд хийх боломжтой, монгол хүний биеийн онцлогт тохирсон, эдэлгээ даадаг аяны хувцас хэрэгсэл хийж үзвэл яадаг бол гэж. Ингээд нөхөртөө зориулж дээрх шаардлагуудыг хангасан анхны аяны хөнжлөө хийсэн. Азаар ч гэдэг юмуу манай анхны бүтээгдэхүүнүүдийн эзэд өндөр зэрэглэлийн хэрэглээтэй олны танил хүмүүс байж таарсан.
-Сумогийн Их аварга Дагвадорж байх нь ээ дээ. Таны бүтээгдэхүүнүүдийг тогтмол хэрэглэдэг шүү дээ?
-Тиймээ. Их аварга болон түүний нөхөд манай байнгын үнэнч үйлчлүүлэгчид. Аяны хөнжлийн анхны худалдан авагчдын нэг нь Дагвадорж Аварга. Аварга том биетэй стандарт аяны хөнжлүүд багадаад байдаг байсан юм билээ. Тэр утгаараа туршилт болгож нөхөртөө хийсэн аяны хөнжлийг хараад манайд хандсан. Анх залгахад нь би чихэндээ итгээгүй./инээв/ Хэн нэгэн нь тоглож байна л гэж бодсон. Тэгээд очиж уулзаад бүтээгдэхүүнээ үзүүлтэл бидэнд өөрт тулгардаг бэрхшээлүүдээ хэлээд, монгол залуус ийн хийж бүтээхийн хүсэл эрмэлзэлд хөтлөгдөж байгаа нь сайн хэмээн урамшуулсан. Ингээд Их аваргынхаа хэлсэн бүхнийг тусгаж, өөрт нь зориулсан аяны хөнжлийг хийж өгөөд, түүнээс хойш захиалга тасрахаа больсон доо.
-Flames брэндийн аяны хөнжил ямар давуу талтай юм бэ?
-Чийг нэвтэрдэггүй, тоос шороо татдаггүй, зөөлөн дулаан, угааж цэвэрлэхэд хялбар, эдэлгээ урт. Манай аяны хөнжил гурван давхараас бүтдэг. Хамгийн дотор талд нь дулаан, тав тухыг мэдрүүлэгч зөөлөн материалтай. Дунд давхарт .... Гурав дахь буюу гадна талд ..... Гадаа -40 градусын хүйтнийг тэсвэрлэх чадвартай. Саяхан манай нэг үйлчлүүлэгч маань хөдөө явж байгаад шатахуун нь дуусч хээр хонох болж. Өмнө нь манайхаас хөнжил авчихаад ерөөсөө хэрэглэж үзээгүй байсан юм билээ. Тэгээд арга буюу ачааныхаа тэвшин дээр ороо засаад унтсан гэсэн. Маргааш нь уулан дээр гарч сүлжээтэй болмогцоо залгаад “танай хөнжил байсан учраас л би амьд гарлаа” гээд маш их баярлачихсан ярьсан. Дараа нь дахин хэд хэдэн удаа холбогдож “ах нь тайгад явна. Үнэхээр дулаахан юмаа. Баярлалаа” гэж хэлсэн. Ер нь манай үйлчлүүлэгчид талархлын сэтгэлээ харамгүй хуваалцдаг шүү. Тэр нь бидэнд илүү сайныг хийх хүсэл бэлэглэдэг юм.
-Идэр есийн хүйтэнд гадаа хоноход даарах нь гэж ойлголоо?
-Тиймээ, манай аяны хөнжлийн өөр нэгэн давуу тал бол гадаах температураас хамаараад тохируулж болно. Өөрөөр хэлбэл гадаа дулаан байх юмуу эсвэл айлд хонох болбол гудсан хэсгээ давхарлаад нөмрөх хэсгээ нимгэлж болно. Мөн зундаа хөнжлөө дэлгээд гэр бүлээрээ унтчихаж болно. Сүүлийн жилүүдэд хүмүүс зуны урин дулаан цагт гэр бүлээрээ амралт зугаалгаар явах нь элбэг болж байна. Хүн болгоны тоогоор гудас хөнжил бэлтгэхэд овор хэмжээнээс эхлээд тээвэрлэлтийн явцад ч бэрхшээлтэй шүү дээ. Түүний оронд манай нэг аяны хөнжлийг аваад явчихвал гурваас дөрвөн ам бүлтэй айл дулаахан, тав тухтай амрах боломжтой. Дээр нь сав баглаа боодол нь ус, чийг нэвтэрэхгүй учир норно хэмээн айх хэрэггүй. Би өмнөх ярилцлаган дээрээ дурдаж байсан Энх тайваны корпус олон улсын байгууллага манай компанитай олон жилийн өмнөөс хамтран ажиллаж байгаа гэж. Аж ахуйн нэгж болоогүй өрхийн үйлдвэрлэл эрхэлдэг байх үеэс бүтээгдэхүүний чанарыг сайшаан одоог хүртэл хамтран ажиллаж байгаа. Тус байгууллагаас ирсэн орон орны төлөөлөгч, сургагч багш нар Монгол улсад ажиллах хугацаандаа манай аяны хөнжлийг хэрэглэдэг. Хэрэглэж үзсэн хүн бүр сэтгэл хангалуун байгаагаа илэрхийлж, бидэнд урам зориг бэлэглэдэг юм. Манай компанийн бас нэгэн давуу тал бол худалдан авалтын дараах засвар үйлчилгээгээ бүрэн хариуцдаг. Хүн жил ирэх тусам өөрчлөгдөж байдаг шүү дээ. Түүндээ тохируулаад аяны хөнжлөө засуулж болно. Өөрчлөлтөнд нь тааруулаад хөнжлийг нь засч өгдөг учраас манай үйлчлүүлэгчид сэтгэл хангалуун байдаг. Тэр сэтгэл ханамжаа ойр тойрныхондоо хуваалцаад дараагийн удаа нөгөө хүмүүс нь үйлчлүүлэхээр хүрэлцэн ирэх жишээний. Өнөөдрийг хүртэл манай компани ямар нэг албан ёсны зар сурталчилгаа ашиглалгүйгээр амжилттай яваагийн нууц хэрэглэгчдийн сэтгэл ханамж.
-Аянын хөнжил зах зээлд амжилт оллоо. Дараагийн бүтээгдэхүүн юу байсан бол?
-Аяны хөнжлийн технологи шийдэл зөв байж гэдэг нь батлагдмагц, үүнийг хувцсанд нэвтрүүлэхээр шийдсэн. Ингээд хэд хэдэн төрлийн аяны хувцас хийж туршиж үзсэн. Би өмнө нь ч хэлж байсан бид бүх бүтээгдэхүүн дээрээ тодорхой хугацаанд судалгаа хийдэг гэж. Аяллын хувцасны тухайд ч мөн хэрэглэгчдийнхээ саналыг сонссон. Аялалд, анд явж байгаа хүмүүс хэрэглэх учраас материалын хувьд ямар нэг дуу чимээ гаргадаггүй буюу өвөлдөө хөлдөж, зундаа чихардаггүй байх ёстой. Мөн байгалийн өнгөнөөс ялгарахгүй байх ёстой. Дээр нь халаасыг хаана байрлуулах вэ. Цахилгаан, кноп байх шаардлагатай юу гэх мэтчилэн нэлээд судалсаны эцэст хамгийн тохиромжтой шийдлийг олсон. Манай бүтээгдэхүүн захиалгаар хийгддэг учраас хэрэглэгчээсээ солгой эсэхийг нь заавал асууна.
-Тэр хамаатай юу?
-Хамаатай байлгүй яахав. Хэрэглээний рефлекс нь өөр байдаг юм. Солгой биш бол баруун гарт зориулсан татахад эвтэйхэн цахилгаанууд хийж өгнө. Жишээлбэл Дагваа аварга гэхэд л солгой. Тэгэхээр Аваргын хувцаснуудын халаас зүүн талдаа байх жишээтэй. Зөвхөн аяны хувцас ч бус буу болон сумны гэр ч гэсэн солгой, барууныг тусгадаг. Загасчлахаар явж байгаа хүмүүс аюултай эд хэрэгсэлтэй их харьцдаг тул түүнийгээ өөрт гэмтэл бэртэл учруулахгүйгээр хийх хэрхэн халаасандаа хийх вэ гэдэгт ч бид бас анхаарал хандуулдаг. Жишээ нь өмдний халаас хажуу талдаа байвал ямар нэг үйлдэл хийхэд халаасан дахь үзүүртэй зүйлс бие рүү хатгах эрсдэлтэй. Тиймээс өмдний халаасыг тэгш буюу гуян дээр байрлуулах нь зохистой байдаг юм. Энэ мэтчилэн хувцас тус бүр дээр судалгаа хийж, хэрэглэгчийнхээ сэтгэл ханамжид нийцүүлдэг. Мөн манайх гутлын түрүү, малгай, цасны бээлий зэргийг үйлдвэрлэдгийг хэлэх нь зүйтэй байх.
-Аяны цүнхний талаар жаахан дэлгэрүүлээч?
-Бороо ус, тоос шороо нэвтэрдэггүй ачаан дээр тавьдаг аяны цүнхийг мөн хийж байгаа. Бүгдийг нь нэг дор багтааж шороо тоос болон бусад зүйлсээс хамгаалах зориулалтай энэ цүнх маань худалдаанд гараад нэг жил болж байгаа хэдий ч хэрэглэгчдийн таашаалыг хүлээсэн бүтээгдэхүүний нэг болсон. Эхлээд худалдан авахдаа бидний хэлж байгаа чанарт эргэлздэг юм шиг байна лээ. Тэгээд өөрөө туршиж үзээд үнэхээр ус, чийг, шороо тоос нэвтэрдэггүй юм байна. Төдөн км явж үзлээ гээд ярьж байх жишээтэй. Үүнээс гадна үйлчлүүлэгчид маань хэрэглээндээ тохируулаад тусгай зориулалтын цүнхнүүд хийлгэдэг. Бид Пицца Хат, Тom n Toms, Хүннү грилл зэрэг компаниудын хүргэлтийн халуун баригчтай цүнхнүүдийг хийж өгсөн.
-Майхан хийдэг үү?
-Маш олон хүн наад асуултыг чинь тавьдаг. Бид ч хийх ажлын төлөвлөгөөндөө оруулчихсан байгаа.Нэг их удахгүй Flames брэндийн майхан та бүхний гарт хүрэх байхаа. Одоо судалгаа хийгдэж байна.
-Өвлийн куртикнууд нэлээд эрэлттэй байх шиг санагдсан? Ер нь Flames зөвхөн анчдын, аялагчдын бус гэр бүлийн хэрэглээ болж байх шиг?
-Зөв олж харжээ. Flames гэр бүлийн бүх гишүүдэд зориулсан үндэсний брэнд болж өргөжиж байна. Эхний удаад өөртөө хувцас захиалсан аав дараагийн удаа гэр бүлийнхнээ дагуулаад ирдэг. Эхнэртээ, хүүхдүүдээ бас ийм хувцас хийлгэмээр байна гээд. Энэ өвөл бид бяцхан үйлчлүүлэгч нартаа зориулж куртик, мөрөвчтэй өмд нэлээд олныг хийлээ. Хамгийн бяцхан үйлчлүүлэгч маань ой таван сартай байсан. Та бүхэн мэдэх байх. Бид биеийн дулааныг хадгалах чадвартай нано материалаар хувцсаа доторлодог.Энэ материалын давуу тал нь биеийн дулааныг 80 хувиар барьж, үрэлтийнхээ явцад 30 хувийн дулаан үйлдвэрлэж байдаг. Дээр нь хөлөргөхгүй. Хөлөргөхгүй учраас даарч хөрөх, ханиад хүрэх зэрэгт санаа зовох шаардлагагүй. Хүүхдүүдэд тун тохиромжтой материал. Дээр нь мэргэжлийн дизайнертай зөвлөлдөж байгаад өнгө загвараа сонгож өөрт хамгийн ихээр таалагдсан хувилбараар хийлгэх боломжтой. Мэдээж дээр дурдсанчлан борлуулалтын дараах бусад үйлчилгээг бид хариуцна. Сүүлийн үед онлайнаар захиалга аваад хүргэлт хийж байна. Ийнхүү онлайнаар захиалга гадаадад амьдарч байгаа монголчууд олноор хандаж байна.
-Цаг үетэйгээ хөл нийлүүлэн алхаж, хэрэглэгчдэдээ хүрч үйлчилдэг танай хамт олонд ажлын амжилт хүсье. Ярилцсан баярлалаа.
-Баярлалаа.
Б.Эрдэнэсүрэн

Чингэлтэй дүүргийн Засаг дарга, Засаг даргын Тамгын газраас ерөнхий боловсролын сургуулиуддаа UNIMAT төхөөрөмжийг үе шаттай нийлүүлж, технологийн кабинетуудыг тохижуулж байна. Уг төхөөрөмжийг 2016 онд 5 сургуульд нийлүүлсэн. Чингэлтэй дүүргийн 25 жилийн ойн хүрээнд 2017 онд нэмж 4 сургуулийн технологийн кабинетийг тохижуулахаар бэлтгэл ажлаа хангаж байна. Мөн 2018 онд 3 сургуулийн технологийн кабинетийг тохижуулахаар төлөвлөсөн.

Технологийн кабинетуудыг тохижуулахдаа багш, сурагчдын амжилт, удирдлагын манлайлал, тухайн кабинетийг цаашид үр дүнтэй ашиглаж, сурагчдыг хөгжүүлэх чадвар зэрэг олон үзүүлэлтийг харгалзан үзнэ.UNIMAT төхөөрөмжийг нийлүүлэх байгууллагыг хуулийн дагуу сонгон шалгаруулах үнэлгээний хороог дүүргийн Засаг даргын Тамгын газрын даргын тушаалаар байгуулж, Үнэлгээний хороо анхны хурлаа хийлээ гэж Чингэлтэй дүүргийн ЗДТГ-аас мэдээллээ.

Ардчилсан намынхны үед Авлигатай тэмцэх газрыг сайн ажилласан гэдэг. Тиймдээ ч төрийн томоохон алба хашиж байсан нөхдүүд хэд хэдээрээ аавын хаалга татаж, төрийн төмөр нүүрийг харуулаад амжсан билээ.

Монгол Улсын Засгийн газар хүн амыг эрүүл, аюулгүй бүтээгдэхүүнээр, боловсруулах үйлдвэрүүдээ түүхий эдээр тогтвортой хангах зорилт тавьж, “Мах сүүний анхдугаар аян”-ыг 2017 оны 01 дүгээр сарын 01-нээс орон даяар өрнүүлж эхэлсэн.

“Эрүүл хүнс-Эрүүл монгол хүн” уриан дор болж байгаа аяныг “МДМ” ХХК дэмжин, хуурай сүүний жижиг оврын төхөөрөмжөө аймгуудын сүү үйлдвэрлэгч, фермер, хоршоологч, мэргэжлийн холбоодын төлөөлөл, эрдэм шинжилгээний байгууллагын ажилтнуудад танилцуулж, сургалт-хэлэлцүүлэг зохион байгууллаа.

Монгол Улсын Ерөнхий сайд Ж.Эрдэнэбат сургалт-хэлэлцүүлгийн нээлтэд оролцож, хуурай сүү үйлдвэрлэх төхөөрөмжтэй танилцав. Шингэн сүүг хатаах зориулалттай, Японд үйлдвэрлэсэн энэ төхөөрөмж ажлын 8 цагт тухайн орон нутгийн сүүний хангамжаас шалтгаалж 240-600 литр сүү боловсруулах хүчин чадалтай юм.

“Манай улс 60 гаруй сая малтай ч гадаадаас хуурай сүү импортоор авдаг. Энэ төхөөрөмжийг орон нутагт ажиллуулснаар байнгын худалдан авагч, хэрэглэгч бий болно. Энэ хэрээр зах зээл дээрх үнэ тогтворжиж, малчин айл өрх ч өдөр тутмын орлоготой байх боломж бүрдэнэ. Цаашид хуурай сүүнийхээ хэрэгцээг дотооддоо хангаж улмаар экспортод гаргах хэмжээнд очих зорилт тавьсан. Монголчууд хийж чаддаг зүйлээ өөрсдөө үйлдвэрлэе, хийсэн бүтээгдэхүүн маань иргэдийн хэрэглээ, шаардлагыг хангасан байх ёстой” гэж Монгол Улсын Ерөнхий сайд Ж.Эрдэнэбат хэлэв.

Хуурай сүү үйлдвэрлэх энэхүү төхөөрөмжийг 2017-2025 он хүртэл хугацаанд нэвтрүүлснээр 6000-8000 тогтмол ажлын байр бий болно гэж тооцоолж байна.

Манай улс иргэдийнхээ хэрэглээнээс гадна жилд 400 гаруй сая литр шингэн сүү боловсруулах боломжтой. Гэвч түүхий эд бэлтгэх оновчтой тогтолцоогүй, техник, технологи хуучирсан, эргэлтийн хөрөнгө тааруу зэрэг шалтгаанаас болж сүү боловсруулах үйлдвэрүүд хүчин чадлынхаа 10 хүрэхгүй хувийг л ашигладаг. Жил бүр 4000 гаруй тонн хуурай сүү импортоор авч хэрэглэдэг бөгөөд энэ нь шингэн сүүнд шилжүүлэн тооцвол 35 орчим мянган тонн гэсэн үг юм хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын чуулганы нэгдсэн хуралдаанаар Монгол Улсын Хөгжлийн банкны тухай хуулийг дагаж мөрдөх журмын тухай хуулийн төсөл, Төв банк /Монголбанк/-ны тухай болон Төсвийн тухай хуульд өөрчлөлт оруулах тухай, Монгол Улсын Хөгжлийн банкны тухай хуулийг хүчингүй болсонд тооцох тухай хуулийн төслүүдээр МАН-ын бүлэг нэг хоногийн завсарлага авлаа.